Efesios 1:23 - Mixteco del suroeste de Tlaxiaco Oaxaca

²³ Jee maáórán kúvi‑ó yɨkɨkúñu re̱ꞌ, chi nɨꞌɨ ya̱ íyó Cristo kukánáa ánímaꞌ‑ó ne̱ natɨɨn iniꞌ maáréꞌ. Jee maáréꞌ íyó chitú nɨ́ɨ́nkáꞌnú nu̱u̱nꞌ nɨꞌɨ ya̱ íyó, sáva koo nɨꞌɨ sáni kuíni re̱ꞌ.

Efesios 1:23 ပူးပေါင်းရင်းမြစ်များ

Juan 1:16

Chi ntántúníꞌ ya̱ váꞌa íyó nu̱u̱nꞌ re̱ꞌ, jee nu̱u̱nꞌ nɨꞌɨ vá níꞌínꞌ nta̱ká‑ó maa, jee sukuáni sukuáni kúváꞌa iniꞌ re̱ꞌ chíneí re̱ꞌ yó.

Romanos 13:5

Jee saáva íyó chiꞌi‑ó maáó xi̱ntíín ráa, nsú kua̱chi kuitɨꞌ jie̱ꞌe̱ꞌ ya̱ xinóꞌo ráa, chisaꞌ suni jie̱ꞌe̱ꞌ ya̱ jíníꞌ‑ó iniꞌ ánímaꞌ‑ó ya̱ íyó na̱a̱ꞌ sáꞌá‑ó sukuán sáni kuíni Ndiosíꞌ.

1 Corintios 12:6

Jee sɨ́ɨ́n sɨ́ɨ́n íyó rá tiñu sáꞌá ta ɨɨn ɨɨn‑ó, soo métúꞌún ni Ndiosíꞌ íyó jee maáréꞌ ví ya̱ sáꞌá rá tiñu vá iniꞌ ntáká‑ó chi chíneí re̱ꞌ yó sáꞌá‑ó ntáká tiñu ya̱ kuíni re̱ꞌ.

1 Corintios 15:28

Jee sáá nɨꞌɨ ki̱vɨ xi̱ntíín Cristo, saájee suni maá Cristo, ya̱ kúvi re̱ꞌ Se̱ꞌya Ndiosíꞌ, jee suni chiꞌi‑i maáa xi̱ntíín Tátáꞌ‑a Ndiosíꞌ, ya̱ nchiꞌi kua̱íyó kuitɨꞌ ya̱ íyó xi̱ntíín‑i. Saꞌá ráa suꞌva sáva nakɨ̱ꞌɨ kua̱íyó kuitɨꞌ xi̱ntíín maá Ndiosíꞌ ya̱ kúñáꞌnú nasɨ́kuitɨꞌ, chi nɨꞌɨ kua̱íyó nakɨ̱ꞌɨ xi̱ntíín métúꞌún re̱ꞌ.

Efesios 2:16

Jee jie̱ꞌe̱ꞌ ya̱ níꞌiꞌ re̱ꞌ nu̱u̱nꞌ kurúsiꞌ, jee nsa̱ꞌá re̱ꞌ ya̱ nnuma̱ni̱ꞌ ñɨvɨ Israel jín ñɨvɨ ntu kúvi Israel nu̱u̱nꞌ Ndiosíꞌ, chi ni núvíꞌ‑ó yɨ́ꞌɨ́‑ó nu̱u̱nꞌ re̱ꞌ, kuéntáꞌ kúvi‑ó ɨɨn yɨkɨkúñu. Chi sukuán nxi̱náánꞌ Cristo tu̱ꞌun ya̱ jíníꞌ u̱ꞌvi̱ꞌ táꞌán‑ó.

Efesios 3:10

Sukuán nsa̱ꞌá re̱ꞌ sáva rá najiáꞌáꞌ ííꞌ re̱ꞌ rá kúñáꞌnú jín rá nísotíñú ya̱ nééꞌ ráa antivɨ́ súkún, jee sáá kune̱ꞌyá ráa nu̱u̱nꞌ tiñu sáꞌá re̱ꞌ iniꞌ rá ñɨvɨ ya̱ kúneí iniꞌ ráa Jesús, jee kuniꞌ ráa ya̱ ntáká nu̱u̱nꞌ ntántúníꞌ níchí nasɨ́kuitɨꞌ ka̱ꞌ Ndiosíꞌ.

Efesios 3:19

Jee suni sukuán jíkánꞌ táꞌvíꞌ ni̱ꞌ ya̱ kuniꞌ va̱ꞌa rán jie̱ꞌe̱ꞌ tu̱ꞌun ñúnúunꞌ Cristo yó, ya̱ ntántúníꞌ nasɨ́kuitɨꞌ ka̱ꞌ jiáꞌa‑a nu̱u̱nꞌ nɨꞌɨ, ya̱ nsú kua̱ꞌ kenta‑ó ki̱ku̱ꞌun iniꞌ‑ó nɨꞌɨ‑ɨ. Sukuán jíkánꞌ táꞌvíꞌ ni̱ꞌ sáva kua̱íyó ya̱ íyó Ndiosíꞌ kukánáa ánímaꞌ rán ne̱ natɨɨn rán iniꞌ maáréꞌ.

Efesios 4:10

Jee maáréꞌ ya̱ nkiji nkuun re̱ꞌ nu̱u̱nꞌ ñɨ̱vɨ́ yaꞌá, jee suni maáréꞌ vá nnaa ne̱ nu̱u̱nꞌ súkún ka̱ꞌ ne̱ antivɨ́ nu̱u̱nꞌ kúñáꞌnú re̱ꞌ, jee nɨ́ɨ́nkáꞌnú íyó chítú re̱ꞌ tátúníꞌ re̱ꞌ kua̱íyó.

Efesios 4:12

Njia̱ꞌa re̱ꞌ rá tiñu vá nu̱u̱nꞌ ráa sáva sikújia ráa iniꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ kúvi ñɨvɨ re̱ꞌ. Síkújia ráa iniꞌ maáó ya̱ kúvi‑ó rá ñɨvɨ re̱ꞌ sáva kɨtíñú‑ó saꞌá‑ó tiñu re̱ꞌ nu̱u̱nꞌ ɨɨn inka táꞌán‑ó, sáva sikuéꞌnu‑ó ɨɨn inka táꞌán‑ó, ya̱ ɨɨn ni ñɨvɨ kuvi‑ó nu̱u̱nꞌ Cristo, kuéntáꞌ ɨɨn yɨkɨkúñu.

Efesios 4:13

Jee sikuéꞌnu‑ó ɨɨn inka táꞌán‑ó ne̱kua̱ꞌ ntáká‑ó kenta nunuún iniꞌ‑ó nu̱u̱nꞌ tu̱ꞌun kúneí iniꞌ‑ó Se̱ꞌya Ndiosíꞌ, jín nu̱u̱nꞌ tu̱ꞌun kuniꞌ va̱ꞌa‑ó ka̱ꞌ iniꞌ re̱ꞌ, ne̱kua̱ꞌ kenta kujia va̱ꞌa iniꞌ‑ó ne̱ kuna̱a̱ꞌ‑ó natɨɨn‑ó iniꞌ Cristo na̱sa íyó re̱ꞌ.

Efesios 4:4

Chi ɨɨn ni kuvi‑ó nu̱u̱nꞌ Ndiosíꞌ, kuéntáꞌ ɨɨn yɨkɨkúñu, jee ɨɨn ni Ta̱chi̱ꞌ Ííꞌ re̱ꞌ íyó jín‑ó, sánikua̱ꞌ suni nkana Ndiosíꞌ yó ya̱ ɨɨn nuún ni íyó tu̱neí iniꞌ‑ó ya̱ ni̱ꞌi̱nꞌ‑ó kuneeꞌ‑ó jín Cristo, chi nkana re̱ꞌ yó sáva ni̱ꞌi̱nꞌ‑ó maa.

Colosenses 1:24

Vitan jee nuꞌuꞌ, ne̱ ánímaꞌ ni̱ꞌ kúsɨ́ɨꞌ víꞌí iniꞌ ni̱ꞌ ya̱ nóꞌo ni̱ꞌ jie̱ꞌe̱ꞌ tiñu sáꞌá ni̱ꞌ jie̱ꞌe̱ꞌ ya̱ váꞌa ránoꞌó. Sáni nnoꞌo Cristo jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, suni sukuán ne̱ yɨkɨkúñu máá maáníꞌ nóꞌo ni̱ꞌ ni síkúnkuvi ni̱ꞌ tiñu Cristo jie̱ꞌe̱ꞌ ya̱ váꞌa maáráa, ya̱ kúvi ráa kuéntáꞌ yɨkɨkúñu re̱ꞌ, ya̱ kúvi ráa ñɨvɨ re̱ꞌ ya̱ nstútú re̱ꞌ.

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

Colosenses 3:11

Jee saáva ntu̱náꞌ ítú iniꞌ retú ntu kúvi‑ó ñɨvɨ Israel, áxí kúvi‑ó ñɨvɨ Israel, retú níso yɨkɨkúñu‑ó seña ñɨvɨ Israel naní circuncisión, áxí ntu níso‑ó maa, retú kúvi‑ó rá to̱ꞌo̱ꞌ, áxí ñɨvɨ ñuunꞌ láꞌví, retú kúvi‑ó musúꞌ ya̱ kéꞌen ñɨvɨ maa, áxí ñɨvɨ ya̱ yɨ́tíñú nu̱u̱nꞌ tiñu maáa. Chi I̱toꞌoꞌ kua̱íyó kuitɨꞌ‑ó ví Cristo, jee yɨ́ꞌɨ́ re̱ꞌ iniꞌ kua̱íyó kuitɨꞌ‑ó.

Colosenses 3:15

Jee ku̱ꞌva rán ya̱ tatúníꞌ Cristo iniꞌ ánímaꞌ rán sáva kuneeꞌ ñunkúún rán jín ɨɨn inka rán. Chi nkana Ndiosíꞌ ránoꞌó sáva koo rán suꞌva, sáva ɨɨn nuún koo iniꞌ rán, kuéntáꞌ ɨɨn ni yɨkɨkúñu kúvi rán. Jee koo ya̱ kútaꞌviꞌ rán nu̱u̱nꞌ Ndiosíꞌ.