Efesios 1:17 - Mixteco del suroeste de Tlaxiaco Oaxaca

¹⁷ Jíkánꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo, jee kúvi re̱ꞌ Tátáꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ. Jíkánꞌ ni̱ꞌ nu̱u̱nꞌ re̱ꞌ sáva taji re̱ꞌ ya̱ ta̱nɨ̱ꞌ ka̱ꞌ xi̱ni̱ꞌ rán saꞌá Ta̱chi̱ꞌ Ííꞌ re̱ꞌ, jín ya̱ tɨɨn rán ya̱ naáꞌ ya̱ stúvi re̱ꞌ nu̱u̱nꞌ rán jie̱ꞌe̱ꞌ re̱ꞌ, sáva kuniꞌ rán ka̱ꞌ jie̱ꞌe̱ꞌ re̱ꞌ.

Efesios 1:17 ပူးပေါင်းရင်းမြစ်များ

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.

Mateo 11:27

’Maá Tátáꞌ ni̱ꞌ, nna̱taji re̱ꞌ ntáká ya̱ íyó nu̱u̱nꞌ nuꞌuꞌ. Jee ni ɨɨn ñɨvɨ ntu jíníꞌ ráa iniꞌ ni̱ꞌ né ɨɨn kúvi nuꞌuꞌ, ya̱ kúvi ni̱ꞌ Se̱ꞌya re̱ꞌ, chisaꞌ métúꞌún Tátáꞌ ni̱ꞌ Ndiosíꞌ ví ya̱ jíníꞌ re̱ꞌ iniꞌ ni̱ꞌ né ɨɨn kúvi nuꞌuꞌ. Jee suni ni ɨɨn ntu̱náꞌ jíníꞌ iniꞌ Tátáꞌ ni̱ꞌ né ɨɨn kúvi re̱ꞌ, chisaꞌ nuꞌuꞌ ya̱ kúvi ni̱ꞌ Se̱ꞌya re̱ꞌ jíníꞌ ni̱ꞌ iniꞌ re̱ꞌ né ɨɨn kúvi re̱ꞌ, jee néni ɨɨn ñɨvɨ ya̱ kuíni ni̱ꞌ stúvi ni̱ꞌ maa nu̱u̱nꞌ ráa jee kuniꞌ ráa iniꞌ Ndiosíꞌ né ɨɨn kúvi re̱ꞌ, chi nuꞌuꞌ ya̱ kúvi ni̱ꞌ Se̱ꞌya re̱ꞌ stúvi ni̱ꞌ maa nu̱u̱nꞌ ráa.

Mateo 16:17

Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 20:33

Jee nkachiꞌ ráa: ―I̱toꞌoꞌ, kuíni rán ya̱ nunijinꞌ nchinúún ráníꞌ sáva kuvi nakune̱ꞌyá ránꞌ ―nkachiꞌ ráa.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Lucas 12:12

Chi maa hora yukuán jee máá Ta̱chi̱ꞌ Ííꞌ taji‑i nu̱u̱nꞌ rán tu̱ꞌun íyó kachiꞌ rán ―nkachiꞌ Jesús.

Lucas 2:14

¡Na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Ndiosíꞌ ya̱ íyó re̱ꞌ ne̱ antivɨ́, jee nu̱u̱nꞌ ñɨ̱vɨ́ nakuneeꞌ va̱ꞌa rá ñɨvɨ jín Ndiosíꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ ráa! Nkachiꞌ rá najiáꞌáꞌ ííꞌ vá.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

Juan 14:17

Máá Ta̱chi̱ꞌ Ííꞌ Ndiosíꞌ ví ya̱ chuichí re̱ꞌ, jee xínéꞌénꞌ‑e ya̱ naáꞌ jie̱ꞌe̱ꞌ Ndiosíꞌ. Jee rá ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ Ndiosíꞌ, jee ntu̱ví kúvi ni̱ꞌi̱nꞌ ráa maa, chi ntu̱ví néꞌyá nijinꞌ ráa maa, jee ni ntu̱ví jíníꞌ ráa iniꞌ‑i. Soo ránoꞌó chi ya̱ jíníꞌ rán iniꞌ‑i chi ya̱ íyó‑o jín rán jee kɨꞌɨ‑ɨ iniꞌ rán.

Juan 14:26

Soo nu̱u̱nꞌ súví nuꞌuꞌ chuichí Tátáꞌ ni̱ꞌ Ta̱chi̱ꞌ Ííꞌ re̱ꞌ kiji‑i ya̱ maáa ví ya̱ chineí chituvi‑i nachuꞌun neí‑i iniꞌ ránoꞌó. Jee maáa vá xinéꞌénꞌ‑e ránoꞌó jie̱ꞌe̱ꞌ ntáká tu̱ꞌun ni̱ꞌ jee xinákúꞌun‑u iniꞌ rán ntáká tu̱ꞌun ni̱ꞌ ya̱ nkachiꞌ ni̱ꞌ nu̱u̱nꞌ rán.

Juan 16:3

Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.

Juan 17:3

Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Hechos 6:10

Soo ntu̱né nníꞌínꞌ ráa kuneí ráa jín re̱ꞌ, chi níchí xíniꞌ re̱ꞌ, jee njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ re̱ꞌ sákachiꞌ re̱ꞌ.

Hechos 7:2

Jee nkachiꞌ Esteban: ―¡Ránoꞌó ñaniꞌ jín ránoꞌó tátáꞌ! ¡Teso̱ꞌo rán nuꞌuꞌ! Viiꞌ kúñáꞌnú maá Ndiosíꞌ, jee nkitu̱vi re̱ꞌ nu̱u̱nꞌ maá jííꞌ‑ó yanaꞌán, Abraham, ni nneeꞌ re̱ꞌ ñuunꞌ Mesopotamia, ne̱sá ntiáꞌan kuneeꞌ re̱ꞌ ñuunꞌ Harán.

Romanos 1:28

Nu̱u̱nꞌ nku̱ichi iniꞌ ráa tɨɨn kuéntáꞌ ráa ya̱ íyó Ndiosíꞌ. Nna̱siáꞌa Ndiosíꞌ ráa nu̱u̱nꞌ antúníꞌ kánéꞌí ráa sáva saꞌá ráa tiñu ya̱ ntu̱ví íyó saꞌá ráa.

Romanos 15:6

Sáva ɨɨn nuún tútú ntáká rán kuéntáꞌ ɨɨn ni ta̱chi̱yuꞌú rán, nakuetúꞌún rán Ndiosíꞌ, ya̱ kúvi Tátáꞌ I̱toꞌoꞌ‑ó Jesús ya̱ kúvi Cristo.

1 Corintios 12:8

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

1 Corintios 14:6

Jee saáva ránoꞌó ñaniꞌ jín ku̱ꞌva, retú kua̱jiaaꞌ ni̱ꞌ nu̱u̱nꞌ nééꞌ rán jee retú kaꞌanꞌ ni̱ꞌ jín ɨɨn nu̱u̱nꞌ tu̱ꞌun ya̱ ntu̱ví jiáku̱ꞌun iniꞌ rán, jee, ¿na̱sa kuvi ya̱ váꞌa tu̱ꞌun vá nu̱u̱nꞌ rán rúja? Chisaꞌ kuvi ya̱ váꞌa nu̱u̱nꞌ rán retú káꞌánꞌ ni̱ꞌ jín rán rá tu̱ꞌun ya̱ nstúvi Ndiosíꞌ nu̱u̱nꞌ ni̱ꞌ, áxí va̱ni xínéꞌénꞌ ni̱ꞌ ránoꞌó rá Tu̱ꞌun Ndiosíꞌ ya̱ nsa̱ꞌá re̱ꞌ ya̱ jíníꞌ va̱ꞌa ni̱ꞌ maa, áxí va̱ni nákani ni̱ꞌ tu̱ꞌun kéne yuꞌú re̱ꞌ nu̱u̱nꞌ rán, áxí va̱ni xínéꞌénꞌ ni̱ꞌ ránoꞌó rá tu̱ꞌun re̱ꞌ.

1 Corintios 2:10

Chisaꞌ nsa̱ꞌá Ndiosíꞌ ya̱ stúvi Ta̱chi̱ꞌ Ííꞌ re̱ꞌ maa nu̱u̱nꞌ ráníꞌ, chi maá Ta̱chi̱ꞌ Ííꞌ Ndiosíꞌ vá nánukútúꞌun va̱ꞌa nɨꞌɨ kuitɨꞌ re̱ꞌ ná kúvi ya̱ yɨ́ꞌɨ́ yuꞌuꞌ ya̱ jiáni iniꞌ maá Ndiosíꞌ.

1 Corintios 2:8

Jee ni ɨɨn te̱e kúñáꞌnú ya̱ nísotíñú iniꞌ ñɨ̱vɨ́ yaꞌá tiempúꞌ vitan, ntu̱ví ña̱ku̱ꞌun iniꞌ ráa tu̱ꞌun níchí Ndiosíꞌ ya̱ káꞌánꞌ jie̱ꞌe̱ꞌ Cristo. Chi retánꞌ ña̱ku̱ꞌun iniꞌ ráa maa, jee yukuán jee nka̱ꞌníꞌ ráa I̱toꞌoꞌ‑ó Cristo nékúvi, ya̱ maáréꞌ vá viiꞌ nasɨ́kuitɨꞌ kúñáꞌnú nu̱u̱nꞌ nɨꞌɨ.

2 Corintios 12:1

Jee ntu̱náꞌ íyótiñu ya̱ kaꞌanꞌ téyɨ́ɨ́ ni̱ꞌ. Saáva kaꞌanꞌ ni̱ꞌ jie̱ꞌe̱ꞌ ya̱ nxi̱nénu̱u̱nꞌ I̱toꞌoꞌ‑ó nu̱u̱nꞌ nuꞌuꞌ, jín jie̱ꞌe̱ꞌ ya̱ nstúvi re̱ꞌ nu̱u̱nꞌ ni̱ꞌ.

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

Efesios 3:5

Jee tiempúꞌ yanaꞌán jee ni ntu nstúvi Ndiosíꞌ maa nu̱u̱nꞌ rá ñɨvɨ, kua̱ꞌ nstúvi kájí Ta̱chi̱ꞌ Ííꞌ re̱ꞌ maa vitan nu̱u̱nꞌ rá te̱e re̱ꞌ ya̱ níso tiñu apóstol jín nu̱u̱nꞌ rá te̱e nákani tu̱ꞌun kéne yuꞌú re̱ꞌ, rá nsa̱ꞌá sɨ́ɨ́n re̱ꞌ sáva kɨtíñú ráa nu̱u̱nꞌ re̱ꞌ.

Efesios 4:13

Jee sikuéꞌnu‑ó ɨɨn inka táꞌán‑ó ne̱kua̱ꞌ ntáká‑ó kenta nunuún iniꞌ‑ó nu̱u̱nꞌ tu̱ꞌun kúneí iniꞌ‑ó Se̱ꞌya Ndiosíꞌ, jín nu̱u̱nꞌ tu̱ꞌun kuniꞌ va̱ꞌa‑ó ka̱ꞌ iniꞌ re̱ꞌ, ne̱kua̱ꞌ kenta kujia va̱ꞌa iniꞌ‑ó ne̱ kuna̱a̱ꞌ‑ó natɨɨn‑ó iniꞌ Cristo na̱sa íyó re̱ꞌ.

Filipenses 3:15

Saájee nta̱ká‑ó ya̱ nijia iniꞌ‑ó kuiñɨ‑ó ichi Jesús, jee íyó kuꞌun iniꞌ‑ó suꞌva. Jee retú sɨ́ɨ́n ñúꞌún iniꞌ rán jie̱ꞌe̱ꞌ néni ɨɨn tiñu, Ndiosíꞌ suni stúvi re̱ꞌ nu̱u̱nꞌ rán ya̱ íyó kuꞌun iniꞌ rán sáni nkachiꞌ ni̱ꞌ.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

Tito 1:1

Maáníꞌ, Pablo, ya̱ kúvi ni̱ꞌ musúꞌ ya̱ jiátíñú Ndiosíꞌ. Jee suni níso ni̱ꞌ tiñu apóstol, ya̱ nchu̱ichí Jesucristo nuꞌuꞌ, sáva ku̱ꞌva ni̱ꞌ tu̱ꞌun re̱ꞌ nu̱u̱nꞌ rá ñɨvɨ, sáva rá ñɨvɨ ya̱ nka̱ji Ndiosíꞌ ráa kuneí iniꞌ ráa maa, jee sáva kuniꞌ noo ráa tu̱ꞌun na̱a̱ꞌ, jee sáva kunikɨnꞌ ráa ichi na̱a̱ꞌ nu̱u̱nꞌ Ndiosíꞌ sáni kuíni re̱ꞌ,

Santiago 2:1

Ránoꞌó ñaniꞌ ni̱ꞌ jín ku̱ꞌva ni̱ꞌ, jie̱ꞌe̱ꞌ kúneí iniꞌ rán I̱toꞌoꞌ‑ó Jesús ya̱ kúvi Cristo, ya̱ viiꞌ nasɨ́kuitɨꞌ kúñáꞌnú re̱ꞌ, jee sukuán koto sáꞌá rán kuéntáꞌ na̱sa íyó ɨɨn ɨɨn ñɨvɨ, chisaꞌ ɨɨn nuún ni saꞌá‑ó maáó jín nɨꞌɨ ñɨvɨ.

2 Pedro 1:3

Chi jín fuersáꞌ ííꞌ níso Ndiosíꞌ jee ntaji re̱ꞌ nɨꞌɨ nu̱u̱nꞌ‑ó ya̱ jíniñúꞌún‑ó sáva kueꞌnu na̱a̱ꞌ‑ó ñɨ̱vɨ́ yaꞌá sáni kuíni re̱ꞌ jín sáva kɨtíñú‑ó nu̱u̱nꞌ Ndiosíꞌ. Ntaji re̱ꞌ maa jie̱ꞌe̱ꞌ jíníꞌ‑ó na̱ja iniꞌ maáréꞌ, chi maáréꞌ ví ya̱ nkana re̱ꞌ yó, jie̱ꞌe̱ꞌ ya̱ kúñáꞌnú nasɨ́kuitɨꞌ re̱ꞌ jín jie̱ꞌe̱ꞌ va̱ꞌa iniꞌ re̱ꞌ.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.

Apoclipsis 7:12

Jee nkachiꞌ ráa: Sukuán koo, na̱ ka̱ꞌ vá nakuetúꞌún‑ó Ndiosíꞌ‑ó nɨ́ɨ́nkání nta̱ká tiempúꞌ, jín ya̱ viiꞌ víꞌí kúñáꞌnú re̱ꞌ, jín ya̱ níchí víꞌí re̱ꞌ, jín ya̱ ku̱ꞌva‑ó ya̱ kútaꞌviꞌ nu̱u̱nꞌ re̱ꞌ, jín ya̱ nakuatáꞌví‑ó re̱ꞌ, jín ya̱ kuneí re̱ꞌ jín ntáká tiñu ya̱ sáꞌá re̱ꞌ, jín ya̱ níso re̱ꞌ fesáꞌ ííꞌ níꞌin re̱ꞌ nta̱ká tiempúꞌ nɨ́ɨ́nkání. Sukuán koo, nkachiꞌ rá najiáꞌáꞌ ííꞌ re̱ꞌ.