Apoclipsis 9:5 - Mixteco del suroeste de Tlaxiaco Oaxaca

⁵ Soo ntu nníꞌínꞌ rátíꞌ nísotíñú rátíꞌ ya̱ kaꞌniꞌ rátíꞌ ráa, chisaꞌ kua̱chi kuitɨꞌ íyó xinóꞌo rátíꞌ ráa u̱ꞌu̱nꞌ yo̱o̱ꞌ. Jee saꞌá rátíꞌ ya̱ kunoꞌo ráa kuéntáꞌ kua̱ꞌ nóꞌo ɨɨn ñɨvɨ ya̱ túvi ɨɨn ti̱suꞌmaꞌ xe̱e̱nꞌ maa.

Apoclipsis 9:5 ပူးပေါင်းရင်းမြစ်များ

Juan 19:11

Soo nna̱xiníkó Jesús: ―Ntu̱ví íyó na̱ tiñu kuniso nú sáva sanáaꞌ nú si̱kɨ̱ꞌ nuꞌuꞌ, retánꞌ nsú Ndiosíꞌ nééꞌ antivɨ́ súkún ntaji re̱ꞌ tiñu vá níso nú. Jee saáva te̱e ya̱ nna̱tají re̱ꞌ nuꞌuꞌ xi̱ntíín noꞌó, jee suvire̱ꞌ vá íyó ka̱ꞌ kua̱chi si̱kɨ̱ꞌ re̱ꞌ nsú káꞌ noꞌó.

Apoclipsis 11:7

Jee sáá kuneí ráa sijínu ráa naku̱ꞌva ráa ya̱ naáꞌ jie̱ꞌe̱ꞌ Tu̱ꞌun Ndiosíꞌ, saájee kene máá kitɨ xéénꞌ kákini ne̱ numaꞌ ya̱ ntu jínu nu̱u̱nꞌ kúnú‑u, jee kantáꞌán‑a jín ni núvíꞌ ráa, jee kuneí‑i jín ráa jee kaꞌniꞌ‑i ráa.

Apoclipsis 13:5

Jee suni njia̱ꞌa nu̱u̱nꞌ kitɨ xéénꞌ kákini vá ya̱ káꞌánꞌ ti̱ꞌ tu̱ꞌun téyɨ́ɨ́ jín tu̱ꞌun niva̱ꞌa si̱kɨ̱ꞌ Ndiosíꞌ, jee njia̱ꞌa nu̱u̱nꞌ ti̱ꞌ ya̱ kunisotíñú ti̱ꞌ sáva saꞌá ti̱ꞌ tiñu u̱vi̱xiko u̱vi̱ꞌ (42) yo̱o̱ꞌ.

Apoclipsis 13:7

Jee njia̱ꞌa nu̱u̱nꞌ ti̱ꞌ ya̱ kantáꞌán ti̱ꞌ jín rá ñɨvɨ ya̱ nsa̱ꞌá sɨ́ɨ́n Ndiosíꞌ ya̱ yɨ́ꞌɨ́ ráa nu̱u̱nꞌ re̱ꞌ, jee kuneí ti̱ꞌ jín ráa. Jee suni njia̱ꞌa tiñu ya̱ nísotíñú ti̱ꞌ tátúníꞌ ti̱ꞌ nu̱u̱nꞌ kua̱íyó rá ñɨvɨ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká nu̱u̱nꞌ rá ñɨvɨ.

Apoclipsis 9:10

Jee su̱ꞌma̱ꞌ rátíꞌ íyó‑o kuéntáꞌ íyó su̱ꞌma̱ꞌ ti̱suꞌmaꞌ, chi suni yósóꞌ iñu xi̱ni̱ꞌ su̱ꞌma̱ꞌ rátíꞌ. Jee su̱ꞌma̱ꞌ rátíꞌ íyó fuersáꞌ rátíꞌ sáva xinóꞌo rátíꞌ rá ñɨvɨ u̱ꞌu̱nꞌ yo̱o̱ꞌ.

Apoclipsis 9:3

Jee nu̱u̱nꞌ ñu̱ꞌma̱ꞌ vá nkene víꞌí rá lito̱o̱ꞌ máá náꞌnú ya̱ kútáꞌán jín ñu̱ꞌma̱ꞌ, jee nkenta rátíꞌ nu̱u̱nꞌ ñu̱ꞌún. Jee nni̱ꞌi̱nꞌ rátíꞌ nísotíñú rátíꞌ ya̱ saꞌá kini rátíꞌ kuéntáꞌ kua̱ꞌ sáꞌá rá ti̱suꞌmaꞌ xe̱e̱nꞌ ya̱ íyó iniꞌ ñɨ̱vɨ́.