Apoclipsis 9:2 - Mixteco del suroeste de Tlaxiaco Oaxaca

² Saájee nine‑e yuꞌú numaꞌ kúnú vá, jee nkene ñu̱ꞌma̱ꞌ yukuán kuéntáꞌ kua̱ꞌ kéne ñu̱ꞌma̱ꞌ ɨɨn i̱tu̱nꞌ máá nasɨ́ víꞌí. Jee ñu̱ꞌma̱ꞌ ya̱ kéne numaꞌ vá nna̱sáneenꞌ‑e nka̱niiꞌ jee ñasɨꞌ‑ɨ nu̱u̱nꞌ ta̱chi̱ꞌ víjin.

Apoclipsis 9:2 ပူးပေါင်းရင်းမြစ်များ

Génesis 15:17

Sáá ntaꞌanꞌ nka̱niiꞌ nku̱neenꞌ víꞌí jee niniꞌ Abram ɨɨn ya̱ íyó kuéntáꞌ i̱tu̱nꞌ nu̱u̱nꞌ kéne ñu̱ꞌma̱ꞌ jín ɨɨn ítɨ́ sújié ya̱ ntɨ́ɨn ñuꞌunꞌ, jee jiáꞌa ráa ma̱ꞌñú rá kitɨ níꞌiꞌ vá.

Génesis 19:28

Jee nna̱kune̱ꞌyá‑a nu̱u̱nꞌ káá rá ñuunꞌ Sodoma jín Gomorra, jín ntáká ichinúúnꞌ káá ñuꞌun ñuunꞌ vá, jee niniꞌ‑i ya̱ kéne ñu̱ꞌma̱ꞌ ñuꞌun vá kuéntáꞌ retánꞌ kua̱ꞌ ɨɨn i̱tu̱nꞌ.

Hechos 2:19

Jee saꞌá ni̱ꞌ rá a̱nasɨ́ kuvi súkún nu̱u̱nꞌ kúvi súkún ya̱ ti̱vɨ́ xíniꞌ rá ñɨvɨ. Jee saꞌá ni̱ꞌ rá seña a̱nasɨ́ chi̱ji nu̱u̱nꞌ kúvi nu̱u̱nꞌ ñɨ̱vɨ́ ya̱ kuniꞌ ráa ya̱ kúñáꞌnú ni̱ꞌ: chi koo ni̱ñɨ̱ꞌ, jee koo ñuꞌunꞌ, jín vi̱ko̱ꞌ ñu̱ꞌmáꞌ.

Apoclipsis 14:11

Jee ñu̱ꞌma̱ꞌ ya̱ káyúꞌ ráa yukuán kɨ̱nkaa‑a nɨ́ɨ́nkání kuitɨꞌ. Jee ni nsáꞌ koo tu̱najia̱ví ráa nuví niñuꞌ nu̱u̱nꞌ tu̱nóꞌó kunoꞌo ráa, jie̱ꞌe̱ꞌ ya̱ néñu̱ꞌun ráa kitɨ xéénꞌ kákini vá, jín santúꞌ ñunéꞌyúꞌ máá maátíꞌ, jín retú néni ɨɨn ni̱ꞌi̱nꞌ‑i kuniso‑o seña súví ti̱ꞌ.

Apoclipsis 16:10

Saájee ya̱ úꞌúnꞌ najiáꞌáꞌ ííꞌ nsi̱kúténuun‑u tu̱nóꞌó ñuꞌun iniꞌ ko̱ꞌo̱ꞌ‑o nu̱u̱nꞌ nééꞌ kitɨ xéénꞌ kákini vá tátúníꞌ ti̱ꞌ. Jee nnu̱neenꞌ nu̱u̱nꞌ tátúníꞌ ti̱ꞌ, jee ne̱ nákayɨꞌɨ́ rá ñɨvɨ ti̱ꞌ yáá ráa ya̱ máá yájíꞌ víꞌí ñunéꞌyúꞌ ráa.

Apoclipsis 8:12

Jee najiáꞌáꞌ ííꞌ kúmíꞌ nti̱vɨ̱ꞌ‑ɨ trompeta‑a. Jee ɨɨn ya̱ uníꞌ parte nka̱niiꞌ, jín suni ɨɨn ya̱ uníꞌ parte yo̱o̱ꞌ, jín suni ɨɨn ya̱ uníꞌ parte rá tiu̱u̱nꞌ nti̱vɨ́ ráa. Jee nnu̱neenꞌ rá parte vá, jee ntu ka̱ꞌ túúnꞌ ñuꞌunꞌ ráa ya̱ uníꞌ parte nuví ya̱ uníꞌ parte yakuááꞌ.

Apoclipsis 9:1

Saájee najiáꞌáꞌ ííꞌ úꞌúnꞌ nti̱vɨ̱ꞌ‑ɨ trompeta‑a. Jee niniꞌ ni̱ꞌ ɨɨn tiu̱u̱nꞌ nkene‑e ne̱ súkún va̱ji‑i ñe̱te̱ꞌ‑e nu̱u̱nꞌ ñu̱ꞌún iniꞌ ñɨ̱vɨ́. Jee nni̱ꞌi̱nꞌ‑i nakáa ya̱ jíne‑e yuꞌú numaꞌ ya̱ ntu jínu nu̱u̱nꞌ kúnú‑u.

Apoclipsis 9:11

Jee íyó ɨɨn ya tátúníꞌ ya̱ kúñáꞌnú nu̱u̱nꞌ rátíꞌ. Kúvi‑i ɨɨn najiáꞌáꞌ kánéꞌén ya̱ kúmí‑i numaꞌ yukuán ya̱ ntu jínu nu̱u̱nꞌ kúnú‑u. Jee tu̱ꞌun káꞌánꞌ rá ñɨvɨ hebreo súví najiáꞌáꞌ vá ví Abadón, jee tu̱ꞌun káꞌánꞌ rá ñɨvɨ griego súví najiáꞌáꞌ vá ví Apolión.

Apoclipsis 9:17

Jee suꞌva niniꞌ ni̱ꞌ ya̱ nxi̱néꞌénꞌ nu̱u̱nꞌ Ndiosíꞌ nuꞌuꞌ. Chi niniꞌ ni̱ꞌ rá kitɨ, jee suni niniꞌ ni̱ꞌ rá yósóꞌ ya̱ta̱ꞌ rátíꞌ. Jee ñúꞌún ni̱ka ráa ka̱a ya̱ náma ráa, jee rá ñúꞌún ráa ví ya̱ kuéꞌé, jín ya̱ léé, jín ya̱ kuáán. Jee rá kitɨ vá íyó xi̱ni̱ꞌ rátíꞌ kuéntáꞌ íyó xi̱ni̱ꞌ nikaꞌa, jee yuꞌú rátíꞌ kéne ñuꞌunꞌ jín ñu̱ꞌma̱ꞌ jín sufríꞌ.