Apoclipsis 9:1 - Mixteco del suroeste de Tlaxiaco Oaxaca

¹ Saájee najiáꞌáꞌ ííꞌ úꞌúnꞌ nti̱vɨ̱ꞌ‑ɨ trompeta‑a. Jee niniꞌ ni̱ꞌ ɨɨn tiu̱u̱nꞌ nkene‑e ne̱ súkún va̱ji‑i ñe̱te̱ꞌ‑e nu̱u̱nꞌ ñu̱ꞌún iniꞌ ñɨ̱vɨ́. Jee nni̱ꞌi̱nꞌ‑i nakáa ya̱ jíne‑e yuꞌú numaꞌ ya̱ ntu jínu nu̱u̱nꞌ kúnú‑u.

Apoclipsis 9:1 ပူးပေါင်းရင်းမြစ်များ

Lucas 10:18

Jee nkachiꞌ Jesús nu̱u̱nꞌ ráa: ―Niniꞌ ni̱ꞌ nkininkava Satanás kui̱ꞌna̱ꞌ kúñáꞌnú ne̱ antivɨ́ kuéntáꞌ nkuun ɨɨn nuva tajia.

Lucas 8:31

Jee ni̱ka̱nꞌ táꞌvíꞌ rá ta̱chi̱ꞌ néꞌí kákini vá nu̱u̱nꞌ Jesús ya̱ koto tájí re̱ꞌ ráa kɨ̱ꞌɨ̱nꞌ ráa nu̱u̱nꞌ neenꞌ nu̱u̱nꞌ ntu jínu ya̱ kúnú‑u.

Romanos 10:7

Ni nkáni iniꞌ ánímaꞌ nú: “¿Né ɨɨn vá kinkuun ne̱ nu̱u̱nꞌ kúnú nasɨ́kuitɨꞌ nu̱u̱nꞌ ntu jínu ya̱ kúnú?”, nkachiꞌ Moisés, (chi sukuán káchíꞌ‑ó ya̱ íyó kɨ̱xináa‑ó Cristo natavaꞌ‑ó re̱ꞌ nteñu rá ni̱yɨ).

Apoclipsis 1:18

Chi nuꞌuꞌ kúvi ya̱ tékúꞌ nɨ́ɨ́nkání. Chi ni̱ꞌi̱ꞌ ni̱ꞌ soo vitan chi tékúꞌ ni̱ꞌ nɨ́ɨ́nkání. Jee kuéntáꞌ ínaꞌá ni̱ꞌ nakáa ya̱ nísotíñú ni̱ꞌ ya̱ saꞌá ni̱ꞌ ya̱ rá ni̱yɨ nki̱nóo ráa ka̱ꞌ kuvi ráa ni̱yɨ jee xi̱ntíín nuꞌuꞌ yɨ́ꞌɨ́ nu̱u̱nꞌ nutútú ánímaꞌ rá ni̱yɨ jee nakani núne ni̱ꞌ ráa sáva natekuꞌ ráa kene ráa nteñu rá ni̱yɨ.

Apoclipsis 1:20

Vitan jee stúvi ni̱ꞌ ntáká rá tu̱ꞌun ñúyuꞌuꞌ iniꞌ ni̱ꞌ, ná kúníꞌ kachiꞌ jie̱ꞌe̱ꞌ ni uxáꞌ rá tiu̱u̱nꞌ ya̱ niniꞌ nú ya̱ ínaꞌá ni̱ꞌ ichi naꞌá kuáꞌá ni̱ꞌ, jín jie̱ꞌe̱ꞌ ni uxáꞌ rá kantilerúꞌ oro: ni uxáꞌ rá tiu̱u̱nꞌ vá kúvi‑i ni uxáꞌ rá kúñáꞌnú ya̱ néen kuéntáꞌ ráa ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ni uxáꞌ rá kantilerúꞌ vá kúvi‑i ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.

Apoclipsis 11:7

Jee sáá kuneí ráa sijínu ráa naku̱ꞌva ráa ya̱ naáꞌ jie̱ꞌe̱ꞌ Tu̱ꞌun Ndiosíꞌ, saájee kene máá kitɨ xéénꞌ kákini ne̱ numaꞌ ya̱ ntu jínu nu̱u̱nꞌ kúnú‑u, jee kantáꞌán‑a jín ni núvíꞌ ráa, jee kuneí‑i jín ráa jee kaꞌniꞌ‑i ráa.

Apoclipsis 17:8

Jee kitɨ xéénꞌ kákini ya̱ niniꞌ nú, ni̱yo ti̱ꞌ yanaꞌán, soo ntu íyó ti̱ꞌ vitan, chi íyó kene tuku ti̱ꞌ numaꞌ ya̱ ntu jínu nu̱u̱nꞌ kúnú‑u nu̱u̱nꞌ yɨ́ꞌɨ́ ti̱ꞌ, jee íyó kɨ̱ꞌɨ̱nꞌ ti̱ꞌ nu̱u̱nꞌ ji̱ta ti̱ꞌ kunoꞌo ti̱ꞌ. Jee íyó tutuꞌ ya̱ ne̱ ntiáꞌan kiko̱o ñɨ̱vɨ́ níso rá súví rá ñɨvɨ kutekuꞌ nɨ́ɨ́nkání jín Ndiosíꞌ. Jee rá ñɨvɨ nééꞌ ñɨ̱vɨ́ ya̱ ntu níso súví ráa nu̱u̱nꞌ tutuꞌ vá jee ti̱vɨ́ xíniꞌ ráa kuniꞌ ráa kitɨ vá, ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee koo tuku ti̱ꞌ.

Apoclipsis 20:1

Saájee kuíre niniꞌ ni̱ꞌ ya̱ ne̱ antivɨ́ súkún va̱ji nkuun ɨɨn najiáꞌáꞌ ííꞌ, jee ínaꞌá re̱ꞌ nakáa ya̱ jíne re̱ꞌ numaꞌ ya̱ ntu jínu nu̱u̱nꞌ kúnú‑u, jee suni ínaꞌá re̱ꞌ ɨɨn cadena ka̱a máá káꞌnú.

Apoclipsis 20:10

Jee kui̱ꞌna̱ꞌ kúñáꞌnú ya̱ nxi̱náꞌví‑i ráa, jee nsi̱kéne Ndiosíꞌ maa nchuꞌun re̱ꞌ maa nu̱u̱nꞌ ñúꞌún xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ, nu̱u̱nꞌ ya̱ yɨ́ꞌɨ́ kitɨ xéénꞌ kákini vá jín inka ka̱ꞌ kitɨ xéénꞌ kákini ya̱ kúvi te̱e ya̱ káchítu̱ꞌún tu̱ꞌun túꞌún kéne yuꞌú kitɨ xe̱e̱nꞌ xíꞌnañúꞌún. Jee nu̱u̱nꞌ ñúꞌúnꞌ yukuán kuꞌun ráa kunoꞌo ráa nɨ́ɨ́nkání.

Apoclipsis 6:13

Jee rá tiu̱u̱nꞌ nééꞌ súkún ñe̱te̱ꞌ ráa nu̱u̱nꞌ ñúꞌún iniꞌ ñɨ̱vɨ́, kuéntáꞌ kua̱ꞌ jiétéꞌ rá higo yúté sáá kísɨ ta̱chi̱ꞌ xéénꞌ yutun higo.

Apoclipsis 8:10

Jee najiáꞌáꞌ ííꞌ uníꞌ nti̱vɨ̱ꞌ‑ɨ trompeta‑a. Jee ne̱ antivɨ́ súkún nkene ɨɨn tiu̱u̱nꞌ maa káꞌnú víꞌí nkininkava‑a va̱ji‑i tɨ́ɨn ñuꞌunꞌ itaꞌ maa káyúꞌ‑u, kuéntáꞌ kua̱ꞌ tɨ́ɨn ñuꞌun itɨ sújié. Jee ñe̱te̱ꞌ‑e nu̱u̱nꞌ ɨɨn ya̱ uníꞌ parte rá ntekáꞌnú jín nu̱u̱nꞌ kéne rá nute.

Apoclipsis 8:12

Jee najiáꞌáꞌ ííꞌ kúmíꞌ nti̱vɨ̱ꞌ‑ɨ trompeta‑a. Jee ɨɨn ya̱ uníꞌ parte nka̱niiꞌ, jín suni ɨɨn ya̱ uníꞌ parte yo̱o̱ꞌ, jín suni ɨɨn ya̱ uníꞌ parte rá tiu̱u̱nꞌ nti̱vɨ́ ráa. Jee nnu̱neenꞌ rá parte vá, jee ntu ka̱ꞌ túúnꞌ ñuꞌunꞌ ráa ya̱ uníꞌ parte nuví ya̱ uníꞌ parte yakuááꞌ.

Apoclipsis 8:2

Saájee nuꞌuꞌ, Juan, niniꞌ ni̱ꞌ u̱xa̱ꞌ rá najiáꞌáꞌ ííꞌ íñɨ́ ráa ichinúúnꞌ Ndiosíꞌ. Jee nni̱ꞌi̱nꞌ ráa u̱xa̱ꞌ trompeta.

Apoclipsis 9:2

Saájee nine‑e yuꞌú numaꞌ kúnú vá, jee nkene ñu̱ꞌma̱ꞌ yukuán kuéntáꞌ kua̱ꞌ kéne ñu̱ꞌma̱ꞌ ɨɨn i̱tu̱nꞌ máá nasɨ́ víꞌí. Jee ñu̱ꞌma̱ꞌ ya̱ kéne numaꞌ vá nna̱sáneenꞌ‑e nka̱niiꞌ jee ñasɨꞌ‑ɨ nu̱u̱nꞌ ta̱chi̱ꞌ víjin.