Apoclipsis 8:13 - Mixteco del suroeste de Tlaxiaco Oaxaca

¹³ Saájee niniꞌ ni̱ꞌ ɨɨn ta̱su̱nꞌ jíkó‑o nu̱u̱nꞌ ta̱chi̱ꞌ víjin sava súkún jee nteso̱ꞌo ni̱ꞌ ya̱ ne̱ laxín kánajíín ti̱ꞌ jee káchíꞌ ti̱ꞌ: ―¡Na̱ ka̱ꞌ náꞌví náꞌví náꞌví ka̱ꞌ rá ñɨvɨ ya̱ nééꞌ iniꞌ ñɨ̱vɨ́!, chi ya̱ nku̱yatin sa̱néꞌ vá íyó tivɨꞌ u̱ni̱ꞌ ka̱ꞌ rá trompeta kúmániꞌ ya̱ íyó tivɨꞌ u̱ni̱ꞌ ka̱ꞌ rá najiáꞌáꞌ ííꞌ maa ―nkachiꞌ ta̱su̱nꞌ vá.

Apoclipsis 8:13 ပူးပေါင်းရင်းမြစ်များ

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Apoclipsis 11:14

Sukuán nkuvi jee ya̱ njia̱ꞌa tu̱nóꞌó uvíꞌ. Saájee ñamani va̱ji koo tu̱nóꞌó uníꞌ ya̱ náꞌví rá ñɨvɨ.

Apoclipsis 12:12

Saáva ránoꞌó ya̱ nééꞌ ne̱ antivɨ́ súkún, na̱ ka̱ꞌ vá kusɨ̱ɨ̱ꞌ iniꞌ rán. Soo na̱ ka̱ꞌ náꞌví ka̱ꞌ ránoꞌó ya̱ nééꞌ iniꞌ ñɨ̱vɨ́ yaꞌá jín nu̱u̱nꞌ nteñúꞌún, chi nkuun máá kui̱ꞌna̱ꞌ kíni nkenta‑a nu̱u̱nꞌ nééꞌ rán, jee kítɨ́ꞌ nasɨ́kuitɨꞌ iniꞌ‑i, chi jíníꞌ‑i ya̱ ntu kue̱ꞌe̱ꞌ ka̱ꞌ tiempúꞌ íyó kuvi xináꞌví‑i ránoꞌó. Nkachiꞌ nusuyuꞌú vá.

Apoclipsis 14:3

Jee jíta ráa ɨɨn yaaꞌ jiáá ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ ni kúmíꞌ rá tékúꞌ, jín nu̱u̱nꞌ ni ókóꞌ ku̱mi̱ꞌ (24) rá te̱e ñáꞌnú nísotíñú. Jee ni ɨɨn ntu kúvi kutu̱ꞌva yaaꞌ vá, chisaꞌ kútúꞌva kua̱chi rá sientúꞌ u̱vi̱xiko ku̱mi̱ꞌ mil (144,000) ñɨvɨ maa, ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ.

Apoclipsis 14:6

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Apoclipsis 19:17

Jee niniꞌ ni̱ꞌ ɨɨn najiáꞌáꞌ ííꞌ ya̱ íñɨ́ nichiꞌ‑i ya̱ta̱ꞌ nka̱niiꞌ, jee kua̱yuꞌú‑u nka̱najíín laxín‑i xi̱ni̱ꞌ kua̱íyó rá kitɨ kákini íyó chi̱yo̱ꞌ ya̱ jíkó sava súkún, jee nkachiꞌ‑i: ―Neꞌenꞌ rán, jee nutútú rán nu̱u̱nꞌ sáꞌá Ndiosíꞌ xíní máá káꞌnú,

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

Apoclipsis 8:2

Saájee nuꞌuꞌ, Juan, niniꞌ ni̱ꞌ u̱xa̱ꞌ rá najiáꞌáꞌ ííꞌ íñɨ́ ráa ichinúúnꞌ Ndiosíꞌ. Jee nni̱ꞌi̱nꞌ ráa u̱xa̱ꞌ trompeta.

Apoclipsis 9:1

Saájee najiáꞌáꞌ ííꞌ úꞌúnꞌ nti̱vɨ̱ꞌ‑ɨ trompeta‑a. Jee niniꞌ ni̱ꞌ ɨɨn tiu̱u̱nꞌ nkene‑e ne̱ súkún va̱ji‑i ñe̱te̱ꞌ‑e nu̱u̱nꞌ ñu̱ꞌún iniꞌ ñɨ̱vɨ́. Jee nni̱ꞌi̱nꞌ‑i nakáa ya̱ jíne‑e yuꞌú numaꞌ ya̱ ntu jínu nu̱u̱nꞌ kúnú‑u.

Apoclipsis 9:12

Jee suꞌva nkuvi jee njia̱ꞌa tu̱nóꞌó xíꞌnañúꞌún, jee na̱ ka̱ꞌ náꞌví ka̱ꞌ rá ñɨvɨ chi íyó u̱vi̱ꞌ ka̱ꞌ rá tu̱nóꞌó íyó kiji.