Apoclipsis 8:10 - Mixteco del suroeste de Tlaxiaco Oaxaca

¹⁰ Jee najiáꞌáꞌ ííꞌ uníꞌ nti̱vɨ̱ꞌ‑ɨ trompeta‑a. Jee ne̱ antivɨ́ súkún nkene ɨɨn tiu̱u̱nꞌ maa káꞌnú víꞌí nkininkava‑a va̱ji‑i tɨ́ɨn ñuꞌunꞌ itaꞌ maa káyúꞌ‑u, kuéntáꞌ kua̱ꞌ tɨ́ɨn ñuꞌun itɨ sújié. Jee ñe̱te̱ꞌ‑e nu̱u̱nꞌ ɨɨn ya̱ uníꞌ parte rá ntekáꞌnú jín nu̱u̱nꞌ kéne rá nute.

Apoclipsis 8:10 ပူးပေါင်းရင်းမြစ်များ

Mateo 25:1

’Saájee, nééꞌ Ndiosíꞌ antivɨ́ súkún jee suꞌva kenta tatúníꞌ re̱ꞌ nu̱u̱nꞌ rá ñɨvɨ kívɨ naꞌá re̱ꞌ kuéntáꞌ u̱ji̱ꞌ rá ñaꞌan súchí núún íyó ninuꞌun, ya̱ ntɨɨn tanu̱u̱nꞌ ráa kantil ráa, jee nkene ráa kua̱taꞌanꞌ ráa te̱e tánáꞌá.

Lucas 10:18

Jee nkachiꞌ Jesús nu̱u̱nꞌ ráa: ―Niniꞌ ni̱ꞌ nkininkava Satanás kui̱ꞌna̱ꞌ kúñáꞌnú ne̱ antivɨ́ kuéntáꞌ nkuun ɨɨn nuva tajia.

Judas 1:13

Jee suni kúvi ráa kuéntáꞌ kúvi nteñúꞌún ya̱ jísóꞌ xe̱e̱nꞌ, jee síkéne‑e tiu̱u̱nꞌ téꞌén ya̱ kúvi mani tiñu niváꞌa ya̱ jiáꞌa tu̱nkánuun sáꞌá ráa. Chi kúvi ráa kuéntáꞌ rá tiu̱u̱nꞌ súkún ya̱ jíkónúun ráa. Soo ya íyó tu̱ꞌva nu̱u̱nꞌ íyó ñu̱neenꞌ kuneeꞌ rá ñɨvɨ vá nɨ́ɨ́nkání.

Apoclipsis 1:20

Vitan jee stúvi ni̱ꞌ ntáká rá tu̱ꞌun ñúyuꞌuꞌ iniꞌ ni̱ꞌ, ná kúníꞌ kachiꞌ jie̱ꞌe̱ꞌ ni uxáꞌ rá tiu̱u̱nꞌ ya̱ niniꞌ nú ya̱ ínaꞌá ni̱ꞌ ichi naꞌá kuáꞌá ni̱ꞌ, jín jie̱ꞌe̱ꞌ ni uxáꞌ rá kantilerúꞌ oro: ni uxáꞌ rá tiu̱u̱nꞌ vá kúvi‑i ni uxáꞌ rá kúñáꞌnú ya̱ néen kuéntáꞌ ráa ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ni uxáꞌ rá kantilerúꞌ vá kúvi‑i ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.

Apoclipsis 12:4

Jee su̱ꞌma̱ꞌ ti̱ꞌ xtákaa ti̱ꞌ ɨɨn ya̱ uníꞌ tantúꞌ rá tiu̱u̱nꞌ íyó súkún, jee nsi̱kéne ti̱ꞌ ráa nu̱u̱nꞌ ñu̱ꞌún. Jee ña̱kui̱ñɨ̱ꞌ ti̱ꞌ ichinúúnꞌ ñaꞌan vá ya̱ sikáku ña se̱ꞌya ña, nétu ti̱ꞌ sáva kajiꞌ ti̱ꞌ nchíkɨ́n vá sáá kaku‑u.

Apoclipsis 14:7

Jee ne̱ kánajíín ni̱ꞌin‑i tátúníꞌ‑i káchíꞌ‑i: ―Kuꞌun yúꞌví iniꞌ rán Ndiosíꞌ, jee nakuetúꞌún ya̱ kúñáꞌnú re̱ꞌ, chi ya̱ nkenta hora saꞌá náaꞌ re̱ꞌ jie̱ꞌe̱ꞌ kua̱chi nsa̱ꞌá rá ñɨvɨ. Jee kuneñu̱ꞌun rán re̱ꞌ ya̱ maáréꞌ ví ya̱ nsa̱ꞌá re̱ꞌ súkún, jín nu̱u̱nꞌ ñuꞌun, jín nteñúꞌún, jín ntáká nu̱u̱nꞌ kene nute ―káchíꞌ najiáꞌáꞌ ííꞌ vá.

Apoclipsis 16:4

Jee ya̱ uníꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ rá ntekáꞌnú, jín nu̱u̱nꞌ kéne rá nute, jee nnuvi rá nute vá ni̱ñɨ̱ꞌ.

Apoclipsis 6:13

Jee rá tiu̱u̱nꞌ nééꞌ súkún ñe̱te̱ꞌ ráa nu̱u̱nꞌ ñúꞌún iniꞌ ñɨ̱vɨ́, kuéntáꞌ kua̱ꞌ jiétéꞌ rá higo yúté sáá kísɨ ta̱chi̱ꞌ xéénꞌ yutun higo.

Apoclipsis 8:7

Jee najiáꞌáꞌ ííꞌ xíꞌnañúꞌún nti̱vɨ̱ꞌ‑ɨ trompeta‑a. Saájee nkuun ñɨ́ñɨ́ jín ñuꞌunꞌ iniꞌ ñɨ̱vɨ́, jee sákánuun jín ni̱ñɨ̱ꞌ. Jee nka̱yu̱ꞌ ɨɨn ya̱ uníꞌ parte ñɨ̱vɨ́, jín ya̱ uníꞌ parte rá yutun, jín nɨꞌɨ rá ku̱ꞌu̱ꞌ kuíí.

Apoclipsis 9:1

Saájee najiáꞌáꞌ ííꞌ úꞌúnꞌ nti̱vɨ̱ꞌ‑ɨ trompeta‑a. Jee niniꞌ ni̱ꞌ ɨɨn tiu̱u̱nꞌ nkene‑e ne̱ súkún va̱ji‑i ñe̱te̱ꞌ‑e nu̱u̱nꞌ ñu̱ꞌún iniꞌ ñɨ̱vɨ́. Jee nni̱ꞌi̱nꞌ‑i nakáa ya̱ jíne‑e yuꞌú numaꞌ ya̱ ntu jínu nu̱u̱nꞌ kúnú‑u.

Apoclipsis 9:15

Saájee nna̱nají ni kúmíꞌ rá najiáꞌáꞌ ííꞌ ya̱ núꞌníꞌ vá, ya̱ ya íyó tu̱ꞌva rá najiáꞌáꞌ ííꞌ vá jie̱ꞌe̱ꞌ hora yukuán jín ki̱vɨ̱ꞌ jín yo̱o̱ꞌ jín kui̱ya̱ꞌ, sáva kaꞌniꞌ ráa ya̱ uníꞌ parte rá ñɨvɨ ñɨ̱vɨ́.

Apoclipsis 9:18

Jee ni núníꞌ rá tu̱nóꞌó kéne yuꞌú rátíꞌ ñaꞌniꞌ‑i ya̱ uníꞌ parte rá ñɨvɨ ñɨ̱vɨ́. Jee rá yukuán kúvi ñuꞌunꞌ jín ñu̱ꞌma̱ꞌ jín sufríꞌ.