Apoclipsis 7:4 - Mixteco del suroeste de Tlaxiaco Oaxaca

⁴ Jee nteso̱ꞌo ni̱ꞌ na̱ja rá ñɨvɨ ña̱kuneeꞌ seyúꞌ te̱e̱nꞌ ráa. Jee sientúꞌ u̱vi̱xiko ku̱mi̱ꞌ mil (144,000) rá ñɨvɨ ntáká tataꞌ rá se̱ꞌya Israel kúvi ráa.

Apoclipsis 7:4 ပူးပေါင်းရင်းမြစ်များ

Génesis 15:5

Jee ntavaꞌ Ndiosíꞌ Abram chíkéꞌi jee nkachiꞌ‑i: ―Kune̱ꞌyá súkún, jee kaꞌvi rá tiu̱u̱nꞌ, retuan kuneí kaꞌvi nú ráa jee sukuán koo kue̱ꞌe̱ꞌ rá ichiyúkúnꞌ nú ―nkachiꞌ I̱toꞌoꞌ‑ó nu̱u̱nꞌ re̱ꞌ.

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Lucas 14:22

Jee sáá nni̱kó musúꞌ vá, jee nkachiꞌ‑i: “I̱toꞌoꞌ ni̱ꞌ nsa̱ꞌá ni̱ꞌ ya̱ nta̱túníꞌ nú, soo núne i̱i̱ꞌ ka̱ꞌ nu̱u̱nꞌ kuneeꞌ ka̱ꞌ ñɨvɨ iniꞌ veꞌi nú jee chitú‑u”, nkachiꞌ‑i.

Lucas 22:30

sáva kajiꞌ rán koꞌo rán jín nuꞌuꞌ kuneeꞌ rán yuꞌú mesa ni̱ꞌ nu̱u̱nꞌ tátúníꞌ ni̱ꞌ nu̱u̱nꞌ nɨꞌɨ. Jee suni yukuán kuneeꞌ rán rá teyuꞌ ñáꞌnú sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Hechos 26:7

Jee nɨꞌɨ ráníꞌ, ya̱ kúvi ránꞌ se̱ꞌya ichiyúkúnꞌ váji ne̱ nu̱u̱nꞌ rá u̱xu̱vi̱ꞌ (12) se̱ꞌya yɨ́ɨ́ Israel, nuví niñuꞌ ñúꞌún káñá iniꞌ ránꞌ néñu̱ꞌun ránꞌ Ndiosíꞌ, jee íyó tu̱neí iniꞌ ránꞌ ya̱ kenta ya̱ nchi̱sóyuꞌú re̱ꞌ. Kátáta rey, jie̱ꞌe̱ꞌ yaꞌá vá chíkuáchi rá ñɨvɨ Israel nuꞌuꞌ.

Romanos 9:27

Jee suni nkaꞌanꞌ ni̱ꞌin Isaías suꞌva jie̱ꞌe̱ꞌ rá ñɨvɨ Israel: Súnika̱ꞌ kue̱ꞌe̱ꞌ nasɨ́kuitɨꞌ rá se̱ꞌya ichiyúkúnꞌ váji nu̱u̱nꞌ Israel kuéntáꞌ kúvi kue̱ꞌe̱ꞌ ñuítɨ́ nteñúꞌún, soo kua̱chi yakuꞌ ráa ni vá natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.

Apoclipsis 14:1

Saájee nuꞌuꞌ, Juan, nna̱kune̱ꞌyá ni̱ꞌ jee niniꞌ ni̱ꞌ maáréꞌ ya̱ kúvi re̱ꞌ Lanchi Ndiosíꞌ íñɨ́ re̱ꞌ xi̱ni̱ꞌ yuku naní Sión. Jee yukuán íñɨ́ re̱ꞌ jín sientúꞌ u̱vi̱xiko ku̱mi̱ꞌ mil (144,000) ñɨvɨ, jee níso súví re̱ꞌ jín súví Tátáꞌ re̱ꞌ te̱e̱nꞌ ráa.

Apoclipsis 14:3

Jee jíta ráa ɨɨn yaaꞌ jiáá ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ ni kúmíꞌ rá tékúꞌ, jín nu̱u̱nꞌ ni ókóꞌ ku̱mi̱ꞌ (24) rá te̱e ñáꞌnú nísotíñú. Jee ni ɨɨn ntu kúvi kutu̱ꞌva yaaꞌ vá, chisaꞌ kútúꞌva kua̱chi rá sientúꞌ u̱vi̱xiko ku̱mi̱ꞌ mil (144,000) ñɨvɨ maa, ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ.

Apoclipsis 7:5

Jee rá se̱ꞌya Israel yaꞌá ya̱ ña̱kuneeꞌ seyúꞌ te̱e̱nꞌ ráa kúvi u̱xu̱ꞌ u̱vi̱ꞌ mil (12,000) ñɨvɨ ya̱ kúvi ichiyúkúnꞌ tataꞌ nkene ráa nu̱u̱nꞌ Judá, jín u̱xu̱ꞌ u̱vi̱ꞌ mil (12,000) ñɨvɨ ya̱ kúvi tataꞌ nkene ráa nu̱u̱nꞌ Rubén, jín u̱xu̱ꞌ u̱vi̱ꞌ mil (12,000) ñɨvɨ ya̱ kúvi tataꞌ nkene ráa nu̱u̱nꞌ Gad,

Apoclipsis 9:16

Jee nteso̱ꞌo ni̱ꞌ na̱ja tantúꞌ rá soldado kúvi‑i. Jee u̱vi̱ꞌ sientúꞌ millón (200,000,000) soldado íyó ya̱ yósóꞌ ráa rá kitɨ.