Apoclipsis 7:2 - Mixteco del suroeste de Tlaxiaco Oaxaca

² Jee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ ya̱ váji‑i ne̱ ichi nu̱u̱nꞌ kénta nka̱niiꞌ. Jee ínaꞌá‑a seyúꞌ Ndiosíꞌ tékúꞌ. Jee ni̱ꞌin xá nka̱najíín‑i xi̱ni̱ꞌ ni kúmíꞌ rá najiáꞌáꞌ ííꞌ vá ya̱ nni̱ꞌi̱nꞌ ráa ya̱ nísotíñú ráa ya̱ saꞌá kini ráa xináánꞌ ráa ñuꞌun ñɨ̱vɨ́ jín nteñúꞌún.

Apoclipsis 7:2 ပူးပေါင်းရင်းမြစ်များ

Mateo 16:16

Saájee nna̱xiníkó Simón Pedro, jee nkachiꞌ‑i: ―Noꞌó kúvi nú Cristo, Se̱ꞌya Ndiosíꞌ tékúꞌ.

Mateo 26:63

Soo níín íyó Jesús, jee su̱tu̱ꞌ kúñáꞌnú vá nkachiꞌ‑i nu̱u̱nꞌ re̱ꞌ: ―Tátúníꞌ ni̱ꞌ nu̱u̱nꞌ nú, nu̱u̱nꞌ súví Ndiosíꞌ tékúꞌ ya̱ kachiꞌ nú nu̱u̱nꞌ ráníꞌ retú noꞌó kúvi Cristo, ya̱ ñani Ndiosíꞌ tátúníꞌ nú ñɨ̱vɨ́, ya̱ kúvi nú Se̱ꞌya Ndiosíꞌ ―nkachiꞌ su̱tu̱ꞌ kúñáꞌnú vá nu̱u̱nꞌ Jesús.

Juan 6:27

Koto nániꞌvɨꞌ iniꞌ rán jie̱ꞌe̱ꞌ ya̱ yájíꞌ ya̱ tívɨ́. Chisaꞌ naniꞌvɨꞌ iniꞌ rán ni̱ꞌi̱nꞌ rán kuéntáꞌ ɨɨn ya̱ yájíꞌ ya̱ íyó nɨ́ɨ́nkání ya̱ sáꞌá‑a ya̱ kutekuꞌ rán nɨ́ɨ́nkání jín Ndiosíꞌ. Yaꞌá vá taji ni̱ꞌ nu̱u̱nꞌ ránoꞌó, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi Tátáꞌ ni̱ꞌ Ndiosíꞌ nstúvi re̱ꞌ nu̱u̱nꞌ ñɨvɨ ya̱ ñani re̱ꞌ nuꞌuꞌ kuniso ni̱ꞌ tiñu vá sáva nakuniꞌ ñɨvɨ níso ni̱ꞌ tiñu vá.

2 Corintios 1:22

Jee suni ntaji Ndiosíꞌ Ta̱chi̱ꞌ Ííꞌ re̱ꞌ kɨꞌɨ‑ɨ iniꞌ ánímaꞌ‑ó. Yukuán vá kúvi seyúꞌ ya̱ ntee re̱ꞌ ya̱ stúvi re̱ꞌ ya̱ kúvi‑ó ñɨvɨ re̱ꞌ. Ta̱chi̱ꞌ Ííꞌ re̱ꞌ ví ya̱ táji ya̱chi̱ꞌ re̱ꞌ nu̱u̱nꞌ‑ó ya̱ stúvi ya̱ naáꞌ ya̱ ni̱ꞌi̱nꞌ‑ó nɨꞌɨ ta̱ꞌvi̱ꞌ ya̱ táji Ndiosíꞌ nu̱u̱nꞌ‑ó ichinúúnꞌ ka̱ꞌ.

Efesios 1:13

Jee sunisaá ránoꞌó, yɨ́ꞌɨ́ rán nu̱u̱nꞌ Cristo sáá niniso̱ꞌo rán tu̱ꞌun jie̱ꞌe̱ꞌ ya̱ naáꞌ, ya̱ kúvi tu̱ꞌun váꞌa ya̱ sikáku re̱ꞌ ránoꞌó nu̱u̱nꞌ kua̱chi rán, jee nku̱neí iniꞌ rán Cristo. Jee saáva ntaji Ndiosíꞌ Ta̱chi̱ꞌ Ííꞌ re̱ꞌ, yɨ́ꞌɨ́‑ɨ iniꞌ ánímaꞌ‑ó, ya̱ nchi̱sóyuꞌú re̱ꞌ taji re̱ꞌ maa. Ta̱chi̱ꞌ Ííꞌ re̱ꞌ vá kúvi ɨɨn seyúꞌ ya̱ stúvi‑i ya̱ naáꞌ ya̱ kúvi rán se̱ꞌya re̱ꞌ.

Efesios 4:30

Jee koto sáꞌá rán kua̱chi sáva nsíkúkuíꞌyáꞌ rán iniꞌ Ta̱chi̱ꞌ Ííꞌ Ndiosíꞌ. Chi nni̱ꞌi̱nꞌ rán Ta̱chi̱ꞌ Ííꞌ vá kuéntáꞌ ɨɨn seyúꞌ ya̱ stúvi ya̱ kúvi rán ñɨvɨ Ndiosíꞌ, ne̱kua̱ꞌ kiji máá ki̱vɨ̱ꞌ ya̱ nakani núne Ndiosíꞌ yó nu̱u̱nꞌ ya̱ nóꞌo‑ó ñɨ̱vɨ́ yaꞌá jee xinánitáꞌvíꞌ re̱ꞌ yó.

1 Tesalonicenses 1:9

Chi maáráa nákani nu̱u̱nꞌ ránuꞌuꞌ ná nkuvi sáá nkenta ráníꞌ nteñu ránoꞌó. Jee nákani ráa na̱ja nna̱kani iniꞌ ránoꞌó jee nki̱vɨ ránú nu̱u̱nꞌ Ndiosíꞌ, jee nxi̱nóo rán ya̱ néñu̱ꞌun rán rá nantíñú ya̱ nsú Ndiosíꞌ ví‑i, sáva kɨñúꞌún rán nu̱u̱nꞌ Ndiosíꞌ, ya̱ tékúꞌ re̱ꞌ jee métúꞌún maáréꞌ ví Ndiosíꞌ nijia.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Hebreos 12:22

Chisaꞌ nkikuyatin rán máá maá yuku Sión nu̱u̱nꞌ íyó ñuunꞌ nu̱u̱nꞌ nééꞌ Ndiosíꞌ tékúꞌ, ya̱ kúvi Jerusalén íyó antivɨ́, nu̱u̱nꞌ íyó ntántúníꞌ víꞌí rá najiáꞌáꞌ ííꞌ re̱ꞌ ya̱ íyó tútú ráa kúsɨ́ɨꞌ iniꞌ ráa chíñúꞌún ráa re̱ꞌ.

Apoclipsis 1:3

Jee na̱ ka̱ꞌ netuꞌ kuvi ɨɨn ñɨvɨ ya̱ káꞌvi rá tu̱ꞌun níso nu̱u̱nꞌ tutuꞌ yaꞌá ya̱ nkene yuꞌú máá maá Ndiosíꞌ, jín rá ñɨvɨ tésóꞌo maa, jee chúꞌun iniꞌ ráa rá tu̱ꞌun níso nu̱u̱nꞌ tutuꞌ yaꞌá. Chi ya̱ kua̱kuyatin tiempúꞌ ya̱ koo ntáká rá tiñu ya̱ nééꞌ nu̱u̱nꞌ tutuꞌ yaꞌá.

Apoclipsis 10:1

Jee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ váji nkuun ne̱ súkún, jee níso‑o fesáꞌ ííꞌ, jee yɨ́sukunꞌ vi̱ko̱ꞌ maa, jee yósóꞌ ko̱ye̱ꞌlé xi̱ni̱ꞌ‑i. Jee nu̱u̱nꞌ‑u jiánu̱te̱ꞌ kuéntáꞌ nka̱niiꞌ, jee rá jie̱ꞌe̱ꞌ‑e íyó kuéntáꞌ rá nekaꞌ ya̱ íyó kuéntáꞌ ñuꞌunꞌ.

Apoclipsis 10:4

Jee sáá nkana ni u̱xa̱ꞌ rá tajia vá, jee ya̱ íyó tu̱ꞌva nuꞌuꞌ ya̱ tee ni̱ꞌ rá tu̱ꞌun vá nékúvi, soo nteso̱ꞌo ni̱ꞌ ta̱chi̱yuꞌú ya̱ va̱ji‑i ne̱ súkún káꞌánꞌ‑á jín nuꞌuꞌ, jee nkachiꞌ‑i: ―Kuꞌun yuꞌuꞌ iniꞌ nú rá tu̱ꞌun ya̱ nkachiꞌ ni u̱xa̱ꞌ rá tajia vá, jee koto tée nú maa ―nkachiꞌ‑i.

Apoclipsis 16:12

Saájee ya̱ íñúꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ ntekáꞌnú káꞌnú naní Éufrates. Jee ni̱chi̱ꞌ nute ntekáꞌnú vá, sáva nine ichi nu̱u̱nꞌ jia̱ꞌa rá te̱e nísotíñú ya̱ tátúníꞌ ráa nu̱u̱nꞌ rá ñuunꞌ káá ichi nu̱u̱nꞌ kénta nka̱niiꞌ jee va̱ji ráa jín rá soldado ráa.

Apoclipsis 5:2

Jee niniꞌ ni̱ꞌ ɨɨn najiáꞌáꞌ ííꞌ ya̱ níso víꞌí fuersáꞌ ííꞌ, jee nka̱najíín ni̱ꞌin‑i nste̱kútu̱ꞌún‑u: ―¿Né ɨɨn ví ya̱ íyó ni̱ꞌi̱nꞌ‑i ya̱ kuvi ta̱ꞌví‑i rá seyúꞌ jee kune‑e tutuꞌ yaꞌá? ―nkachiꞌ najiáꞌáꞌ ííꞌ vá.

Apoclipsis 8:3

Saájee nkenta inka ka̱ꞌ najiáꞌáꞌ ííꞌ, ña̱kui̱ñɨ̱ꞌ‑ɨ nu̱u̱nꞌ altar, jee ínaꞌá‑a ɨɨn ku̱u ka̱a oro nu̱u̱nꞌ káyúꞌ su̱jie ííꞌ. Jee nni̱ꞌi̱nꞌ víꞌí‑i su̱jie ííꞌ sáva so̱ko̱ꞌ‑o vá sikétáꞌán‑a vá jín rá tu̱ꞌun káꞌánꞌ rá ñɨvɨ Ndiosíꞌ jín re̱ꞌ, jee kúvi ráa ñɨvɨ ya̱ nsa̱ꞌá sɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Teñuꞌunꞌ‑u so̱ko̱ꞌ‑o vá nu̱u̱nꞌ nantíñú naní altar, ya̱ íñɨ́‑ɨ ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ.

Apoclipsis 9:14

Jee nkachiꞌ‑i nu̱u̱nꞌ najiáꞌáꞌ ííꞌ íñúꞌ ya̱ ínaꞌá trompeta: ―Nanají nú ni kúmíꞌ rá najiáꞌáꞌ ííꞌ ya̱ núꞌníꞌ yunútekáꞌnú ya̱ naní Éufrates ―nkachiꞌ‑i.

Apoclipsis 9:4

Jee nta̱túníꞌ nu̱u̱nꞌ rátíꞌ ya̱ ntu íyó saꞌá kini rátíꞌ iteꞌ ya̱ íyó iniꞌ ñɨ̱vɨ́, ni yu̱ku̱ꞌ kuíí, ni sú ɨɨn rá yutun, chisaꞌ kua̱chi kuitɨꞌ nta̱ká rá ñɨvɨ ya̱ ntu níso seyúꞌ Ndiosíꞌ te̱e̱nꞌ ráa ví ya̱ saꞌá kini rátíꞌ ráa.