Apoclipsis 6:1 - Mixteco del suroeste de Tlaxiaco Oaxaca

¹ Saájee niniꞌ ni̱ꞌ ya̱ Lanchi vá nsine re̱ꞌ ɨɨn rá uxáꞌ seyúꞌ vá. Jee nteso̱ꞌo ni̱ꞌ ya̱ nkaꞌanꞌ ɨɨn rá ni kúmíꞌ rá tékúꞌ vá kuéntáꞌ kua̱ꞌ káni tajia, jee nkachiꞌ‑i: ―¡Neꞌenꞌ! ―nkachiꞌ‑i.

Apoclipsis 6:1 ပူးပေါင်းရင်းမြစ်များ

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

Apoclipsis 11:19

Saájee nine veñu̱ꞌun Ndiosíꞌ ya̱ íyó antivɨ́ súkún nu̱u̱nꞌ nééꞌ re̱ꞌ. Jee iniꞌ veñu̱ꞌun re̱ꞌ túvi ya̱tu̱nꞌ nu̱u̱nꞌ ñúꞌún tratúꞌ ya̱ nchi̱sóyuꞌú re̱ꞌ. Jee jiánu̱te̱ꞌ sáꞌá tajia, jee nɨ́ꞌɨn xá jiáku kéꞌín nusuyuꞌú, jee káni tajia, jee táan, jee kúun víꞌí ñɨ́ñɨ́.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

Apoclipsis 14:2

Jee ne̱ súkún nteso̱ꞌo ni̱ꞌ ɨɨn nusuyuꞌú kuéntáꞌ kua̱ꞌ nɨ́ꞌɨn káyu kue̱ꞌe̱ꞌ víꞌí rá ntekáꞌnú, jín kuéntáꞌ kua̱ꞌ kúvi nu̱u̱nꞌ nɨ́ꞌɨn kani tajia. Jee nusuyuꞌú ya̱ nteso̱ꞌo ni̱ꞌ kúvi kuéntáꞌ kue̱ꞌe̱ꞌ víꞌí rá ñɨvɨ vá tée ráa arpa sáꞌá ráa yaaꞌ.

Apoclipsis 19:6

Saájee nteso̱ꞌo ni̱ꞌ ya̱ káꞌánꞌ kue̱ꞌe̱ꞌ víꞌí ñɨvɨ, kuéntáꞌ kua̱ꞌ nɨ́ꞌɨn káyu kue̱ꞌe̱ꞌ víꞌí rá ntekáꞌnú, jín kuéntáꞌ kua̱ꞌ kúvi nu̱u̱nꞌ nɨ́ꞌɨn kana tajia, jee káchíꞌ ráa: ¡Na̱ ka̱ꞌ nakuetúꞌún‑ó I̱toꞌoꞌ‑ó!, chi tátúníꞌ I̱toꞌoꞌ‑ó tiñu níso re̱ꞌ, Ndiosíꞌ‑ó ya̱ maáréꞌ ya̱ níso re̱ꞌ fesáꞌ ííꞌ níꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Apoclipsis 4:8

Jee ni kúmíꞌ rá tékúꞌ vá, íyó i̱ñu̱ꞌ chi̱yo̱ꞌ ta ɨɨn ɨɨn ráa. Jee kua̱íyó rá ya̱ta̱ꞌ chi̱yo̱ꞌ ráa vá, jín chi̱ji chi̱yo̱ꞌ ráa nchi̱tú nchinúún ráa. Jee nuví niñuꞌ ntu jiákui̱ñɨ̱ꞌ ráa ya̱ káchíꞌ ráa: ¡Na̱ ka̱ꞌ vá i̱i̱ꞌ, i̱i̱ꞌ kúvi I̱toꞌoꞌ‑ó Ndiosíꞌ, i̱i̱ꞌ kúvi re̱ꞌ! Maáréꞌ níso fesáꞌ ííꞌ nasɨ́kuitɨꞌ, chi kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó. Maáréꞌ vá íyó nɨ́ɨ́nkání tiempúꞌ va̱ji ya̱ta̱ꞌ, maáréꞌ vá íyó vitan, jee suni maáréꞌ ví ya̱ koo nɨ́ɨ́nkání.

Apoclipsis 5:1

Saájee nuꞌuꞌ niniꞌ ni̱ꞌ, maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jee naꞌá kuáꞌá re̱ꞌ ínaꞌá re̱ꞌ ɨɨn tutuꞌ kání nna̱tuviꞌ. Jee nééꞌ tu̱ꞌun ni núvíꞌ íyó ichi nu̱u̱nꞌ tutuꞌ vá. Jee násɨ́ꞌ u̱xa̱ꞌ seyúꞌ maa.

Apoclipsis 5:12

Jee ni̱ꞌin nkachiꞌ ráa: Maá Lanchi Lúlí ya̱ nso̱ko̱ꞌ re̱ꞌ maáréꞌ ñaꞌniꞌ ñɨvɨ re̱ꞌ, jee íyó ni̱ꞌi̱nꞌ re̱ꞌ ya̱ nísotíñú re̱ꞌ, ya̱ níꞌínꞌ re̱ꞌ nɨꞌɨ ya̱ yɨ́yáꞌvi, ya̱ saá níchí xá xíniꞌ re̱ꞌ, ya̱ saá níso re̱ꞌ fuersáꞌ ííꞌ, ya̱ nákuatáꞌví nɨꞌɨ ya̱ íyó maáréꞌ, ya̱ káchíꞌ nɨꞌɨ ya̱ íyó ya̱ viiꞌ kúñáꞌnú re̱ꞌ, ya̱ nákuetúꞌún nɨꞌɨ ya̱ netuꞌ kúvi re̱ꞌ. Nkachiꞌ rá najiáꞌáꞌ ííꞌ vá.

Apoclipsis 5:8

Jee sáá ntɨɨn re̱ꞌ tutuꞌ vá, jee ni kúmíꞌ rá tékúꞌ vá, jín ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌún nu̱u̱nꞌ re̱ꞌ. Jee ta ɨɨn ɨɨn rá te̱e kúñáꞌnú vá ínaꞌá ráa yaaꞌ naní arpa, jín ko̱ꞌo̱ꞌ oro ñúꞌún chitú su̱jie ííꞌ iniꞌ ráa. Jee rá su̱jie ííꞌ vá kúvi ráa rá tu̱ꞌun ya̱ káꞌánꞌ rá ñɨvɨ Ndiosíꞌ jín re̱ꞌ jee kúvi rá ñɨvɨ vá ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ.

Apoclipsis 6:3

Jee sáá Lanchi nsine re̱ꞌ ya̱ uvíꞌ seyúꞌ, saájee nteso̱ꞌo ni̱ꞌ ya̱ nkaꞌanꞌ ya̱ uvíꞌ ya̱ tékúꞌ vá, jee nkachiꞌ‑i: ―¡Neꞌenꞌ! ―nkachiꞌ‑i.

Apoclipsis 6:5

Jee sáá nsine re̱ꞌ ya̱ uníꞌ seyúꞌ nteso̱ꞌo ni̱ꞌ ya̱ uníꞌ ya̱ tékúꞌ vá, jee nkachiꞌ‑i: ―¡Neꞌenꞌ! ―nkachiꞌ‑i. Jee nna̱kune̱ꞌyá ni̱ꞌ, jee niniꞌ ni̱ꞌ ɨɨn kitɨ túún. Jee ɨɨn ya̱ yósóꞌ ya̱ta̱ꞌ kitɨ vá ínaꞌá‑a ɨɨn libra ya̱ chuku̱ꞌva.

Apoclipsis 6:7

Jee sáá nsine re̱ꞌ ya̱ kúmíꞌ seyúꞌ nteso̱ꞌo ni̱ꞌ nusuyuꞌú ya̱ kúmíꞌ ya̱ tékúꞌ vá, jee nkachiꞌ‑i: ―¡Neꞌenꞌ! ―nkachiꞌ‑i.

Apoclipsis 8:1

Jee maáréꞌ ya̱ kúvi Lanchi Lúlí jee sáá nsine re̱ꞌ seyúꞌ uxáꞌ ya̱ nnasɨꞌ yuꞌú tutuꞌ vá, jee níín nkuvi antivɨ́ súkún yatin sava hora.