Apoclipsis 5:9 - Mixteco del suroeste de Tlaxiaco Oaxaca

⁹ Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.

Apoclipsis 5:9 ပူးပေါင်းရင်းမြစ်များ

Mateo 20:28

kuéntáꞌ nuꞌuꞌ, ya̱ ntaji Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ. Nsáꞌ váji ni̱ꞌ sáva kɨtíñú rá ñɨvɨ nu̱u̱nꞌ ni̱ꞌ, chisaꞌ va̱ji ni̱ꞌ sáva kɨtíñú ni̱ꞌ nu̱u̱nꞌ rá ñɨvɨ. Jee va̱ji ni̱ꞌ sáva ku̱ꞌva ni̱ꞌ maáníꞌ kuviꞌ ni̱ꞌ sáva chunáán nkáꞌnú ni̱ꞌ maáníꞌ nu̱u̱nꞌ Ndiosíꞌ sáva nakani núne ni̱ꞌ kue̱ꞌe̱ꞌ ñɨvɨ nkɨ́ꞌɨ ráa xi̱ntíín kua̱chi ráa xinánitáꞌvíꞌ ni̱ꞌ ráa ―nkachiꞌ Jesús.

Mateo 26:28

Yaꞌá ví ni̱ñɨ̱ꞌ ni̱ꞌ ya̱ nasokoꞌ ni̱ꞌ nu̱u̱nꞌ Ndiosíꞌ sáva kuna̱a̱ꞌ tratúꞌ kakɨnꞌ re̱ꞌ, chi katɨ ni̱ñɨ̱ꞌ ni̱ꞌ sáá kuviꞌ ni̱ꞌ jie̱ꞌe̱ꞌ rá kua̱chi kue̱ꞌe̱ꞌ ñɨvɨ sáva kunekáꞌnú iniꞌ re̱ꞌ jie̱ꞌe̱ꞌ kua̱chi ráa.

Hechos 20:28

’Kumí rán maárán jee kumí rán ñanitáꞌán ya̱ kúneí iniꞌ ráa Jesús. Chi ñani Ta̱chi̱ꞌ Ííꞌ ránoꞌó, sáva kuvi rán rá te̱e kúñáꞌnú nu̱u̱nꞌ ráa, sáva kunaka rán rá ñɨvɨ kúneí iniꞌ ráa Ndiosíꞌ. Ñatɨ ni̱ñɨ̱ꞌ maá Se̱ꞌya re̱ꞌ, sáá ni̱ꞌi̱ꞌ‑i nu̱u̱nꞌ kurúsiꞌ, sáva nakeꞌen re̱ꞌ rá ñɨvɨ vá.

1 Corintios 6:20

Chi ya̱ꞌvi nasɨ́kuitɨꞌ nchuya̱ꞌvi Ndiosíꞌ ránoꞌó nkeꞌen re̱ꞌ ránoꞌó, jee saáva íyó kueꞌnu va̱ꞌa yɨ́ñúꞌún rán nu̱u̱nꞌ Ndiosíꞌ jín yɨkɨkúñu rán sáva stúvi ya̱ viiꞌ kúñáꞌnú re̱ꞌ.

1 Corintios 7:23

Chi ya̱ꞌvi nasɨ́kuitɨꞌ nchuya̱ꞌvi Ndiosíꞌ ránoꞌó nkeꞌen re̱ꞌ ránoꞌó, saáva koto kívɨ rán xi̱ntíín ñɨvɨ kuvi rán musúꞌ kéꞌen ñɨvɨ.

Efesios 1:7

Jee ni̱ꞌi̱ꞌ Cristo nu̱u̱nꞌ kurúsiꞌ jee ñatɨ ni̱ñɨ̱ꞌ re̱ꞌ sáva chunáán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva nakani núne re̱ꞌ yó ya̱ nkɨ́ꞌɨ‑ó ka̱ꞌ nu̱u̱nꞌ kua̱chi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo. Jee suꞌva nékáꞌnú iniꞌ Ndiosíꞌ yó, sánikua̱ꞌ ntántúníꞌ nasɨ́kuitɨꞌ íyó mániꞌ iniꞌ re̱ꞌ néꞌyá re̱ꞌ yó,

Efesios 5:19

Jee kaꞌanꞌ rán jín ɨɨn inka rá táꞌán rán, yaaꞌ Tu̱ꞌun Ndiosíꞌ naní salmo, jín rá tu̱ꞌun yaaꞌ himno ya̱ nákuetúꞌún‑u Ndiosíꞌ, jín rá yaaꞌ ííꞌ jie̱ꞌe̱ꞌ Ndiosíꞌ. Jee ne̱ jín ánímaꞌ rán kata rán jee nakuetúꞌún rán I̱toꞌoꞌ‑ó.

Colosenses 1:14

Jie̱ꞌe̱ꞌ yɨ́ꞌɨ́‑ó nu̱u̱nꞌ Se̱ꞌya re̱ꞌ, jee ni̱ꞌi̱ꞌ‑i sáva nchu̱náán nkáꞌnú‑u jie̱ꞌe̱ꞌ kua̱chi‑ó, sáva nakani núne Ndiosíꞌ yó nu̱u̱nꞌ kua̱chi‑ó. Jee yukuán kúvi ya̱ nékáꞌnú iniꞌ re̱ꞌ jie̱ꞌe̱ꞌ kua̱chi‑ó.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Hebreos 11:14

Chi rá káchíꞌ sukuán, jee stúvi kájí ráa ya̱ núkú ráa ɨɨn ñuunꞌ ya̱ kuvi ñuunꞌ maáráa.

2 Pedro 2:1

Soo suni ni̱yo rá ñɨvɨ túꞌún nteñu rá ñɨvɨ ñuunꞌ Israel ya̱ káchíꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ soo nkaꞌanꞌ ráa tuntúꞌún. Jee suni sukuán koo rá ñɨvɨ xinéꞌénꞌ tuntúꞌún nteñu ránoꞌó. Jee tuví yuꞌuꞌ ráa tu̱ꞌun túꞌún sáá xinéꞌénꞌ ráa rá ñɨvɨ ya̱ xináánꞌ ráa ya̱ kúneí iniꞌ ñɨvɨ ínúꞌ iniꞌ ñɨvɨ Cristo, ne̱ suni kachiꞌ ráa ya̱ Jesús ntu̱ví kúvi re̱ꞌ I̱toꞌoꞌ‑ó. Jee jie̱ꞌe̱ꞌ ya̱ saꞌá ráa sukuán vá sa̱naanꞌ ni kɨ̱naanꞌ ráa.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.

1 Juan 2:2

Jee suvire̱ꞌ nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ sáva kunekáꞌnú iniꞌ Ndiosíꞌ kua̱chi‑ó. Jee nsáꞌ níꞌiꞌ re̱ꞌ kua̱chi kuitɨꞌ jie̱ꞌe̱ꞌ kua̱chi maáó ni, chi suni ni̱ꞌi̱ꞌ re̱ꞌ jie̱ꞌe̱ꞌ kua̱chi ntáká rá ñɨvɨ íyó ñɨ̱vɨ́ yaꞌá.

Apoclipsis 10:11

Jee nkachiꞌ rá najiáꞌáꞌ ííꞌ vá nu̱u̱nꞌ ni̱ꞌ: ―Íyó kachitu̱ꞌún ya̱chi̱ꞌ tuku nú tu̱ꞌun kene yuꞌú Ndiosíꞌ, jie̱ꞌe̱ꞌ na̱sa koo jín kue̱ꞌe̱ꞌ ñuunꞌ, jín kue̱ꞌe̱ꞌ nu̱u̱nꞌ rá ñɨvɨ, jín kue̱ꞌe̱ꞌ ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín kue̱ꞌe̱ꞌ rá ñɨvɨ nísotíñú ya̱ tátúníꞌ ráa ―nkachiꞌ rá najiáꞌáꞌ ííꞌ vá.

Apoclipsis 11:9

Saájee rá ñɨvɨ va̱ji nu̱u̱nꞌ kéꞌín ñuunꞌ, jín kéꞌín nu̱u̱nꞌ rá tataꞌ, jín rá ñɨvɨ ya̱ káꞌánꞌ sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín rá ñɨvɨ kéꞌín nación, kune̱ꞌyá ráa rá ni̱yɨ rává ne̱ u̱ni̱ꞌ ki̱vɨ̱ꞌ sava, jee nsáꞌ ku̱ꞌvayuꞌú ráa ya̱ kɨ̱se̱ꞌí rá ñɨvɨ rá ni̱yɨ rává.

Apoclipsis 13:7

Jee njia̱ꞌa nu̱u̱nꞌ ti̱ꞌ ya̱ kantáꞌán ti̱ꞌ jín rá ñɨvɨ ya̱ nsa̱ꞌá sɨ́ɨ́n Ndiosíꞌ ya̱ yɨ́ꞌɨ́ ráa nu̱u̱nꞌ re̱ꞌ, jee kuneí ti̱ꞌ jín ráa. Jee suni njia̱ꞌa tiñu ya̱ nísotíñú ti̱ꞌ tátúníꞌ ti̱ꞌ nu̱u̱nꞌ kua̱íyó rá ñɨvɨ ntáká tataꞌ, jín nu̱u̱nꞌ ntáká ñuunꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká nu̱u̱nꞌ rá ñɨvɨ.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

Apoclipsis 14:6

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Apoclipsis 15:3

Jee jíta ráa yaaꞌ ya̱ ntavaꞌ Moisés, te̱e ya̱ nkuvi re̱ꞌ musúꞌ nyɨ̱tíñú‑u nu̱u̱nꞌ Ndiosíꞌ ne̱ yanaꞌán. Jee suni jíta rá ñɨvɨ vá yaaꞌ ya̱ ntavaꞌ maáréꞌ ya̱ kúvi Lanchi Lúlí Ndiosíꞌ, jee káchíꞌ ráa: Na̱ ka̱ꞌ ñáꞌnú ka̱ꞌ tiñu sáꞌá nú, Ndiosíꞌ, jee tívɨ́ xá xíniꞌ ráníꞌ néꞌyá ránꞌ maa, I̱toꞌoꞌ ránꞌ Ndiosíꞌ, ya̱ níso fesáꞌ ííꞌ ni̱ꞌin kúñáꞌnú nasɨ́kuitɨꞌ nú nu̱u̱nꞌ kua̱íyó. Jee na̱a̱ꞌ kúvi nú jee máá tiñu na̱a̱ꞌ máá tiñu váꞌa nijia sáꞌá nú. Jee noꞌó nísotíñú nú ya̱ tátúníꞌ nú kua̱íyó kuitɨꞌ nu̱u̱nꞌ rá nación.

Apoclipsis 17:15

Jee suni nkachiꞌ‑i nu̱u̱nꞌ ni̱ꞌ: ―Jee rá nute ya̱ niniꞌ nú nu̱u̱nꞌ ña̱kuneeꞌ ñaꞌan sɨ́ɨ́ꞌ iniꞌ vá, yukuán kúvi ñɨvɨ kue̱ꞌe̱ꞌ ñuunꞌ, chi kue̱ꞌe̱ꞌ ñɨvɨ kúvi ráa, jee kúvi ráa kue̱ꞌe̱ꞌ nu̱u̱nꞌ ñɨvɨ, jín rá ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa.

Apoclipsis 4:11

I̱toꞌoꞌ ránꞌ ya̱ kúvi nú Ndiosíꞌ ránꞌ, chi nóꞌo kúvi ya̱ íyó ya̱ ni̱ꞌi̱nꞌ nú, ya̱ káchíꞌ ránꞌ ya̱ viiꞌ kúñáꞌnú nú, jín ya̱ nákuetúꞌún ránꞌ noꞌó, jín ya̱ níso víꞌí nú fesáꞌ ííꞌ, chi maánú nsa̱ꞌá ntáká ya̱ íyó, chi sáni nkuini iniꞌ maánú, jee nkenta ña̱ko̱o ráa, jee nsa̱ꞌá nú maa, nkachiꞌ ráa.

Apoclipsis 5:12

Jee ni̱ꞌin nkachiꞌ ráa: Maá Lanchi Lúlí ya̱ nso̱ko̱ꞌ re̱ꞌ maáréꞌ ñaꞌniꞌ ñɨvɨ re̱ꞌ, jee íyó ni̱ꞌi̱nꞌ re̱ꞌ ya̱ nísotíñú re̱ꞌ, ya̱ níꞌínꞌ re̱ꞌ nɨꞌɨ ya̱ yɨ́yáꞌvi, ya̱ saá níchí xá xíniꞌ re̱ꞌ, ya̱ saá níso re̱ꞌ fuersáꞌ ííꞌ, ya̱ nákuatáꞌví nɨꞌɨ ya̱ íyó maáréꞌ, ya̱ káchíꞌ nɨꞌɨ ya̱ íyó ya̱ viiꞌ kúñáꞌnú re̱ꞌ, ya̱ nákuetúꞌún nɨꞌɨ ya̱ netuꞌ kúvi re̱ꞌ. Nkachiꞌ rá najiáꞌáꞌ ííꞌ vá.

Apoclipsis 5:6

Saájee [nne̱ꞌyá ni̱ꞌ jee] niniꞌ ni̱ꞌ ya̱ ma̱ꞌñú teyuꞌ nu̱u̱nꞌ nééꞌ tátúníꞌ vá jín ma̱ꞌñú ni kúmíꞌ rá tékúꞌ vá jín rá te̱e kúñáꞌnú vá, jee yukuán íñɨ́ maáréꞌ ya̱ kúvi re̱ꞌ Lanchi Lúlí, ya̱ túvi ya̱ ñaꞌniꞌ rá ñɨvɨ re̱ꞌ. Jee íyó u̱xa̱ꞌ nikɨ re̱ꞌ jín u̱xa̱ꞌ nchinúún re̱ꞌ. Jee ni uxáꞌ nchinúún re̱ꞌ vá, yukuán kúvi ni uxáꞌ espíritu Ndiosíꞌ ya̱ nchu̱ichí Ndiosíꞌ kua̱íyó iniꞌ ñɨ̱vɨ́.