Apoclipsis 5:13 - Mixteco del suroeste de Tlaxiaco Oaxaca

¹³ Jee nteso̱ꞌo ni̱ꞌ ya̱ nkaꞌanꞌ ntáká rá nsa̱ꞌá Ndiosíꞌ rá íyó súkún, jín rá íyó nu̱u̱nꞌ ñuꞌun, jín rá íyó chi̱ji ñuꞌun, jín rá íyó chi̱ji nteñúꞌún, jee kua̱íyó rá íyó yukuán nkachiꞌ: Maáréꞌ ya̱ nééꞌ re̱ꞌ teyuꞌ tátúníꞌ re̱ꞌ, jín maáréꞌ ya̱ kúvi re̱ꞌ lanchi Ndiosíꞌ, jee nákuetúꞌún‑ó ráa, nákuatáꞌví‑ó ráa, chíñúꞌún‑ó ráa ya̱ viiꞌ víꞌí kúñáꞌnú ráa, na̱ ka̱ꞌ níso ráa fuersáꞌ ííꞌ ya̱ tátúníꞌ ráa nu̱u̱nꞌ kua̱íyó kuitɨꞌ ne̱ vitan jín nɨ́ɨ́nkání. Nkachiꞌ ráa.

Apoclipsis 5:13 ပူးပေါင်းရင်းမြစ်များ

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Lucas 2:14

¡Na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Ndiosíꞌ ya̱ íyó re̱ꞌ ne̱ antivɨ́, jee nu̱u̱nꞌ ñɨ̱vɨ́ nakuneeꞌ va̱ꞌa rá ñɨvɨ jín Ndiosíꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ ráa! Nkachiꞌ rá najiáꞌáꞌ ííꞌ vá.

Juan 1:29

Jee ki̱vɨ̱ꞌ steñu̱ꞌún jee niniꞌ Juan máá Jesús ya̱ váji‑i nu̱u̱nꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ: ―Kune̱ꞌyá rán chi te̱e yaꞌá kúvi kuéntáꞌ ɨɨn lanchi lúlí ya̱ nchu̱ichí Ndiosíꞌ maa, chi kuéntáꞌ jiáꞌníꞌ rá ñɨvɨ Israel lanchi lúlí sókóꞌ ráa maa nu̱u̱nꞌ Ndiosíꞌ jee sukuán sííyo te̱e yaꞌá kua̱chi si̱kɨ̱ꞌ rá ñɨvɨ.

Romanos 11:36

Chi nsa̱ꞌá Ndiosíꞌ nɨꞌɨ ya̱ íyó, jee néen kuéntáꞌ re̱ꞌ nɨꞌɨ, jee suni nsa̱ꞌá re̱ꞌ nɨꞌɨ sáva kuvi maáréꞌ maa. ¡Na̱ ka̱ꞌ nakuetúꞌún‑ó ya̱ viiꞌ kúñáꞌnú nasɨ́kuitɨꞌ re̱ꞌ nɨ́ɨ́nkání! Suꞌva koo, amén.

Romanos 16:27

Ndiosíꞌ ya̱ métúꞌún re̱ꞌ ví Ndiosíꞌ jee níchí re̱ꞌ, nakuatúꞌún‑ó nɨ́ɨ́nkání ya̱ viiꞌ kúñáꞌnú re̱ꞌ jie̱ꞌe̱ꞌ ya̱ nsa̱ꞌá re̱ꞌ jín Jesús ya̱ kúvi Cristo. ¡Sukuán koo! ¡Amén!

Romanos 9:5

Jee suviráa kúvi ichiyúkúnꞌ váji ráa nu̱u̱nꞌ rá tátáꞌ jííꞌ ráa ya̱ nku̱ñáꞌnú nu̱u̱nꞌ Israel yanaꞌán. Jee nu̱u̱nꞌ tataꞌ ichiyúkúnꞌ ráa nkene Cristo sáá nkiji re̱ꞌ nkuvi re̱ꞌ te̱e ñunéꞌyúꞌ. Jee suvire̱ꞌ vá kúvi Ndiosíꞌ ya̱ tátúníꞌ re̱ꞌ nu̱u̱nꞌ kua̱íyó ya̱ íyó, jee netuꞌ kúvi re̱ꞌ nɨ́ɨ́nkání. ¡Suꞌva koo, amén!

Efesios 3:21

Na̱ ka̱ꞌ viiꞌ nasɨ́kuitɨꞌ kúñáꞌnú re̱ꞌ ka̱ꞌ jín tiñu nsa̱ꞌá re̱ꞌ jie̱ꞌe̱ꞌ rá ñɨvɨ ya̱ kúneí iniꞌ ráa re̱ꞌ, jín jie̱ꞌe̱ꞌ ya̱ nsa̱ꞌá Cristo Jesús, jee nakuetúꞌún‑ó re̱ꞌ ntáká tiempúꞌ jín nɨ́ɨ́nkání. ¡Sukuán koo! ¡Amén!

Filipenses 2:10

Sáva nakui̱ñɨ̱ꞌ ítɨ́ nta̱ká rá nééꞌ ñuunꞌ íyó súkún, jín nta̱ká rá nééꞌ nu̱u̱nꞌ ñu̱ꞌún, jín nta̱ká rá íyó chi̱ji ñuꞌun kuneñu̱ꞌun ráa Jesús, sáá teso̱ꞌo ráa súví re̱ꞌ.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

1 Timoteo 4:16

Nito koo nú maánú na̱sa jiáꞌnu nú jín nu̱u̱nꞌ tu̱ꞌun xínéꞌénꞌ nú. Jee kuni̱ꞌin nú nu̱u̱nꞌ tiñu yaꞌá, chi retú sáꞌá nú suꞌva, jee saꞌá nú ya̱ maánú jín suni rá ñɨvɨ tésóꞌo ya̱ káchíꞌ nú, kunikɨnꞌ va̱ꞌa rán ichi nátavaꞌ Ndiosíꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó.

1 Pedro 4:11

Retú níꞌínꞌ ɨɨn ránoꞌó ɨɨn ta̱ꞌvi̱ꞌ ya̱ chíneí Ndiosíꞌ nó kaꞌanꞌ nú, jee kaꞌanꞌ sáni káꞌánꞌ nú Tu̱ꞌun Ndiosíꞌ. Jee retú ɨɨn ránoꞌó ni̱ꞌi̱nꞌ nú ta̱ꞌvi̱ꞌ ya̱ chineí nú táꞌán nú, jee saꞌá nú maa jín fuersáꞌ táji Ndiosíꞌ nu̱u̱nꞌ nú, sáva nakuetúꞌún rá ñɨvɨ Ndiosíꞌ jie̱ꞌe̱ꞌ ntáká tiñu sáꞌá rán jie̱ꞌe̱ꞌ Jesús ya̱ kúvi Cristo, jee kúñáꞌnú nasɨ́kuitɨꞌ re̱ꞌ tátúníꞌ re̱ꞌ nɨ́ɨ́nkání. Sukuán koo.

1 Pedro 5:11

Na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Cristo, jee nɨꞌɨ yɨ́ꞌɨ́ xi̱ntíín re̱ꞌ tátúníꞌ re̱ꞌ nɨ́ɨ́nkání. Sukuán koo.

Judas 1:25

Jee métúꞌún Ndiosíꞌ ví Ndiosíꞌ jee [níchí re̱ꞌ], jee síkáku re̱ꞌ yó nátavaꞌ re̱ꞌ yó nu̱u̱nꞌ kua̱chi‑ó, jie̱ꞌe̱ꞌ ya̱ nsa̱ꞌá re̱ꞌ jín I̱toꞌoꞌ‑ó Jesús ya̱ ya níso re̱ꞌ tiñu ya̱ kúvi re̱ꞌ máá Cristo. Jee na̱ ka̱ꞌ nákuetúꞌún‑ó Ndiosíꞌ, jee kúñáꞌnú víꞌí re̱ꞌ, jee níso re̱ꞌ fuersáꞌ ííꞌ nasɨ́kuitɨꞌ, jee tátúníꞌ re̱ꞌ tiñu nu̱u̱nꞌ nɨꞌɨ, [ne̱ yanaꞌán jín] ne̱ vitan, jín nɨ́ɨ́nkání. Sukuán koo. Amén.

Apoclipsis 1:6

Jee nsa̱ꞌá re̱ꞌ kúvi‑ó ñɨvɨ yɨ́ꞌɨ́‑ó xi̱ntíín re̱ꞌ kúvi‑ó su̱tu̱ꞌ ya̱ sátíñú‑ó nu̱u̱nꞌ Tátáꞌ re̱ꞌ Ndiosíꞌ. Jee saáva nákuetúꞌún‑ó re̱ꞌ, jee kachiꞌ‑ó ya̱ viiꞌ víꞌí kúñáꞌnú re̱ꞌ, jee tátúníꞌ re̱ꞌ nu̱u̱nꞌ kua̱íyó nɨ́ɨ́nkání. Sukuán koo. Amén.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

Apoclipsis 5:1

Saájee nuꞌuꞌ niniꞌ ni̱ꞌ, maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jee naꞌá kuáꞌá re̱ꞌ ínaꞌá re̱ꞌ ɨɨn tutuꞌ kání nna̱tuviꞌ. Jee nééꞌ tu̱ꞌun ni núvíꞌ íyó ichi nu̱u̱nꞌ tutuꞌ vá. Jee násɨ́ꞌ u̱xa̱ꞌ seyúꞌ maa.

Apoclipsis 5:12

Jee ni̱ꞌin nkachiꞌ ráa: Maá Lanchi Lúlí ya̱ nso̱ko̱ꞌ re̱ꞌ maáréꞌ ñaꞌniꞌ ñɨvɨ re̱ꞌ, jee íyó ni̱ꞌi̱nꞌ re̱ꞌ ya̱ nísotíñú re̱ꞌ, ya̱ níꞌínꞌ re̱ꞌ nɨꞌɨ ya̱ yɨ́yáꞌvi, ya̱ saá níchí xá xíniꞌ re̱ꞌ, ya̱ saá níso re̱ꞌ fuersáꞌ ííꞌ, ya̱ nákuatáꞌví nɨꞌɨ ya̱ íyó maáréꞌ, ya̱ káchíꞌ nɨꞌɨ ya̱ íyó ya̱ viiꞌ kúñáꞌnú re̱ꞌ, ya̱ nákuetúꞌún nɨꞌɨ ya̱ netuꞌ kúvi re̱ꞌ. Nkachiꞌ rá najiáꞌáꞌ ííꞌ vá.

Apoclipsis 5:3

Jee ni ya̱ íyó súkún, ni ya̱ íyó nu̱u̱nꞌ ñuꞌun, ni ya̱ íyó chi̱ji ñuꞌun, ni ntu̱né íyó ni ɨɨn ya̱ íyó ni̱ꞌi̱nꞌ‑i ya̱ kuvi sine‑e tutuꞌ yukuán, ni ya̱ kune̱ꞌyá‑a nu̱u̱nꞌ vá.

Apoclipsis 5:6

Saájee [nne̱ꞌyá ni̱ꞌ jee] niniꞌ ni̱ꞌ ya̱ ma̱ꞌñú teyuꞌ nu̱u̱nꞌ nééꞌ tátúníꞌ vá jín ma̱ꞌñú ni kúmíꞌ rá tékúꞌ vá jín rá te̱e kúñáꞌnú vá, jee yukuán íñɨ́ maáréꞌ ya̱ kúvi re̱ꞌ Lanchi Lúlí, ya̱ túvi ya̱ ñaꞌniꞌ rá ñɨvɨ re̱ꞌ. Jee íyó u̱xa̱ꞌ nikɨ re̱ꞌ jín u̱xa̱ꞌ nchinúún re̱ꞌ. Jee ni uxáꞌ nchinúún re̱ꞌ vá, yukuán kúvi ni uxáꞌ espíritu Ndiosíꞌ ya̱ nchu̱ichí Ndiosíꞌ kua̱íyó iniꞌ ñɨ̱vɨ́.

Apoclipsis 5:9

Jee jíta ráa ɨɨn yaaꞌ jiáá ya̱ káchíꞌ suꞌva: Noꞌó ví ya̱ íyó ni̱ꞌi̱nꞌ nú tɨɨn nú tutuꞌ i̱ña̱ꞌ jee kuvi kune nú rá seyúꞌ násɨ́ꞌ maa. Chi nso̱ko̱ꞌ nú maánú ñaꞌniꞌ rá ñɨvɨ noꞌó, jee jín ni̱ñɨ̱ꞌ nú nna̱chuya̱ꞌvi nú nkeꞌen nú rá ñɨvɨ sáva nuvi ráa ñɨvɨ Ndiosíꞌ. Rá ñɨvɨ vá va̱ji nu̱u̱nꞌ ntáká tataꞌ, ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, ntáká ñuunꞌ, ntáká nu̱u̱nꞌ rá ñɨvɨ.

Apoclipsis 6:16

Jee káchíꞌ ráa nu̱u̱nꞌ rá yuku vá jín rá kava vá: ―Nakuniꞌi rán ya̱ta̱ꞌ ráníꞌ, sáva chiyuꞌuꞌ rán ránuꞌuꞌ nu̱u̱nꞌ maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jín nu̱u̱nꞌ Lanchi Lúlí vá, chi maáréꞌ ví ya̱ taji re̱ꞌ tu̱nóꞌó xéénꞌ nu̱u̱nꞌ ránꞌ jie̱ꞌe̱ꞌ kítɨ́ꞌ iniꞌ re̱ꞌ néꞌyá re̱ꞌ rá kua̱chi ránꞌ.