Apoclipsis 4:2 - Mixteco del suroeste de Tlaxiaco Oaxaca

² Jee kuíntañúꞌún niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Saájee niniꞌ ni̱ꞌ antivɨ́ súkún ɨɨn teyuꞌ ya̱ íñɨ́ nu̱u̱nꞌ tátúníꞌ jín maáréꞌ ya̱ nééꞌ re̱ꞌ teyuꞌ vá tátúníꞌ re̱ꞌ.

Apoclipsis 4:2 ပူးပေါင်းရင်းမြစ်များ

Mateo 22:43

Jee nkachiꞌ Jesús nu̱u̱nꞌ ráa: ―Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sákachiꞌ maá David, jee, ¿na̱ja chi nkachiꞌ David ya̱ I̱toꞌoꞌ re̱ꞌ ví Cristo rúja?, sáá nkachiꞌ re̱ꞌ [tiempúꞌ chíji jie̱ꞌe̱ꞌ Cristo]:

Hebreos 8:1

Jee saáva ya̱ ñáꞌnú nasɨ́kuitɨꞌ ka̱ꞌ kúvi jie̱ꞌe̱ꞌ rá tu̱ꞌun ya̱ káchíꞌ ráníꞌ kúvi ya̱ íyó ɨɨn su̱tu̱ꞌ kúñáꞌnú‑ó, sáni nkachiꞌ ránꞌ, ya̱ maáréꞌ ví ya̱ ña̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ kúñáꞌnú tátúníꞌ‑i ne̱ antivɨ́.

Apoclipsis 1:10

Jee nééꞌ ni̱ꞌ yukuán ɨɨn ki̱vɨ̱ꞌ ya̱ káchíꞌ‑ó ki̱vɨ̱ꞌ I̱toꞌoꞌ‑ó, ya̱ ki̱vɨ̱ꞌ domingúꞌ jee suꞌva nnoꞌo ni̱ꞌ. Jee yukuán niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee ichi yátá ni̱ꞌ nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a kuéntáꞌ kua̱ꞌ tívɨ́ꞌ ni̱ꞌin ɨɨn trompeta.

Apoclipsis 12:5

Saájee nsi̱káku ña ɨɨn nchíkɨ́n su̱chí yɨ́ɨ́, ya̱ suvire̱ꞌ vá kunisotíñú re̱ꞌ ya̱ tatúníꞌ ni̱ꞌin re̱ꞌ nu̱u̱nꞌ kua̱íyó rá ñɨvɨ ñɨ̱vɨ́ jín bastón ka̱a ne̱ xinóꞌo re̱ꞌ rá ñɨvɨ kénta si̱kɨ̱ꞌ Ndiosíꞌ. Saájee nsiíyo se̱ꞌya yɨ́ɨ́ ña kinaa re̱ꞌ antivɨ́ súkún nu̱u̱nꞌ teyuꞌ nu̱u̱nꞌ nééꞌ Ndiosíꞌ tátúníꞌ‑i kuneeꞌ re̱ꞌ jín‑i.

Apoclipsis 17:3

Saájee kua̱na̱ka‑a nuꞌuꞌ ne̱ nu̱u̱nꞌ ñu̱ꞌún saɨn jee yukuán niniꞌ ni̱ꞌ ka̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee yukuán niniꞌ ni̱ꞌ ɨɨn ñaꞌan yósóꞌ ña ɨɨn kitɨ xéénꞌ kákini kuéꞌé, jee nɨ́ɨ́nkáꞌnú ti̱ꞌ níso rá súví ya̱ kúvi tu̱ꞌun níváꞌa si̱kɨ̱ꞌ Ndiosíꞌ. Jee u̱xa̱ꞌ xi̱ni̱ꞌ ti̱ꞌ, jee u̱ji̱ꞌ nikɨ ti̱ꞌ yósóꞌ.

Apoclipsis 19:4

Saájee ni ókóꞌ ku̱mi̱ꞌ (24) rá te̱e ñáꞌnú ya̱ nísotíñú vá, jín ni kúmíꞌ rá tékúꞌ vá, nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñu̱ꞌún nu̱u̱nꞌ Ndiosíꞌ jee nneñu̱ꞌun ráa Ndiosíꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ. Jee nkachiꞌ ráa: ―¡Amén! ¡Sukuán koo! ¡Na̱ ka̱ꞌ nakuetúꞌún‑ó noꞌó! ―nkachiꞌ ráa.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Apoclipsis 21:10

Saájee niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ, jee najiáꞌáꞌ ííꞌ vá nnaka re̱ꞌ nuꞌuꞌ kua̱ꞌa̱nꞌ re̱ꞌ jín ni̱ꞌ ne̱ xi̱ni̱ꞌ ɨɨn yuku máá káꞌnú súkún xá, jee nxi̱néꞌénꞌ re̱ꞌ nuꞌuꞌ máá ñuunꞌ káꞌnú ííꞌ ya̱ kúvi Jerusalén, jee va̱ji nkuun ñuunꞌ vá ne̱ antivɨ́ súkún tájí Ndiosíꞌ maa.

Apoclipsis 21:5

Saájee máá maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ nkachiꞌ re̱ꞌ: ―¡Kune̱ꞌyá!, ya̱ nna̱saꞌá jiáá ni̱ꞌ ntáká ya̱ íyó ―jee nkachiꞌ re̱ꞌ― tee rá tu̱ꞌun yaꞌá, chi rá tu̱ꞌun yaꞌá sikúnkuvi na̱a̱ꞌ ni̱ꞌ jee máá naáꞌ nijia kúvi tu̱ꞌun yaꞌá ―nkachiꞌ re̱ꞌ.

Apoclipsis 3:21

’Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ ya̱ kuneeꞌ ñɨvɨ vá jín nuꞌuꞌ nu̱u̱nꞌ teyuꞌ ni̱ꞌ nu̱u̱nꞌ tátúníꞌ ni̱ꞌ, kuéntáꞌ kua̱ꞌ nku̱neí ni̱ꞌ si̱kɨ̱ꞌ tiñu níváꞌa jee nééꞌ ni̱ꞌ jín Tááꞌ ni̱ꞌ nu̱u̱nꞌ teyuꞌ re̱ꞌ nu̱u̱nꞌ tátúníꞌ re̱ꞌ.

Apoclipsis 4:10

jee ta íchí néñu̱ꞌun ráa Ndiosíꞌ sukuán saájee suni ni o̱ko̱ꞌ ku̱mi̱ꞌ (24) rá te̱e kúñáꞌnú vá, nákuíñɨꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun nu̱u̱nꞌ re̱ꞌ ya̱ nééꞌ re̱ꞌ teyuꞌ tátúníꞌ re̱ꞌ, jee chíñúꞌún ráa maáréꞌ ya̱ tékúꞌ re̱ꞌ nɨ́ɨ́nkání, jee táváꞌ ráa rá corona ñúxíniꞌ ráa jiákɨ́nꞌ ráa maa ichinúúnꞌ teyuꞌ nu̱u̱nꞌ tátúníꞌ re̱ꞌ. Jee káchíꞌ ráa:

Apoclipsis 4:5

Jee teyuꞌ nu̱u̱nꞌ nééꞌ maáréꞌ yukuán, kéne tajia ya̱ jiánu̱te̱ꞌ, nɨ́ꞌɨn jiáku, kána tajia. Jee ichinúúnꞌ teyuꞌ vá nu̱u̱nꞌ nééꞌ re̱ꞌ yukuán káyúꞌ u̱xa̱ꞌ itɨ sújié tɨ́ɨn ñuꞌunꞌ ya̱ kúvi ni uxáꞌ rá espíritu Ndiosíꞌ ya̱ ntu túvi nijinꞌ.

Apoclipsis 4:9

Jee ta íchí káchíꞌ ni kúmíꞌ rá tékúꞌ vá, ya̱ máá kúñáꞌnú ví re̱ꞌ, jín ya̱ nákuetúꞌún ráa re̱ꞌ, jín ya̱ nákuatáꞌví ráa maáréꞌ, ya̱ nééꞌ re̱ꞌ teyuꞌ tátúníꞌ re̱ꞌ jín ya̱ tékúꞌ re̱ꞌ nɨ́ɨ́nkání,

Apoclipsis 5:1

Saájee nuꞌuꞌ niniꞌ ni̱ꞌ, maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jee naꞌá kuáꞌá re̱ꞌ ínaꞌá re̱ꞌ ɨɨn tutuꞌ kání nna̱tuviꞌ. Jee nééꞌ tu̱ꞌun ni núvíꞌ íyó ichi nu̱u̱nꞌ tutuꞌ vá. Jee násɨ́ꞌ u̱xa̱ꞌ seyúꞌ maa.

Apoclipsis 5:13

Jee nteso̱ꞌo ni̱ꞌ ya̱ nkaꞌanꞌ ntáká rá nsa̱ꞌá Ndiosíꞌ rá íyó súkún, jín rá íyó nu̱u̱nꞌ ñuꞌun, jín rá íyó chi̱ji ñuꞌun, jín rá íyó chi̱ji nteñúꞌún, jee kua̱íyó rá íyó yukuán nkachiꞌ: Maáréꞌ ya̱ nééꞌ re̱ꞌ teyuꞌ tátúníꞌ re̱ꞌ, jín maáréꞌ ya̱ kúvi re̱ꞌ lanchi Ndiosíꞌ, jee nákuetúꞌún‑ó ráa, nákuatáꞌví‑ó ráa, chíñúꞌún‑ó ráa ya̱ viiꞌ víꞌí kúñáꞌnú ráa, na̱ ka̱ꞌ níso ráa fuersáꞌ ííꞌ ya̱ tátúníꞌ ráa nu̱u̱nꞌ kua̱íyó kuitɨꞌ ne̱ vitan jín nɨ́ɨ́nkání. Nkachiꞌ ráa.

Apoclipsis 6:16

Jee káchíꞌ ráa nu̱u̱nꞌ rá yuku vá jín rá kava vá: ―Nakuniꞌi rán ya̱ta̱ꞌ ráníꞌ, sáva chiyuꞌuꞌ rán ránuꞌuꞌ nu̱u̱nꞌ maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ, jín nu̱u̱nꞌ Lanchi Lúlí vá, chi maáréꞌ ví ya̱ taji re̱ꞌ tu̱nóꞌó xéénꞌ nu̱u̱nꞌ ránꞌ jie̱ꞌe̱ꞌ kítɨ́ꞌ iniꞌ re̱ꞌ néꞌyá re̱ꞌ rá kua̱chi ránꞌ.