Apoclipsis 3:3 - Mixteco del suroeste de Tlaxiaco Oaxaca

³ Jee naku̱ꞌun iniꞌ rán tu̱ꞌun na̱a̱ꞌ ya̱ nníꞌinꞌ rán ya̱ nteso̱ꞌo rán, jee kunikɨnꞌ rán maa, jee nakani iniꞌ rán. Chi retú ntu̱ví íyó nito rán maárán, jee sa̱naanꞌ ni kenta ni̱ꞌ nu̱u̱nꞌ rán kuéntáꞌ kua̱ꞌ ɨɨn ya̱ kuíꞌná jee xinóꞌo ni̱ꞌ ránoꞌó, jee ni nsáꞌ kuniꞌ rán ná hora kenta ni̱ꞌ.

Apoclipsis 3:3 ပူးပေါင်းရင်းမြစ်များ

Mateo 25:13

Jee nkachiꞌ Jesús: ―Saáva nito koo rán chi ntu̱ví jíníꞌ rán na̱ ki̱vɨ̱ꞌ ni na̱ hora kiji tuku nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́.

Marcos 13:33

Nito koo rán maárán. Kuꞌun xúꞌún iniꞌ rán. Jee ka̱ka̱nꞌ táꞌvíꞌ rán nu̱u̱nꞌ Ndiosíꞌ, chi ntu jíníꞌ rán na̱ tiempúꞌ kuvi‑i.

Marcos 13:36

Nito koo rán maárán, sáva retú sa̱naanꞌ nenta ni̱ꞌ jee koo tu̱ꞌva rán, kuéntáꞌ retú nenta sa̱naanꞌ te̱e xí veꞌi, jee ntu nániꞌinꞌ sa̱naanꞌ re̱ꞌ musúꞌ kíxíꞌ.

1 Tesalonicenses 5:2

Chi maáránoꞌó ya̱ jíníꞌ va̱ꞌa rán ya̱ kenta sa̱naanꞌ ni ki̱vɨ̱ꞌ ya̱ kiji I̱toꞌoꞌ‑ó kuéntáꞌ kénta sa̱naanꞌ ɨɨn te̱e sákuíꞌná yakuááꞌ.

1 Timoteo 6:20

Noꞌó, Timoteo, kumí váꞌa tiñu ya̱ ntaji Ndiosíꞌ nu̱u̱nꞌ nú. Chusává nú nu̱u̱nꞌ tu̱ꞌun nékáíyó káꞌánꞌ ñɨvɨ, ya̱ ntu íyó ñáꞌnú Ndiosíꞌ nu̱u̱nꞌ ráa, jín ya̱ núníꞌin nu̱u̱nꞌ tu̱ꞌun na̱a̱ꞌ Ndiosíꞌ, ya̱ káchíꞌ ráa nika̱ꞌ, ya̱ tu̱ꞌun níchí ví rá tu̱ꞌun vá.

2 Timoteo 1:13

Tɨɨn nú tu̱ꞌun na̱a̱ꞌ nteso̱ꞌo nú ya̱ nxi̱néꞌénꞌ ni̱ꞌ noꞌó, sáva kúvi ichi kunikɨnꞌ nú, sáá kuneí iniꞌ‑ó Cristo, jín sáá kunu̱u̱nꞌ nú Ndiosíꞌ jín ñɨvɨ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Hebreos 2:1

Jee saáva, íyó kunenu̱u̱nꞌ‑ó saꞌ víꞌí káꞌ tu̱ꞌun Se̱ꞌya re̱ꞌ ya̱ nteso̱ꞌo‑ó, sáva ntu nusɨ́ɨ́n‑ó nu̱u̱nꞌ tu̱ꞌun vá.

2 Pedro 1:13

Chi jiáni iniꞌ ni̱ꞌ ya̱ íyó va̱ꞌa ya̱ xinákúꞌun ni̱ꞌ iniꞌ ránoꞌó jie̱ꞌe̱ꞌ rá tu̱ꞌun yaꞌá vitan tékúꞌ ni̱ꞌ ka̱ꞌ

2 Pedro 3:1

Ránoꞌó ya̱ ñúnúunꞌ ni̱ꞌ, yaꞌá kúvi tutuꞌ uvíꞌ ya̱ tée ni̱ꞌ nu̱u̱nꞌ ránoꞌó. Jee tée ni̱ꞌ nu̱u̱nꞌ ni núvíꞌ rá tutuꞌ yaꞌá sáva xinákúꞌun ni̱ꞌ iniꞌ rán sáva xiníꞌvɨ́ꞌ ni̱ꞌ iniꞌ rán ya̱ kani ninuꞌun antúníꞌ rán,

2 Pedro 3:10

Soo ki̱vɨ̱ꞌ ya̱ nenta I̱toꞌoꞌ‑ó sanáaꞌ re̱ꞌ jee sa̱naanꞌ ni nenta re̱ꞌ kuéntáꞌ kua̱ꞌ sa̱naanꞌ ni kenta ɨɨn te̱e kuíꞌná. Jee ki̱vɨ̱ꞌ nenta re̱ꞌ, jee nɨꞌɨn víꞌí súkún jee kɨ̱naanꞌ‑a. Jee nɨꞌɨ ya̱ íyó súkún jín ñɨ̱vɨ́ ka̱yu̱ꞌ‑u jee ta̱nɨ̱ꞌ‑ɨ jee nta̱ká ya̱ íyó iniꞌ ñɨ̱vɨ́ yaꞌá ka̱yu̱ꞌ‑u.

Apoclipsis 16:15

Jee nkachiꞌ Jesús: ―Tɨɨn kuéntáꞌ va̱ꞌa rán, sa̱naanꞌ ni nenta ni̱ꞌ kuéntáꞌ kua̱ꞌ kénta sa̱naanꞌ ɨɨn te̱e kuíꞌná. Saáva na̱ ka̱ꞌ netuꞌ ka̱ꞌ kuvi ñɨvɨ ya̱ ñúꞌún nito iniꞌ‑i, kuéntáꞌ kua̱ꞌ ɨɨn ñɨvɨ ya̱ íyó listo saꞌma sáva ntu jíka ñɨɨn léꞌlé‑e jee nkóo‑o tu̱ꞌun kánuun sáá kune̱ꞌyá ñɨvɨ nu̱u̱nꞌ‑u.

Apoclipsis 2:25

Soo kua̱chi vá kunikɨnꞌ kutú rán maá tu̱ꞌun na̱a̱ꞌ ya̱ jínúꞌ iniꞌ rán ya̱ níkɨ́nꞌ rán, nekuaꞌ niji ni̱ꞌ.

Apoclipsis 2:5

Saáva íyó naku̱ꞌun iniꞌ rán ya̱ ntántúníꞌ ñúnúunꞌ víꞌí rán nékúvi soo nkininkava rán ya̱ ntu ñúnúunꞌ rán ka̱ꞌ kua̱ꞌ nékúvi. Íyó nakani iniꞌ rán jee saꞌá rán tiñu sánikua̱ꞌ nsa̱ꞌá rán ya̱ ñúnúunꞌ víꞌí rán ne̱ rá tiempúꞌ va̱ji ya̱ta̱ꞌ sáá nka̱jiéꞌé ni̱nu̱ꞌ iniꞌ rán xíꞌnañúꞌún. Chi retú ntu̱ví, jee kenta ni̱ꞌ jee siíyo ni̱ꞌ kantilerúꞌ ránoꞌó sáva nsáꞌ kuvi rán grupo ni̱ꞌ ka̱ꞌ.

Apoclipsis 22:7

―¡Kune̱ꞌyá rán!, chi ñamani niji tuku ni̱ꞌ ―nkachiꞌ Jesús― jee netuꞌ kuvi rá ñɨvɨ ya̱ chúꞌun iniꞌ ráa tu̱ꞌun nkene yuꞌú Ndiosíꞌ ya̱ nééꞌ nu̱u̱nꞌ tutuꞌ yaꞌá.

Apoclipsis 3:11

’Jee ñamani nenta ni̱ꞌ, saáva kunikɨnꞌ kutú rán kuiñɨ rán jín tu̱ꞌun ni̱ꞌ ya̱ jínúꞌ iniꞌ rán, sáva ni ɨɨn ntu̱náꞌ kuneí naneeꞌ ta̱ꞌvi̱ꞌ ni̱ꞌi̱nꞌ rán.

Apoclipsis 3:19

’Chi ntáká rá ñɨvɨ ya̱ ñúnúunꞌ ni̱ꞌ, jee núxeenꞌ ni̱ꞌ nu̱u̱nꞌ ráa jee xínóꞌo ni̱ꞌ ráa náchuꞌun na̱a̱ꞌ ni̱ꞌ ichi ráa. Saáva nakukáñá iniꞌ ráa nakunikɨnꞌ ráa ichi váꞌa jee nakani iniꞌ ráa.

Apoclipsis 3:2

Nataꞌvi iniꞌ rán jee nakeni rán jín yakuꞌ ka̱ꞌ ya̱ yɨ́tíñú rán nu̱u̱nꞌ ni̱ꞌ ya̱ sa̱néꞌ íyó kɨ̱naanꞌ‑a. Chi ya̱ jíníꞌ va̱ꞌa ni̱ꞌ ya̱ ntu síkúnkuvi na̱a̱ꞌ rán nu̱u̱nꞌ Ndiosíꞌ.