Apoclipsis 3:11 - Mixteco del suroeste de Tlaxiaco Oaxaca

¹¹ ’Jee ñamani nenta ni̱ꞌ, saáva kunikɨnꞌ kutú rán kuiñɨ rán jín tu̱ꞌun ni̱ꞌ ya̱ jínúꞌ iniꞌ rán, sáva ni ɨɨn ntu̱náꞌ kuneí naneeꞌ ta̱ꞌvi̱ꞌ ni̱ꞌi̱nꞌ rán.

Apoclipsis 3:11 ပူးပေါင်းရင်းမြစ်များ

1 Corintios 9:25

Chi ntáká ñɨvɨ síkɨ́ jee núnasɨ́ ráa sátúꞌva ráa maáráa kúmí ráa ñunéꞌyúꞌ ráa sáva kuneí ráa jee ni̱ꞌi̱nꞌ ráa kutaꞌviꞌ ráa ɨɨn ta̱ꞌvi̱ꞌ, ya̱ ntu̱ví kínóo ntáká tiempúꞌ chi náánꞌ‑á. Soo maáó chi ni̱ꞌi̱nꞌ‑ó ɨɨn ta̱ꞌvi̱ꞌ ya̱ kutaꞌviꞌ‑ó ya̱ koo jín‑ó nɨ́ɨ́nkání ya̱ ntu̱ví náánꞌ‑a.

Filipenses 4:5

Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.

2 Timoteo 2:5

Jee suni sukuán súnika̱ꞌ ɨɨn te̱e síkɨ́ nsáꞌ ni̱ꞌi̱nꞌ‑i ta̱ꞌvi̱ꞌ, retú ntu̱ví síkɨ́ re̱ꞌ sánikua̱ꞌ íyótúníꞌ sáá síkɨ́ ráa.

2 Timoteo 4:8

Jee vitan rá ñúꞌún va̱ꞌa ta̱ꞌvi̱ꞌ ni̱ꞌ, ya̱ taji I̱toꞌoꞌ‑ó nu̱u̱nꞌ ni̱ꞌ jie̱ꞌe̱ꞌ jiáꞌnu na̱a̱ꞌ ni̱ꞌ nu̱u̱nꞌ re̱ꞌ. Jee taji re̱ꞌ maa nu̱u̱nꞌ ni̱ꞌ ki̱vɨ̱ꞌ nenta tuku re̱ꞌ keꞌneꞌ re̱ꞌ rá kua̱chi, chi na̱a̱ꞌ jiéꞌnéꞌ re̱ꞌ kua̱chi. Jee nsú kua̱chi nu̱u̱nꞌ maáníꞌ taji re̱ꞌ ta̱ꞌvi̱ꞌ vá, chi suni ku̱ꞌva re̱ꞌ ta̱ꞌvi̱ꞌ vá nu̱u̱nꞌ nta̱ká ñɨvɨ ya̱ ñúnúunꞌ ráa ya̱ niji re̱ꞌ.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

Santiago 5:9

Ránoꞌó ñaniꞌ jín ku̱ꞌva, koto násóyu̱ꞌú rán nu̱u̱nꞌ ɨɨn inka táꞌán rán, sáva ntu kúnáaꞌ kua̱chi si̱kɨ̱ꞌ rán. Kune̱ꞌyá rán, Ndiosíꞌ ya̱ suvire̱ꞌ vá jiéꞌnéꞌ kua̱chi yatin niji re̱ꞌ, kuéntáꞌ ya ñúneen re̱ꞌ yuvéꞌí.

Apoclipsis 1:3

Jee na̱ ka̱ꞌ netuꞌ kuvi ɨɨn ñɨvɨ ya̱ káꞌvi rá tu̱ꞌun níso nu̱u̱nꞌ tutuꞌ yaꞌá ya̱ nkene yuꞌú máá maá Ndiosíꞌ, jín rá ñɨvɨ tésóꞌo maa, jee chúꞌun iniꞌ ráa rá tu̱ꞌun níso nu̱u̱nꞌ tutuꞌ yaꞌá. Chi ya̱ kua̱kuyatin tiempúꞌ ya̱ koo ntáká rá tiñu ya̱ nééꞌ nu̱u̱nꞌ tutuꞌ yaꞌá.

Apoclipsis 16:15

Jee nkachiꞌ Jesús: ―Tɨɨn kuéntáꞌ va̱ꞌa rán, sa̱naanꞌ ni nenta ni̱ꞌ kuéntáꞌ kua̱ꞌ kénta sa̱naanꞌ ɨɨn te̱e kuíꞌná. Saáva na̱ ka̱ꞌ netuꞌ ka̱ꞌ kuvi ñɨvɨ ya̱ ñúꞌún nito iniꞌ‑i, kuéntáꞌ kua̱ꞌ ɨɨn ñɨvɨ ya̱ íyó listo saꞌma sáva ntu jíka ñɨɨn léꞌlé‑e jee nkóo‑o tu̱ꞌun kánuun sáá kune̱ꞌyá ñɨvɨ nu̱u̱nꞌ‑u.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Apoclipsis 2:13

[Jee jíníꞌ ni̱ꞌ ntáká tiñu váꞌa sáꞌá rán.] Jee jíníꞌ ni̱ꞌ ya̱ nééꞌ rán nu̱u̱nꞌ tátúníꞌ kui̱ꞌna̱ꞌ kúñáꞌnú naní Satanás. Soo súka̱ꞌ sukuán soo íñɨ́ ni̱ꞌin rán níkɨ́nꞌ na̱a̱ꞌ rán nuꞌuꞌ. Jee ni ntu nníkó iniꞌ rán ya̱ jínúꞌ iniꞌ rán nuꞌuꞌ, ni súnika̱ꞌ sáá nkuvi rá ki̱vɨ̱ꞌ nneeꞌ Antipas nteñu rán, ɨɨn te̱e ya̱ nsi̱kúnkuvi na̱a̱ꞌ re̱ꞌ nna̱kani na̱a̱ꞌ re̱ꞌ tu̱ꞌun ni̱ꞌ, jee ñaꞌniꞌ ráa maa nteñu rán yukuán ñuunꞌ nu̱u̱nꞌ nééꞌ Satanás.

Apoclipsis 2:25

Soo kua̱chi vá kunikɨnꞌ kutú rán maá tu̱ꞌun na̱a̱ꞌ ya̱ jínúꞌ iniꞌ rán ya̱ níkɨ́nꞌ rán, nekuaꞌ niji ni̱ꞌ.

Apoclipsis 22:12

Saájee maá I̱toꞌoꞌ‑ó nkachiꞌ re̱ꞌ: ―¡Kune̱ꞌyá rán!, ñamani niji ni̱ꞌ. Jee kiji ni̱ꞌ jín ta̱ꞌvi̱ꞌ ya̱ naku̱ꞌva ni̱ꞌ nu̱u̱nꞌ ta ɨɨn ɨɨn rá ñɨvɨ, jie̱ꞌe̱ꞌ na̱ja kua̱ꞌ íyó sáni rá tiñu ya̱ nsa̱ꞌá ráa.

Apoclipsis 22:20

Jee maá Jesús jiáꞌa ya̱ naáꞌ jie̱ꞌe̱ꞌ ntáká rá tu̱ꞌun yaꞌá, jee káchíꞌ re̱ꞌ: ―Máá naáꞌ nijia kúvi ya̱ ñamani niji ni̱ꞌ ―kachiꞌ re̱ꞌ. Jee nkachiꞌ ni̱ꞌ nu̱u̱nꞌ re̱ꞌ: ―¡Amén! ¡Sukuán koo! ¡Neꞌenꞌ I̱toꞌoꞌ ni̱ꞌ Jesús! ―nkachiꞌ ni̱ꞌ.

Apoclipsis 22:7

―¡Kune̱ꞌyá rán!, chi ñamani niji tuku ni̱ꞌ ―nkachiꞌ Jesús― jee netuꞌ kuvi rá ñɨvɨ ya̱ chúꞌun iniꞌ ráa tu̱ꞌun nkene yuꞌú Ndiosíꞌ ya̱ nééꞌ nu̱u̱nꞌ tutuꞌ yaꞌá.

Apoclipsis 3:3

Jee naku̱ꞌun iniꞌ rán tu̱ꞌun na̱a̱ꞌ ya̱ nníꞌinꞌ rán ya̱ nteso̱ꞌo rán, jee kunikɨnꞌ rán maa, jee nakani iniꞌ rán. Chi retú ntu̱ví íyó nito rán maárán, jee sa̱naanꞌ ni kenta ni̱ꞌ nu̱u̱nꞌ rán kuéntáꞌ kua̱ꞌ ɨɨn ya̱ kuíꞌná jee xinóꞌo ni̱ꞌ ránoꞌó, jee ni nsáꞌ kuniꞌ rán ná hora kenta ni̱ꞌ.

Apoclipsis 4:10

jee ta íchí néñu̱ꞌun ráa Ndiosíꞌ sukuán saájee suni ni o̱ko̱ꞌ ku̱mi̱ꞌ (24) rá te̱e kúñáꞌnú vá, nákuíñɨꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun nu̱u̱nꞌ re̱ꞌ ya̱ nééꞌ re̱ꞌ teyuꞌ tátúníꞌ re̱ꞌ, jee chíñúꞌún ráa maáréꞌ ya̱ tékúꞌ re̱ꞌ nɨ́ɨ́nkání, jee táváꞌ ráa rá corona ñúxíniꞌ ráa jiákɨ́nꞌ ráa maa ichinúúnꞌ teyuꞌ nu̱u̱nꞌ tátúníꞌ re̱ꞌ. Jee káchíꞌ ráa:

Apoclipsis 4:4

Jee nu̱u̱nꞌ teyuꞌ re̱ꞌ tátúníꞌ re̱ꞌ, yukuán ni̱kótíyu o̱ko̱ꞌ ku̱mi̱ꞌ (24) ka̱ꞌ teyuꞌ nu̱u̱nꞌ tátúníꞌ. Jee yukuán nééꞌ o̱ko̱ꞌ ku̱mi̱ꞌ (24) rá maá te̱e kúñáꞌnú. Jee ñúꞌún ráa máá saꞌma kuíjín, jee ñúxíniꞌ ráa corona oro.