Apoclipsis 3:10 - Mixteco del suroeste de Tlaxiaco Oaxaca

¹⁰ ’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.

Apoclipsis 3:10 ပူးပေါင်းရင်းမြစ်များ

Mateo 24:14

Jee tu̱ꞌun váꞌa yaꞌá ya̱ káꞌánꞌ‑a jie̱ꞌe̱ꞌ ya̱ kúvi ki̱vɨ̱ꞌ ñɨvɨ naꞌá Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa te̱ku̱tu̱ꞌún‑u nu̱u̱nꞌ nɨ́ɨ́nkáꞌnú nu̱u̱nꞌ ñɨ̱vɨ́ yaꞌá, sáva stúvi ya̱ nááꞌ nu̱u̱nꞌ ñɨvɨ nta̱ká ñuunꞌ ñɨ̱vɨ́ yaꞌá, saájee kenta ji̱nu tiempúꞌ nu̱u̱nꞌ nɨ́ꞌɨ.

Mateo 26:41

Kunito rán jee ka̱ka̱nꞌ táꞌvíꞌ rán nu̱u̱nꞌ Ndiosíꞌ, sáva koto síkúvi iniꞌ rán kininkava rán nu̱u̱nꞌ xinóo rán ya̱ kuiñɨ ni̱ꞌin rán jín nuꞌuꞌ. Íyó nijia ya̱ ɨɨn ni ñúꞌún káñá ánímaꞌ rán sikúnkuvi va̱ꞌa rán, soo ñunéꞌyúꞌ rán chi táyáꞌ‑a ―nkachiꞌ Jesús.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Marcos 14:9

Jee máá na̱a̱ꞌ vá káchíꞌ ni̱ꞌ nu̱u̱nꞌ rán, ya̱ né ni ví nkuvi nu̱u̱nꞌ stekútu̱ꞌún ráa tu̱ꞌun váꞌa jie̱ꞌe̱ꞌ nuꞌuꞌ kua̱íyó nɨꞌɨ ñɨ̱vɨ́, jee suni nakani ráa ya̱ nsa̱ꞌá ña, sáva naku̱ꞌun iniꞌ rá ñɨvɨ ña ―nkachiꞌ Jesús nu̱u̱nꞌ ráa.

Lucas 2:1

Jee rá ki̱vɨ̱ꞌ tiempúꞌ yukuán nkuvi suꞌva, jee Augusto ya̱ kúvi te̱e tátúníꞌ ñuunꞌ Roma, jee nta̱túníꞌ re̱ꞌ nu̱u̱nꞌ rá ñɨvɨ kua̱íyó rá ñuunꞌ íyó ñɨ̱vɨ́ ya̱ yɨ́ꞌɨ́ ráa xi̱ntíín ñuunꞌ Roma ya̱ nakeꞌen ráa kua̱íyó súví rá ñɨvɨ nakɨ̱ꞌɨ nu̱u̱nꞌ tutuꞌ.

Juan 17:6

’Chi rá ñɨvɨ nka̱ji nú iniꞌ ñɨ̱vɨ́ yaꞌá ya̱ ntaji nú ráa nu̱u̱nꞌ ni̱ꞌ, jee nstúvi ni̱ꞌ noꞌó nu̱u̱nꞌ ráa. Rá ñɨvɨ nú nkuvi ráa jee ntaji nú ráa nu̱u̱nꞌ ni̱ꞌ, jee ntɨɨn ráa ñúꞌún iniꞌ ráa tu̱ꞌun nú.

Romanos 1:8

Jee xíꞌnañúꞌún ka̱ꞌ jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ni̱ꞌ jie̱ꞌe̱ꞌ ntáká ránoꞌó sáni chúꞌun káñá Jesucristo iniꞌ ni̱ꞌ sáꞌá ni̱ꞌ maa, chi tékútu̱ꞌún nu̱u̱nꞌ nɨꞌɨ ñɨ̱vɨ́ na̱sa kúneí iniꞌ rán Jesús.

1 Corintios 10:13

Chi íyó ya̱ nóꞌo rán ya̱ núkú‑u sikívɨ‑ɨ ránoꞌó nu̱u̱nꞌ kua̱chi, chi suni kua̱ꞌ nóꞌo rán suni sukuán nóꞌo rá inka ka̱ꞌ rá ñɨvɨ. Soo na̱a̱ꞌ síkúnkuvi Ndiosíꞌ jee kúvi kuneí iniꞌ rán re̱ꞌ, chi ntu yɨ́netuꞌ re̱ꞌ sikúvi iniꞌ rán ka̱ꞌ nsú ká kuvi kúneí rán jín‑i. Chisaꞌ sáá síkúvi iniꞌ rán saꞌá rán kua̱chi, jee máá Ndiosíꞌ chineí re̱ꞌ ránoꞌó sáva kuvi kuneí rán ka̱ku rán nu̱u̱nꞌ kua̱chi vá sáva kuvi keꞌneꞌ iniꞌ rán ya̱ nóꞌo rán.

Efesios 6:13

Saáva satúꞌva rán maárán jín nɨꞌɨ ya̱ táji Ndiosíꞌ nu̱u̱nꞌ rán sáva nama rán maárán, kuéntáꞌ íyó soldado ya̱ sátúꞌva re̱ꞌ jín rá nantíñú re̱ꞌ, sáva kúvi kuneí rán kuiñɨ ni̱ꞌin rán ki̱vɨ̱ꞌ kákini kenta, jee sáá nkuvi nsa̱ꞌá rán nɨꞌɨ, jee kuiñɨ ni̱ꞌin rán.

2 Timoteo 2:12

Jee retú kuni̱ꞌin‑ó kuiñɨ‑ó jín re̱ꞌ sú nóꞌo‑ó jee suni tatúníꞌ‑ó jín re̱ꞌ. Soo retú kúíchi iniꞌ‑ó re̱ꞌ ya̱ nsú I̱toꞌoꞌ‑ó ví re̱ꞌ, jee suni kuichi iniꞌ re̱ꞌ kune̱ꞌyá re̱ꞌ yó ya̱ nsú ñɨvɨ re̱ꞌ kúvi‑ó.

Santiago 3:12

Ránoꞌó, rá ñaniꞌ ni̱ꞌ jín rá ku̱ꞌva ni̱ꞌ, ¿á kúvi ku̱ꞌva yutun higo rá aceituna?, áxí, ¿á kúvi ku̱ꞌva yokúꞌúꞌ uva rá higo? Ni nsáꞌ kúvi ɨɨn nu̱u̱nꞌ káku nute ku̱ꞌva‑a nute u̱ꞌva̱ꞌ jín suni nute ninuꞌun.

1 Pedro 4:12

Ránoꞌó ñanitáꞌán ya̱ ñúnúunꞌ ni̱ꞌ, koto tívɨ́ xíniꞌ rán retú ñúꞌún rán nu̱u̱nꞌ ñúꞌúnꞌ sáá jítotúníꞌ rá tu̱nóꞌó xéénꞌ ránoꞌó, jee koto tívɨ́ xíniꞌ rán jie̱ꞌe̱ꞌ vá chi nsú kua̱chi ránoꞌó ni ya̱ nóꞌo maa.

2 Pedro 2:9

Jee ré sukuán nsa̱ꞌá I̱toꞌoꞌ‑ó jee jíníꞌ I̱toꞌoꞌ‑ó sikáku re̱ꞌ rá ñɨvɨ yɨ́tíñú ráa nu̱u̱nꞌ re̱ꞌ nu̱u̱nꞌ rá tu̱nóꞌó ya̱ jítotúníꞌ vá ráa. Soo téváꞌa sɨ́ɨ́n re̱ꞌ rá ñɨvɨ ya̱ ntu kúvi ñɨvɨ na̱a̱ꞌ, sáva kunoꞌo ráa tu̱nóꞌó ki̱vɨ̱ꞌ saꞌá náaꞌ re̱ꞌ kua̱chi.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Apoclipsis 11:10

Jee rá ñɨvɨ nééꞌ iniꞌ ñɨ̱vɨ́ kusɨ̱ɨ̱ꞌ víꞌí iniꞌ ráa jie̱ꞌe̱ꞌ ya̱ níꞌiꞌ ni núvíꞌ rá te̱e vá, jee saꞌá ráa viko, jee sikútaꞌviꞌ ráa ta̱ꞌvi̱ꞌ nu̱u̱nꞌ ɨɨn inka táꞌán ráa, jie̱ꞌe̱ꞌ ya̱ níꞌiꞌ ni núvíꞌ rá te̱e vá ya̱ nkachitu̱ꞌún ráa tu̱ꞌun nkene yuꞌú Ndiosíꞌ, chi nchu̱níní ráa iniꞌ rá ñɨvɨ nééꞌ iniꞌ ñɨ̱vɨ́.

Apoclipsis 13:10

Retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kɨꞌɨ‑ɨ veka̱a, jee sáá íyó kɨ̱ꞌɨ̱nꞌ‑ɨ kɨꞌɨ‑ɨ veka̱a. Jee retú néni ɨɨn ñɨvɨ ya̱ yɨ́netuꞌ Ndiosíꞌ ya̱ kaꞌniꞌ inka ñɨvɨ maa jín yuchiꞌ, jee sáá íyó kuviꞌ‑i jín yuchiꞌ. Jee jie̱ꞌe̱ꞌ yaꞌá rá ñɨvɨ ya̱ nsa̱ꞌá sɨ́ɨ́n Ndiosíꞌ kɨꞌɨ ráa nu̱u̱nꞌ re̱ꞌ íyó koo káꞌnú iniꞌ ráa kuni̱ꞌin ráa nu̱u̱nꞌ re̱ꞌ jee íyó kuneí iniꞌ ráa re̱ꞌ.

Apoclipsis 13:14

Jee xínáꞌví ti̱ꞌ rá ñɨvɨ ya̱ nééꞌ ráa iniꞌ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Cristo, jie̱ꞌe̱ꞌ rá seña a̱nasɨ́ sáꞌá ti̱ꞌ, ya̱ níꞌinꞌ ti̱ꞌ ya̱ kuvi saꞌá ti̱ꞌ maa ichinúúnꞌ kitɨ xéénꞌ kákini xíꞌnañúꞌún vá. Jee nta̱túníꞌ ti̱ꞌ nu̱u̱nꞌ rá ñɨvɨ ya̱ nééꞌ ráa iniꞌ ñɨ̱vɨ́ ya̱ saꞌá ráa ɨɨn santúꞌ ñunéꞌyúꞌ máá maá kitɨ xéénꞌ xíꞌnañúꞌún ya̱ ntu̱fi̱ꞌ‑i nsa̱ꞌá yuchiꞌ, jee nna̱tekuꞌ‑u.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

Apoclipsis 14:12

Jee saáva rá ñɨvɨ ya̱ nsa̱ꞌá sɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, íyó káꞌnú koo iniꞌ ráa jee kuni̱ꞌin ráa nu̱u̱nꞌ re̱ꞌ, ya̱ maáráa ví ya̱ sikúnkuvi ráa tu̱ꞌun nta̱túníꞌ re̱ꞌ, jee íñɨ́ níꞌin ráa kúneí iniꞌ ráa Jesús ―káchíꞌ najiáꞌáꞌ ííꞌ uníꞌ vá.

Apoclipsis 14:6

Saájee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ náva‑a kua̱ꞌa̱nꞌ‑a jíkó‑o sava súkún. Jee va̱ji‑i jín tu̱ꞌun váꞌa Ndiosíꞌ stekútu̱ꞌún‑u vá nu̱u̱nꞌ rá ñɨvɨ nééꞌ ñɨ̱vɨ́, nu̱u̱nꞌ ntáká nu̱u̱nꞌ rá ñɨvɨ, jín nu̱u̱nꞌ ñɨvɨ ntáká tataꞌ, jín nu̱u̱nꞌ ntáká ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín nu̱u̱nꞌ ntáká ñuunꞌ.

Apoclipsis 16:14

Jee kúvi ráa ta̱chi̱ꞌ kíni kui̱ꞌna̱ꞌ, ya̱ sáꞌá ráa seña a̱nasɨ́. Jee kua̱ꞌa̱nꞌ ráa nu̱u̱nꞌ rá ñɨvɨ nísotíñú ya̱ tátúníꞌ nu̱u̱nꞌ nta̱ká rá ñuunꞌ kua̱íyó ñɨ̱vɨ́ nu̱u̱nꞌ nééꞌ ñɨvɨ, sáva nastútú ráa rává jín rá soldado rává kantáꞌán rává si̱kɨ̱ꞌ Ndiosíꞌ, máá ki̱vɨ̱ꞌ ñáꞌnú ñani Ndiosíꞌ keꞌneꞌ re̱ꞌ kua̱chi rá ñɨvɨ, ya̱ níso re̱ꞌ fesáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Apoclipsis 17:2

Jee rá te̱e nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, kuéntáꞌ nsa̱ꞌá téní ráa jín ñaꞌan vá, jee kuéntáꞌ nsa̱ꞌá téní ña nsi̱jíta ña xi̱ni̱ꞌ rá ñɨvɨ nééꞌ ñɨ̱vɨ́ ne̱ ni̱so̱ꞌ ni̱ñɨ̱ꞌ ráa, kuéntáꞌ njia̱ꞌa ña nixiꞌ vinúꞌ uva niꞌi ráa ne̱ ni̱ni ráa.

Apoclipsis 17:8

Jee kitɨ xéénꞌ kákini ya̱ niniꞌ nú, ni̱yo ti̱ꞌ yanaꞌán, soo ntu íyó ti̱ꞌ vitan, chi íyó kene tuku ti̱ꞌ numaꞌ ya̱ ntu jínu nu̱u̱nꞌ kúnú‑u nu̱u̱nꞌ yɨ́ꞌɨ́ ti̱ꞌ, jee íyó kɨ̱ꞌɨ̱nꞌ ti̱ꞌ nu̱u̱nꞌ ji̱ta ti̱ꞌ kunoꞌo ti̱ꞌ. Jee íyó tutuꞌ ya̱ ne̱ ntiáꞌan kiko̱o ñɨ̱vɨ́ níso rá súví rá ñɨvɨ kutekuꞌ nɨ́ɨ́nkání jín Ndiosíꞌ. Jee rá ñɨvɨ nééꞌ ñɨ̱vɨ́ ya̱ ntu níso súví ráa nu̱u̱nꞌ tutuꞌ vá jee ti̱vɨ́ xíniꞌ ráa kuniꞌ ráa kitɨ vá, ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee koo tuku ti̱ꞌ.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Apoclipsis 3:8

Jíníꞌ ni̱ꞌ ntáká tiñu váꞌa ya̱ sáꞌá rán. Kune̱ꞌyá, chi kuéntáꞌ ñani ni̱ꞌ ɨɨn yuvéꞌí núne ichinúúnꞌ rán ki̱vɨ rán nu̱u̱nꞌ nééꞌ ni̱ꞌ, jee ni ɨɨn ntu̱náꞌ kúvi kasɨꞌ maa nu̱u̱nꞌ rán. Chi súka̱ꞌ yakuꞌ fuersáꞌ níso rán, soo íñɨ́ ni̱ꞌin rán níkɨ́nꞌ rán tu̱ꞌun ni̱ꞌ, jee ni ntu nkáchíꞌ rán retú ntu jínúꞌ iniꞌ rán nuꞌuꞌ.

Apoclipsis 6:10

Jee ni̱ꞌin káꞌánꞌ ráa kákua̱chi ráa jee nkachiꞌ ráa: ―I̱toꞌoꞌ ráníꞌ, nóꞌo kúvi Ndiosíꞌ ííꞌ Ndiosíꞌ na̱a̱ꞌ. ¿Na̱sa ka̱ꞌ tiempúꞌ kukuéé nú, jee saꞌá náaꞌ nú nu̱u̱nꞌ rá ñɨvɨ ñɨ̱vɨ́ ya̱ ñaꞌniꞌ ráa ránuꞌuꞌ, jee nachunáán nú nu̱u̱nꞌ ráa? ―nkachiꞌ ráa.

Apoclipsis 8:13

Saájee niniꞌ ni̱ꞌ ɨɨn ta̱su̱nꞌ jíkó‑o nu̱u̱nꞌ ta̱chi̱ꞌ víjin sava súkún jee nteso̱ꞌo ni̱ꞌ ya̱ ne̱ laxín kánajíín ti̱ꞌ jee káchíꞌ ti̱ꞌ: ―¡Na̱ ka̱ꞌ náꞌví náꞌví náꞌví ka̱ꞌ rá ñɨvɨ ya̱ nééꞌ iniꞌ ñɨ̱vɨ́!, chi ya̱ nku̱yatin sa̱néꞌ vá íyó tivɨꞌ u̱ni̱ꞌ ka̱ꞌ rá trompeta kúmániꞌ ya̱ íyó tivɨꞌ u̱ni̱ꞌ ka̱ꞌ rá najiáꞌáꞌ ííꞌ maa ―nkachiꞌ ta̱su̱nꞌ vá.