Apoclipsis 22:9 - Mixteco del suroeste de Tlaxiaco Oaxaca

⁹ Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán, chi suni táꞌán musúꞌ kúvi ni̱ꞌ jín noꞌó, jín rá ñanitáꞌán nú ya̱ kúvi ráa rá ñɨvɨ ya̱ nákani rá tu̱ꞌun kéne yuꞌú Ndiosíꞌ, jín maáráa ya̱ chúꞌun iniꞌ ráa tu̱ꞌun re̱ꞌ ya̱ nééꞌ nu̱u̱nꞌ tutuꞌ yaꞌá. Saáva kuneñu̱ꞌun nú máá maá Ndiosíꞌ.

Apoclipsis 22:9 ပူးပေါင်းရင်းမြစ်များ

Mateo 4:9

Jee nkachiꞌ‑i nu̱u̱nꞌ re̱ꞌ: ―Nu̱u̱nꞌ noꞌó taji ni̱ꞌ ntáká rá yaꞌá, retú nakui̱ñi̱ꞌ ítɨ́ nú nu̱u̱nꞌ nuꞌuꞌ, kuneñu̱ꞌun nú nuꞌuꞌ ―nkachiꞌ‑i.

Lucas 4:7

Saáva retú nakui̱ñɨ̱ꞌ ítɨ́ nú nu̱u̱nꞌ nuꞌuꞌ kuneñu̱ꞌun nú nuꞌuꞌ, jee taji ni̱ꞌ kua̱íyó nu̱u̱nꞌ nú ―nkachiꞌ kui̱ꞌna̱ꞌ vá.

1 Juan 5:20

Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.

Apoclipsis 1:1

Tu̱ꞌun yaꞌá kúvi tu̱ꞌun ya̱ nxi̱nénu̱u̱nꞌ Jesús ya̱ níso re̱ꞌ tiñu Cristo ya̱ ñani Ndiosíꞌ maa sáva tatúníꞌ re̱ꞌ nu̱u̱nꞌ nɨꞌɨ, jee tu̱ꞌun vá ví ya̱ njia̱ꞌa Ndiosíꞌ nu̱u̱nꞌ re̱ꞌ sáva xinénu̱u̱nꞌ re̱ꞌ maa nu̱u̱nꞌ rá musúꞌ re̱ꞌ ya̱ yɨ́tíñú ráa nu̱u̱nꞌ re̱ꞌ. Nstúvi re̱ꞌ tu̱ꞌun vá jie̱ꞌe̱ꞌ rá tiñu ya̱ ñamani íyó kuvi. Jee nchu̱ichí re̱ꞌ najiáꞌáꞌ ííꞌ re̱ꞌ nkistúvi nijinꞌ re̱ꞌ nɨꞌɨ na̱ja koo rá tiñu vá nu̱u̱nꞌ Juan ya̱ kúvi‑i musúꞌ re̱ꞌ ya̱ yɨ́tíñú‑u nu̱u̱nꞌ re̱ꞌ.

Apoclipsis 1:11

Jee nkachiꞌ nusuyuꞌú vá nu̱u̱nꞌ ni̱ꞌ: ―[Nuꞌuꞌ kúvi ni̱ꞌ letra A ya̱ kijiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ koo ni̱ꞌ nɨ́ɨ́nkání.] Jee tee nú nu̱u̱nꞌ ɨɨn tutuꞌ ntáká ya̱ kuniꞌ jínúunꞌ nú, jee tají nú maa kɨ̱ꞌɨ̱nꞌ‑ɨ nu̱u̱nꞌ ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ kútútú ráa rá ñuunꞌ ya̱ yɨ́ꞌɨ́ xi̱ntíín ñuunꞌ Asia: Éfeso, Esmirna, Pérgamo, Tiatira, Sardis, Filadelfia, Laodicea ―nkachiꞌ‑i nu̱u̱nꞌ ni̱ꞌ.

Apoclipsis 14:7

Jee ne̱ kánajíín ni̱ꞌin‑i tátúníꞌ‑i káchíꞌ‑i: ―Kuꞌun yúꞌví iniꞌ rán Ndiosíꞌ, jee nakuetúꞌún ya̱ kúñáꞌnú re̱ꞌ, chi ya̱ nkenta hora saꞌá náaꞌ re̱ꞌ jie̱ꞌe̱ꞌ kua̱chi nsa̱ꞌá rá ñɨvɨ. Jee kuneñu̱ꞌun rán re̱ꞌ ya̱ maáréꞌ ví ya̱ nsa̱ꞌá re̱ꞌ súkún, jín nu̱u̱nꞌ ñuꞌun, jín nteñúꞌún, jín ntáká nu̱u̱nꞌ kene nute ―káchíꞌ najiáꞌáꞌ ííꞌ vá.

Apoclipsis 15:4

Chi, ¿né ɨɨn ntu ñúyúꞌví iniꞌ‑i noꞌó, rúsa? I̱toꞌoꞌ ránꞌ, jee, ¿né ɨɨn ntu nákuetúꞌún‑u noꞌó ya̱ ntu káchíꞌ‑i ya̱ kúñáꞌnú nú, rúsa? ¡Ni ɨɨn! Chi métúꞌún maánú vá i̱i̱ꞌ. Chi kiji kua̱íyó rá ñɨvɨ ntáká nación kuneñu̱ꞌun ráa noꞌó. Chi túvi ya̱ sáꞌá nú rá tiñu na̱a̱ꞌ, sukuán jíta ráa.

Apoclipsis 19:10

Saájee nuꞌuꞌ nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñu̱ꞌún nu̱u̱nꞌ najiáꞌáꞌ ííꞌ vá sáva kuneñu̱ꞌun ni̱ꞌ maa. Soo nkachiꞌ‑i nu̱u̱nꞌ ni̱ꞌ: ―Koto sáꞌá nú sukuán. Chi suni táꞌán musúꞌ kúvi ni̱ꞌ jín noꞌó jín rá ñanitáꞌán nú, ya̱ yɨ́tíñú‑órán nu̱u̱nꞌ Ndiosíꞌ ya̱ níkɨ́nꞌ kutú váꞌa‑ó tu̱ꞌun jie̱ꞌe̱ꞌ Jesús. Saáva kuneñu̱ꞌun nú máá maá Ndiosíꞌ. Chi rá tu̱ꞌun na̱a̱ꞌ ya̱ nkachitu̱ꞌún Jesús, yukuán kúvi tu̱ꞌun na̱a̱ꞌ ya̱ jiáꞌa Ta̱chi̱ꞌ Ííꞌ nu̱u̱nꞌ rá ñɨvɨ ya̱ káchítu̱ꞌún na̱a̱ꞌ tu̱ꞌun kéne yuꞌú Ndiosíꞌ ―nkachiꞌ najiáꞌáꞌ ííꞌ vá.

Apoclipsis 22:10

Jee suni nkachiꞌ‑i nu̱u̱nꞌ ni̱ꞌ: ―Koto chíséꞌí nú rá tu̱ꞌun yaꞌá ya̱ nkene yuꞌú Ndiosíꞌ ya̱ nééꞌ nu̱u̱nꞌ tutuꞌ yaꞌá, chi ya̱ kua̱kuyatin tiempúꞌ ya̱ sikúnkuvi re̱ꞌ nɨꞌɨ tiñu yaꞌá.

Apoclipsis 22:18

Nuꞌuꞌ, Juan, jiáꞌa ni̱ꞌ ya̱ naáꞌ nu̱u̱nꞌ ntáká rá ñɨvɨ ya̱ teso̱ꞌo ráa rá tu̱ꞌun ya̱ nkene yuꞌú Ndiosíꞌ ya̱ níso nu̱u̱nꞌ tutuꞌ yaꞌá. Retú néni ɨɨn ñɨvɨ ya̱ nachisó‑o ka̱ꞌ tu̱ꞌun nu̱u̱nꞌ rá tu̱ꞌun ya̱ níso nu̱u̱nꞌ tutuꞌ yaꞌá, jee maá Ndiosíꞌ nachisó re̱ꞌ rá tu̱nóꞌó kunoꞌo ñɨvɨ vá ya̱ níso nu̱u̱nꞌ tutuꞌ yaꞌá.

Apoclipsis 22:7

―¡Kune̱ꞌyá rán!, chi ñamani niji tuku ni̱ꞌ ―nkachiꞌ Jesús― jee netuꞌ kuvi rá ñɨvɨ ya̱ chúꞌun iniꞌ ráa tu̱ꞌun nkene yuꞌú Ndiosíꞌ ya̱ nééꞌ nu̱u̱nꞌ tutuꞌ yaꞌá.

Apoclipsis 4:10

jee ta íchí néñu̱ꞌun ráa Ndiosíꞌ sukuán saájee suni ni o̱ko̱ꞌ ku̱mi̱ꞌ (24) rá te̱e kúñáꞌnú vá, nákuíñɨꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun nu̱u̱nꞌ re̱ꞌ ya̱ nééꞌ re̱ꞌ teyuꞌ tátúníꞌ re̱ꞌ, jee chíñúꞌún ráa maáréꞌ ya̱ tékúꞌ re̱ꞌ nɨ́ɨ́nkání, jee táváꞌ ráa rá corona ñúxíniꞌ ráa jiákɨ́nꞌ ráa maa ichinúúnꞌ teyuꞌ nu̱u̱nꞌ tátúníꞌ re̱ꞌ. Jee káchíꞌ ráa:

Apoclipsis 9:20

Soo sava ka̱ꞌ rá ñɨvɨ ñɨ̱vɨ́ ya̱ ntu níꞌiꞌ ráa nu̱u̱nꞌ rá tu̱nóꞌó vá, jee ni ntu̱ví nnákani iniꞌ ráa xinóo ráa rá tiñu níváꞌa sáꞌá ráa jín naꞌá ráa. Chi ni ntu̱ví nxínóo ráa ya̱ néñu̱ꞌun ráa rá ta̱chi̱ꞌ kíni jín rá santúꞌ ñunéꞌyúꞌ nsa̱ꞌá maa jín oro, jín plata, jín ka̱a kuáán bronce, jín yu̱u̱ꞌ, jín yutun, asúnika̱ꞌ ntu̱ví kúvi kune̱ꞌyá rává, jee ni ntu kúvi teso̱ꞌo rává, jee ni ntu kúvi kaka rává.