Apoclipsis 22:6 - Mixteco del suroeste de Tlaxiaco Oaxaca

⁶ Saájee nkachiꞌ najiáꞌáꞌ ííꞌ vá nu̱u̱nꞌ nuꞌuꞌ: ―Rá tu̱ꞌun yaꞌá sikúnkuvi na̱a̱ꞌ jee máá naáꞌ nijia kúvi‑i. Chi maá I̱toꞌoꞌ‑ó Ndiosíꞌ ví ya̱ chúꞌun re̱ꞌ Ta̱chi̱ꞌ Ííꞌ re̱ꞌ iniꞌ ánímaꞌ rá ñɨvɨ ñani re̱ꞌ sáva nákani ráa rá tu̱ꞌun kéne yuꞌú re̱ꞌ, jee nchu̱ichí re̱ꞌ najiáꞌáꞌ ííꞌ re̱ꞌ, sáva stúvi‑i nu̱u̱nꞌ rá ñɨvɨ kúvi musúꞌ re̱ꞌ rá tiñu ya̱ ya̱chi̱ꞌ ni kuvi‑i ―nkachiꞌ najiáꞌáꞌ ííꞌ vá.

Apoclipsis 22:6 ပူးပေါင်းရင်းမြစ်များ

Génesis 41:32

Faraón, nña̱ní nú ɨɨn ni ña̱ní u̱vi̱ꞌ ichi, jee stúvi‑i ya̱ nkuna̱a̱ꞌ iniꞌ Ndiosíꞌ saꞌá re̱ꞌ yaꞌá, jee ya̱chi̱ꞌ ni saꞌá re̱ꞌ maa.

Mateo 13:41

Jee nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ ñɨ̱vɨ́, chuichí ni̱ꞌ ráa najiáꞌáꞌ ííꞌ ni̱ꞌ, jee nastútú ráa rá ñɨvɨ ya̱ xínínkava‑a táꞌán‑a nu̱u̱nꞌ kua̱chi, jín rá ñɨvɨ jiáꞌnu níváꞌa, tavaꞌ ráa rává nteñu rá ñɨvɨ yɨ́ꞌɨ́ xi̱ntíín ni̱ꞌ ya̱ tátúníꞌ ni̱ꞌ nu̱u̱nꞌ rá ñɨvɨ vá.

Lucas 1:70

jee nchu̱ichí re̱ꞌ maa sánikua̱ꞌ kuéntáꞌ nchi̱sóyuꞌú re̱ꞌ maa jín tu̱ꞌun njia̱ꞌa re̱ꞌ nu̱u̱nꞌ rá te̱e ííꞌ tu̱ꞌun nkene yuꞌú máá maáréꞌ sákachiꞌ ráa yanaꞌán víꞌí,

Lucas 16:16

’Tu̱ꞌun ley njia̱ꞌa Ndiosíꞌ nu̱u̱nꞌ Moisés yanaꞌán jín suni rá tu̱ꞌun ya̱ nna̱kani rá te̱e ya̱ njiáꞌa re̱ꞌ maa nu̱u̱nꞌ ráa, jee nte̱ku̱tu̱ꞌún tu̱ꞌun ráa ne̱ sáá nkenta Juan te̱e ya̱ nsi̱kuánuté. Saájee ne̱ sáá nkenta Juan vá, jee nte̱ku̱tu̱ꞌún tu̱ꞌun váꞌa Ndiosíꞌ jie̱ꞌe̱ꞌ na̱ja nátatúníꞌ re̱ꞌ nu̱u̱nꞌ rá ñɨvɨ ki̱vɨ xi̱ntíín re̱ꞌ, jee ntáká ráa núnasɨ́ víꞌí ráa ki̱vɨ ráa xi̱ntíín re̱ꞌ.

Hechos 12:11

Sáá nna̱taꞌvi iniꞌ Pedro, nkachiꞌ re̱ꞌ: ―Ntañúꞌún jíníꞌ nijia ni̱ꞌ ya̱ nchu̱ichí I̱toꞌoꞌ ni̱ꞌ najiáꞌáꞌ ííꞌ re̱ꞌ, jee nsi̱káku re̱ꞌ nuꞌuꞌ xi̱ntíín Herodes, jín jie̱ꞌe̱ꞌ nɨꞌɨ ya̱ ñúꞌún iniꞌ rá ñɨvɨ Israel saꞌá ráa jín ni̱ꞌ, nékúvi.

Hechos 3:18

Soo Ndiosíꞌ nsi̱kúnkuvi suꞌva sánikua̱ꞌ tu̱ꞌun njia̱ꞌa re̱ꞌ nu̱u̱nꞌ nɨꞌɨ rá te̱e ya̱ nna̱kani tu̱ꞌun nkene yuꞌú máá maá Ndiosíꞌ. Chi nste̱kútu̱ꞌún ya̱chi̱ꞌ ráa ya̱ kunoꞌo Cristo ya̱ nchu̱ichí Ndiosíꞌ.

Romanos 1:2

Ya nchi̱sóyuꞌú ya̱chi̱ꞌ re̱ꞌ tu̱ꞌun váꞌa vá ne̱ yanaꞌán nasɨ́kuitɨꞌ, chi rá te̱e ya̱ nna̱kani ráa tu̱ꞌun nkene yuꞌú Ndiosíꞌ chi nsa̱ꞌá re̱ꞌ ya̱ ntee ráa tu̱ꞌun váꞌa re̱ꞌ vá nu̱u̱nꞌ Tutuꞌ Ííꞌ

1 Corintios 14:32

Jee ta̱ꞌvi̱ꞌ njia̱ꞌa Ta̱chi̱ꞌ Ííꞌ nu̱u̱nꞌ ñɨvɨ ya̱ nákani tu̱ꞌun kéne yuꞌú Ndiosíꞌ jee yɨ́ꞌɨ́ ta̱ꞌvi̱ꞌ vá xi̱ntíín ñɨvɨ vá ya̱ kuvi sikɨ́kui̱ñɨ̱ꞌ‑ɨ maá‑a kaꞌanꞌ‑a.

1 Corintios 7:29

Ránoꞌó ñani jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán chi kuítɨ́ ni tiempúꞌ, jee saáva rá te̱e íyó ñasɨ́ꞌɨ́, jee íyó naniꞌvɨꞌ ka̱ꞌ iniꞌ ráa kuꞌun iniꞌ ráa kɨtíñú ráa nu̱u̱nꞌ I̱toꞌoꞌ‑ó, nsú káꞌ nu̱u̱nꞌ ñasɨ́ꞌɨ́ ráa, suꞌva koo ráa kuéntáꞌ ntu íyó ñasɨ́ꞌɨ́ ráa.

2 Tesalonicenses 1:7

Jee suni ránoꞌó, ya̱ nóꞌo rán, íyó na̱a̱ꞌ ya̱ sáꞌá re̱ꞌ ya̱ najia̱ví rán jín ránuꞌuꞌ nu̱u̱nꞌ ya̱ nkúnoꞌo‑ó ka̱ꞌ, sáá kene I̱toꞌoꞌ‑ó Jesús súkún nu̱u̱nꞌ nééꞌ Ndiosíꞌ. Jee kenta nijinꞌ re̱ꞌ yaꞌá jín rá najiáꞌáꞌ ííꞌ re̱ꞌ, ya̱ níso ráa fesáꞌ ííꞌ re̱ꞌ.

Hebreos 12:9

Jee suni sukuán rá tátáꞌ‑ó nu̱u̱nꞌ kéne ñunéꞌyúꞌ‑ó jee náchuꞌun na̱a̱ꞌ ráa ichi yó, jee ni̱yo ya̱ ñáꞌnú nu̱u̱nꞌ‑ó néꞌyá‑ó ráa. Jee, ¿á nsáꞌ saꞌ víꞌí káꞌ vá íyó‑ó chiꞌi‑ó maáó naꞌá Ndiosíꞌ ya̱ kúvi Tátáꞌ‑ó táji ta̱chi̱ꞌ káꞌánꞌ‑ó jee kutekuꞌ‑ó nɨ́ɨ́nkání jín re̱ꞌ rúja?

2 Pedro 1:21

Chi ni nsáꞌ va̱ji tu̱ꞌun vá ne̱ nu̱u̱nꞌ ya̱ kuíni iniꞌ ɨɨn ñɨvɨ. Chisaꞌ nsa̱tíñú Ta̱chi̱ꞌ Ííꞌ Ndiosíꞌ iniꞌ ráa sáva nna̱kani ráa rá tu̱ꞌun ya̱ njia̱ꞌa Ndiosíꞌ nu̱u̱nꞌ ráa sákachiꞌ ráa. [Suviráa kúvi ráa rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨtíñú ráa nu̱u̱nꞌ re̱ꞌ.]

2 Pedro 3:2

sáva naku̱ꞌun iniꞌ rán rá tu̱ꞌun ya̱ nkachiꞌ ya̱chi̱ꞌ rá te̱e nyɨ̱tíñú nu̱u̱nꞌ Ndiosíꞌ ya̱ nna̱kani ráa tu̱ꞌun nkene yuꞌú máá maá Ndiosíꞌ ne̱ yanaꞌán, jee sáva naku̱ꞌun iniꞌ rán rá tu̱ꞌun ya̱ nkachiꞌ rá te̱e níso ráa tiñu apóstol ya̱ nchu̱ichí Cristo ráa nu̱u̱nꞌ ránoꞌó sáva nna̱kani ráa rá tu̱ꞌun ya̱ nta̱túníꞌ re̱ꞌ. Jee maáréꞌ ví I̱toꞌoꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Apoclipsis 1:1

Tu̱ꞌun yaꞌá kúvi tu̱ꞌun ya̱ nxi̱nénu̱u̱nꞌ Jesús ya̱ níso re̱ꞌ tiñu Cristo ya̱ ñani Ndiosíꞌ maa sáva tatúníꞌ re̱ꞌ nu̱u̱nꞌ nɨꞌɨ, jee tu̱ꞌun vá ví ya̱ njia̱ꞌa Ndiosíꞌ nu̱u̱nꞌ re̱ꞌ sáva xinénu̱u̱nꞌ re̱ꞌ maa nu̱u̱nꞌ rá musúꞌ re̱ꞌ ya̱ yɨ́tíñú ráa nu̱u̱nꞌ re̱ꞌ. Nstúvi re̱ꞌ tu̱ꞌun vá jie̱ꞌe̱ꞌ rá tiñu ya̱ ñamani íyó kuvi. Jee nchu̱ichí re̱ꞌ najiáꞌáꞌ ííꞌ re̱ꞌ nkistúvi nijinꞌ re̱ꞌ nɨꞌɨ na̱ja koo rá tiñu vá nu̱u̱nꞌ Juan ya̱ kúvi‑i musúꞌ re̱ꞌ ya̱ yɨ́tíñú‑u nu̱u̱nꞌ re̱ꞌ.

Apoclipsis 18:20

Jee nkachiꞌ nusuyuꞌú vá ya̱ káꞌánꞌ‑a ne̱ súkún: Soo kusɨ̱ɨ̱ꞌ iniꞌ ránoꞌó ya̱ nééꞌ antivɨ́ súkún jín ránoꞌó ya̱ níso rán tiñu apóstol nchu̱ichí Cristo, jín ránoꞌó ya̱ nákani rán tu̱ꞌun kéne yuꞌú Ndiosíꞌ, jín ránoꞌó ya̱ kúvi rán rá inka ñɨvɨ ya̱ suni nsa̱ꞌá sɨ́ɨ́n re̱ꞌ kɨꞌɨ rán nu̱u̱nꞌ re̱ꞌ. Kusɨ̱ɨ̱ꞌ iniꞌ rán chi nsa̱náaꞌ Ndiosíꞌ si̱kɨ̱ꞌ ñuunꞌ vá jie̱ꞌe̱ꞌ nsa̱ꞌá kini ráa si̱kɨ̱ꞌ rán, nkachiꞌ nusuyuꞌú vá.

Apoclipsis 19:9

Saájee nkachiꞌ najiáꞌáꞌ ííꞌ nu̱u̱nꞌ ni̱ꞌ: ―Tee rá tu̱ꞌun yaꞌá: “¡Na̱ ka̱ꞌ netuꞌ ka̱ꞌ ví rá ñɨvɨ ya̱ nkana Ndiosíꞌ ráa ya̱ kɨ̱ꞌɨ̱nꞌ ráa xíní viko tánáꞌá re̱ꞌ ya̱ kúvi re̱ꞌ Lanchi Lúlí Ndiosíꞌ!” ―jee suni nkachiꞌ‑i ka̱ꞌ nu̱u̱nꞌ ni̱ꞌ―. Tu̱ꞌun na̱a̱ꞌ Ndiosíꞌ kúvi tu̱ꞌun vá ―nkachiꞌ najiáꞌáꞌ ííꞌ vá.

Apoclipsis 21:5

Saájee máá maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ nkachiꞌ re̱ꞌ: ―¡Kune̱ꞌyá!, ya̱ nna̱saꞌá jiáá ni̱ꞌ ntáká ya̱ íyó ―jee nkachiꞌ re̱ꞌ― tee rá tu̱ꞌun yaꞌá, chi rá tu̱ꞌun yaꞌá sikúnkuvi na̱a̱ꞌ ni̱ꞌ jee máá naáꞌ nijia kúvi tu̱ꞌun yaꞌá ―nkachiꞌ re̱ꞌ.

Apoclipsis 21:9

Jee ɨɨn táꞌán rá ni uxáꞌ najiáꞌáꞌ ííꞌ ya̱ ínaꞌá ni uxáꞌ rá ko̱ꞌo̱ꞌ ya̱ ñúꞌún chitú ni uxáꞌ rá tu̱nóꞌó koo nu̱u̱nꞌ nɨ́ꞌɨ vá, nkenta re̱ꞌ nu̱u̱nꞌ ni̱ꞌ, jee nkachiꞌ re̱ꞌ: ―Neꞌenꞌ, jee xinéꞌénꞌ ni̱ꞌ noꞌó ñaꞌan ya̱ tana̱ꞌá ña, jee kuvi ña ñasɨ́ꞌɨ́ maáréꞌ ya̱ kúvi re̱ꞌ Lanchi Lúlí Ndiosíꞌ ―nkachiꞌ najiáꞌáꞌ ííꞌ vá.

Apoclipsis 22:1

Saájee najiáꞌáꞌ ííꞌ vá nxi̱néꞌénꞌ re̱ꞌ nuꞌuꞌ máá maá ntekáꞌnú jín nute ya̱ sáꞌá‑a ya̱ kutekuꞌ rá ñɨvɨ nɨ́ɨ́nkání. Jee máá nute kuíí xúꞌún nijia ví‑i kuéntáꞌ cristal kéne‑e teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ jín maáréꞌ ya̱ kúvi re̱ꞌ Lanchi Lúlí.

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.

Apoclipsis 22:7

―¡Kune̱ꞌyá rán!, chi ñamani niji tuku ni̱ꞌ ―nkachiꞌ Jesús― jee netuꞌ kuvi rá ñɨvɨ ya̱ chúꞌun iniꞌ ráa tu̱ꞌun nkene yuꞌú Ndiosíꞌ ya̱ nééꞌ nu̱u̱nꞌ tutuꞌ yaꞌá.

Apoclipsis 4:1

Sáá nkuvi rá tiñu sukuán, jee nuꞌuꞌ Juan nne̱ꞌyá ni̱ꞌ jee niniꞌ ni̱ꞌ ɨɨn yuvéꞌí núne ne̱ súkún. Jee maá nusuyuꞌú ya̱ nteso̱ꞌo ni̱ꞌ xíꞌnañúꞌún ya̱ ni̱ꞌin nkaꞌanꞌ‑a jín ni̱ꞌ kuéntáꞌ kua̱ꞌ tívɨ́ꞌ ɨɨn trompeta, jee nkachiꞌ‑i nu̱u̱nꞌ ni̱ꞌ: ―Tínkaa yaꞌá, jee xinéꞌénꞌ ni̱ꞌ nóꞌo ntáká rá tiñu ya̱ íyó kuvi tiempúꞌ ichinúúnꞌ ka̱ꞌ ―nkachiꞌ‑i.