Apoclipsis 22:4 - Mixteco del suroeste de Tlaxiaco Oaxaca

⁴ Jee kuniꞌ jínúunꞌ ráa nu̱u̱nꞌ máá maáréꞌ, jee kuniso súví re̱ꞌ yutéénꞌ ráa.

Apoclipsis 22:4 ပူးပေါင်းရင်းမြစ်များ

Mateo 5:8

Na̱ ka̱ꞌ netuꞌ ka̱ꞌ kúvi rá ñɨvɨ ya̱ íyó ninuꞌun iniꞌ ánímaꞌ ráa, chi suviráa vá kuniꞌ ráa nu̱u̱nꞌ Ndiosíꞌ.

Juan 12:26

Jee retú íyó ne̱ ni ɨɨn sátíñú‑u nu̱u̱nꞌ nuꞌuꞌ, jee íyó‑o kunikɨnꞌ‑ɨ nuꞌuꞌ. Chi ñɨvɨ ya̱ sátíñú nu̱u̱nꞌ nuꞌuꞌ, jee nu̱u̱nꞌ kuneeꞌ ni̱ꞌ jee suni yukuán kuneeꞌ musúꞌ ni̱ꞌ. Jee retú íyó ɨɨn ñɨvɨ sátíñú nu̱u̱nꞌ nuꞌuꞌ, jee saꞌá Tátáꞌ ni̱ꞌ ya̱ kúñáꞌnú ráa.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

1 Corintios 13:12

Chi vitan jee nsú nɨꞌɨ jíníꞌ‑ó jie̱ꞌe̱ꞌ Ndiosíꞌ, chi íyó kuéntáꞌ retánꞌ néꞌyá‑ó nu̱u̱nꞌ ɨɨn espejo ya̱ túvi neenꞌ, soo tiempúꞌ ichinúúnꞌ jee kune̱ꞌyá‑ó nu̱u̱nꞌ máá maá Ndiosíꞌ jín nchinúún‑ó. Vitan jíníꞌ ni̱ꞌ yakuꞌ ya̱ nstúvi Ndiosíꞌ nu̱u̱nꞌ‑ó, soo tiempúꞌ yukuán kuniꞌ noo nɨꞌɨ kuitɨꞌ, kuéntáꞌ sánikua̱ꞌ jíníꞌ noo maá Ndiosíꞌ nuꞌuꞌ.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

Apoclipsis 14:1

Saájee nuꞌuꞌ, Juan, nna̱kune̱ꞌyá ni̱ꞌ jee niniꞌ ni̱ꞌ maáréꞌ ya̱ kúvi re̱ꞌ Lanchi Ndiosíꞌ íñɨ́ re̱ꞌ xi̱ni̱ꞌ yuku naní Sión. Jee yukuán íñɨ́ re̱ꞌ jín sientúꞌ u̱vi̱xiko ku̱mi̱ꞌ mil (144,000) ñɨvɨ, jee níso súví re̱ꞌ jín súví Tátáꞌ re̱ꞌ te̱e̱nꞌ ráa.

Apoclipsis 3:12

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee saꞌá ni̱ꞌ ya̱ kuñáꞌnú ñɨvɨ vá kuéntáꞌ kúvi‑i nekaꞌ ya̱ yɨ́tuvi iniꞌ veñu̱ꞌun Ndiosíꞌ ni̱ꞌ. Jee ni nsáꞌ kene‑e nu̱u̱nꞌ nééꞌ Ndiosíꞌ yukuán. Jee tee ni̱ꞌ súví Ndiosíꞌ ni̱ꞌ ñɨvɨ vá, jín súví jiáá nuꞌuꞌ, jín súví ñuunꞌ Ndiosíꞌ ni̱ꞌ. Jee ñuunꞌ yukuán kúvi Jerusalén jiáá, jee va̱kuun ne̱ súkún nu̱u̱nꞌ nééꞌ Ndiosíꞌ maáníꞌ.

Apoclipsis 7:3

Jee nkachiꞌ najiáꞌáꞌ ííꞌ vá: ―Koto na̱ sáꞌá kini rán xináánꞌ rán ñuꞌun ni nteñúꞌún ni rá yutun, ne̱kua̱ꞌ xíꞌna ka̱ꞌ tee ránꞌ seyúꞌ te̱e̱nꞌ ntáká rá musúꞌ Ndiosíꞌ ya̱ yɨ́tíñú ráa nu̱u̱nꞌ re̱ꞌ ―nkachiꞌ najiáꞌáꞌ ííꞌ vá.