Apoclipsis 22:2 - Mixteco del suroeste de Tlaxiaco Oaxaca

² Jee sava iniꞌ ichi káꞌnú ya̱ káá sava iniꞌ ñuunꞌ vá jíka nute vá, jee ni núvíꞌ íyó ichi yunúte vá íñɨ́ máá maá yutun ya̱ sáꞌá‑a ya̱ kutekuꞌ rá ñɨvɨ vá nɨ́ɨ́nkání. Jee u̱xu̱ꞌ u̱vi̱ꞌ (12) íchí kúun ya̱ vixíꞌ maa ya̱ kui̱ya̱ꞌ, chi ta yo̱o̱ꞌ kúun ya̱ vixíꞌ maa. Jee rá naꞌá yu̱ku̱ꞌ‑u íyótiñu‑u sáva xinúvi‑i rá ñɨvɨ ntáká nación.

Apoclipsis 22:2 ပူးပေါင်းရင်းမြစ်များ

Génesis 2:9

Jee I̱toꞌoꞌ‑ó Ndiosíꞌ nxta̱ꞌvíꞌ nu̱u̱nꞌ ñu̱ꞌún nɨꞌɨ nu̱u̱nꞌ yutun ya̱ viiꞌ túvi, jín ya̱ jiáꞌa ya̱ váꞌa kajiꞌ. Suni ma̱ꞌñú ñuꞌun vá nu̱u̱nꞌ viiꞌ víꞌí íyó ñani re̱ꞌ ɨɨn yutun ya̱ sáꞌá‑a ya̱ kutekuꞌ ñɨvɨ nɨ́ɨ́nkání. Jee ñani re̱ꞌ yukuán ɨɨn yutun ya̱ sáꞌá‑a ya̱ kuniꞌ ñɨvɨ ya̱ váꞌa jín ya̱ niváꞌa.

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

1 Pedro 2:24

Chi máá Cristo nna̱kuniso yɨkɨkúñu re̱ꞌ ntáká kua̱chi sáꞌá‑ó sáá níꞌiꞌ re̱ꞌ nu̱u̱nꞌ kurúsiꞌ, sáva kuviꞌ‑ó nu̱u̱nꞌ kua̱chi‑ó kene‑ó nu̱u̱nꞌ kua̱chi‑ó jee sáva nakueꞌnu‑ó ichi jiáꞌnu na̱a̱ꞌ. Chi jie̱ꞌe̱ꞌ nu̱u̱nꞌ ntúfiꞌ re̱ꞌ vá, yukuán núváꞌa‑ó sííyo re̱ꞌ kua̱chi‑ó.

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Apoclipsis 21:21

Jee ni uxúꞌ u̱vi̱ꞌ (12) rá yuvéꞌí vá kúvi u̱xu̱ꞌ u̱vi̱ꞌ (12) perla, jee ta ɨɨn ɨɨn rá yuvéꞌí vá kúvi ta ɨɨn ɨɨn rá perla vá. Jee máá ninuꞌun oro kúvi ichi káꞌnú káá iniꞌ ñuunꞌ vá, jee nijinꞌ túvi néꞌyá‑ó maa kuéntáꞌ kua̱ꞌ túvi nijinꞌ néꞌyá‑ó nu̱u̱nꞌ vidrio maa.

Apoclipsis 21:24

Jee kakanuun rá ñɨvɨ ntáká nación nu̱u̱nꞌ nuva ñuꞌunꞌ re̱ꞌ váji ne̱ nu̱u̱nꞌ ñuunꞌ vá xtúúnꞌ‑u nu̱u̱nꞌ ñu̱ꞌún. Jee ntáká rá ñɨvɨ nísotíñú tátúníꞌ iniꞌ ñɨ̱vɨ́ ki̱vɨ ráa ñuunꞌ vá, yukuán kínaka ráa nantíñú yɨ́yáꞌvi ráa ya̱ stúvi ya̱ kúñáꞌnú ráa.

Apoclipsis 22:1

Saájee najiáꞌáꞌ ííꞌ vá nxi̱néꞌénꞌ re̱ꞌ nuꞌuꞌ máá maá ntekáꞌnú jín nute ya̱ sáꞌá‑a ya̱ kutekuꞌ rá ñɨvɨ nɨ́ɨ́nkání. Jee máá nute kuíí xúꞌún nijia ví‑i kuéntáꞌ cristal kéne‑e teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ jín maáréꞌ ya̱ kúvi re̱ꞌ Lanchi Lúlí.

Apoclipsis 22:14

Saáva na̱ ka̱ꞌ netuꞌ ka̱ꞌ kuvi rá ñɨvɨ ya̱ nasánoo ráa iniꞌ ánímaꞌ ráa nu̱u̱nꞌ ya̱ níváꞌa, jee yukuán kúvi kuéntáꞌ nakete ráa saꞌma ráa. Jee sukuán íyó ni̱ꞌi̱nꞌ ráa ya̱ kuvi kajiꞌ ráa ya̱ vixíꞌ kúun yutun ya̱ sáꞌá ya̱ kutekuꞌ ráa nɨ́ɨ́nkání yukuán, jee íyó ni̱ꞌi̱nꞌ ráa ya̱ kuvi ki̱vɨ ráa rá yuvéꞌí ñuunꞌ ííꞌ yukuán.

Apoclipsis 22:19

Jee retú néni ɨɨn ñɨvɨ ya̱ xitá‑a tu̱ꞌun ya̱ nkene yuꞌú Ndiosíꞌ ya̱ níso nu̱u̱nꞌ tutuꞌ yaꞌá, jee maá Ndiosíꞌ suni xitá re̱ꞌ ta̱ꞌvi̱ꞌ ya̱ ni̱ꞌi̱nꞌ‑i ya̱ kuvi kajiꞌ‑i ya̱ vixíꞌ yutun ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín re̱ꞌ, jee suni ni nsáꞌ ni̱ꞌi̱nꞌ‑i ki̱vɨ‑ɨ ñuunꞌ ííꞌ vá, jie̱ꞌe̱ꞌ ya̱ káchíꞌ tu̱ꞌun ya̱ níso nu̱u̱nꞌ tutuꞌ yaꞌá.