Apoclipsis 22:15 - Mixteco del suroeste de Tlaxiaco Oaxaca

¹⁵ Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.

Apoclipsis 22:15 ပူးပေါင်းရင်းမြစ်များ

Mateo 7:6

’Koto jiáꞌa rán tu̱ꞌun ííꞌ Ndiosíꞌ nu̱u̱nꞌ rá ñɨvɨ ni̱ꞌin ánímaꞌ ya̱ jiáꞌnu kuéntáꞌ tinaꞌ, nsuñájee ta̱vi̱ꞌ ráa ránoꞌó nakayɨ̱ꞌɨ́ ráa ránoꞌó kuéntáꞌ tinaꞌ xe̱e̱nꞌ. Jee suni koto jiáꞌa rán tu̱ꞌun ííꞌ Ndiosíꞌ yɨ́yáꞌvi kuéntáꞌ yu̱u̱ꞌ perla nu̱u̱nꞌ rá ñɨvɨ ya̱ ntu chíyáꞌvi maa, kuéntáꞌ jiáñúꞌ kúchíꞌ maa chi kúíchi iniꞌ ráa maa.

Mateo 8:12

Soo kue̱ꞌe̱ꞌ rá ñɨvɨ se̱ꞌya ñuunꞌ Israel, ya̱ íyó kɨꞌɨ ráa naꞌá Ndiosíꞌ tátúníꞌ re̱ꞌ nu̱u̱nꞌ ráa nékúvi, sosaꞌ tavaꞌ Ndiosíꞌ ráa kɨ̱ꞌɨ̱nꞌ ráa nu̱u̱nꞌ ñu̱neenꞌ, jee yukuán kunaꞌyuꞌ ráa, jee ne̱ kaꞌñɨꞌ nu̱ꞌun ráa ya̱ kunoꞌo víꞌí ráa ―nkachiꞌ Jesús.

Juan 8:46

¿Né ɨɨn ránoꞌó kúvi chikua̱chi rán nuꞌuꞌ ré íyó ɨɨn kua̱chi ni̱ꞌ rúja? Retú ya̱ naáꞌ káchíꞌ ni̱ꞌ, ¿na̱ kuvi chi ntu̱ví jínúꞌ iniꞌ rán nuꞌuꞌ rúja?

Hechos 8:11

Nteso̱ꞌo ñáꞌnú ráa maa, chi kue̱ꞌe̱ꞌ tiempúꞌ nxi̱náꞌví re̱ꞌ ráa, chi nsa̱ꞌá tásɨ́ re̱ꞌ.

Filipenses 3:2

Nito koo rán maárán nu̱u̱nꞌ rá te̱e, ya̱ kúvi kuéntáꞌ tinaꞌ, ya̱ sáꞌá ráa tiñu kánéꞌén, ya̱ kúvi rá te̱e sáꞌá ya̱ kúkúꞌlúꞌ ñɨvɨ, ya̱ kúvi ya̱ sáꞌá circuncidar ñɨvɨ.

Colosenses 3:6

Chi jie̱ꞌe̱ꞌ ya̱ sáꞌá ñɨvɨ rá tiñu yaꞌá, kítɨ́ꞌ iniꞌ Ndiosíꞌ néꞌyá re̱ꞌ ráa, jee kiji ya̱ xinóꞌo re̱ꞌ ráa, [ya̱ kújiááꞌ iniꞌ ráa nu̱u̱nꞌ re̱ꞌ].

1 Timoteo 1:10

jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

Apoclipsis 18:23

Jee ni nsáꞌ kujianu̱te̱ꞌ ka̱ꞌ ɨɨn nuva ñuꞌunꞌ kantil nu̱u̱nꞌ nú, jee nu̱u̱nꞌ nú ni nsáꞌ teso̱ꞌo ka̱ꞌ ta̱chi̱yuꞌú ya̱ káꞌánꞌ te̱e tánáꞌá ni ñaꞌan tánáꞌá, kɨ̱naanꞌ ñuunꞌ nú chi ñɨvɨ kúñáꞌnú iniꞌ ñɨ̱vɨ́ yaꞌá nkuvi rá ñɨvɨ nú ya̱ nxi̱kó ráa nantíñú ráa, chi jín tiñu tásɨ́ sáꞌá rá ñɨvɨ nú nxi̱náꞌví nú rá ñɨvɨ ntáká nación.

Apoclipsis 21:27

Soo ni nsáꞌ ki̱vɨ ni ɨɨn nantíñú ya̱ ntu íyó ninuꞌun yukuán, ni ñɨvɨ ya̱ sáꞌá‑a máá tiñu néꞌí, ni ñɨvɨ túꞌún. Chisaꞌ kua̱chi ki̱vɨ rá ñɨvɨ ya̱ níso súví ráa nu̱u̱nꞌ tutuꞌ nééꞌ súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ. Tutuꞌ ya̱ kúmí maáréꞌ ya̱ kúvi re̱ꞌ Lanchi Lúlí.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.