Apoclipsis 21:23 - Mixteco del suroeste de Tlaxiaco Oaxaca

²³ Jee ñuunꞌ vá ntu̱ví jíniñúꞌún‑u ya̱ kujianu̱te̱ꞌ nka̱niiꞌ ni yo̱o̱ꞌ maa. Chi máá nuva Ndiosíꞌ túúnꞌ nu̱u̱nꞌ‑u. Jee maáréꞌ ya̱ kúvi re̱ꞌ Lanchi Lúlí, suvire̱ꞌ kúvi ñuꞌunꞌ ya̱ túúnꞌ yukuán.

Apoclipsis 21:23 ပူးပေါင်းရင်းမြစ်များ

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Marcos 8:38

Chi néni ɨɨn ya̱ kúkanuun‑u jie̱ꞌe̱ꞌ nuꞌuꞌ jín jie̱ꞌe̱ꞌ tu̱ꞌun ni̱ꞌ nu̱u̱nꞌ rá ñɨvɨ kua̱chi yaꞌá, ya̱ na̱ni jie̱ꞌe̱ꞌ xínóo ráa Ndiosíꞌ, jee suni maáníꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kukanuun ni̱ꞌ jie̱ꞌe̱ꞌ ñɨvɨ vá, sáá niji ni̱ꞌ va̱ne̱ꞌ tu̱u̱nꞌ nasɨ́kuitɨꞌ ya̱ viiꞌ kúñáꞌnú ni̱ꞌ jín Tátáꞌ ni̱ꞌ Ndiosíꞌ, jín rá najiáꞌáꞌ ííꞌ re̱ꞌ ―nkachiꞌ Jesús.

Lucas 2:32

Jee maáréꞌ kúvi ɨɨn ñuꞌunꞌ ya̱ stúúnꞌ re̱ꞌ iniꞌ antúníꞌ rá ñɨvɨ ya̱ ntu kúvi ñɨvɨ ñuunꞌ Israel, ya̱ stúvi‑i ya̱ naáꞌ nu̱u̱nꞌ ráa, jee saꞌá re̱ꞌ ya̱ viiꞌ kúñáꞌnú rá ñɨvɨ ñuunꞌ nú Israel, nkachiꞌ Simeón.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Juan 1:18

Ndiosíꞌ chi ni ɨɨn ñɨvɨ ntu̱ví jíníꞌ nijinꞌ maa na̱sa íyó re̱ꞌ, chi métúꞌún ni Se̱ꞌya re̱ꞌ ya̱ kúvi Ndiosíꞌ ya̱ nééꞌ‑e jín re̱ꞌ jíníꞌ na̱sa íyó re̱ꞌ, jee suvi‑i vá nstúvi‑i na̱sa iniꞌ re̱ꞌ.

Juan 1:4

Jee maáréꞌ ví ya̱ sáꞌá ya̱ kutekuꞌ ñɨvɨ jín Ndiosíꞌ. Jee ya̱ tékúꞌ ñɨvɨ jín Ndiosíꞌ kúvi ñuꞌunꞌ ya̱ túúnꞌ iniꞌ ánímaꞌ rá ñɨvɨ vá.

Juan 1:9

Jee maáréꞌ ya̱ kúvi ñuꞌunꞌ nijia ya̱ túúnꞌ iniꞌ ánímaꞌ nta̱ká rá ñɨvɨ. Nkiji re̱ꞌ iniꞌ ñɨ̱vɨ́ yaꞌá.

Juan 17:24

’Tátáꞌ ni̱ꞌ, jee rá ñɨvɨ ya̱ ntaji nú nu̱u̱nꞌ ni̱ꞌ, jee kuíni ni̱ꞌ ya̱ suni maáráa kuneeꞌ ráa jín nuꞌuꞌ nu̱u̱nꞌ kuneeꞌ ni̱ꞌ, sáva kuniꞌ ráa na̱ja viiꞌ nasɨ́kuitɨꞌ kúñáꞌnú ni̱ꞌ ya̱ ntaji nú nu̱u̱nꞌ ni̱ꞌ, chi ñúnúunꞌ nú nuꞌuꞌ ne̱ ntiáꞌan ka̱ꞌ nsa̱ꞌá nú ñɨ̱vɨ́.

Juan 5:23

Nsa̱ꞌá re̱ꞌ suꞌva, sáva nta̱ká ñɨvɨ chiñúꞌún ráa nuꞌuꞌ, ya̱ kúvi ni̱ꞌ Se̱ꞌya re̱ꞌ, kuéntáꞌ chíñúꞌún ráa Tátáꞌ ni̱ꞌ. Jee ñɨvɨ ya̱ ntu chíñúꞌún nuꞌuꞌ, ya̱ kúvi Se̱ꞌya re̱ꞌ, jee suni ntu chíñúꞌún ñɨvɨ vá Tátáꞌ ni̱ꞌ ya̱ nchu̱ichí nuꞌuꞌ va̱ji ni̱ꞌ.

Hechos 22:11

Jee ntu nkúvi ka̱ꞌ kune̱ꞌyá ni̱ꞌ, chi ni̱ꞌin víꞌí nstu̱únꞌ‑u nu̱u̱nꞌ ni̱ꞌ. Soo rá te̱e kútáꞌán jín ni̱ꞌ ntɨɨn ráa naꞌá ni̱ꞌ jee ña̱ꞌa̱nꞌ ráa jín ni̱ꞌ ne̱ ñuunꞌ Damasco.

Apoclipsis 14:4

Jee suviráa kúvi ñɨvɨ ya̱ ntu nkúkuáchi ráa jín ñaꞌan, chi íyó noo ninuꞌun ánímaꞌ ráa. Jee suviráa ví ya̱ níkɨ́nꞌ ráa maáréꞌ ya̱ kúvi re̱ꞌ Lanchi Lúlí Ndiosíꞌ né ni ví nkuvi nu̱u̱nꞌ kuáꞌánꞌ re̱ꞌ. Jee suviráa kúvi ñɨvɨ ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ. Jee nso̱ko̱ꞌ ráa maáráa nu̱u̱nꞌ Ndiosíꞌ, jín nu̱u̱nꞌ maáréꞌ ya̱ kúvi Lanchi Lúlí vá kuéntáꞌ kúvi ráa parte xíꞌnañúꞌún tataꞌ sáꞌá jee va̱ji kue̱ꞌe̱ꞌ ka̱ꞌ.

Apoclipsis 18:1

Saájee sáá njia̱ꞌa ntáká yukuán, jee niniꞌ ni̱ꞌ inka ka̱ꞌ najiáꞌáꞌ ííꞌ ya̱ va̱ji kúun ne̱ antivɨ́ súkún. Jee nísotíñú nasɨ́kuitɨꞌ re̱ꞌ, jee túúnꞌ nuva re̱ꞌ ne̱ iniꞌ ñɨ̱vɨ́ sáꞌá ya̱ jiánu̱te̱ꞌ re̱ꞌ.

Apoclipsis 21:11

Jee jiánu̱te̱ꞌ víꞌí ñuunꞌ vá, jín nuva Ndiosíꞌ. Jee jiánu̱te̱ꞌ‑e kuéntáꞌ kua̱ꞌ jiánu̱te̱ꞌ ɨɨn yu̱u̱ꞌ xiñúꞌ ya̱ yɨ́yáꞌvi víꞌí naní jaspe, jee túvi kájí kua̱ꞌ cristal ya̱ túvi néꞌyá‑ó ne̱ íyó inka ichi yátá‑a.

Apoclipsis 21:25

Jee rá yuvéꞌí ñuunꞌ vá ni nsáꞌ kunasɨꞌ‑ɨ nuví, chi ni nsáꞌ koo ka̱ꞌ yakuááꞌ yukuán.

Apoclipsis 22:5

Jee ni nsáꞌ koo ka̱ꞌ yakuááꞌ. Jee rá ñɨvɨ ni nsáꞌ kuniñúꞌún ráa ka̱ꞌ ñuꞌunꞌ natee ráa, ni ya̱ kutuunꞌ ka̱ꞌ ñuꞌunꞌ nka̱niiꞌ. Chi maá I̱toꞌoꞌ‑ó Ndiosíꞌ stúúnꞌ re̱ꞌ nuva re̱ꞌ kutuunꞌ‑u nu̱u̱nꞌ ráa. Jee suni tatúníꞌ ráa nɨ́ɨ́nkání.

Apoclipsis 5:6

Saájee [nne̱ꞌyá ni̱ꞌ jee] niniꞌ ni̱ꞌ ya̱ ma̱ꞌñú teyuꞌ nu̱u̱nꞌ nééꞌ tátúníꞌ vá jín ma̱ꞌñú ni kúmíꞌ rá tékúꞌ vá jín rá te̱e kúñáꞌnú vá, jee yukuán íñɨ́ maáréꞌ ya̱ kúvi re̱ꞌ Lanchi Lúlí, ya̱ túvi ya̱ ñaꞌniꞌ rá ñɨvɨ re̱ꞌ. Jee íyó u̱xa̱ꞌ nikɨ re̱ꞌ jín u̱xa̱ꞌ nchinúún re̱ꞌ. Jee ni uxáꞌ nchinúún re̱ꞌ vá, yukuán kúvi ni uxáꞌ espíritu Ndiosíꞌ ya̱ nchu̱ichí Ndiosíꞌ kua̱íyó iniꞌ ñɨ̱vɨ́.

Apoclipsis 7:17

Chi maáréꞌ ya̱ kúvi re̱ꞌ Lanchi Lúlí Ndiosíꞌ ya̱ íñɨ́ ma̱ꞌñú teyuꞌ nu̱u̱nꞌ nééꞌ Ndiosíꞌ tátúníꞌ‑i jee kúmí re̱ꞌ ráa kuéntáꞌ lanchi re̱ꞌ kúvi ráa. Jee kunaka re̱ꞌ ráa kɨ̱ꞌɨ̱nꞌ re̱ꞌ jín ráa nu̱u̱nꞌ kéne nute ya̱ sáꞌá ya̱ kutekuꞌ ráa jín re̱ꞌ. Jee sijíchíꞌ Ndiosíꞌ nɨꞌɨ ntenúúnꞌ nchinúún ráa.