Apoclipsis 21:15 - Mixteco del suroeste de Tlaxiaco Oaxaca

¹⁵ Jee najiáꞌáꞌ ííꞌ ya̱ nkaꞌanꞌ jín nuꞌuꞌ, jee ínaꞌá‑a ɨɨn kuꞌvaꞌ ya̱ chuku̱ꞌva ya̱ kúvi ka̱a oro, sáva chuku̱ꞌva‑a ñuunꞌ vá, jín rá yuvéꞌí, jín nu̱u̱nꞌ nsamaꞌ ti̱yu̱ꞌ kua̱íyó yuꞌú ñuunꞌ vá.

Apoclipsis 21:15 ပူးပေါင်းရင်းမြစ်များ

Apoclipsis 21:12

Jee yuꞌú ñuunꞌ vá násɨ́ꞌ ti̱yu̱ꞌ nu̱u̱nꞌ nsamaꞌ, jee káꞌnú‑u jee súkún víꞌí‑i, jee u̱xu̱ꞌ u̱vi̱ꞌ (12) yuvéꞌí‑i, jee íyó u̱xu̱ꞌ u̱vi̱ꞌ (12) najiáꞌáꞌ ííꞌ ya̱ ta yuvéꞌí íñɨ́ ɨɨn ɨɨn najiáꞌáꞌ ííꞌ. Jee rá yuvéꞌí níso rá súví ni uxúꞌ u̱vi̱ꞌ (12) rá tataꞌ ichiyúkúnꞌ ya̱ váji nu̱u̱nꞌ rá se̱ꞌya yɨ́ɨ́ Israel.

Apoclipsis 21:16

Jee íyó ku̱mi̱ꞌ rá ichi xiín ñuunꞌ vá, jee ɨɨn nuún ni kuꞌvaꞌ néen, ya̱ kání‑i jín ya̱ níkáꞌ‑a. Jee nchu̱ku̱ꞌva najiáꞌáꞌ ííꞌ vá ñuunꞌ vá jín kuꞌvaꞌ vá, jee u̱vi̱ꞌ mil u̱vi̱ꞌ sientúꞌ (2200) kilómetro néen ta ɨɨn ɨɨn ni kúmíꞌ rá ichi xiín‑i, jee ɨɨn ni kuꞌvaꞌ néen ya̱ kání‑i jín ya̱ níkáꞌ‑a jín ya̱ súkún‑u.

Apoclipsis 21:21

Jee ni uxúꞌ u̱vi̱ꞌ (12) rá yuvéꞌí vá kúvi u̱xu̱ꞌ u̱vi̱ꞌ (12) perla, jee ta ɨɨn ɨɨn rá yuvéꞌí vá kúvi ta ɨɨn ɨɨn rá perla vá. Jee máá ninuꞌun oro kúvi ichi káꞌnú káá iniꞌ ñuunꞌ vá, jee nijinꞌ túvi néꞌyá‑ó maa kuéntáꞌ kua̱ꞌ túvi nijinꞌ néꞌyá‑ó nu̱u̱nꞌ vidrio maa.

Apoclipsis 21:25

Jee rá yuvéꞌí ñuunꞌ vá ni nsáꞌ kunasɨꞌ‑ɨ nuví, chi ni nsáꞌ koo ka̱ꞌ yakuááꞌ yukuán.