Apoclipsis 20:2 - Mixteco del suroeste de Tlaxiaco Oaxaca

² Jee ntɨɨn re̱ꞌ ko̱o̱ꞌ mánasɨ́, ya̱ kúvi ko̱o̱ꞌ ya̱ íyó ne̱ yanaꞌán víꞌí, ya̱ kúvi‑i kui̱ꞌna̱ꞌ kúñáꞌnú ya̱ kúvi Satanás, jee niꞌniꞌ najiáꞌáꞌ ííꞌ vá maa kunuꞌniꞌ‑i ɨɨn mil (1000) kui̱ya̱ꞌ.

Apoclipsis 20:2 ပူးပေါင်းရင်းမြစ်များ

Génesis 3:1

Ko̱o̱ꞌ kúvi kitɨ máñáꞌ ka̱ꞌ nsú ka̱ꞌ inka ka̱ꞌ rá kitɨ yúkú ya̱ nsa̱ꞌá I̱toꞌoꞌ‑ó Ndiosíꞌ. Suviti̱ꞌ vá nkachiꞌ nu̱u̱nꞌ ñaꞌan vá: ―¿Á nijia kúvi ya̱ nkachiꞌ Ndiosíꞌ nu̱u̱nꞌ rán ya̱ ntu íyó kajiꞌ niva̱ꞌa rán rá vixíꞌ néni ɨɨn yutun íñɨ́ nu̱u̱nꞌ viiꞌ víꞌí íyó, réja?

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 19:29

Jee ntáká ñɨvɨ ya̱ nxi̱nóo ráa, á veꞌi‑i, á ñaniꞌ‑i, á ku̱ꞌva‑a, á ku̱ꞌvi̱ꞌ‑i, á tátáꞌ‑a, á nánáꞌ‑a, á ñasɨ́ꞌɨ́‑ɨ, á se̱ꞌya‑a, á ñuꞌun‑u, jie̱ꞌe̱ꞌ yɨ́tíñú‑u nu̱u̱nꞌ nuꞌuꞌ, jee ni̱ꞌi̱nꞌ ráa sientúꞌ (100) víꞌí ka̱ꞌ ya̱ taji Ndiosíꞌ, nsú káꞌ kua̱ꞌ nxi̱nóo ráa, jee suni ni̱ꞌi̱nꞌ ráa nanitáꞌvíꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ.

Mateo 8:29

Jee nka̱najíín ráa nsa̱ꞌá ta̱chi̱ꞌ néꞌí kákini yɨ́ꞌɨ́ iniꞌ ráa, jee nkachiꞌ ráa: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ? ¿Á váji nú yaꞌá sáva xinóꞌo nú ránuꞌuꞌ ne̱ ntiáꞌan ka̱ꞌ kenta tiempúꞌ ji̱nu rúja? ―nkachiꞌ ráa.

Marcos 4:15

Jee sava ñɨvɨ kúvi ráa kuéntáꞌ íyó ñuꞌun káá iniꞌ ichi vá nu̱u̱nꞌ xínáváꞌ re̱ꞌ nikɨn. Jee sáá tésóꞌo ráa tu̱ꞌun vá, jee ntañúꞌún kuitɨꞌ va̱ji i̱toꞌoꞌ ta̱chi̱ꞌ néꞌí, naní Satanás, jee ixtá‑a tu̱ꞌun ya̱ njia̱ꞌa te̱e vá nu̱u̱nꞌ ráa.

Marcos 5:7

Jee ni̱ꞌin xá nka̱najíín re̱ꞌ nsa̱ꞌá ta̱chi̱ꞌ néꞌí kákini, jee nkachiꞌ‑i: ―¿Na̱kui chi kíní nú maánú nteñu ráníꞌ, Jesús, Se̱ꞌya Ndiosíꞌ, máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ichinúúnꞌ Ndiosíꞌ, ya̱ koto xínóꞌo nú nuꞌuꞌ.

Juan 12:31

Vitan kúvi tiempúꞌ ya̱ saꞌá na̱a̱ꞌ Ndiosíꞌ kua̱chi jie̱ꞌe̱ꞌ rá ñɨvɨ ñɨ̱vɨ́ yaꞌá. Jee vitan jee tavaꞌ Ndiosíꞌ máá maá kui̱ꞌna̱ꞌ kúñáꞌnú ya̱ tátúníꞌ iniꞌ ñɨ̱vɨ́ yaꞌá kɨ̱ꞌɨ̱nꞌ iyo‑o.

Juan 16:11

Jee stúvi kájí re̱ꞌ ya̱ keꞌneꞌ na̱a̱ꞌ re̱ꞌ kua̱chi si̱kɨ̱ꞌ rá ñɨvɨ ñɨ̱vɨ́, chi ya̱ nkuna̱a̱ꞌ kɨ̱naanꞌ ta̱chi̱ꞌ kíni kúñáꞌnú ya̱ tátúníꞌ iniꞌ ñɨ̱vɨ́ yaꞌá.

Romanos 16:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa‑ó, jee ya̱chi̱ꞌ ni saꞌá re̱ꞌ ya̱ kuneí rán jín kui̱ꞌna̱ꞌ kúñáꞌnú ya̱ naní Satanás kuéntáꞌ kua̱xin rán maa chi̱ji jie̱ꞌe̱ꞌ rán. Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ránoꞌó.

Hebreos 2:14

Saáva rá se̱ꞌya vá jee ñɨvɨ yɨkɨkúñu ví ráa, jee suni sukuán nuún nkuvi maá Jesús chi suni ñɨvɨ yɨkɨkúñu ví re̱ꞌ ranika̱ꞌ, sáva nkuvi ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuneí re̱ꞌ nu̱u̱nꞌ kui̱ꞌna̱ꞌ kúñáꞌnú ya̱ níso fuersáꞌ ya̱ kínóo ñɨvɨ jín kua̱chi ráa jee jíꞌíꞌ ráa jee ntu nánitáꞌvíꞌ ráa.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.

Apoclipsis 12:13

Jee sáá niniꞌ ko̱o̱ꞌ mánasɨ́ vá ya̱ nsi̱kéne rá najiáꞌáꞌ ííꞌ maa nu̱u̱nꞌ ñuꞌun iniꞌ ñɨ̱vɨ́, jee nta̱níkɨ́nꞌ ti̱ꞌ ñaꞌan ya̱ nsi̱káku ña se̱ꞌya yɨ́ɨ́ ña.

Apoclipsis 12:15

Saájee ntavaꞌ ko̱o̱ꞌ vá nute yuꞌú ti̱ꞌ kuéntáꞌ ɨɨn ntekáꞌnú kua̱ꞌa̱nꞌ‑a ya̱ta̱ꞌ nu̱u̱nꞌ kuáꞌánꞌ ñaꞌan vá, sáva teni ña saꞌá‑a.

Apoclipsis 12:17

Saájee nki̱tɨ̱ꞌ iniꞌ ko̱o̱ꞌ mánasɨ́ vá néꞌyá ti̱ꞌ ña. Saájee kua̱ꞌa̱nꞌ ti̱ꞌ kantáꞌán ti̱ꞌ jín rá inka rá se̱ꞌya ichiyúkúnꞌ ña, ya̱ suvi kúvi rá ñɨvɨ ya̱ síkúnkuvi ráa tu̱ꞌun ya̱ tátúníꞌ Ndiosíꞌ, jee níkɨ́nꞌ na̱a̱ꞌ ni̱ꞌin ráa nu̱u̱nꞌ rá tu̱ꞌun Jesús.

Apoclipsis 12:3

Jee kuíre tukuni ntu̱ví inka ka̱ꞌ seña ne̱ antivɨ́ súkún: ɨɨn ko̱o̱ꞌ kuéꞌé káꞌnú mánasɨ́ naní dragón. Jee u̱xa̱ꞌ xi̱ni̱ꞌ ti̱ꞌ, jee u̱ji̱ꞌ nikɨ ti̱ꞌ. Jee u̱xa̱ꞌ corona jee ɨɨn corona ñúꞌún ta xi̱ni̱ꞌ ti̱ꞌ.

Apoclipsis 12:4

Jee su̱ꞌma̱ꞌ ti̱ꞌ xtákaa ti̱ꞌ ɨɨn ya̱ uníꞌ tantúꞌ rá tiu̱u̱nꞌ íyó súkún, jee nsi̱kéne ti̱ꞌ ráa nu̱u̱nꞌ ñu̱ꞌún. Jee ña̱kui̱ñɨ̱ꞌ ti̱ꞌ ichinúúnꞌ ñaꞌan vá ya̱ sikáku ña se̱ꞌya ña, nétu ti̱ꞌ sáva kajiꞌ ti̱ꞌ nchíkɨ́n vá sáá kaku‑u.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 13:2

Jee kitɨ xéénꞌ kákini vá ya̱ niniꞌ ni̱ꞌ yukuán kúnkunuún íyó ti̱ꞌ jín kui̱ñɨ̱ꞌ leopardo, jee rá jie̱ꞌe̱ꞌ ti̱ꞌ íyó‑o kuéntáꞌ jie̱ꞌe̱ꞌ oso, jee yuꞌú ti̱ꞌ íyó‑o kuéntáꞌ yuꞌú nikaꞌa. Jee nu̱u̱nꞌ ti̱ꞌ njia̱ꞌa ko̱o̱ꞌ mánasɨ́ vá fesáꞌ níꞌin‑i sáva kuniso ti̱ꞌ maa, jee njia̱ꞌa ko̱o̱ꞌ mánasɨ́ vá nu̱u̱nꞌ ti̱ꞌ nu̱u̱nꞌ nééꞌ‑e sáva tátúníꞌ ti̱ꞌ jín‑i, jee njia̱ꞌa‑a ya̱ kunisotíñú nasɨ́kuitɨꞌ ti̱ꞌ.

Apoclipsis 13:4

Jee nneñu̱ꞌun ráa ko̱o̱ꞌ mánasɨ́ vá, chi jie̱ꞌe̱ꞌ nika̱ꞌ ya̱ njia̱ꞌa ti̱ꞌ tiñu kúñáꞌnú kuniso kitɨ xéénꞌ kákini vá, jee suni nneñu̱ꞌun ráa kitɨ xéénꞌ kákini vá, jee nkachiꞌ ráa: ―¿Né ɨɨn íyó kuéntáꞌ kitɨ xéénꞌ kákini yaꞌá rúja?, jee, ¿né ɨɨn kuneí kantáꞌán jín ti̱ꞌ rúja? ¡Ntu̱né íyó! ―nkachiꞌ ráa.

Apoclipsis 20:10

Jee kui̱ꞌna̱ꞌ kúñáꞌnú ya̱ nxi̱náꞌví‑i ráa, jee nsi̱kéne Ndiosíꞌ maa nchuꞌun re̱ꞌ maa nu̱u̱nꞌ ñúꞌún xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ, nu̱u̱nꞌ ya̱ yɨ́ꞌɨ́ kitɨ xéénꞌ kákini vá jín inka ka̱ꞌ kitɨ xéénꞌ kákini ya̱ kúvi te̱e ya̱ káchítu̱ꞌún tu̱ꞌun túꞌún kéne yuꞌú kitɨ xe̱e̱nꞌ xíꞌnañúꞌún. Jee nu̱u̱nꞌ ñúꞌúnꞌ yukuán kuꞌun ráa kunoꞌo ráa nɨ́ɨ́nkání.

Apoclipsis 20:7

Saájee sáá jínu ya̱ ɨɨn mil (1000) kui̱ya̱ꞌ vá, saájee nakani núne najiáꞌáꞌ ííꞌ vá Satanás nu̱u̱nꞌ nyɨ̱niꞌyuꞌ‑u.

Apoclipsis 9:11

Jee íyó ɨɨn ya tátúníꞌ ya̱ kúñáꞌnú nu̱u̱nꞌ rátíꞌ. Kúvi‑i ɨɨn najiáꞌáꞌ kánéꞌén ya̱ kúmí‑i numaꞌ yukuán ya̱ ntu jínu nu̱u̱nꞌ kúnú‑u. Jee tu̱ꞌun káꞌánꞌ rá ñɨvɨ hebreo súví najiáꞌáꞌ vá ví Abadón, jee tu̱ꞌun káꞌánꞌ rá ñɨvɨ griego súví najiáꞌáꞌ vá ví Apolión.