Apoclipsis 20:10 - Mixteco del suroeste de Tlaxiaco Oaxaca

¹⁰ Jee kui̱ꞌna̱ꞌ kúñáꞌnú ya̱ nxi̱náꞌví‑i ráa, jee nsi̱kéne Ndiosíꞌ maa nchuꞌun re̱ꞌ maa nu̱u̱nꞌ ñúꞌún xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ, nu̱u̱nꞌ ya̱ yɨ́ꞌɨ́ kitɨ xéénꞌ kákini vá jín inka ka̱ꞌ kitɨ xéénꞌ kákini ya̱ kúvi te̱e ya̱ káchítu̱ꞌún tu̱ꞌun túꞌún kéne yuꞌú kitɨ xe̱e̱nꞌ xíꞌnañúꞌún. Jee nu̱u̱nꞌ ñúꞌúnꞌ yukuán kuꞌun ráa kunoꞌo ráa nɨ́ɨ́nkání.

Apoclipsis 20:10 ပူးပေါင်းရင်းမြစ်များ

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Mateo 25:46

’Saájee kɨ̱ꞌɨ̱nꞌ rá ñɨvɨ vá nu̱u̱nꞌ xinóꞌo Ndiosíꞌ ráa nɨ́ɨ́nkání, soo rá ñɨvɨ na̱a̱ꞌ chi kɨ̱ꞌɨ̱nꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Mateo 7:15

’Kumí rán maárán nu̱u̱nꞌ rá te̱e túꞌún ya̱ káchíꞌ ráa nika̱ꞌ ya̱ kúvi ráa ñɨvɨ nákani tu̱ꞌun kéne yuꞌú Ndiosíꞌ nu̱u̱nꞌ ráa, jee káñunkúún sáꞌá ráa nika̱ꞌ maáráa va̱ji ráa nu̱u̱nꞌ rán kuéntáꞌ lanchi másúꞌ, soo ñúꞌún kánéꞌén iniꞌ ráa kuéntáꞌ ñúꞌún máñáꞌ iniꞌ váꞌúꞌ xéénꞌ.

Marcos 9:44

[Yukuán ví nu̱u̱nꞌ ntu jíꞌíꞌ rá ti̱na̱kú ya̱ yájíꞌ rátíꞌ ñunéꞌyúꞌ, jee ni ntu náꞌváꞌ ñuꞌunꞌ maa.]

Apoclipsis 16:13

Saájee niniꞌ ni̱ꞌ ya̱ nkene u̱ni̱ꞌ ya̱ kíni néꞌí ya̱ íyó kuéntáꞌ saꞌvaꞌ, ne̱ yuꞌú koo mánasɨ́ vá ya̱ kúvi dragón, jín ne̱ yuꞌú kitɨ xéénꞌ kákini vá, jín ne̱ yuꞌú ya̱ uvíꞌ kitɨ xéénꞌ kákini vá ya̱ ya káchítu̱ꞌún re̱ꞌ tu̱ꞌun túꞌún ya̱ kéne yuꞌú xíꞌna kitɨ xéénꞌ kákini.

Apoclipsis 19:20

Soo maáréꞌ jín rá soldado ííꞌ re̱ꞌ ntɨɨn ráa kitɨ xéénꞌ kákini vá jín suni inka ka̱ꞌ kitɨ xéénꞌ kákini ya̱ kúvi te̱e ya̱ nkachitu̱ꞌún tu̱ꞌun túꞌún ya̱ nkene yuꞌú kitɨ xe̱e̱nꞌ xíꞌnañúꞌún, jín suni nsa̱ꞌá‑a rá seña a̱nasɨ́ ichinúúnꞌ kitɨ xéénꞌ kákini xíꞌnañúꞌún. Jee jín rá seña a̱nasɨ́ nsa̱ꞌá‑a nxi̱náꞌví‑i rá ñɨvɨ ya̱ nni̱ꞌi̱nꞌ ráa seña kitɨ xéénꞌ kákini xíꞌnañúꞌún kuniso ráa jee kúvi ráa ya̱ nneñu̱ꞌun ráa santúꞌ ñunéꞌyúꞌ maátíꞌ. Jee ni núvíꞌ ráa kitɨ xéénꞌ kákini vá, ni tékúꞌ rátíꞌ jee nsi̱kéne maáréꞌ ya̱ yósóꞌ kitɨ kuíjín vá rátíꞌ nu̱u̱nꞌ ñúꞌúnꞌ xéénꞌ kuéntáꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ sufríꞌ.

Apoclipsis 20:8

Jee kene‑e sáva xináꞌví‑i rá ñɨvɨ rá nación ya̱ íyó ni kúmíꞌ ichi ñɨ̱vɨ́. Jee kɨ̱xináꞌví‑i rá ñɨvɨ rá ñuunꞌ Gog jín Magog, sáva saꞌá‑a ya̱ nutútú rá ñɨvɨ vá sáva kantáꞌán ráa jín rá ñɨvɨ Ndiosíꞌ. Jee kue̱ꞌe̱ꞌ víꞌí ntántúníꞌ ráa nutútú kuéntáꞌ kua̱ꞌ kue̱ꞌe̱ꞌ ñuítɨ́ káá yuꞌú nteñúꞌún.

Apoclipsis 9:17

Jee suꞌva niniꞌ ni̱ꞌ ya̱ nxi̱néꞌénꞌ nu̱u̱nꞌ Ndiosíꞌ nuꞌuꞌ. Chi niniꞌ ni̱ꞌ rá kitɨ, jee suni niniꞌ ni̱ꞌ rá yósóꞌ ya̱ta̱ꞌ rátíꞌ. Jee ñúꞌún ni̱ka ráa ka̱a ya̱ náma ráa, jee rá ñúꞌún ráa ví ya̱ kuéꞌé, jín ya̱ léé, jín ya̱ kuáán. Jee rá kitɨ vá íyó xi̱ni̱ꞌ rátíꞌ kuéntáꞌ íyó xi̱ni̱ꞌ nikaꞌa, jee yuꞌú rátíꞌ kéne ñuꞌunꞌ jín ñu̱ꞌma̱ꞌ jín sufríꞌ.