Apoclipsis 2:3 - Mixteco del suroeste de Tlaxiaco Oaxaca

³ Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.

Apoclipsis 2:3 ပူးပေါင်းရင်းမြစ်များ

Marcos 15:21

Jee yukuán kua̱jia̱ꞌa ɨɨn te̱e, jee nte̱tuvi ráa re̱ꞌ kuniso re̱ꞌ kurúsiꞌ Jesús. Naní re̱ꞌ Simón, kúvi re̱ꞌ te̱e ñuunꞌ Cirene, jee kúvi re̱ꞌ tátáꞌ Alejandro jín Rufo. Jee va̱ji re̱ꞌ ɨɨn kuaríáꞌ.

Lucas 14:27

Néni ɨɨn ñɨvɨ ya̱ ntu jiéꞌnéꞌ iniꞌ‑i kunikɨnꞌ nuꞌuꞌ chi ntu jiéꞌnéꞌ iniꞌ‑i kunoꞌo‑o súka̱ꞌ ne̱ kuviꞌ‑i jie̱ꞌe̱ꞌ kunikɨnꞌ‑ɨ nuꞌuꞌ, kuéntáꞌ ɨɨn ya̱ níso‑o kurúsiꞌ sáva kuviꞌ‑i nu̱u̱nꞌ vá, jee ntu kúvi kunikɨnꞌ‑ɨ nuꞌuꞌ sukuáꞌa ni̱ꞌ maa.

Lucas 18:1

Jee nna̱kani Jesús ɨɨn tu̱ꞌun kúnkunuún káꞌánꞌ suꞌva nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa, jie̱ꞌe̱ꞌ ya̱ sukuáni íyó kaꞌanꞌ ráa jín Ndiosíꞌ, jee koto núun iniꞌ ráa kaꞌanꞌ ráa jín re̱ꞌ.

Lucas 21:19

Jee jie̱ꞌe̱ꞌ kuiñɨ ni̱ꞌin rán kuni̱ꞌin kutú rán jín nuꞌuꞌ, jee ni̱ꞌi̱nꞌ rán maárán kutekuꞌ rán nɨ́ɨ́nkání jín ni̱ꞌ.

Lucas 5:5

Jee nna̱xiníkó Simón jee nkachiꞌ re̱ꞌ: ―Mestrúꞌ, niñuꞌ nsa̱tíñú ránꞌ jee ni ntu̱náꞌ tia̱ká nni̱ꞌi̱nꞌ ránꞌ, soo jie̱ꞌe̱ꞌ maánú káchíꞌ, jee tukuni chuꞌun ni̱ꞌ ñunu yúꞌvé ni̱ꞌ nu̱u̱nꞌ nute.

Lucas 8:15

Soo rá nikɨn tataꞌ ya̱ ñákava nu̱u̱nꞌ ñu̱ꞌún váꞌa, suvi kúvi rá ñɨvɨ ya̱ jín ánímaꞌ na̱a̱ꞌ va̱ꞌa tésóꞌo ráa Tu̱ꞌun Ndiosíꞌ, jee chúꞌun iniꞌ ráa maa síkúnkuvi ráa maa jee kúníꞌin ráa jíjia ráa jín tu̱ꞌun vá jee suꞌva jiáꞌa tataꞌ sáꞌá.

Juan 15:21

Soo ntáká rá tiñu yaꞌá saꞌá ráa jín ránoꞌó, jie̱ꞌe̱ꞌ ni ka̱ꞌ ya̱ yɨ́ꞌɨ́ rán nu̱u̱nꞌ nuꞌuꞌ, chi jie̱ꞌe̱ꞌ ni ka̱ꞌ ya̱ ntu̱ví jíníꞌ ráa iniꞌ maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Romanos 12:12

Jee kusɨ̱ɨ̱ꞌ iniꞌ ánímaꞌ rán jie̱ꞌe̱ꞌ ya̱ íyó tu̱neí iniꞌ rán ki̱vɨ̱ꞌ nétu rán ya̱ xinánitáꞌvíꞌ Cristo ránoꞌó. Jee keꞌneꞌ iniꞌ rán kuiñɨ ni̱ꞌin rán sáá nóꞌo rán tu̱nóꞌó. Jee kuni̱ꞌin kaꞌanꞌ rán jín Ndiosíꞌ.

Romanos 16:12

Jee ku̱ꞌva rán xá nu̱u̱nꞌ Trifena jín nu̱u̱nꞌ Trifosa tu̱ꞌun jíkátu̱ꞌún ni̱ꞌ jie̱ꞌe̱ꞌ ráa, ya̱ sátíñú ni̱ꞌin ráa nu̱u̱nꞌ I̱toꞌoꞌ‑ó. Jee ku̱ꞌva rán xá nu̱u̱nꞌ Pérsida tu̱ꞌun jíkátu̱ꞌún ni̱ꞌ ña, ya̱ ñúnúunꞌ‑ó ña, ya̱ sátíñú ni̱ꞌin kue̱ꞌe̱ꞌ víꞌí ña nu̱u̱nꞌ I̱toꞌoꞌ‑ó.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Romanos 8:25

Soo retú íyó tu̱ꞌun neí iniꞌ‑ó ya̱ ntu túvi néꞌyá‑ó, jee jiéꞌnéꞌ iniꞌ‑ó nétu kuvi iniꞌ‑ó maa.

1 Corintios 13:7

Jee ñɨvɨ ya̱ ñúnúunꞌ‑u táꞌán‑a, jee ntáká nu̱u̱nꞌ jiéꞌnéꞌ iniꞌ‑i nóꞌo‑o, jín ntáká ni kúneí iniꞌ‑i Ndiosíꞌ, jín ntáká ni íyó tu̱ꞌun neí iniꞌ‑i ya̱ na̱a̱ꞌ sikúnkuvi Ndiosíꞌ jín ñɨvɨ vá, jín ntáká ni kínóo kutú jín Ndiosíꞌ.

1 Corintios 16:16

chiꞌi rán maárán xi̱ntíín ñɨvɨ ya̱ íyó suꞌva, jín xi̱ntíín ntáká rá ñɨvɨ chíneí táꞌán jín‑ó nu̱u̱nꞌ tiñu Ndiosíꞌ ya̱ sáꞌá yɨ́ɨ́ maa.

2 Corintios 10:15

Jee ntu jiáꞌa ráníꞌ nu̱u̱nꞌ sáni íyó káꞌánꞌ ránꞌ, chi ntu káꞌánꞌ téyɨ́ɨ́ ránꞌ jie̱ꞌe̱ꞌ tiñu ya̱ sáꞌá rá inka ka̱ꞌ te̱e, kuéntáꞌ retánꞌ nsa̱ꞌá ránꞌ maa. Chisaꞌ íyó tu̱neí iniꞌ ráníꞌ kujia iniꞌ ránú ya̱ kúneí iniꞌ rán Cristo, sáva kueꞌnu tiñu sáꞌá ráníꞌ nteñu ránoꞌó sáni nte̱tíñú Ndiosíꞌ ránuꞌuꞌ.

2 Corintios 11:23

¿Á sátíñú ráa nu̱u̱nꞌ Cristo? Soo saꞌ víꞌí káꞌ va̱ꞌa jiáꞌa ni̱ꞌ nu̱u̱nꞌ tiñu sáꞌá ráa. (Káꞌánꞌ ni̱ꞌ kuéntáꞌ ɨɨn ya̱ jíkó xíniꞌ.) Nnu̱nasɨ́ ni̱ꞌ nsa̱tíñú ni̱ꞌin ni̱ꞌ ka̱ꞌ nsú káꞌ suviráa. Nyɨ̱ꞌɨ víꞌí ni̱ꞌ ka̱ꞌ veka̱a nsú káꞌ maáráa. Ntu ñúkúꞌvá njia̱ꞌa ñɨvɨ nuꞌuꞌ. Yatin kuviꞌ ni̱ꞌ kue̱ꞌe̱ꞌ íchí.

2 Corintios 4:1

Jee saáva ntu̱ví núun iniꞌ ráníꞌ, chi jie̱ꞌe̱ꞌ nku̱náꞌví iniꞌ Ndiosíꞌ nne̱ꞌyá re̱ꞌ ránuꞌuꞌ, saáva nni̱ꞌi̱nꞌ ránꞌ tiñu yaꞌá ya̱ nte̱tíñú Ndiosíꞌ ránuꞌuꞌ stékútu̱ꞌún ránꞌ jie̱ꞌe̱ꞌ tratúꞌ jiáá.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

2 Corintios 5:9

Jee saáva va̱ne̱ꞌ ñúꞌún iniꞌ‑ó kueꞌnu‑ó sánikua̱ꞌ kúváꞌa iniꞌ re̱ꞌ néꞌyá re̱ꞌ sáá sáꞌá‑ó, va̱ni íyó‑ó iniꞌ veꞌi‑ó ya̱ kúvi yɨkɨkúñu‑ó yaꞌá, áxí va̱ni retú sú káꞌ ya̱ nkene‑ó kɨ̱ꞌɨ̱nꞌ‑ó kuneeꞌ‑ó jín re̱ꞌ.

2 Corintios 6:5

jín nu̱u̱nꞌ ya̱ njia̱ꞌa ñɨvɨ ránuꞌuꞌ, jín nu̱u̱nꞌ ya̱ nchiꞌi ñɨvɨ ránuꞌuꞌ iniꞌ veka̱a, jín nu̱u̱nꞌ ya̱ nnenta kue̱ꞌe̱ꞌ ñɨvɨ si̱kɨ̱ꞌ ránuꞌuꞌ ya̱ nukú ráa tuntíxín jín ránꞌ, jín nu̱u̱nꞌ tiñu véi nsa̱ꞌá ránꞌ, jín nu̱u̱nꞌ kue̱ꞌe̱ꞌ íchí ntu nkixiꞌ va̱ꞌa ránꞌ, jín nu̱u̱nꞌ ya̱ nneeꞌ niteꞌ ránꞌ,

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Gálatas 6:9

Koto núun iniꞌ‑órán saꞌá‑ó ya̱ váꞌa. Chi kenta ki̱vɨ̱ꞌ ñani Ndiosíꞌ ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ, kuéntáꞌ níꞌínꞌ‑ó tataꞌ sáꞌá‑ó, retú ntu nikó iniꞌ‑ó sáꞌá‑ó ya̱ váꞌa.

Filipenses 2:16

ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ.

Filipenses 4:3

Suni sukuán, maánú, ya̱ táꞌán te̱e nsa̱tíñú nkáꞌnú na̱a̱ꞌ nijia jín ni̱ꞌ, suni jíkánꞌ ni̱ꞌ nu̱u̱nꞌ nú, ya̱ chineí nú ya̱ nakama̱ni̱ꞌ ráña. Chi nnu̱nasɨ́ ráña nsa̱tíñú nkáꞌnú ráña jín ni̱ꞌ, jee suni sukuán jín Clemente jín rá inka ñɨvɨ táꞌán sátíñú nkáꞌnú jín ni̱ꞌ, sáva kueꞌnu tu̱ꞌun va̱ꞌa Jesús. Jee rá súví ráa níso nu̱u̱nꞌ tutuꞌ níso rá súví rá ñɨvɨ kutekuꞌ jín Ndiosíꞌ nɨ́ɨ́nkání.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

1 Tesalonicenses 2:9

Chi, ránoꞌó ñanitáꞌán, náꞌán rán ya̱ nsa̱tíñú ni̱ꞌin ráníꞌ jee nnu̱nasɨ́ yɨ́ɨ́ ránꞌ. Nuví niñuꞌ nsa̱tíñú ránꞌ sáva ni̱ꞌi̱nꞌ ránꞌ ya̱ jíniñúꞌún ránꞌ, sáva ntu nkúvi ránꞌ ɨɨn tiñu véi nu̱u̱nꞌ ni ɨɨn ránoꞌó, sáá káchítu̱ꞌún ránꞌ tu̱ꞌun váꞌa Ndiosíꞌ nu̱u̱nꞌ ránoꞌó.

1 Tesalonicenses 5:12

Ránoꞌó ñaniꞌ jín ku̱ꞌva, ntañúꞌún jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ kɨya̱ꞌvi nu̱u̱nꞌ rán kune̱ꞌyá rán rá te̱e ya̱ sáꞌá ráa tiñu I̱toꞌoꞌ‑ó nteñu ránoꞌó, ya̱ kúvi ráa rá te̱e kúñáꞌnú yósóꞌ nu̱u̱nꞌ ránoꞌó, jín ya̱ náchuꞌun ráa ránoꞌó ichi I̱toꞌoꞌ‑ó.

2 Tesalonicenses 3:13

Soo ránoꞌó ñanitáꞌán, koto núun iniꞌ rán saꞌá rán ya̱ váꞌa.

2 Tesalonicenses 3:5

Jee na̱ ka̱ꞌ nachuꞌun I̱toꞌoꞌ‑ó ichi ánímaꞌ rán sáva saꞌá Ndiosíꞌ ya̱ kunu̱u̱nꞌ rán re̱ꞌ jín ñɨvɨ. Jee sáva kuni̱ꞌin ránú kuiñɨ ni̱ꞌin rán jín Cristo.

2 Tesalonicenses 3:8

Ni ntu nyájíꞌ ráníꞌ ya̱ nsi̱kútaꞌviꞌ ni ɨɨn ñɨvɨ nu̱u̱nꞌ ránuꞌuꞌ. Chi va̱ni nuví va̱ni yakuááꞌ, nni̱kó néí ránꞌ nsa̱tíñú téyɨ́ɨ́ ránꞌ, sáva ntu kúvi ránꞌ tiñu véi nu̱u̱nꞌ ni ɨɨn ránoꞌó, jie̱ꞌe̱ꞌ ya̱ kutekuꞌ ránꞌ.

1 Timoteo 4:10

Chi jie̱ꞌe̱ꞌ yaꞌá sátíñú ni̱ꞌin‑ó jee núnasɨ́‑ó sátíñú‑ó, chi njia̱ꞌa‑ó tu̱neí iniꞌ‑ó Ndiosíꞌ ya̱ tékúꞌ. Jee suvire̱ꞌ ví ya̱ kúvi saꞌá re̱ꞌ ya̱ kúvi natavaꞌ re̱ꞌ nta̱ká ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa. Jee sáni máá rá ñɨvɨ ya̱ ínúꞌ iniꞌ ráa Cristo ví ya̱ sáꞌá re̱ꞌ ya̱ nanitáꞌvíꞌ ráa.

1 Timoteo 5:17

Rá te̱e kúñáꞌnú, ya̱ yósóꞌ va̱ꞌa nu̱u̱nꞌ rá ñanitáꞌán, ya̱ níkɨ́nꞌ ichi Cristo, jee íyó ni̱ꞌi̱nꞌ ráa si̱kɨ̱ꞌ ka̱ꞌ ya̱ sáñáꞌnú rá ñanitáꞌán nu̱u̱nꞌ ráa, jín ya̱ ku̱ꞌva rán ya̱ꞌvi ráa. Víꞌí ka̱ꞌ ya̱ maáráa stékútu̱ꞌún Tu̱ꞌun Ndiosíꞌ jee xínéꞌénꞌ ráa maa, íyó ni̱ꞌi̱nꞌ ráa ya̱ꞌvi ráa.

Hebreos 10:36

Chi jíniñúꞌún káꞌnú koo iniꞌ rán kuni̱ꞌin rán kuiñɨ rán jín Jesús, sáva ré nkuvi nsa̱ꞌá rán sáni kuíni re̱ꞌ jee ni̱ꞌi̱nꞌ rán ta̱ꞌvi̱ꞌ ya̱ nchi̱sóyuꞌú Ndiosíꞌ.

Hebreos 12:1

Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.

Hebreos 13:13

Jee saáva íyó kene rán nu̱u̱nꞌ ñujiínꞌ jiáꞌnu rá ñɨvɨ ya̱ ntu ínúꞌ iniꞌ ráa Jesús jee íyó kuiñɨ ni̱ꞌin rán jín re̱ꞌ, kuéntáꞌ kene‑ó yuñúúnꞌ kɨ̱ꞌɨ̱nꞌ‑ó nu̱u̱nꞌ re̱ꞌ. Jee íyó keꞌneꞌ iniꞌ rán ya̱ jiáꞌa ñɨvɨ tu̱nkánuun nu̱u̱nꞌ rán jie̱ꞌe̱ꞌ kúneí iniꞌ rán Jesús.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Hebreos 6:12

Jee sáva ntu kenta kukakan iniꞌ rán, chisaꞌ nuún saꞌá rán mákua sáꞌá rá ñɨvɨ ya̱ níꞌínꞌ ráa ta̱ꞌvi̱ꞌ ya̱ nchi̱sóyuꞌú Ndiosíꞌ jie̱ꞌe̱ꞌ kúneí iniꞌ ráa Jesús jín suni káꞌnú íyó iniꞌ ráa.

Hebreos 6:15

Jee saájee káꞌnú ni̱yo iniꞌ Abraham jee nni̱ꞌi̱nꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ.

2 Pedro 1:6

Jee jie̱ꞌe̱ꞌ ya̱ kúkáꞌnú iniꞌ rán ka̱ꞌ jie̱ꞌe̱ꞌ Ndiosíꞌ jee nachisó rán ya̱ nakeꞌen rán maárán. Jee jie̱ꞌe̱ꞌ nákeꞌen rán maárán jee nachisó rán ya̱ kuni̱ꞌin rán kuiñɨ kutú rán jín Cristo. Jee jie̱ꞌe̱ꞌ kúníꞌin rán íñɨ́ rán jín Cristo jee nachisó rán kɨtíñú rán nu̱u̱nꞌ Cristo.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Apoclipsis 3:10

’Jie̱ꞌe̱ꞌ ya̱ niñɨ ni̱ꞌin rán nnikɨnꞌ rán tu̱ꞌun ni̱ꞌ, jee káꞌnú ni̱yo iniꞌ rán nkuni̱ꞌin rán, jee saáva sikáku ni̱ꞌ ránoꞌó hora kiji tu̱nóꞌó xéénꞌ kunoꞌo kua̱íyó rá ñɨvɨ íyó ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ ni̱ꞌ, sáva kototúníꞌ ni̱ꞌ ráa jie̱ꞌe̱ꞌ rá tiñu nsa̱ꞌá ráa.