Apoclipsis 2:17 - Mixteco del suroeste de Tlaxiaco Oaxaca

¹⁷ ’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ kajiꞌ‑i maná ya̱ íyó yuꞌuꞌ. Jee suni ku̱ꞌva ni̱ꞌ ɨɨn yu̱u̱ꞌ kuíjín nu̱u̱nꞌ ñɨvɨ vá, jee nu̱u̱nꞌ yu̱u̱ꞌ yukuán nééꞌ ɨɨn súví jiáá, ya̱ ni ɨɨn ñɨvɨ ntu jíníꞌ maa, chi sáni maá ni ñɨvɨ ya̱ ni̱ꞌi̱nꞌ yu̱u̱ꞌ vá ví ya̱ kukáꞌnú iniꞌ maa.”

Apoclipsis 2:17 ပူးပေါင်းရင်းမြစ်များ

Mateo 13:11

Saájee nna̱xiníkó re̱ꞌ nkachiꞌ re̱ꞌ nu̱u̱nꞌ ráa: ―Nu̱u̱nꞌ ránoꞌó chi ntaji Ndiosíꞌ ya̱ kukáꞌnú iniꞌ rán jie̱ꞌe̱ꞌ rá tu̱ꞌun nyɨse̱ꞌí jie̱ꞌe̱ꞌ na̱ja kívɨ ñɨvɨ naꞌá Ndiosíꞌ jee tátúníꞌ re̱ꞌ nu̱u̱nꞌ ráa ya̱ nééꞌ re̱ꞌ antivɨ́ súkún. Soo nu̱u̱nꞌ rá inka ka̱ꞌ ntu̱ví njiáꞌa re̱ꞌ maa.

Marcos 7:16

[Retú néni ɨɨn íyó so̱ꞌo, jee teso̱ꞌo va̱ꞌa] ―nkachiꞌ Jesús.

Juan 4:32

Jee nkachiꞌ re̱ꞌ nu̱u̱nꞌ ráa: ―Íyó ɨɨn neyu ni̱ꞌ ya̱ yájíꞌ ya̱ ntu jíníꞌ rán ná kúvi‑i ―nkachiꞌ re̱ꞌ.

1 Corintios 2:14

Soo ñɨvɨ ya̱ ntu̱ví íyó jín Ta̱chi̱ꞌ Ííꞌ Ndiosíꞌ jee ntu̱ví tɨ́ɨn ráa tu̱ꞌun váji nu̱u̱nꞌ Ta̱chi̱ꞌ Ííꞌ re̱ꞌ, chi káꞌvi iniꞌ ñɨvɨ vá ya̱ tu̱ꞌun naanꞌ ni ví‑i, jee saáva ntu̱ví kúvi ki̱ku̱ꞌun iniꞌ‑i tu̱ꞌun vá, chi ntu̱ví íyó‑o jín Ta̱chi̱ꞌ Ííꞌ ya̱ sáꞌá ya̱ ki̱ku̱ꞌun iniꞌ‑ó maa.

Colosenses 3:3

Chi ya̱ ni̱ꞌi̱ꞌ rán jín Cristo, jee vitan jee íyó kutú ya̱ tékúꞌ rán jín re̱ꞌ, chi yɨ́ꞌɨ́ rán nu̱u̱nꞌ Ndiosíꞌ.

Apoclipsis 14:3

Jee jíta ráa ɨɨn yaaꞌ jiáá ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ ni kúmíꞌ rá tékúꞌ, jín nu̱u̱nꞌ ni ókóꞌ ku̱mi̱ꞌ (24) rá te̱e ñáꞌnú nísotíñú. Jee ni ɨɨn ntu kúvi kutu̱ꞌva yaaꞌ vá, chisaꞌ kútúꞌva kua̱chi rá sientúꞌ u̱vi̱xiko ku̱mi̱ꞌ mil (144,000) ñɨvɨ maa, ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ.

Apoclipsis 19:16

Jee saꞌma ñúꞌún ɨɨn rá sɨ̱ꞌɨn tíkóó re̱ꞌ níso súví yaꞌá: “Nísotíñú re̱ꞌ tátúníꞌ re̱ꞌ nu̱u̱nꞌ ntáká ráa ya tátúníꞌ ráa nu̱u̱nꞌ rá ñuunꞌ jín I̱toꞌoꞌ nu̱u̱nꞌ ntáká i̱toꞌoꞌ.”

Apoclipsis 2:11

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ni nsáꞌ ni̱ꞌi̱nꞌ‑i ka̱ꞌ tu̱nóꞌó xinóꞌo Ndiosíꞌ maa ya̱ nku̱víꞌ tuku‑u ya̱ uvíꞌ íchí nu̱u̱nꞌ Ndiosíꞌ.”

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Apoclipsis 3:22

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ” ―nkachiꞌ Jesús.

Apoclipsis 3:6

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.”