Apoclipsis 2:14 - Mixteco del suroeste de Tlaxiaco Oaxaca

¹⁴ ’Soo súka̱ꞌ sukuán íyó soo íyó yakuꞌ kua̱chi si̱kɨ̱ꞌ rán nu̱u̱nꞌ ni̱ꞌ. Chi nteñu ránoꞌó íyó sava rá ñɨvɨ ya̱ jínúꞌ iniꞌ ráa níkɨ́nꞌ ráa tu̱ꞌun ya̱ nxi̱néꞌénꞌ Balaam. Chi ne̱ tiempúꞌ yanaꞌán jee suvire̱ꞌ nxi̱néꞌénꞌ re̱ꞌ Balac na̱ja saꞌá máñáꞌ‑a sáva sikívɨ‑ɨ rá ñɨvɨ Israel nu̱u̱nꞌ kua̱chi, ya̱ kajiꞌ ráa rá nantíñú nso̱ko̱ꞌ nu̱u̱nꞌ rá santúꞌ ñunéꞌyúꞌ, jín ya̱ jiáꞌnu ráa jín tiñu téní.

Apoclipsis 2:14 ပူးပေါင်းရင်းမြစ်များ

Mateo 18:7

¡Na̱ ka̱ꞌ xe̱e̱nꞌ ka̱ꞌ kúvi jín ñɨvɨ ñɨ̱vɨ́ yaꞌá!, chi, ¡íyó víꞌí ya̱ xínínkava‑a nu̱u̱nꞌ kua̱chi! Jee sukuáni íyó maa, soo na̱ ka̱ꞌ náꞌví ka̱ꞌ ɨɨn ñɨvɨ ya̱ retú maáa xinínkava‑a inka ka̱ꞌ táꞌán‑a nu̱u̱nꞌ kua̱chi, [chi xe̱e̱nꞌ kunoꞌo‑o].

Hechos 15:29

Chusává rán rá sókóꞌ ráa nu̱u̱nꞌ rá santúꞌ ñunéꞌyúꞌ, jín ni̱ñɨ̱ꞌ, jín ku̱ñu rá kitɨ ya̱ jíꞌni ráa su̱ku̱nꞌ, jee koto sáꞌá téní rán. Ré chusává rán rá yaꞌá saꞌá na̱a̱ꞌ rán. Kuáꞌán va̱ꞌa rán.”

Hechos 21:25

Soo rá ñɨvɨ, ya̱ ntu kúvi Israel, ya̱ ínúꞌ iniꞌ ráa tu̱ꞌun Jesús, jee ya ntee ránꞌ tu̱ꞌun nu̱u̱nꞌ ráa ya̱ ñani iniꞌ ránꞌ. Nkachiꞌ ránꞌ ya̱ kunii̱yo ráa ya̱ nka̱jíꞌ ráa ku̱ñu ya̱ nsókoꞌ nu̱u̱nꞌ rá santúꞌ ñunéꞌyúꞌ, ni ni̱ñɨ̱ꞌ, ni ku̱ñu rá kitɨ ya̱ jíꞌni ráa su̱ku̱nꞌ, ni koto sáꞌá téní ráa.

Romanos 11:9

Jee suni nkachiꞌ David: Jee viko sáꞌá ráa, na̱ ka̱ꞌ kuvi vá ɨɨn trampáꞌ jín xe̱yɨ̱ꞌ nu̱u̱nꞌ ráa, sáva saꞌá‑a ya̱ kininkava ráa, jee nachunáán ráa jie̱ꞌe̱ꞌ kua̱chi ráa nu̱u̱nꞌ Ndiosíꞌ.

Romanos 14:13

Saáva koto síjíta rán ka̱ꞌ jie̱ꞌe̱ꞌ ɨɨn inka‑ó, chisaꞌ va̱ꞌa ka̱ꞌ ya̱ kani iniꞌ rán ya̱ koto sáꞌá rán ni ɨɨn tiñu niváꞌa ya̱ sikíninkava‑a rá ñanitáꞌán rán jee saꞌá ráa kua̱chi.

Romanos 14:21

Va̱ꞌa ka̱ꞌ ya̱ nka̱jíꞌ‑ó ku̱ñu, jee ni nkóꞌo‑ó nixiꞌ, jee ni koto na̱ sáꞌá‑ó ni ɨɨn nu̱u̱nꞌ tiñu retú saꞌá‑a ya̱ kininkava ñanitáꞌán‑ó, áxí retú saꞌá‑a ya̱ tu̱fi̱ꞌ iniꞌ ráa, [áxí retú saꞌá‑a ya̱ táyáꞌ iniꞌ ráa ya̱ kúneí iniꞌ ráa Jesús].

Romanos 9:32

¿Na̱ kuvi chi? Chi ntu nnúkú ráa kino̱o na̱a̱ꞌ ráa jie̱ꞌe̱ꞌ kúneí iniꞌ ráa Jesús, chisaꞌ nnu̱kú ráa kino̱o na̱a̱ꞌ ráa jie̱ꞌe̱ꞌ tiñu sáꞌá ráa. Nkininkava ráa kuéntáꞌ nkakɨ̱ꞌɨ jie̱ꞌe̱ꞌ ráa yu̱u̱ꞌ ya̱ sáꞌá‑a ya̱ kakɨ̱ꞌɨ jie̱ꞌe̱ꞌ ñɨvɨ, [ya̱ suvi kúvi Jesús].

1 Corintios 1:23

Soo ránuꞌuꞌ chi káchítu̱ꞌún ráníꞌ jie̱ꞌe̱ꞌ ya̱ níꞌiꞌ nijia Cristo nu̱u̱nꞌ kurúsiꞌ sáva natavaꞌ re̱ꞌ rá ñɨvɨ nu̱u̱nꞌ kua̱chi ráa. Soo nu̱u̱nꞌ rá ñɨvɨ ñuunꞌ Israel chi tu̱ꞌun yaꞌá kúvi tu̱ꞌun chúníní iniꞌ nu̱u̱nꞌ ráa jee kúíchi iniꞌ ráa maa. Jee nu̱u̱nꞌ rá ñɨvɨ ntu kúvi ñuunꞌ Israel jee tu̱ꞌun naanꞌ ví tu̱ꞌun vá nu̱u̱nꞌ ráa.

1 Corintios 7:2

Soo jie̱ꞌe̱ꞌ ya̱ íyó ya̱ síkúvi iniꞌ rán saꞌá tiñu téní ya̱ kúsíkɨ́ iniꞌ rán, jee saáva va̱ꞌa ka̱ꞌ ya̱ ta ɨɨn rá te̱e koo ɨɨn ñasɨ́ꞌɨ́ re̱ꞌ, jín ya̱ ta ɨɨn rá ñaꞌan, koo ɨɨn yɨɨ́ ña.

Hebreos 13:4

Jee koo ya̱ ñáꞌnú nu̱u̱nꞌ ntáká rán tu̱ꞌun tánáꞌá ñɨvɨ, jee kueꞌnu ninuꞌun rán jín ñɨvɨ nta̱na̱ꞌá jín rán. Chi maá Ndiosíꞌ sanáaꞌ kua̱chi rá ñɨvɨ ya̱ kúkuáchi ráa jín nsú ñɨvɨ nta̱na̱ꞌá jín ráa, jín suni rá ñɨvɨ yɨ́ꞌɨ́ tiñu téní.

1 Pedro 2:8

Jee suni káchíꞌ nu̱u̱nꞌ Tutuꞌ Ííꞌ: Ɨɨn yu̱u̱ꞌ ya̱ kákɨ́ꞌɨ jie̱ꞌe̱ꞌ ráa, jee túvíꞌ ráa, nkachiꞌ nu̱u̱nꞌ Tutuꞌ Ííꞌ Ndiosíꞌ, chi kíninkava ráa kúníꞌin iniꞌ ráa nu̱u̱nꞌ tu̱ꞌun re̱ꞌ, chi saá váji ráa ya̱ kunoꞌo ráa suꞌva.

2 Pedro 2:15

Chi nku̱sɨ́ɨ́n ráa nu̱u̱nꞌ ichi na̱a̱ꞌ Ndiosíꞌ. Jee nchi̱nikɨnꞌ ráa ichi ñujiínꞌ nsa̱ꞌá Balaam ya̱ nkuvi re̱ꞌ se̱ꞌya Beor. Jee nñunu̱u̱nꞌ re̱ꞌ ni̱ꞌi̱nꞌ re̱ꞌ xu̱ꞌún nu̱u̱nꞌ tiñu nsa̱ꞌá re̱ꞌ ya̱ ntu íyó na̱a̱ꞌ.

Judas 1:11

Na̱ ka̱ꞌ xe̱e̱nꞌ kunoꞌo ráa ka̱ꞌ, chi chínikɨnꞌ ráa ichi ñujiínꞌ sánikua̱ꞌ nsa̱ꞌá Caín yanaꞌán. Jee ñúꞌún káñá iniꞌ ráa chínikɨnꞌ ráa ichi ñujiínꞌ xínáꞌví sánikua̱ꞌ nsa̱ꞌá Balaam yanaꞌán chi xínéꞌénꞌ ráa tu̱ntúꞌún sáva ni̱ꞌi̱nꞌ ráa xu̱ꞌún. Jee kɨ̱naanꞌ ráa sánikua̱ꞌ nnoꞌo Coré jín rá táꞌán re̱ꞌ yanaꞌán, chi ni̱ꞌi̱ꞌ ráa jie̱ꞌe̱ꞌ ya̱ nkuni̱ꞌin iniꞌ ráa nu̱u̱nꞌ Tu̱ꞌun Ndiosíꞌ ya̱ njiáꞌa re̱ꞌ nu̱u̱nꞌ Moisés.

Apoclipsis 2:20

’Soo súka̱ꞌ sukuán íyó soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ. Chi yɨ́netuꞌ rán néꞌyá rán nu̱u̱nꞌ ɨɨn ñaꞌan naní Jezabel ya̱ káchíꞌ ña nika̱ꞌ ya̱ kúvi ña ñaꞌan ya̱ nákani ña tu̱ꞌun kéne yuꞌú Ndiosíꞌ, soo ntu̱ví. Jee xínéꞌénꞌ ña jee xínáꞌví ña rá musúꞌ ni̱ꞌ ya̱ yɨ́tíñú ráa nu̱u̱nꞌ ni̱ꞌ, sáva saꞌá téní ráa, jín ya̱ kajiꞌ ráa rá sókóꞌ ñɨvɨ nu̱u̱nꞌ rá santúꞌ ñunéꞌyúꞌ.

Apoclipsis 2:4

’Soo súka̱ꞌ sukuán íyó, soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ, chi ntu káꞌ ñúꞌún tu̱ꞌun ñúnúunꞌ iniꞌ rán nuꞌuꞌ jín ɨɨn inka rán kuéntáꞌ kua̱ꞌ tiempúꞌ xíꞌnañúꞌún ya̱ nínúꞌ iniꞌ rán nuꞌuꞌ.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.