Apoclipsis 19:8 - Mixteco del suroeste de Tlaxiaco Oaxaca

⁸ Jee njia̱ꞌa Ndiosíꞌ nu̱u̱nꞌ ña ya̱ nakuniji ña máá saꞌma máá ñunkúún íyó ya̱ íyó noo ya̱ jiánu̱te̱ꞌ, nkachiꞌ nusuyuꞌú vá. Jee saꞌma vá kúvi‑i na̱ja kua̱ꞌ jiáꞌnu noo na̱a̱ꞌ rá ñɨvɨ ya̱ nsa̱ꞌá sɨ́ɨ́n Ndiosíꞌ ya̱ kɨꞌɨ ráa nu̱u̱nꞌ re̱ꞌ.

Apoclipsis 19:8 ပူးပေါင်းရင်းမြစ်များ

Mateo 17:2

Jee yukuán nsama re̱ꞌ sáá ntu̱vi re̱ꞌ nu̱u̱nꞌ ráa, chi jiánu̱te̱ꞌ víꞌí nu̱u̱nꞌ re̱ꞌ kuéntáꞌ nuva nka̱niiꞌ, jee saꞌma re̱ꞌ máá yaa nnuvi‑i kuéntáꞌ nuva ñuꞌunꞌ.

Mateo 22:12

Jee nkachiꞌ re̱ꞌ nu̱u̱nꞌ‑u: “Tenó, ¿na̱ja nki̱vɨ nú yaꞌá ya̱ ni ntu̱ví ñúꞌún nú saꞌma viko tána̱ꞌá?”, nkachiꞌ re̱ꞌ, soo ni ntu̱ví nkúvi kaꞌanꞌ kuitɨꞌ te̱e vá.

Marcos 9:3

Jee rá saꞌma re̱ꞌ ñanu̱te̱ꞌ, jee máá yaa nasɨ́kuitɨꞌ nnuvi ráa. Jee ni ɨɨn ñɨvɨ ñɨ̱vɨ́, ya̱ nákete saꞌma, ni nkénta saꞌá‑a yaa saꞌma sukuán.

Lucas 24:4

Jee ni nku̱naan nku̱suꞌva ráña ya̱ nkuvi suꞌva, jee nkitu̱vi u̱vi̱ꞌ te̱e ña̱kui̱ñɨ̱ꞌ ráa xiín ráña, jee ñúꞌún ráa máá saꞌma jiánu̱te̱ꞌ nijia.

Hechos 1:10

Jee ni nínta nchinúún ráa néꞌyá ráa súkún ni kua̱naa re̱ꞌ súkún, jee sa̱naanꞌ ntu̱vi u̱vi̱ꞌ te̱e ñúꞌún saꞌma kuíjín íñɨ́ jín ráa.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

Romanos 3:22

Chi Ndiosíꞌ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa Jesús ya̱ kúvi Cristo. Sáꞌá Ndiosíꞌ sukuán jín ntáká ráa ya̱ kúneí iniꞌ ráa Cristo chi ntu sɨ́ɨ́n sáꞌá re̱ꞌ jín ɨɨn inka ráa.

Apoclipsis 15:4

Chi, ¿né ɨɨn ntu ñúyúꞌví iniꞌ‑i noꞌó, rúsa? I̱toꞌoꞌ ránꞌ, jee, ¿né ɨɨn ntu nákuetúꞌún‑u noꞌó ya̱ ntu káchíꞌ‑i ya̱ kúñáꞌnú nú, rúsa? ¡Ni ɨɨn! Chi métúꞌún maánú vá i̱i̱ꞌ. Chi kiji kua̱íyó rá ñɨvɨ ntáká nación kuneñu̱ꞌun ráa noꞌó. Chi túvi ya̱ sáꞌá nú rá tiñu na̱a̱ꞌ, sukuán jíta ráa.

Apoclipsis 15:6

Jee iniꞌ veñu̱ꞌun vá nkikene ni uxáꞌ rá najiáꞌáꞌ ííꞌ ya̱ nísotíñú ni uxáꞌ rá tu̱nóꞌó. Jee ñúꞌún ráa saꞌma váꞌa máá ñunkúún nijia ya̱ jiánu̱te̱ꞌ, jee núꞌníꞌ manchíjí oro ni̱ka ráa.

Apoclipsis 19:14

Jee níkɨ́nꞌ rá soldado ííꞌ re̱ꞌ íyó antivɨ́ súkún ya̱ta̱ꞌ re̱ꞌ, jee yósóꞌ ráa kitɨ kuíjín, jee ñúꞌún ráa saꞌma kuíjín váꞌa ñunkúún íyó noo.

Apoclipsis 3:18

Saáva nákutíñú ni̱ꞌ nu̱u̱nꞌ rán ya̱ kunenu̱u̱nꞌ rán ya̱ yɨ́yáꞌvi ka̱ꞌ ya̱ va̱ji nu̱u̱nꞌ ni̱ꞌ kuéntáꞌ keꞌen rán ka̱a oro ya̱ ya nna̱ka̱yu̱ꞌ nu̱u̱nꞌ ñúꞌúnꞌ sáva saꞌá ninuꞌun maa, sáva kukúká nijia rán nu̱u̱nꞌ nuꞌuꞌ. Jee nunasɨ́ rán koo ninuꞌun rán nu̱u̱nꞌ ni̱ꞌ kuéntáꞌ keꞌen rán nu̱u̱nꞌ ni̱ꞌ saꞌma kuíjín sáva ntu koo tu̱nkánuun rán jie̱ꞌe̱ꞌ íyó ñɨɨn rán nu̱u̱nꞌ nuꞌuꞌ. Jee tɨɨn rán tu̱ꞌun ni̱ꞌ kuéntáꞌ keꞌen rán nu̱u̱nꞌ ni̱ꞌ ta̱ta̱nꞌ chuꞌun rán nchinúún rán sáva nu̱nijínꞌ nu̱u̱nꞌ rán.