Apoclipsis 19:18 - Mixteco del suroeste de Tlaxiaco Oaxaca

¹⁸ sáva kajiꞌ rán ku̱ñu rá ñɨvɨ nísotíñú ya̱ tátúníꞌ, jín ku̱ñu rá capitán, jín ku̱ñu rá te̱e tiɨ́kɨ́, jín ku̱ñu rá kitɨ jín rá te̱e ya̱ nyosoꞌ ya̱ta̱ꞌ ti̱ꞌ, jín suni ku̱ñu ntáká rá ñɨvɨ, va̱ni ku̱ñu rá ñɨvɨ íyó núne ya̱ sáꞌá‑a tiñu maáa, va̱ni ku̱ñu rá musúꞌ satíñú saɨn ya̱ nkuya̱ꞌvi ráa, va̱ni ñɨvɨ kúñáꞌnú va̱ni ñɨvɨ ntu kúñáꞌnú ―nkachiꞌ najiáꞌáꞌ ííꞌ vá.

Apoclipsis 19:18 ပူးပေါင်းရင်းမြစ်များ

Mateo 24:28

[Tu̱vi nijinꞌ ya̱ kenta ni̱ꞌ kuéntáꞌ kua̱ꞌ túvi nijinꞌ] nu̱u̱nꞌ káá ni̱yɨ ñunéꞌyúꞌ, chi yukuán kútútú rá chi̱í.

Lucas 17:37

Saájee sáá nkuvi nteso̱ꞌo rá te̱e kútáꞌán jín re̱ꞌ súkuáꞌa re̱ꞌ ráa, jee ni̱ka̱tu̱ꞌún ráa re̱ꞌ: ―¿Né núꞌ kuvi rá tiñu yaꞌá, I̱toꞌoꞌ ránꞌ? ―nkachiꞌ ráa. Jee nkachiꞌ re̱ꞌ nu̱u̱nꞌ ráa: ―[Túvi nijinꞌ‑i kuéntáꞌ kua̱ꞌ túvi nijinꞌ] nu̱u̱nꞌ káá ni̱yɨ ñunéꞌyúꞌ, chi yukuán kútútú rá chi̱í ―nkachiꞌ Jesús.

Apoclipsis 11:18

Jee rá ñɨvɨ ntáká nación nki̱tɨ̱ꞌ víꞌí iniꞌ ráa jín nú, soo nkenta ki̱tɨ̱ꞌ iniꞌ nú xinóꞌo nú ráa. Jee ya nkenta tiempúꞌ ya̱ saꞌá na̱a̱ꞌ nú jie̱ꞌe̱ꞌ kua̱chi ntáká rá ñɨvɨ ya̱ níꞌiꞌ, jín ya ku̱ꞌva nú ta̱ꞌvi̱ꞌ kutaꞌviꞌ rá musúꞌ nú, rá ñɨvɨ ya̱ nkachitu̱ꞌún ráa tu̱ꞌun nkene yuꞌú nú, jín ntáká ñɨvɨ yɨ́tíñú ráa nu̱u̱nꞌ nú, ya̱ kúvi rá ñɨvɨ ya̱ ñúyúꞌví iniꞌ ráa noꞌó, va̱ni kuvi ráa ñɨvɨ kúñáꞌnú va̱ni ntu̱ví, jee xináánꞌ nú rá ñɨvɨ ya̱ xínáánꞌ ráa rá ñɨvɨ ñɨ̱vɨ́, nkachiꞌ rá te̱e ñáꞌnú vá.

Apoclipsis 13:16

Jee kitɨ ya̱ nkene chi̱ji ñuꞌun vá, tétuvi ti̱ꞌ ya̱ ntáká rá ñɨvɨ ni̱ꞌi̱nꞌ ráa ɨɨn seña kuneeꞌ naꞌá kuáꞌá ráa áxí te̱e̱nꞌ ráa ya̱ ntu kúñáꞌnú ráa jín ya̱ kúñáꞌnú ráa, va̱ni ñɨvɨ kúká, va̱ni ñɨvɨ láꞌví, va̱ni ñɨvɨ ya̱ sátíñú‑u tiñu maáa, va̱ni musúꞌ nkuya̱ꞌvi.

Apoclipsis 17:16

Jee rá ni ujíꞌ rá nikɨ ya̱ niniꞌ nú jín kitɨ xéénꞌ kákini vá, chi taꞌvi iniꞌ ráa kune̱ꞌyá ráa ñaꞌan sɨ́ɨ́ꞌ iniꞌ vá, jee xinóo saɨn ráa maa, ne̱kua̱ꞌ kuñɨɨ́n‑ɨ, jee kajiꞌ ráa yɨkɨkúñu ña jee teñuꞌunꞌ ráa maa.

Apoclipsis 19:5

Saájee nkene ɨɨn nusuyuꞌú nkaꞌanꞌ‑a ne̱ nu̱u̱nꞌ teyuꞌ nu̱u̱nꞌ nééꞌ re̱ꞌ tátúníꞌ re̱ꞌ yukuán jee nkachiꞌ‑i: Ntáká ránoꞌó ya̱ kúvi rán musúꞌ re̱ꞌ yɨ́tíñú rán nu̱u̱nꞌ re̱ꞌ, jín ntáká ránoꞌó ya̱ ñúyúꞌví iniꞌ rán re̱ꞌ, va̱ni ntáká ránoꞌó ya̱ kúñáꞌnú áxí va̱ni ntu̱ví, ntáká ránoꞌó íyó nakuetúꞌún rán re̱ꞌ, nkachiꞌ‑i.

Apoclipsis 6:15

Jee rá te̱e tátúníꞌ rá ñuunꞌ íyó ñɨ̱vɨ́, jín rá kúñáꞌnú, jín rá capitán, jín rá kúká, jín rá ñɨvɨ tátúníꞌ kéne nu̱u̱nꞌ, jín nta̱ká rá musúꞌ ya̱ nkeꞌen ñɨvɨ ráa, jín nta̱ká rá ñɨvɨ íñɨ́ núne ya̱ sáꞌá ráa tiñu maáráa, ña̱kɨ̱ꞌɨ yuꞌuꞌ ráa iniꞌ rá kava, jín nteñu rá kava íyó yuku.