Apoclipsis 18:24 - Mixteco del suroeste de Tlaxiaco Oaxaca

²⁴ Chi níso rá ñɨvɨ ñuunꞌ nú kua̱chi ni̱yɨ si̱kɨ̱ꞌ ráa, jie̱ꞌe̱ꞌ ñaꞌniꞌ ráa rá ñɨvɨ ya̱ nna̱kani ráa tu̱ꞌun nkene yuꞌú Ndiosíꞌ, jín rá ñɨvɨ ya̱ nsa̱ꞌá sɨ́ɨ́n re̱ꞌ kɨꞌɨ ráa nu̱u̱nꞌ re̱ꞌ, jín ntáká ka̱ꞌ rá ñɨvɨ ya̱ ñaꞌniꞌ ráa né ni ví nkuvi iniꞌ ñɨ̱vɨ́, nkachiꞌ najiáꞌáꞌ ííꞌ vá.

Apoclipsis 18:24 ပူးပေါင်းရင်းမြစ်များ

Mateo 23:27

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó fariseo, chi, ¡te̱e sansuꞌva kúvi rán! Chi kúvi rán kuéntáꞌ kúvi rá ñáñá rá ni̱yɨ nkaꞌyu kuíjín jee ne̱ túvi viiꞌ ñunkúún‑u nu̱u̱nꞌ nijinꞌ, soo ichi iniꞌ‑i chi ne̱ yɨ́ꞌɨ́ chitú yɨkɨníyɨ jín nɨꞌɨ ya̱ téꞌyúꞌ iniꞌ‑i.

Mateo 23:35

Saáva si̱kɨ̱ꞌ ránoꞌó nakuniꞌi nɨꞌɨ kua̱chi si̱kɨ̱ꞌ rán kunoꞌo rán jie̱ꞌe̱ꞌ nɨꞌɨ rá ñɨvɨ na̱a̱ꞌ váꞌa ya̱ ñaꞌniꞌ nu̱u̱nꞌ ñɨ̱vɨ́ yaꞌá, ne̱ sáá ñaꞌniꞌ ñɨvɨ Abel ya̱ kúvi te̱e na̱a̱ꞌ, jín ne̱ sáá ñaꞌniꞌ rá ñɨvɨ Zacarías se̱ꞌya Berequías ma̱ꞌñú veñu̱ꞌun káꞌnú i̱i̱ꞌ jín xíín altar nu̱u̱nꞌ sókóꞌ rá sa̱na̱ꞌ nu̱u̱nꞌ Ndiosíꞌ.

Hechos 7:52

Jee rá te̱e nna̱kani tu̱ꞌun nkene yuꞌú Ndiosíꞌ chi, ¿né ɨɨn ráa ntu níto u̱ꞌvi̱ꞌ rá jííꞌ rán yanaꞌán rúja? Jee ñaꞌniꞌ ráa rá te̱e vá ya̱ nkachitu̱ꞌún ya̱chi̱ꞌ ráa, ya̱ kiji máá maá te̱e ya̱ na̱a̱ꞌ kúvi re̱ꞌ nu̱u̱nꞌ Ndiosíꞌ. Jee nna̱ku̱ꞌva rán re̱ꞌ, jee ñaꞌniꞌ rán maa.

1 Tesalonicenses 2:15

Rá ñɨvɨ Israel vá ví ya̱ ñaꞌniꞌ ráa I̱toꞌoꞌ‑ó Jesús jín rá te̱e ya̱ nna̱kani ráa tu̱ꞌun nkene yuꞌú Ndiosíꞌ ne̱ yanaꞌán. Jee nta̱níkɨ́nꞌ rá ñɨvɨ vá ránuꞌuꞌ ñuunꞌ yukuán. Ntu kúváꞌa iniꞌ Ndiosíꞌ néꞌyá re̱ꞌ ráa. Jee kénta ráa si̱kɨ̱ꞌ nta̱ká ñɨvɨ.

Apoclipsis 11:7

Jee sáá kuneí ráa sijínu ráa naku̱ꞌva ráa ya̱ naáꞌ jie̱ꞌe̱ꞌ Tu̱ꞌun Ndiosíꞌ, saájee kene máá kitɨ xéénꞌ kákini ne̱ numaꞌ ya̱ ntu jínu nu̱u̱nꞌ kúnú‑u, jee kantáꞌán‑a jín ni núvíꞌ ráa, jee kuneí‑i jín ráa jee kaꞌniꞌ‑i ráa.

Apoclipsis 16:6

Chi ñaꞌniꞌ ráa rá ñɨvɨ nsa̱ꞌá sɨ́ɨ́n nú kɨꞌɨ rává nu̱u̱nꞌ nú, jín rá ñɨvɨ ya̱ nna̱kani ráa tu̱ꞌun nkene yuꞌú nú, jee ñatɨ ni̱ñɨ̱ꞌ rává. Saájee nna̱ku̱ꞌva nú ni̱ñɨ̱ꞌ koꞌo ráa, ya̱ íyó níꞌínꞌ ráa tu̱nóꞌó vá, nkachiꞌ‑i.

Apoclipsis 17:6

Jee niniꞌ ni̱ꞌ ya̱ jíni ñaꞌan vá jín ni̱ñɨ̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Ndiosíꞌ, jín ni̱ñɨ̱ꞌ rá ñɨvɨ ya̱ nnákani ráa ya̱ nááꞌ jie̱ꞌe̱ꞌ Jesús, ya̱ káchíꞌ‑ó ya̱ ñaꞌniꞌ víꞌí ña ráa. Jee nti̱vɨ́ víꞌí xíniꞌ ni̱ꞌ sáá niniꞌ ni̱ꞌ ña.

Apoclipsis 19:2

Chi na̱a̱ꞌ jiéꞌnéꞌ re̱ꞌ tiñu, jee na̱a̱ꞌ sáꞌá re̱ꞌ maa, chi ñeꞌneꞌ re̱ꞌ tiñu jie̱ꞌe̱ꞌ ñuunꞌ kúñáꞌnú vá, ya̱ kúvi‑i kuéntáꞌ ñaꞌan sɨ̱ɨ̱ꞌ iniꞌ. Chi nstívɨ́ ñuunꞌ vá rá ñɨvɨ ñɨ̱vɨ́ jín rá tiñu téní sáꞌá‑a. Jee saáva nna̱ku̱ꞌva re̱ꞌ tu̱nóꞌó xéénꞌ nu̱u̱nꞌ‑u, jie̱ꞌe̱ꞌ ya̱ ñaꞌniꞌ rá ñɨvɨ ñuunꞌ vá rá musúꞌ re̱ꞌ ya̱ yɨ́tíñú ráa nu̱u̱nꞌ re̱ꞌ, nkachiꞌ rá nusuyuꞌú vá.