Apoclipsis 18:21 - Mixteco del suroeste de Tlaxiaco Oaxaca

²¹ Saájee ɨɨn najiáꞌáꞌ ííꞌ ya̱ níso nasɨ́kuitɨꞌ re̱ꞌ fesáꞌ ííꞌ nna̱neꞌen‑e ɨɨn yu̱u̱ꞌ mánasɨ́ ya̱ íyó kuéntáꞌ yu̱u̱ꞌ yo̱sóꞌ molínúꞌ, jee nsi̱kéne‑e vá nu̱u̱nꞌ nteñúꞌún, jee nkachiꞌ‑i: Suni suꞌva xe̱e̱nꞌ kinaanꞌ ñuunꞌ Babilonia, ya̱ kúvi ñuunꞌ kúñáꞌnú ka̱ꞌ. Jee ni nsáꞌ kuniꞌ‑ó ka̱ꞌ maa.

Apoclipsis 18:21 ပူးပေါင်းရင်းမြစ်များ

Apoclipsis 10:1

Jee niniꞌ ni̱ꞌ inka ka̱ꞌ najiáꞌáꞌ ííꞌ Ndiosíꞌ váji nkuun ne̱ súkún, jee níso‑o fesáꞌ ííꞌ, jee yɨ́sukunꞌ vi̱ko̱ꞌ maa, jee yósóꞌ ko̱ye̱ꞌlé xi̱ni̱ꞌ‑i. Jee nu̱u̱nꞌ‑u jiánu̱te̱ꞌ kuéntáꞌ nka̱niiꞌ, jee rá jie̱ꞌe̱ꞌ‑e íyó kuéntáꞌ rá nekaꞌ ya̱ íyó kuéntáꞌ ñuꞌunꞌ.

Apoclipsis 12:8

Soo ntu̱ví nkúvi nku̱neí ko̱o̱ꞌ mánasɨ́ vá, jee saáva ni ntu̱ví íyó ka̱ꞌ nu̱u̱nꞌ ni̱ꞌi̱nꞌ ráa kuneeꞌ ráa ne̱ antivɨ́ súkún.

Apoclipsis 16:20

Jee ntáká rá ñuunꞌ káá sɨ́ɨ́n ma̱ꞌñú nteñúꞌún nno̱ñúꞌún ráa kua̱ꞌa̱nꞌ ráa, jee nnaanꞌ rá yuku ranika̱ꞌ ya̱ nsáꞌ naniꞌinꞌ ñɨvɨ ráa.

Apoclipsis 18:10

Jee kuiñɨ íká ráa chi kuyu̱ꞌví ráa rá tu̱nóꞌó kunoꞌo víꞌí rá ñɨvɨ ñuunꞌ vá, jee kachiꞌ ráa: ¡Na̱ ka̱ꞌ náꞌví náꞌví ka̱ꞌ ñuunꞌ káꞌnú!, ya̱ kúvi Babilonia ya̱ nkuvi ñuunꞌ ya̱ níyo nasɨ́kuitɨꞌ fesáꞌ nékúvi, chi métúꞌún hora ni nkenta kuna̱a̱ꞌ kua̱chi nú.

Apoclipsis 18:22

Ni nsáꞌ teso̱ꞌo‑ó ka̱ꞌ yaaꞌ arpa ya̱ tée rá ñɨvɨ iniꞌ nú Babilonia, ni ta̱chi̱yuꞌú rá ñɨvɨ jíta ráa yaaꞌ, ni yaaꞌ xi̱kiꞌli tée rá ñɨvɨ, ni yaaꞌ trompeta tívɨ́ꞌ ráa. Jee suni ni nkóo iniꞌ nú ni ɨɨn ka̱ꞌ ñɨvɨ jíníꞌ saꞌá na̱ni tiñu. Jee nsáꞌ tu̱vi nanɨꞌɨn ta̱chi̱ꞌ molínúꞌ iniꞌ nú.

Apoclipsis 20:11

Jee niniꞌ ni̱ꞌ ɨɨn teyuꞌ kuíjín kúñáꞌnú nu̱u̱nꞌ kuna̱a̱ꞌ tiñu. Jee yukuán nééꞌ Ndiosíꞌ ya̱ tátúníꞌ re̱ꞌ tiñu. Jee nkuiyo ñɨ̱vɨ́ jín súkún nu̱u̱nꞌ re̱ꞌ. Chi ntu̱ví ka̱ꞌ né núꞌ koo ráa nu̱u̱nꞌ re̱ꞌ.

Apoclipsis 5:2

Jee niniꞌ ni̱ꞌ ɨɨn najiáꞌáꞌ ííꞌ ya̱ níso víꞌí fuersáꞌ ííꞌ, jee nka̱najíín ni̱ꞌin‑i nste̱kútu̱ꞌún‑u: ―¿Né ɨɨn ví ya̱ íyó ni̱ꞌi̱nꞌ‑i ya̱ kuvi ta̱ꞌví‑i rá seyúꞌ jee kune‑e tutuꞌ yaꞌá? ―nkachiꞌ najiáꞌáꞌ ííꞌ vá.