Apoclipsis 18:2 - Mixteco del suroeste de Tlaxiaco Oaxaca

² Jee ni̱ꞌin nka̱najíín re̱ꞌ jee nkachiꞌ re̱ꞌ: ¡Ya nnaanꞌ! ¡Ya nnaanꞌ!, ñuunꞌ káꞌnú ya̱ kúvi Babilonia ñáꞌnú, jee nkenta kuvi‑i nu̱u̱nꞌ nééꞌ rá kui̱ꞌna̱ꞌ ntu íyó ninuꞌun, jín nu̱u̱nꞌ yɨ́ꞌɨ́ ntáká nu̱u̱nꞌ rá ta̱chi̱ꞌ kákini, jín nu̱u̱nꞌ yɨ́ꞌɨ́ ntáká nu̱u̱nꞌ rá kitɨ kákini íyó chi̱yo̱ꞌ ya̱ ntu íyó ninuꞌun, [jín nu̱u̱nꞌ yɨ́ꞌɨ́ ntáká nu̱u̱nꞌ rá kitɨ kákini] íyó néꞌí.

Apoclipsis 18:2 ပူးပေါင်းရင်းမြစ်များ

Apoclipsis 1:15

Jee rá jie̱ꞌe̱ꞌ re̱ꞌ jiánu̱te̱ꞌ ráa kuéntáꞌ kua̱ꞌ xiñúꞌ jiánu̱te̱ꞌ ka̱a kuáán bronce nna̱ka̱yu̱ꞌ nu̱u̱nꞌ ñúꞌúnꞌ jee núlɨɨ‑ɨ. Jee ni̱ꞌin víꞌí káꞌánꞌ re̱ꞌ kuéntáꞌ kua̱ꞌ nɨ́ꞌɨn káyu kue̱ꞌe̱ꞌ rá ntekáꞌnú.

Apoclipsis 10:3

Saájee nka̱najíín ni̱ꞌin‑i kua̱ꞌ káyu yuꞌú ɨɨn nikaꞌa. Jee sáá nka̱najíín‑i, jee nkana ni u̱xa̱ꞌ rá tajia jee káꞌánꞌ ráa.

Apoclipsis 11:8

Jee rá ni̱yɨ ráa kava iniꞌ ichi ñuunꞌ káꞌnú vá, ya̱ káchíꞌ rá ñɨvɨ ya̱ ñuunꞌ vá kúvi kuéntáꞌ rá ñuunꞌ Sodoma jín Egipto, chi nu̱u̱nꞌ ñuunꞌ yukuán ñaꞌniꞌ rá ñɨvɨ I̱toꞌoꞌ ni núvíꞌ ráa jee nni̱ntakaa re̱ꞌ nu̱u̱nꞌ kurúsiꞌ.

Apoclipsis 14:15

Saájee nkene inka ka̱ꞌ najiáꞌáꞌ ííꞌ Ndiosíꞌ iniꞌ veñu̱ꞌun káꞌnú Ndiosíꞌ íyó antivɨ́ súkún, jee kánajíín ni̱ꞌin‑i jín nusuyuꞌú‑u laxín káchíꞌ‑i nu̱u̱nꞌ maáréꞌ ya̱ nééꞌ nu̱u̱nꞌ vi̱ko̱ꞌ vá: ―Siáꞌa nú hoz nú, jee nakeꞌen nú tataꞌ sáꞌá, chi ya̱ nkenta hora ya̱ nastútú nú rá ñɨvɨ ñɨ̱vɨ́, chi íyó tiempúꞌ kuéntáꞌ kua̱ꞌ nijia tataꞌ.

Apoclipsis 14:8

Saájee inka ka̱ꞌ najiáꞌáꞌ ííꞌ ya̱ uvíꞌ, níkɨ́nꞌ maa, káchíꞌ‑i: ―¡Ya nnaanꞌ! ¡Ya nnaanꞌ!, ñuunꞌ káꞌnú ya̱ kúvi Babilonia ñáꞌnú, chi nxi̱tá ráa rá ñɨvɨ ntáká nación xinóo rává Ndiosíꞌ jee kuneñu̱ꞌun rává inka ka̱ꞌ, kuéntáꞌ jísóꞌ ni̱ñɨ̱ꞌ ráa nsa̱ꞌá téní ráa nsi̱jíta ráa xi̱ni̱ꞌ rá ñɨvɨ ntáká nación, kuéntáꞌ njia̱ꞌa ráa nixiꞌ vinúꞌ niꞌi rává ne̱ ni̱ni rává ―nkachiꞌ‑i.

Apoclipsis 16:13

Saájee niniꞌ ni̱ꞌ ya̱ nkene u̱ni̱ꞌ ya̱ kíni néꞌí ya̱ íyó kuéntáꞌ saꞌvaꞌ, ne̱ yuꞌú koo mánasɨ́ vá ya̱ kúvi dragón, jín ne̱ yuꞌú kitɨ xéénꞌ kákini vá, jín ne̱ yuꞌú ya̱ uvíꞌ kitɨ xéénꞌ kákini vá ya̱ ya káchítu̱ꞌún re̱ꞌ tu̱ꞌun túꞌún ya̱ kéne yuꞌú xíꞌna kitɨ xéénꞌ kákini.

Apoclipsis 16:19

Jee ñuunꞌ ñáꞌnú ya̱ kúvi Jerusalén nku̱sɨ́ɨ́n‑ɨ ne̱ u̱ni̱ꞌ pedasúꞌ. Jee rá ñuunꞌ íyó ñɨ̱vɨ́ nta̱nɨ̱ꞌ ráa. Jee nna̱ku̱ꞌun iniꞌ Ndiosíꞌ ñuunꞌ ñáꞌnú Babilonia sáva ku̱ꞌva re̱ꞌ ntántúníꞌ tu̱nóꞌó xéénꞌ kunoꞌo ráa jie̱ꞌe̱ꞌ kítɨ́ꞌ víꞌí iniꞌ re̱ꞌ, ya̱ kúvi kuéntáꞌ ku̱ꞌva re̱ꞌ nixiꞌ xe̱e̱nꞌ koꞌo ráa.

Apoclipsis 17:18

Jee ñaꞌan ya̱ niniꞌ nú, suviña kúvi ñuunꞌ ya̱ maá kúñáꞌnú ka̱ꞌ tátúníꞌ‑i nu̱u̱nꞌ ntáká rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ ñáꞌnú ya̱ íyó ñɨ̱vɨ́ yaꞌá ―nkachiꞌ najiáꞌáꞌ ííꞌ.

Apoclipsis 17:5

Jee te̱e̱nꞌ ña níso rá tu̱ꞌun: Tu̱ꞌun yuꞌuꞌ Babilonia ya̱ ñáꞌnú ka̱ꞌ, nánáꞌ nu̱u̱nꞌ ntáká rá tiñu sɨ́ɨ́ꞌ iniꞌ jín nu̱u̱nꞌ rá tiñu néꞌí iniꞌ ñɨ̱vɨ́ yaꞌá. Káchíꞌ tu̱ꞌun vá.

Apoclipsis 18:10

Jee kuiñɨ íká ráa chi kuyu̱ꞌví ráa rá tu̱nóꞌó kunoꞌo víꞌí rá ñɨvɨ ñuunꞌ vá, jee kachiꞌ ráa: ¡Na̱ ka̱ꞌ náꞌví náꞌví ka̱ꞌ ñuunꞌ káꞌnú!, ya̱ kúvi Babilonia ya̱ nkuvi ñuunꞌ ya̱ níyo nasɨ́kuitɨꞌ fesáꞌ nékúvi, chi métúꞌún hora ni nkenta kuna̱a̱ꞌ kua̱chi nú.

Apoclipsis 18:21

Saájee ɨɨn najiáꞌáꞌ ííꞌ ya̱ níso nasɨ́kuitɨꞌ re̱ꞌ fesáꞌ ííꞌ nna̱neꞌen‑e ɨɨn yu̱u̱ꞌ mánasɨ́ ya̱ íyó kuéntáꞌ yu̱u̱ꞌ yo̱sóꞌ molínúꞌ, jee nsi̱kéne‑e vá nu̱u̱nꞌ nteñúꞌún, jee nkachiꞌ‑i: Suni suꞌva xe̱e̱nꞌ kinaanꞌ ñuunꞌ Babilonia, ya̱ kúvi ñuunꞌ kúñáꞌnú ka̱ꞌ. Jee ni nsáꞌ kuniꞌ‑ó ka̱ꞌ maa.

Apoclipsis 5:2

Jee niniꞌ ni̱ꞌ ɨɨn najiáꞌáꞌ ííꞌ ya̱ níso víꞌí fuersáꞌ ííꞌ, jee nka̱najíín ni̱ꞌin‑i nste̱kútu̱ꞌún‑u: ―¿Né ɨɨn ví ya̱ íyó ni̱ꞌi̱nꞌ‑i ya̱ kuvi ta̱ꞌví‑i rá seyúꞌ jee kune‑e tutuꞌ yaꞌá? ―nkachiꞌ najiáꞌáꞌ ííꞌ vá.