Apoclipsis 17:3 - Mixteco del suroeste de Tlaxiaco Oaxaca

³ Saájee kua̱na̱ka‑a nuꞌuꞌ ne̱ nu̱u̱nꞌ ñu̱ꞌún saɨn jee yukuán niniꞌ ni̱ꞌ ka̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee yukuán niniꞌ ni̱ꞌ ɨɨn ñaꞌan yósóꞌ ña ɨɨn kitɨ xéénꞌ kákini kuéꞌé, jee nɨ́ɨ́nkáꞌnú ti̱ꞌ níso rá súví ya̱ kúvi tu̱ꞌun níváꞌa si̱kɨ̱ꞌ Ndiosíꞌ. Jee u̱xa̱ꞌ xi̱ni̱ꞌ ti̱ꞌ, jee u̱ji̱ꞌ nikɨ ti̱ꞌ yósóꞌ.

Apoclipsis 17:3 ပူးပေါင်းရင်းမြစ်များ

Mateo 27:28

Jee ntavaꞌ ráa saꞌma ñúꞌún re̱ꞌ, jee nna̱chuꞌun ráa re̱ꞌ ɨɨn saꞌma kání líꞌí kuéntáꞌ kua̱ꞌ saꞌma ñúꞌún máá kúñáꞌnú.

Hechos 8:39

Sáá nkene ráa nu̱u̱nꞌ nute, jee Ta̱chi̱ꞌ Ííꞌ I̱toꞌoꞌ‑ó nsiíyo‑o Felipe, jee te̱e nísotíñú ntu níníꞌ re̱ꞌ ka̱ꞌ maa. Jee nna̱ku̱ꞌun re̱ꞌ ichi kua̱noꞌonꞌ re̱ꞌ, jee kúsɨ́ɨꞌ víꞌí iniꞌ re̱ꞌ.

2 Tesalonicenses 2:4

Te̱e vá ví ya̱ nakui̱ñɨ̱ꞌ si̱kɨ̱ꞌ nta̱ká ya̱ káchíꞌ ñɨvɨ ya̱ kúvi ndiosíꞌ, jín si̱kɨ̱ꞌ nta̱ká ya̱ néñu̱ꞌun ñɨvɨ. Jee kachiꞌ re̱ꞌ ya̱ kúñáꞌnú re̱ꞌ ka̱ꞌ nsú káꞌ nta̱ká rává. Saáva kuneeꞌ re̱ꞌ iniꞌ veñu̱ꞌun káꞌnú Ndiosíꞌ, jee sanáaꞌ re̱ꞌ ya̱ ndiosíꞌ ví re̱ꞌ.

Apoclipsis 1:10

Jee nééꞌ ni̱ꞌ yukuán ɨɨn ki̱vɨ̱ꞌ ya̱ káchíꞌ‑ó ki̱vɨ̱ꞌ I̱toꞌoꞌ‑ó, ya̱ ki̱vɨ̱ꞌ domingúꞌ jee suꞌva nnoꞌo ni̱ꞌ. Jee yukuán niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee ichi yátá ni̱ꞌ nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a kuéntáꞌ kua̱ꞌ tívɨ́ꞌ ni̱ꞌin ɨɨn trompeta.

Apoclipsis 12:14

Jee njia̱ꞌa Ndiosíꞌ u̱vi̱ꞌ chi̱yo̱ꞌ káꞌnú nu̱u̱nꞌ ña ya̱ íyó kuéntáꞌ chi̱yo̱ꞌ ta̱su̱nꞌ káꞌnú sáva kuvi nava ña kɨ̱ꞌɨ̱nꞌ ña nu̱u̱nꞌ ñu̱ꞌún saɨn, sáva kuíká ña nu̱u̱nꞌ ko̱o̱ꞌ a̱nasɨ́ vá. Jee kua̱ꞌa̱nꞌ ña nu̱u̱nꞌ kuneeꞌ ña u̱ni̱ꞌ kui̱ya̱ꞌ sava, nu̱u̱nꞌ kumí re̱ꞌ ña ya̱ ni̱ꞌi̱nꞌ ña ya̱ kajiꞌ ña.

Apoclipsis 12:3

Jee kuíre tukuni ntu̱ví inka ka̱ꞌ seña ne̱ antivɨ́ súkún: ɨɨn ko̱o̱ꞌ kuéꞌé káꞌnú mánasɨ́ naní dragón. Jee u̱xa̱ꞌ xi̱ni̱ꞌ ti̱ꞌ, jee u̱ji̱ꞌ nikɨ ti̱ꞌ. Jee u̱xa̱ꞌ corona jee ɨɨn corona ñúꞌún ta xi̱ni̱ꞌ ti̱ꞌ.

Apoclipsis 12:6

Jee ñaꞌan vá ninu ña kua̱ꞌa̱nꞌ ña nu̱u̱nꞌ ñu̱ꞌún saɨn nu̱u̱nꞌ ntu̱náꞌ ñɨvɨ nééꞌ yukuán. Jee yukuán ya̱ íyó tu̱ꞌva ɨɨn nu̱u̱nꞌ nsa̱ꞌá Ndiosíꞌ, sáva ni̱ꞌi̱nꞌ ña ya̱ kajiꞌ ña, chi yukuán kuneeꞌ ña mil u̱vi̱ꞌ sientúꞌ u̱ni̱xiko (1260) ki̱vɨ̱ꞌ.

Apoclipsis 17:18

Jee ñaꞌan ya̱ niniꞌ nú, suviña kúvi ñuunꞌ ya̱ maá kúñáꞌnú ka̱ꞌ tátúníꞌ‑i nu̱u̱nꞌ ntáká rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ ñáꞌnú ya̱ íyó ñɨ̱vɨ́ yaꞌá ―nkachiꞌ najiáꞌáꞌ ííꞌ.

Apoclipsis 17:4

Jee ñaꞌan vá ñúꞌún ña saꞌma yɨ́yáꞌvi líꞌí jín kuéꞌé, jee nsi̱kútú ña maáña jín rá nantíñú oro jín rá yu̱u̱ꞌ xiñúꞌ máá ñunkúún yɨ́yáꞌvi, jín rá perla. Jee ínaꞌá ña ɨɨn ko̱ꞌo̱ꞌ oro, ya̱ iniꞌ ko̱ꞌo̱ꞌ vá ñúꞌún chitú máá tiñu níváꞌa, jín tiñu néꞌí sɨ́ɨ́ꞌ iniꞌ jíka ña sáꞌá ña.

Apoclipsis 18:12

Jee kue̱ꞌe̱túníꞌ rá nantíñú yɨ́yáꞌvi víꞌí vá ví oro, plata, jín yu̱u̱ꞌ xiñúꞌ máá viiꞌ yɨ́yáꞌvi, jín perla, jín saꞌma yɨ́yáꞌvi ya̱ kúvi saꞌma váꞌa ñunkúún, jín saꞌma líꞌí, jín saꞌma seda jín saꞌma kuéꞌé, jín suni ntáká nu̱u̱nꞌ yutun ya̱ jiáꞌánꞌ vi̱xi̱ꞌ, jín ntáká nu̱u̱nꞌ rá nantíñú nsa̱ꞌá jín nu̱ꞌun karañúꞌ elefante, jín ntáká nu̱u̱nꞌ rá nantíñú nsa̱ꞌá jín yutun yɨ́yáꞌvi, jín ka̱a kuáán naní bronce, jín hierro jín yu̱u̱ꞌ kuijín máá viiꞌ,

Apoclipsis 18:16

Jee kachiꞌ ráa: ¡Na̱ ka̱ꞌ náꞌví náꞌví ka̱ꞌ ñuunꞌ káꞌnú!, chi nkuvi nú kuéntáꞌ ɨɨn ñaꞌan ya̱ nñu̱ꞌun ña saꞌma máá váꞌa máá ñunkúún víꞌí, jín saꞌma líꞌí jín ya̱ kuéꞌé ya̱ yɨ́yáꞌvi, jín nsi̱kútú ña maáña jín oro, jín yu̱u̱ꞌ xiñúꞌ máá viiꞌ yɨ́yáꞌvi jín perla.

Apoclipsis 21:10

Saájee niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ, jee najiáꞌáꞌ ííꞌ vá nnaka re̱ꞌ nuꞌuꞌ kua̱ꞌa̱nꞌ re̱ꞌ jín ni̱ꞌ ne̱ xi̱ni̱ꞌ ɨɨn yuku máá káꞌnú súkún xá, jee nxi̱néꞌénꞌ re̱ꞌ nuꞌuꞌ máá ñuunꞌ káꞌnú ííꞌ ya̱ kúvi Jerusalén, jee va̱ji nkuun ñuunꞌ vá ne̱ antivɨ́ súkún tájí Ndiosíꞌ maa.

Apoclipsis 4:2

Jee kuíntañúꞌún niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Saájee niniꞌ ni̱ꞌ antivɨ́ súkún ɨɨn teyuꞌ ya̱ íñɨ́ nu̱u̱nꞌ tátúníꞌ jín maáréꞌ ya̱ nééꞌ re̱ꞌ teyuꞌ vá tátúníꞌ re̱ꞌ.