Apoclipsis 17:10 - Mixteco del suroeste de Tlaxiaco Oaxaca

¹⁰ Jee u̱ꞌu̱nꞌ rá ni uxáꞌ rá te̱e tátúníꞌ ya nnaanꞌ ráa ntu ka̱ꞌ tátúníꞌ ráa, jee ɨɨn ráa tátúníꞌ vitan, jee inka ka̱ꞌ chi ntiáꞌan kiji‑i. Jee sáá kiji‑i jee yakuꞌ ni tiempúꞌ íyó kino̱o‑o tátúníꞌ‑i.

Apoclipsis 17:10 ပူးပေါင်းရင်းမြစ်များ

Apoclipsis 10:11

Jee nkachiꞌ rá najiáꞌáꞌ ííꞌ vá nu̱u̱nꞌ ni̱ꞌ: ―Íyó kachitu̱ꞌún ya̱chi̱ꞌ tuku nú tu̱ꞌun kene yuꞌú Ndiosíꞌ, jie̱ꞌe̱ꞌ na̱sa koo jín kue̱ꞌe̱ꞌ ñuunꞌ, jín kue̱ꞌe̱ꞌ nu̱u̱nꞌ rá ñɨvɨ, jín kue̱ꞌe̱ꞌ ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín kue̱ꞌe̱ꞌ rá ñɨvɨ nísotíñú ya̱ tátúníꞌ ráa ―nkachiꞌ rá najiáꞌáꞌ ííꞌ vá.

Apoclipsis 13:12

Jee nísotíñú ti̱ꞌ nɨꞌɨ tiñu níso kitɨ xéénꞌ kákini xíꞌnañúꞌún sáva saꞌá ti̱ꞌ maa nu̱u̱nꞌ‑u, jee sáꞌá‑a ya̱ kua̱íyó kuitɨꞌ rá ñɨvɨ ya̱ nééꞌ ráa iniꞌ ñɨ̱vɨ́ kuneñu̱ꞌun ráa kitɨ xéénꞌ kákini xíꞌnañúꞌún ya̱ nnuvi nu̱u̱nꞌ ntúfiꞌ xe̱e̱nꞌ‑e ya̱ íyó kuviꞌ‑i.

Apoclipsis 13:3

Jee niniꞌ ni̱ꞌ ya̱ ɨɨn rá xi̱ni̱ꞌ kitɨ xéénꞌ kákini vá túvi‑i kuéntáꞌ ñaꞌniꞌ maa chi ntu̱fi̱ꞌ xe̱e̱nꞌ xi̱ni̱ꞌ ti̱ꞌ ya̱ íyó kuviꞌ ti̱ꞌ, soo nnuvi nu̱u̱nꞌ ntu̱fi̱ꞌ xi̱ni̱ꞌ vá ya̱ íyó kuviꞌ ti̱ꞌ. Jee kua̱íyó kuitɨꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Cristo jee nti̱vɨ́ xá xi̱ni̱ꞌ ráa ya̱ nnuvi ti̱ꞌ, jee nchi̱nikɨnꞌ ráa ti̱ꞌ.

Apoclipsis 17:11

Jee kitɨ xéénꞌ kákini ya̱ ni̱yo ti̱ꞌ yanaꞌán, soo ntu íyó ti̱ꞌ vitan, jee suviti̱ꞌ kúvi te̱e nísotíñú unáꞌ, ɨɨn táꞌán rá ni uxáꞌ te̱e tátúníꞌ vá. Jee kɨ̱ꞌɨ̱nꞌ‑ɨ nu̱u̱nꞌ naanꞌ‑a.

Apoclipsis 17:16

Jee rá ni ujíꞌ rá nikɨ ya̱ niniꞌ nú jín kitɨ xéénꞌ kákini vá, chi taꞌvi iniꞌ ráa kune̱ꞌyá ráa ñaꞌan sɨ́ɨ́ꞌ iniꞌ vá, jee xinóo saɨn ráa maa, ne̱kua̱ꞌ kuñɨɨ́n‑ɨ, jee kajiꞌ ráa yɨkɨkúñu ña jee teñuꞌunꞌ ráa maa.