Apoclipsis 16:3 - Mixteco del suroeste de Tlaxiaco Oaxaca

³ Jee ya̱ uvíꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ nteñúꞌún, jee nnuvi nute vá ni̱ñɨ̱ꞌ kuéntáꞌ íyó ni̱ñɨ̱ꞌ ni̱yɨ. Jee ni̱ꞌi̱ꞌ kua̱íyó rá tékúꞌ ñúꞌún nu̱u̱nꞌ nute vá.

Apoclipsis 16:3 ပူးပေါင်းရင်းမြစ်များ

Génesis 7:22

Ni̱ꞌi̱ꞌ nɨꞌɨ noo ya̱ tékúꞌ ya̱ nástatáchiꞌ ráa jín i̱xti̱nꞌ ráa ya̱ íyó nu̱u̱nꞌ ñu̱ꞌún íchí.

Hechos 2:41

Saájee ña̱nuté rá ñɨvɨ ntɨɨn tu̱ꞌun re̱ꞌ. Jee ki̱vɨ̱ꞌ yukuán, nku̱kueꞌeꞌ ka̱ꞌ yatin u̱ni̱ꞌ mil (3000) ñɨvɨ vá.

Apoclipsis 10:2

Jee ínaꞌá néꞌín‑i ɨɨn tutuꞌ lúlí núne nu̱u̱nꞌ vá. Jee ñani‑i jie̱ꞌe̱ꞌ kuáꞌá‑a nu̱u̱nꞌ nteñúꞌún, jee inka jie̱ꞌe̱ꞌ sátín‑i íñɨ́ nu̱u̱nꞌ ñuꞌun íchí.

Apoclipsis 11:6

Jee níso ni núvíꞌ ráa fesáꞌ ííꞌ ya̱ kuvi kasɨꞌ ráa súkún ya̱ ni nsáꞌ ku̱u̱n ka̱ꞌ sa̱vi̱ꞌ ntáká rá ki̱vɨ̱ꞌ ya̱ kachitu̱ꞌún ráa tu̱ꞌun kene yuꞌú máá maá Ndiosíꞌ. Jee suni níso ráa fesáꞌ ííꞌ ya̱ kuvi saꞌá ráa ya̱ nuvi ntáká rá nute ni̱ñɨ̱ꞌ. Jín suni kuvi saꞌá ráa ya̱ kunoꞌo ñɨvɨ iniꞌ ñɨ̱vɨ́ nta̱ká nu̱u̱nꞌ rá tu̱nóꞌó, ntáká íchí na̱ja kua̱ꞌ kuíni iniꞌ maáráa.

Apoclipsis 13:1

Jee nuꞌuꞌ, Juan, ni̱ñɨ ni̱ꞌ nu̱u̱nꞌ ñuítɨ́ yúnteñúꞌún. Saájee niniꞌ ni̱ꞌ ɨɨn kitɨ xéénꞌ kákini ya̱ va̱nkaa ti̱ꞌ kéne ti̱ꞌ nu̱u̱nꞌ nteñúꞌún, jee u̱xa̱ꞌ xi̱ni̱ꞌ ti̱ꞌ jee u̱ji̱ꞌ nikɨ ti̱ꞌ. Jee u̱ji̱ꞌ corona ti̱ꞌ jee ɨɨn corona ñúꞌún ta nikɨ ti̱ꞌ ya̱ stúvi ya̱ kúñáꞌnú ti̱ꞌ. Jee nu̱u̱nꞌ ni uxáꞌ xi̱ni̱ꞌ ti̱ꞌ vá níso ɨɨn súví níváꞌa jie̱ꞌe̱ꞌ Ndiosíꞌ.