Apoclipsis 16:2 - Mixteco del suroeste de Tlaxiaco Oaxaca

² Saájee kua̱ꞌa̱nꞌ xíꞌna najiáꞌáꞌ ííꞌ, jee nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ ñɨ̱vɨ́, saájee ntáká rá ñɨvɨ ya̱ néñu̱ꞌun ráa santúꞌ ñunéꞌyúꞌ kitɨ xéénꞌ kákini vá, jín ya̱ níso ráa seña ti̱ꞌ, jee nki̱vɨ kue̱ꞌi̱ꞌ ni̱ꞌyɨ xki̱yɨ́ máá kini máá uꞌviꞌ yɨkɨkúñu ráa.

Apoclipsis 16:2 ပူးပေါင်းရင်းမြစ်များ

Hechos 12:23

Jee máá hora yukuán, nsi̱kúꞌvíꞌ ɨɨn najiáꞌáꞌ ííꞌ I̱toꞌoꞌ‑ó Herodes. Nsa̱ꞌá Ndiosíꞌ suꞌva chi ntu nnákuetúꞌún re̱ꞌ Ndiosíꞌ jee njia̱ꞌa re̱ꞌ nna̱kuetúꞌún ráa re̱ꞌ nsú káꞌ Ndiosíꞌ. Jee nyajiꞌ rá ti̱na̱kú re̱ꞌ, jee ni̱ꞌi̱ꞌ re̱ꞌ.

Apoclipsis 13:12

Jee nísotíñú ti̱ꞌ nɨꞌɨ tiñu níso kitɨ xéénꞌ kákini xíꞌnañúꞌún sáva saꞌá ti̱ꞌ maa nu̱u̱nꞌ‑u, jee sáꞌá‑a ya̱ kua̱íyó kuitɨꞌ rá ñɨvɨ ya̱ nééꞌ ráa iniꞌ ñɨ̱vɨ́ kuneñu̱ꞌun ráa kitɨ xéénꞌ kákini xíꞌnañúꞌún ya̱ nnuvi nu̱u̱nꞌ ntúfiꞌ xe̱e̱nꞌ‑e ya̱ íyó kuviꞌ‑i.

Apoclipsis 14:16

Saájee maáréꞌ ya̱ nééꞌ re̱ꞌ nu̱u̱nꞌ vi̱ko̱ꞌ vá nsi̱áꞌa re̱ꞌ hoz re̱ꞌ nu̱u̱nꞌ ñu̱ꞌún iniꞌ ñɨ̱vɨ́ jee nastútú re̱ꞌ tataꞌ, ya̱ suvi kúvi rá ñɨvɨ ñɨ̱vɨ́.

Apoclipsis 14:9

Saájee tuku inka ka̱ꞌ najiáꞌáꞌ ííꞌ ya̱ uníꞌ, jee nusuyuꞌú‑u laxín káchíꞌ‑i: ―Retú néni ɨɨn ya̱ néñu̱ꞌun‑u kitɨ xéénꞌ kákini vá, jín santúꞌ ñunéꞌyúꞌ máá maátíꞌ, jín retú ni̱ꞌi̱nꞌ‑i kuniso‑o seña ti̱ꞌ te̱e̱nꞌ‑e, áxí naꞌá‑a,

Apoclipsis 16:1

Saájee nteso̱ꞌo ni̱ꞌ ɨɨn nusuyuꞌú ya̱ káꞌánꞌ ni̱ꞌin‑i ne̱ iniꞌ veꞌi ííꞌ veñu̱ꞌun káꞌnú vá, jee káchíꞌ‑i nu̱u̱nꞌ ni uxáꞌ rá najiáꞌáꞌ ííꞌ vá: ―Kuáꞌán rán kɨ̱sikúténuun rán nu̱u̱nꞌ ñɨ̱vɨ́ rá tu̱nóꞌó ñúꞌún iniꞌ rá ni uxáꞌ ko̱ꞌo̱ꞌ ínaꞌá rán, chi maá Ndiosíꞌ nchu̱ichí tu̱nóꞌó vá chi kítɨ́ꞌ iniꞌ re̱ꞌ jie̱ꞌe̱ꞌ rá ñɨvɨ kua̱chi ―nkachiꞌ‑i.

Apoclipsis 16:11

Soo nkakuíyuꞌú ráa si̱kɨ̱ꞌ Ndiosíꞌ ya̱ nééꞌ antivɨ́ súkún, chi yájíꞌ víꞌí ñunéꞌyúꞌ ráa jie̱ꞌe̱ꞌ rá ni̱ꞌyɨ xki̱yɨ́ ráa, jee ntu nna̱kani iniꞌ ráa jie̱ꞌe̱ꞌ tiñu niva̱ꞌa sáꞌá ráa.

Apoclipsis 8:7

Jee najiáꞌáꞌ ííꞌ xíꞌnañúꞌún nti̱vɨ̱ꞌ‑ɨ trompeta‑a. Saájee nkuun ñɨ́ñɨ́ jín ñuꞌunꞌ iniꞌ ñɨ̱vɨ́, jee sákánuun jín ni̱ñɨ̱ꞌ. Jee nka̱yu̱ꞌ ɨɨn ya̱ uníꞌ parte ñɨ̱vɨ́, jín ya̱ uníꞌ parte rá yutun, jín nɨꞌɨ rá ku̱ꞌu̱ꞌ kuíí.