Apoclipsis 16:17 - Mixteco del suroeste de Tlaxiaco Oaxaca

¹⁷ Saájee ya̱ uxáꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ ta̱chi̱ꞌ víjin. Jee nteso̱ꞌo ni̱ꞌ ya̱ káꞌánꞌ ɨɨn nusuyuꞌú laxín ne̱ iniꞌ veꞌi ííꞌ veñu̱ꞌun káꞌnú ne̱ nu̱u̱nꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jee nkachiꞌ‑i: ―Ya̱ nkuna̱a̱ꞌ tiñu.

Apoclipsis 16:17 ပူးပေါင်းရင်းမြစ်များ

Juan 19:30

Jee sáá nni̱ꞌi̱nꞌ Jesús nixiꞌ uva iyá, jee kuíre nkachiꞌ re̱ꞌ: ―¡Ya ni̱nu tiñu ni̱ꞌ! Saájee nna̱kunta nei xi̱ni̱ꞌ re̱ꞌ, jee ni̱ꞌi̱ꞌ re̱ꞌ.

Efesios 2:2

Jee sukuán ñaꞌnu rán tiempúꞌ ya̱ta̱ꞌ nékúvi ne̱ sáá ñaꞌnu rán ichi ñujiínꞌ sáni jiáꞌnu rá ñɨvɨ ñɨ̱vɨ́ yaꞌá ya̱ ntu̱ví yɨ́ꞌɨ́ ráa xi̱ntíín Ndiosíꞌ. Sukuán ñaꞌnu rán sánikua̱ꞌ kuíni kui̱ꞌna̱ꞌ kúñáꞌnú ya̱ kúvi i̱toꞌoꞌ rá ta̱chi̱ꞌ kíni ya̱ jíkanuun ráa nu̱u̱nꞌ ta̱chi̱ꞌ víjin ñɨ̱vɨ́ yaꞌá. Jee kúvi re̱ꞌ ta̱chi̱ꞌ kíni ya̱ sátíñú iniꞌ rá ñɨvɨ kújiááꞌ iniꞌ ráa nu̱u̱nꞌ Ndiosíꞌ.

Efesios 6:12

Chi ntu kántáꞌán‑ó jín ñɨvɨ ñunéꞌyúꞌ, chisaꞌ kántáꞌán‑ó jín rá ta̱chi̱ꞌ kíni rá kúñáꞌnú, jín rá nísotíñú, jín rá i̱toꞌoꞌ ñáꞌnú ka̱ꞌ ya̱ jíka ráa nu̱u̱nꞌ neenꞌ jee tátúníꞌ ráa nu̱u̱nꞌ ñɨvɨ ñɨ̱vɨ́ yaꞌá. Chi kántáꞌán‑ó jín rá ta̱chi̱ꞌ kíni ya̱ jíkanuun ráa súkún.

Apoclipsis 11:15

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Apoclipsis 11:19

Saájee nine veñu̱ꞌun Ndiosíꞌ ya̱ íyó antivɨ́ súkún nu̱u̱nꞌ nééꞌ re̱ꞌ. Jee iniꞌ veñu̱ꞌun re̱ꞌ túvi ya̱tu̱nꞌ nu̱u̱nꞌ ñúꞌún tratúꞌ ya̱ nchi̱sóyuꞌú re̱ꞌ. Jee jiánu̱te̱ꞌ sáꞌá tajia, jee nɨ́ꞌɨn xá jiáku kéꞌín nusuyuꞌú, jee káni tajia, jee táan, jee kúun víꞌí ñɨ́ñɨ́.

Apoclipsis 14:15

Saájee nkene inka ka̱ꞌ najiáꞌáꞌ ííꞌ Ndiosíꞌ iniꞌ veñu̱ꞌun káꞌnú Ndiosíꞌ íyó antivɨ́ súkún, jee kánajíín ni̱ꞌin‑i jín nusuyuꞌú‑u laxín káchíꞌ‑i nu̱u̱nꞌ maáréꞌ ya̱ nééꞌ nu̱u̱nꞌ vi̱ko̱ꞌ vá: ―Siáꞌa nú hoz nú, jee nakeꞌen nú tataꞌ sáꞌá, chi ya̱ nkenta hora ya̱ nastútú nú rá ñɨvɨ ñɨ̱vɨ́, chi íyó tiempúꞌ kuéntáꞌ kua̱ꞌ nijia tataꞌ.

Apoclipsis 14:17

Saájee iniꞌ veñu̱ꞌun káꞌnú íyó antivɨ́ súkún, yukuán nkene inka ka̱ꞌ najiáꞌáꞌ ííꞌ, jee suni ínaꞌá‑a ɨɨn hoz xe̱e̱nꞌ.

Apoclipsis 16:1

Saájee nteso̱ꞌo ni̱ꞌ ɨɨn nusuyuꞌú ya̱ káꞌánꞌ ni̱ꞌin‑i ne̱ iniꞌ veꞌi ííꞌ veñu̱ꞌun káꞌnú vá, jee káchíꞌ‑i nu̱u̱nꞌ ni uxáꞌ rá najiáꞌáꞌ ííꞌ vá: ―Kuáꞌán rán kɨ̱sikúténuun rán nu̱u̱nꞌ ñɨ̱vɨ́ rá tu̱nóꞌó ñúꞌún iniꞌ rá ni uxáꞌ ko̱ꞌo̱ꞌ ínaꞌá rán, chi maá Ndiosíꞌ nchu̱ichí tu̱nóꞌó vá chi kítɨ́ꞌ iniꞌ re̱ꞌ jie̱ꞌe̱ꞌ rá ñɨvɨ kua̱chi ―nkachiꞌ‑i.

Apoclipsis 21:6

Jee suni nkachiꞌ re̱ꞌ nu̱u̱nꞌ ni̱ꞌ: ―Ya ni̱nu ntáká tiñu ya̱ nkachiꞌ ni̱ꞌ. Chi nuꞌuꞌ kúvi kuéntáꞌ letra A ya̱ kajiéꞌé xíꞌnañúꞌún, jín letra Z ya̱ jínu nu̱u̱nꞌ nɨ́ꞌɨ, chi nuꞌuꞌ kúvi ya̱ nka̱jiéꞌé ni̱ꞌ nɨꞌɨ jee suni nuꞌuꞌ sijínu ni̱ꞌ maa. Jee ñɨvɨ ya̱ ñúkúvi iniꞌ‑i Ndiosíꞌ, kuéntáꞌ jíchíꞌ‑i nute, jee sikútaꞌviꞌ saɨn ni̱ꞌ nute koꞌo ñɨvɨ vá ya̱ kéne nu̱u̱nꞌ káku nute ya̱ sáꞌá‑a kutekuꞌ ñɨvɨ nɨ́ɨ́nkání jín re̱ꞌ.