Apoclipsis 14:5 - Mixteco del suroeste de Tlaxiaco Oaxaca

⁵ Jee ni ntu nkaꞌanꞌ kuitɨꞌ ráa tu̱ntúꞌún, chi kúvi ráa ñɨvɨ na̱a̱ꞌ ya̱ íyó noo ánímaꞌ ráa ya̱ ntu kúvi chikua̱chi ñɨvɨ ráa [sáá íñɨ́ ráa ichinúúnꞌ nu̱u̱nꞌ tátúníꞌ Ndiosíꞌ].

Apoclipsis 14:5 ပူးပေါင်းရင်းမြစ်များ

Mateo 12:34

¡Ránoꞌó ya̱ kúvi rán kuéntáꞌ tataꞌ ko̱o̱ꞌ xe̱e̱nꞌ! Jee, ¿na̱sa kúvi kachiꞌ rán tu̱ꞌun váꞌa rúja?, chi ñɨvɨ kánéꞌén ví maárán. Chi máá ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káchíꞌ‑i.

Lucas 23:4

Jee nkachiꞌ Pilato nu̱u̱nꞌ rá su̱tu̱ꞌ kúñáꞌnú jín nu̱u̱nꞌ rá ñɨvɨ kue̱ꞌe̱ꞌ: ―Ntu̱náꞌ nániꞌinꞌ ni̱ꞌ ni ɨɨn kua̱chi si̱kɨ̱ꞌ te̱e yaꞌá ―nkachiꞌ Pilato.

Juan 1:47

Jee sáá niniꞌ Jesús Natanael ya̱ váji kuyatin‑i, jee nkaꞌanꞌ re̱ꞌ jie̱ꞌe̱ꞌ‑e: ―Yaꞌá ví nijia ɨɨn se̱ꞌya tataꞌ ñuunꞌ Israel ya̱ kúvi te̱e na̱a̱ꞌ, ya̱ ntu ñúꞌún tu̱ntúꞌún tuꞌva yuꞌú re̱ꞌ ―nkachiꞌ Jesús.

Efesios 5:27

Nsa̱ꞌá re̱ꞌ sukuán sáva sáá naku̱ꞌva re̱ꞌ yó nu̱u̱nꞌ maáréꞌ ya̱ kúneí iniꞌ‑ó re̱ꞌ jee viiꞌ kuñáꞌnú‑ó, chi nkóo kua̱chi ánímaꞌ‑ó, ni ya̱ niváꞌa, ni néni ɨɨn rá yukuán, sáva koo sɨ́ɨ́n‑ó nkɨ́ꞌɨ‑ó nu̱u̱nꞌ ya̱ niváꞌa jee koo ninuꞌun‑ó nu̱u̱nꞌ re̱ꞌ.

Colosenses 1:22

jie̱ꞌe̱ꞌ níꞌiꞌ Se̱ꞌya re̱ꞌ sáá nkenta‑a kúvi‑i te̱e ñunéꞌyúꞌ. Nsa̱ꞌá re̱ꞌ suꞌva sáva saꞌá sɨ́ɨ́n re̱ꞌ yó sáva nkɨ́ꞌɨ‑ó ka̱ꞌ nu̱u̱nꞌ ya̱ niváꞌa, jee nkóo téꞌén si̱kɨ̱ꞌ‑ó, jee ni ntu̱náꞌ kúvi chikua̱chi ka̱ꞌ yó, sáá saꞌá re̱ꞌ ya̱ kuiñɨ‑ó ichinúúnꞌ re̱ꞌ.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

1 Pedro 1:19

chisaꞌ nchu̱náán re̱ꞌ ni̱ñɨ̱ꞌ Cristo ya̱ máá viiꞌ yɨ́yáꞌvi ntántúníꞌ, ya̱ ñatɨ‑ɨ sáá nso̱ko̱ꞌ re̱ꞌ maáréꞌ ni̱ꞌi̱ꞌ re̱ꞌ, kuéntáꞌ kua̱ꞌ ɨɨn lanchi lúlí maa váꞌa ya̱ íyó noo ya̱ ni ntu yɨ́kuéꞌí ya̱ sókóꞌ ñɨvɨ maa nu̱u̱nꞌ Ndiosíꞌ.

1 Pedro 2:22

Chi [Cristo jee]: ni ɨɨn kuitɨꞌ kua̱chi ntu nsáꞌá re̱ꞌ, jee ni ɨɨn tu̱ꞌun xínáꞌví ntu nyɨ́ꞌɨ yuꞌú re̱ꞌ.

1 Pedro 3:10

Káchíꞌ nu̱u̱nꞌ Tutuꞌ Ííꞌ ya̱: Ñɨvɨ ya̱ ñúnúunꞌ‑u kutekuꞌ‑u, jee kuíni‑i ya̱ koo va̱ꞌa rá ki̱vɨ̱ꞌ tékúꞌ‑u nakaꞌnu‑u yáá‑a nkaꞌanꞌ‑a rá tu̱ꞌun níváꞌa, jín ya̱ koto kene tu̱ꞌun xínáꞌví yuꞌú‑u.

Judas 1:24

Saájee nákuetúꞌún ni̱ꞌ Ndiosíꞌ chi maáréꞌ ví ya̱ níso fuersáꞌ ííꞌ jee kuvi kumí re̱ꞌ yó sáva ntu kininkava‑órán nu̱u̱nꞌ kua̱chi, jee kuvi saꞌá re̱ꞌ ya̱ nkóo téꞌén si̱kɨ̱ꞌ‑ó sáá kuiñɨ‑ó ichinúúnꞌ re̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú re̱ꞌ, jee kusɨ̱ɨ̱ꞌ víꞌí iniꞌ‑ó jín re̱ꞌ.