Apoclipsis 14:2 - Mixteco del suroeste de Tlaxiaco Oaxaca

² Jee ne̱ súkún nteso̱ꞌo ni̱ꞌ ɨɨn nusuyuꞌú kuéntáꞌ kua̱ꞌ nɨ́ꞌɨn káyu kue̱ꞌe̱ꞌ víꞌí rá ntekáꞌnú, jín kuéntáꞌ kua̱ꞌ kúvi nu̱u̱nꞌ nɨ́ꞌɨn kani tajia. Jee nusuyuꞌú ya̱ nteso̱ꞌo ni̱ꞌ kúvi kuéntáꞌ kue̱ꞌe̱ꞌ víꞌí rá ñɨvɨ vá tée ráa arpa sáꞌá ráa yaaꞌ.

Apoclipsis 14:2 ပူးပေါင်းရင်းမြစ်များ

1 Corintios 13:1

Chi retánꞌ kúvi káꞌánꞌ ni̱ꞌ rá tu̱ꞌun ya̱ ntu jiáku̱ꞌun iniꞌ ni̱ꞌ ya̱ káꞌánꞌ rá ñɨvɨ ñɨ̱vɨ́, áxí jín rá tu̱ꞌun ya̱ káꞌánꞌ rá najiáꞌáꞌ ííꞌ Ndiosíꞌ, jee retú ntu̱ví ñúnúunꞌ ni̱ꞌ rá ñɨvɨ, saájee rá tu̱ꞌun ya̱ káꞌánꞌ ni̱ꞌ kúvi‑i kuéntáꞌ ɨɨn ka̱a ya̱ káxín naxín saɨn, áxí ɨɨn platillo káxín naxín saɨn.

Apoclipsis 1:10

Jee nééꞌ ni̱ꞌ yukuán ɨɨn ki̱vɨ̱ꞌ ya̱ káchíꞌ‑ó ki̱vɨ̱ꞌ I̱toꞌoꞌ‑ó, ya̱ ki̱vɨ̱ꞌ domingúꞌ jee suꞌva nnoꞌo ni̱ꞌ. Jee yukuán niniꞌ ni̱ꞌ ya̱ nstúvi nijinꞌ kájí Ta̱chi̱ꞌ Ííꞌ nu̱u̱nꞌ nuꞌuꞌ. Jee ichi yátá ni̱ꞌ nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a kuéntáꞌ kua̱ꞌ tívɨ́ꞌ ni̱ꞌin ɨɨn trompeta.

Apoclipsis 1:15

Jee rá jie̱ꞌe̱ꞌ re̱ꞌ jiánu̱te̱ꞌ ráa kuéntáꞌ kua̱ꞌ xiñúꞌ jiánu̱te̱ꞌ ka̱a kuáán bronce nna̱ka̱yu̱ꞌ nu̱u̱nꞌ ñúꞌúnꞌ jee núlɨɨ‑ɨ. Jee ni̱ꞌin víꞌí káꞌánꞌ re̱ꞌ kuéntáꞌ kua̱ꞌ nɨ́ꞌɨn káyu kue̱ꞌe̱ꞌ rá ntekáꞌnú.

Apoclipsis 11:12

Saájee teso̱ꞌo ni núvíꞌ rá te̱e, ɨɨn ta̱chi̱yuꞌú ya̱ káꞌánꞌ ni̱ꞌin‑i ne̱ antivɨ́ súkún, jee káchíꞌ‑i: ―Kínkaa rán yaꞌá ―káchíꞌ‑i jee nnaa ráa kua̱ꞌa̱nꞌ ráa súkún nki̱vɨ ráa nteñu vi̱ko̱ꞌ, jee niniꞌ rá ñɨvɨ ya̱ jíníꞌ u̱ꞌvi̱ꞌ rává ráa.

Apoclipsis 11:15

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Apoclipsis 15:2

Jee niniꞌ ni̱ꞌ ya̱ kuéntáꞌ íyó nteñúꞌún nute ya̱ túvi ni núvíꞌ ichi kuéntáꞌ vidrio, jee sákánuun nute vá jín ñuꞌunꞌ. Jee rá ñɨvɨ ya̱ nku̱neí ráa si̱kɨ̱ꞌ kitɨ xéénꞌ kákini vá, jín si̱kɨ̱ꞌ santúꞌ ñunéꞌyúꞌ máá maátíꞌ, jín ya̱ ntu níso seña ti̱ꞌ te̱e̱nꞌ ráa, ni jín numero súví ti̱ꞌ, jee íñɨ́ rá ñɨvɨ vá yúnteñúꞌún vá ínaꞌá ráa yaaꞌ arpa ya̱ njiáꞌa Ndiosíꞌ nu̱u̱nꞌ ráa.

Apoclipsis 18:22

Ni nsáꞌ teso̱ꞌo‑ó ka̱ꞌ yaaꞌ arpa ya̱ tée rá ñɨvɨ iniꞌ nú Babilonia, ni ta̱chi̱yuꞌú rá ñɨvɨ jíta ráa yaaꞌ, ni yaaꞌ xi̱kiꞌli tée rá ñɨvɨ, ni yaaꞌ trompeta tívɨ́ꞌ ráa. Jee suni ni nkóo iniꞌ nú ni ɨɨn ka̱ꞌ ñɨvɨ jíníꞌ saꞌá na̱ni tiñu. Jee nsáꞌ tu̱vi nanɨꞌɨn ta̱chi̱ꞌ molínúꞌ iniꞌ nú.

Apoclipsis 5:8

Jee sáá ntɨɨn re̱ꞌ tutuꞌ vá, jee ni kúmíꞌ rá tékúꞌ vá, jín ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌún nu̱u̱nꞌ re̱ꞌ. Jee ta ɨɨn ɨɨn rá te̱e kúñáꞌnú vá ínaꞌá ráa yaaꞌ naní arpa, jín ko̱ꞌo̱ꞌ oro ñúꞌún chitú su̱jie ííꞌ iniꞌ ráa. Jee rá su̱jie ííꞌ vá kúvi ráa rá tu̱ꞌun ya̱ káꞌánꞌ rá ñɨvɨ Ndiosíꞌ jín re̱ꞌ jee kúvi rá ñɨvɨ vá ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ.

Apoclipsis 6:1

Saájee niniꞌ ni̱ꞌ ya̱ Lanchi vá nsine re̱ꞌ ɨɨn rá uxáꞌ seyúꞌ vá. Jee nteso̱ꞌo ni̱ꞌ ya̱ nkaꞌanꞌ ɨɨn rá ni kúmíꞌ rá tékúꞌ vá kuéntáꞌ kua̱ꞌ káni tajia, jee nkachiꞌ‑i: ―¡Neꞌenꞌ! ―nkachiꞌ‑i.

Apoclipsis 8:7

Jee najiáꞌáꞌ ííꞌ xíꞌnañúꞌún nti̱vɨ̱ꞌ‑ɨ trompeta‑a. Saájee nkuun ñɨ́ñɨ́ jín ñuꞌunꞌ iniꞌ ñɨ̱vɨ́, jee sákánuun jín ni̱ñɨ̱ꞌ. Jee nka̱yu̱ꞌ ɨɨn ya̱ uníꞌ parte ñɨ̱vɨ́, jín ya̱ uníꞌ parte rá yutun, jín nɨꞌɨ rá ku̱ꞌu̱ꞌ kuíí.