Apoclipsis 14:16 - Mixteco del suroeste de Tlaxiaco Oaxaca

¹⁶ Saájee maáréꞌ ya̱ nééꞌ re̱ꞌ nu̱u̱nꞌ vi̱ko̱ꞌ vá nsi̱áꞌa re̱ꞌ hoz re̱ꞌ nu̱u̱nꞌ ñu̱ꞌún iniꞌ ñɨ̱vɨ́ jee nastútú re̱ꞌ tataꞌ, ya̱ suvi kúvi rá ñɨvɨ ñɨ̱vɨ́.

Apoclipsis 14:16 ပူးပေါင်းရင်းမြစ်များ

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Apoclipsis 14:14

Saájee nna̱kune̱ꞌyá ni̱ꞌ jee niniꞌ ni̱ꞌ ɨɨn vi̱ko̱ꞌ kuíjín, jee nu̱u̱nꞌ vi̱ko̱ꞌ vá nééꞌ ɨɨn ya̱ túvi kuéntáꞌ ɨɨn ya̱ nkenta re̱ꞌ kúvi re̱ꞌ te̱e ya̱ nta̱jí Ndiosíꞌ maáréꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ. Jee ñúꞌún ɨɨn corona oro xi̱ni̱ꞌ re̱ꞌ, jee ínaꞌá re̱ꞌ ɨɨn yuchiꞌ xe̱e̱nꞌ kanchúꞌ naní hoz.

Apoclipsis 14:15

Saájee nkene inka ka̱ꞌ najiáꞌáꞌ ííꞌ Ndiosíꞌ iniꞌ veñu̱ꞌun káꞌnú Ndiosíꞌ íyó antivɨ́ súkún, jee kánajíín ni̱ꞌin‑i jín nusuyuꞌú‑u laxín káchíꞌ‑i nu̱u̱nꞌ maáréꞌ ya̱ nééꞌ nu̱u̱nꞌ vi̱ko̱ꞌ vá: ―Siáꞌa nú hoz nú, jee nakeꞌen nú tataꞌ sáꞌá, chi ya̱ nkenta hora ya̱ nastútú nú rá ñɨvɨ ñɨ̱vɨ́, chi íyó tiempúꞌ kuéntáꞌ kua̱ꞌ nijia tataꞌ.

Apoclipsis 14:17

Saájee iniꞌ veñu̱ꞌun káꞌnú íyó antivɨ́ súkún, yukuán nkene inka ka̱ꞌ najiáꞌáꞌ ííꞌ, jee suni ínaꞌá‑a ɨɨn hoz xe̱e̱nꞌ.

Apoclipsis 14:19

Saájee nsi̱áꞌa najiáꞌáꞌ ííꞌ vá hoz ínaꞌá‑a ne̱ nu̱u̱nꞌ ñu̱ꞌún, jee ñeꞌneꞌ‑e nna̱stútú‑u rává ntaanꞌ‑a nu̱u̱nꞌ kunoꞌo rává tu̱nóꞌó xinóꞌo Ndiosíꞌ chi kítɨ́ꞌ iniꞌ re̱ꞌ néꞌyá re̱ꞌ ráa, yukuán kúvi kuéntáꞌ nu̱u̱nꞌ nútútú uva jee jíꞌni maa.