Apoclipsis 14:13 - Mixteco del suroeste de Tlaxiaco Oaxaca

¹³ Jee nteso̱ꞌo ni̱ꞌ ɨɨn ta̱chi̱yuꞌú ne̱ súkún, jee káchíꞌ‑i: ―Tee tu̱ꞌun ya̱ kachiꞌ ni̱ꞌ nu̱u̱nꞌ nú: “Na̱ ka̱ꞌ netuꞌ ka̱ꞌ kuvi rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, ya̱ jíꞌíꞌ ráa ne̱ vitan jín ntáká tiempúꞌ ichinúúnꞌ.” ―Va̱tu̱ꞌ nijia ―káchíꞌ Ta̱chi̱ꞌ Ííꞌ Ndiosíꞌ― chi najia̱ví ráa ya̱ níkó néí ráa nsa̱tíñú ráa nu̱u̱nꞌ re̱ꞌ. Jee rá tiñu váꞌa ya̱ nsa̱ꞌá ráa, chi íyó ráa jín‑i jee sáꞌá‑a ya̱ kuvi ya̱ váꞌa ráa nɨ́ɨ́nkání ―káchíꞌ‑i.

Apoclipsis 14:13 ပူးပေါင်းရင်းမြစ်များ

Mateo 3:17

Saájee ɨɨn ta̱chi̱yuꞌú nteso̱ꞌo ne̱ antivɨ́ súkún, jee nkachiꞌ‑i: ―Yaꞌá kúvi Se̱ꞌya ni̱ꞌ jee ñúnúunꞌ ni̱ꞌ maa, jee kúváꞌa víꞌí iniꞌ ni̱ꞌ néꞌyá ni̱ꞌ maa ―nkachiꞌ Ndiosíꞌ.

Lucas 16:25

’Soo nkachiꞌ Abraham nu̱u̱nꞌ re̱ꞌ: “Se̱ꞌya, naku̱ꞌun iniꞌ nú ya̱ nni̱ꞌi̱nꞌ nú rá váꞌa nú sáá ntekuꞌ nú iniꞌ ñɨ̱vɨ́, soo Lázaro chi nni̱ꞌi̱nꞌ re̱ꞌ rá niváꞌa. Soo vitan jee nániꞌinꞌ neí iniꞌ re̱ꞌ yaꞌá, jee noꞌó chi nóꞌo nú.

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

Romanos 14:8

Chi retú tékúꞌ‑ó, jee tékúꞌ‑ó sáva kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó. Jee retú kuviꞌ‑ó, jee kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó sáá kuviꞌ‑ó. Saáva retú kutekuꞌ‑ó, áxí retú kuviꞌ‑ó, yɨ́ꞌɨ́‑ó nu̱u̱nꞌ I̱toꞌoꞌ‑ó.

1 Corintios 15:18

Jee retánꞌ sukuán kúvi nijia, jee suni ne̱ rá ñɨvɨ níꞌiꞌ ya̱ nyɨꞌɨ ráa nu̱u̱nꞌ Cristo jee íchí naanꞌ ráa retánꞌ sukuán nékúvi.

1 Corintios 15:20

Soo ntu̱ví, chi ya̱ nááꞌ kúvi nijia ya̱ nxi̱nátekuꞌ Ndiosíꞌ Cristo nkene re̱ꞌ nteñu rá ni̱yɨ. Jee maáréꞌ kúvi ya̱ xíꞌnañúꞌún ka̱ꞌ nu̱u̱nꞌ rá ñɨvɨ níꞌiꞌ ya̱ natekuꞌ i̱i̱ꞌ ráa saꞌá Ndiosíꞌ.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

2 Corintios 5:8

Soo ne̱ yuchí kúneí iniꞌ‑ó Ndiosíꞌ, jee kée ka̱ꞌ kene‑ó veꞌi‑ó yaꞌá, ya̱ kúvi yɨkɨkúñu‑ó, jee kɨ̱ꞌɨ̱nꞌ‑ó nu̱u̱nꞌ kuneeꞌ‑ó jín I̱toꞌoꞌ‑ó.

Filipenses 2:17

Retú kaꞌniꞌ rá ñɨvɨ Roma nuꞌuꞌ, suꞌva nasokoꞌ ni̱ꞌ maáníꞌ nu̱u̱nꞌ Ndiosíꞌ. Jee suꞌva sikétáꞌán ni̱ꞌ maáníꞌ jín ya̱ násokoꞌ rán maárán nu̱u̱nꞌ re̱ꞌ, ya̱ sáꞌá rán tiñu re̱ꞌ chi kúneí iniꞌ rán re̱ꞌ. Saáva sú kaꞌniꞌ ráa nuꞌuꞌ, jee sɨ̱ɨ̱ꞌ koo iniꞌ ánímaꞌ ni̱ꞌ, jee kúsɨ́ɨꞌ iniꞌ ni̱ꞌ jín nta̱ká rán.

1 Tesalonicenses 4:14

Chi jínúꞌ iniꞌ‑ó ya̱ Jesús ni̱ꞌi̱ꞌ‑i jee nna̱tekuꞌ i̱i̱ꞌ re̱ꞌ jee nnako̱o yɨkɨkúñu re̱ꞌ. Jee retú jínúꞌ iniꞌ‑ó yaꞌá, suni sukuán jínúꞌ iniꞌ‑ó ya̱ saꞌá Ndiosíꞌ ya̱ kiji Jesús jín rá ñɨvɨ níꞌiꞌ ya̱ yɨ́ꞌɨ́ ráa nu̱u̱nꞌ Jesús.

1 Tesalonicenses 4:16

Chi máá maá I̱toꞌoꞌ‑ó kinkuun súkún, sáá kanajíín Ndiosíꞌ tatúníꞌ re̱ꞌ, jee kanajíín ɨɨn ta̱chi̱yuꞌú ɨɨn najiáꞌáꞌ ííꞌ kúñáꞌnú ka̱ꞌ, ya̱ káchíꞌ‑ó arcángel, jee tivɨꞌ nusuꞌ ɨɨn trompeta Ndiosíꞌ. Saájee rá níꞌiꞌ ya̱ yɨ́ꞌɨ́ ráa nu̱u̱nꞌ Cristo, xíꞌnañúꞌún ráa ka̱ꞌ natekuꞌ i̱i̱ꞌ ráa jee nako̱o yɨkɨkúñu ráa.

1 Tesalonicenses 5:10

Chi suvire̱ꞌ vá ni̱ꞌi̱ꞌ re̱ꞌ jie̱ꞌe̱ꞌ‑ó, sáva kuvi kutekuꞌ nkáá‑ó jín re̱ꞌ, va̱ni tékúꞌ‑ó áxí va̱ni ya̱ ni̱ꞌi̱ꞌ‑ó.

1 Timoteo 5:24

Rá kua̱chi sáꞌá sava ñɨvɨ, kájíkuitɨꞌ túvi‑i ne̱ ntiáꞌan kuna̱a̱ꞌ kua̱chi ráa. Soo kuéé ka̱ꞌ natu̱vi rá kua̱chi rá inka ráa.

1 Timoteo 5:25

Suni sukuán kájíkuitɨꞌ túvi ya̱ váꞌa sáꞌá ñɨvɨ. Jee rá inka ya̱ ntu túvi suꞌva, ntu kúvi koo yuꞌuꞌ‑u.

Apoclipsis 1:11

Jee nkachiꞌ nusuyuꞌú vá nu̱u̱nꞌ ni̱ꞌ: ―[Nuꞌuꞌ kúvi ni̱ꞌ letra A ya̱ kijiéꞌé xíꞌnañúꞌún jín letra Z ya̱ jínu nu̱u̱nꞌ nɨ́ꞌɨ, chi maáníꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ koo ni̱ꞌ nɨ́ɨ́nkání.] Jee tee nú nu̱u̱nꞌ ɨɨn tutuꞌ ntáká ya̱ kuniꞌ jínúunꞌ nú, jee tají nú maa kɨ̱ꞌɨ̱nꞌ‑ɨ nu̱u̱nꞌ ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ kútútú ráa rá ñuunꞌ ya̱ yɨ́ꞌɨ́ xi̱ntíín ñuunꞌ Asia: Éfeso, Esmirna, Pérgamo, Tiatira, Sardis, Filadelfia, Laodicea ―nkachiꞌ‑i nu̱u̱nꞌ ni̱ꞌ.

Apoclipsis 10:4

Jee sáá nkana ni u̱xa̱ꞌ rá tajia vá, jee ya̱ íyó tu̱ꞌva nuꞌuꞌ ya̱ tee ni̱ꞌ rá tu̱ꞌun vá nékúvi, soo nteso̱ꞌo ni̱ꞌ ta̱chi̱yuꞌú ya̱ va̱ji‑i ne̱ súkún káꞌánꞌ‑á jín nuꞌuꞌ, jee nkachiꞌ‑i: ―Kuꞌun yuꞌuꞌ iniꞌ nú rá tu̱ꞌun ya̱ nkachiꞌ ni u̱xa̱ꞌ rá tajia vá, jee koto tée nú maa ―nkachiꞌ‑i.

Apoclipsis 11:15

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Apoclipsis 11:19

Saájee nine veñu̱ꞌun Ndiosíꞌ ya̱ íyó antivɨ́ súkún nu̱u̱nꞌ nééꞌ re̱ꞌ. Jee iniꞌ veñu̱ꞌun re̱ꞌ túvi ya̱tu̱nꞌ nu̱u̱nꞌ ñúꞌún tratúꞌ ya̱ nchi̱sóyuꞌú re̱ꞌ. Jee jiánu̱te̱ꞌ sáꞌá tajia, jee nɨ́ꞌɨn xá jiáku kéꞌín nusuyuꞌú, jee káni tajia, jee táan, jee kúun víꞌí ñɨ́ñɨ́.

Apoclipsis 16:17

Saájee ya̱ uxáꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ ta̱chi̱ꞌ víjin. Jee nteso̱ꞌo ni̱ꞌ ya̱ káꞌánꞌ ɨɨn nusuyuꞌú laxín ne̱ iniꞌ veꞌi ííꞌ veñu̱ꞌun káꞌnú ne̱ nu̱u̱nꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jee nkachiꞌ‑i: ―Ya̱ nkuna̱a̱ꞌ tiñu.

Apoclipsis 19:9

Saájee nkachiꞌ najiáꞌáꞌ ííꞌ nu̱u̱nꞌ ni̱ꞌ: ―Tee rá tu̱ꞌun yaꞌá: “¡Na̱ ka̱ꞌ netuꞌ ka̱ꞌ ví rá ñɨvɨ ya̱ nkana Ndiosíꞌ ráa ya̱ kɨ̱ꞌɨ̱nꞌ ráa xíní viko tánáꞌá re̱ꞌ ya̱ kúvi re̱ꞌ Lanchi Lúlí Ndiosíꞌ!” ―jee suni nkachiꞌ‑i ka̱ꞌ nu̱u̱nꞌ ni̱ꞌ―. Tu̱ꞌun na̱a̱ꞌ Ndiosíꞌ kúvi tu̱ꞌun vá ―nkachiꞌ najiáꞌáꞌ ííꞌ vá.

Apoclipsis 2:1

’Jee tee nú tu̱ꞌun yaꞌá kɨ̱ꞌɨ̱nꞌ‑ɨ nu̱u̱nꞌ ya̱ kúñáꞌnú nu̱u̱nꞌ grupo ñɨvɨ ya̱ jínúꞌ iniꞌ ráa nuꞌuꞌ, ya̱ kútútú ráa ñuunꞌ Éfeso, sáva naku̱ꞌva nú maa nu̱u̱nꞌ ráa: “Nuꞌuꞌ kúvi ya̱ ínaꞌá ni̱ꞌ ni uxáꞌ rá tiu̱u̱nꞌ ichi naꞌá kuáꞌá ni̱ꞌ, jee jíkónúun ni̱ꞌ nteñu ni uxáꞌ rá kantilerúꞌ oro. Tu̱ꞌun yaꞌá káchíꞌ nuꞌuꞌ:

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Apoclipsis 20:6

Jee na̱ ka̱ꞌ netuꞌ ka̱ꞌ na̱ ka̱ꞌ i̱i̱ꞌ ka̱ꞌ kuvi ɨɨn ñɨvɨ ya̱ kuvi ɨɨn rá ñɨvɨ ya̱ natekuꞌ i̱i̱ꞌ ráa ya̱ xíꞌnañúꞌún, chi ni nsáꞌ yɨ́ꞌɨ́ rá ñɨvɨ vá xi̱ntíín ñuníyɨ nsáꞌ kuviꞌ ráa ka̱ꞌ ya̱ uvíꞌ íchí ya̱ nkúnoꞌo ráa ka̱ꞌ tu̱nóꞌó kiji. Chisaꞌ kuvi ráa su̱tu̱ꞌ nu̱u̱nꞌ Ndiosíꞌ jín nu̱u̱nꞌ Cristo. Jee tatúníꞌ ráa tiñu jín re̱ꞌ ɨɨn mil (1000) kui̱ya̱ꞌ.

Apoclipsis 21:5

Saájee máá maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ nkachiꞌ re̱ꞌ: ―¡Kune̱ꞌyá!, ya̱ nna̱saꞌá jiáá ni̱ꞌ ntáká ya̱ íyó ―jee nkachiꞌ re̱ꞌ― tee rá tu̱ꞌun yaꞌá, chi rá tu̱ꞌun yaꞌá sikúnkuvi na̱a̱ꞌ ni̱ꞌ jee máá naáꞌ nijia kúvi tu̱ꞌun yaꞌá ―nkachiꞌ re̱ꞌ.

Apoclipsis 22:17

Jee Ta̱chi̱ꞌ Ííꞌ jín rá ñɨvɨ yɨ́ꞌɨ́ nu̱u̱nꞌ Ndiosíꞌ, ya̱ suviráa vá kuvi kuéntáꞌ ñaꞌan ya̱ tana̱ꞌá jín Jesús. Jee káchíꞌ ráa: ―¡Neꞌenꞌ! Jee ñɨvɨ ya̱ tésóꞌo‑o tu̱ꞌun re̱ꞌ yaꞌá, jee suni íyó kachiꞌ‑i: ―¡Neꞌenꞌ! Jee ñɨvɨ ya̱ kuéntáꞌ jíchíꞌ‑i nute jee ñúkúvi iniꞌ‑i Ndiosíꞌ, jee, ¡neꞌenꞌ!, natuꞌva nu̱u̱nꞌ re̱ꞌ jee tɨɨn saɨn‑ɨ nute koꞌo‑o ya̱ sáꞌá nute vá kutekuꞌ nú nɨ́ɨ́nkání jín re̱ꞌ.

Apoclipsis 6:11

Saájee njia̱ꞌa re̱ꞌ saꞌma kuíjín kuꞌun ráa, jee nkachiꞌ re̱ꞌ nu̱u̱nꞌ ráa ya̱ najia̱ví ráa yakuꞌ ni ka̱ꞌ tiempúꞌ ne̱kua̱ꞌ chitú numero kaꞌniꞌ rá ñɨvɨ rá ñanitáꞌán ráa ya̱ kúvi táꞌán sáꞌá tiñu nu̱u̱nꞌ Cristo jín ráa jee kuviꞌ rává kuéntáꞌ maáráa.