Apoclipsis 14:1 - Mixteco del suroeste de Tlaxiaco Oaxaca

¹ Saájee nuꞌuꞌ, Juan, nna̱kune̱ꞌyá ni̱ꞌ jee niniꞌ ni̱ꞌ maáréꞌ ya̱ kúvi re̱ꞌ Lanchi Ndiosíꞌ íñɨ́ re̱ꞌ xi̱ni̱ꞌ yuku naní Sión. Jee yukuán íñɨ́ re̱ꞌ jín sientúꞌ u̱vi̱xiko ku̱mi̱ꞌ mil (144,000) ñɨvɨ, jee níso súví re̱ꞌ jín súví Tátáꞌ re̱ꞌ te̱e̱nꞌ ráa.

Apoclipsis 14:1 ပူးပေါင်းရင်းမြစ်များ

Lucas 12:8

Jee nkachiꞌ re̱ꞌ ka̱ꞌ nu̱u̱nꞌ rá ñɨvɨ: ―Káchíꞌ ni̱ꞌ nu̱u̱nꞌ rán, ya̱ ntáká ñɨvɨ ya̱ na̱siáꞌa ráa ya̱ nááꞌ ichinúúnꞌ rá inka ñɨvɨ ya̱ kúvi ni̱ꞌ I̱toꞌoꞌ ráa, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, suni na̱siáꞌa ni̱ꞌ ya̱ nááꞌ ya̱ yɨ́ꞌɨ́ ráa nu̱u̱nꞌ ni̱ꞌ ichinúúnꞌ rá najiáꞌáꞌ ííꞌ Ndiosíꞌ.

Romanos 9:33

Suꞌva káchíꞌ tu̱ꞌun níso nu̱u̱nꞌ Tutuꞌ Ííꞌ: Ne̱ nu̱u̱nꞌ ñuunꞌ Sión kani ni̱ꞌ maáréꞌ ya̱ kuvi re̱ꞌ kuéntáꞌ ɨɨn yu̱u̱ꞌ ya̱ kakɨ̱ꞌɨ jie̱ꞌe̱ꞌ ñɨvɨ jee yu̱u̱ꞌ yaꞌá vá sáꞌá‑a ya̱ naniso ráa. Jee rá ñɨvɨ ya̱ kúneí iniꞌ ráa re̱ꞌ, jee nkóo ráa jín tu̱nkánuun. Nkachiꞌ Ndiosíꞌ.

Apoclipsis 14:14

Saájee nna̱kune̱ꞌyá ni̱ꞌ jee niniꞌ ni̱ꞌ ɨɨn vi̱ko̱ꞌ kuíjín, jee nu̱u̱nꞌ vi̱ko̱ꞌ vá nééꞌ ɨɨn ya̱ túvi kuéntáꞌ ɨɨn ya̱ nkenta re̱ꞌ kúvi re̱ꞌ te̱e ya̱ nta̱jí Ndiosíꞌ maáréꞌ nu̱u̱nꞌ ñɨ̱vɨ́ sáva kuvi re̱ꞌ Se̱ꞌya Ñɨvɨ. Jee ñúꞌún ɨɨn corona oro xi̱ni̱ꞌ re̱ꞌ, jee ínaꞌá re̱ꞌ ɨɨn yuchiꞌ xe̱e̱nꞌ kanchúꞌ naní hoz.

Apoclipsis 14:3

Jee jíta ráa ɨɨn yaaꞌ jiáá ichinúúnꞌ teyuꞌ nu̱u̱nꞌ nééꞌ Ndiosíꞌ tátúníꞌ re̱ꞌ, jín nu̱u̱nꞌ ni kúmíꞌ rá tékúꞌ, jín nu̱u̱nꞌ ni ókóꞌ ku̱mi̱ꞌ (24) rá te̱e ñáꞌnú nísotíñú. Jee ni ɨɨn ntu kúvi kutu̱ꞌva yaaꞌ vá, chisaꞌ kútúꞌva kua̱chi rá sientúꞌ u̱vi̱xiko ku̱mi̱ꞌ mil (144,000) ñɨvɨ maa, ya̱ nna̱chuya̱ꞌvi Lanchi Lúlí vá ráa ne̱ nu̱u̱nꞌ rá ñɨvɨ ñɨ̱vɨ́ sáva nuvi ráa ñɨvɨ re̱ꞌ.

Apoclipsis 15:5

Jee sáá njia̱ꞌa yaꞌá, jee niniꞌ ni̱ꞌ ya̱ nine iniꞌ veꞌi ííꞌ iniꞌ veñu̱ꞌun káꞌnú Ndiosíꞌ ya̱ nééꞌ antivɨ́ súkún nu̱u̱nꞌ íyó va̱ꞌa yu̱u̱ꞌ tiáxín níso ley Ndiosíꞌ.

Apoclipsis 22:4

Jee kuniꞌ jínúunꞌ ráa nu̱u̱nꞌ máá maáréꞌ, jee kuniso súví re̱ꞌ yutéénꞌ ráa.

Apoclipsis 3:12

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee saꞌá ni̱ꞌ ya̱ kuñáꞌnú ñɨvɨ vá kuéntáꞌ kúvi‑i nekaꞌ ya̱ yɨ́tuvi iniꞌ veñu̱ꞌun Ndiosíꞌ ni̱ꞌ. Jee ni nsáꞌ kene‑e nu̱u̱nꞌ nééꞌ Ndiosíꞌ yukuán. Jee tee ni̱ꞌ súví Ndiosíꞌ ni̱ꞌ ñɨvɨ vá, jín súví jiáá nuꞌuꞌ, jín súví ñuunꞌ Ndiosíꞌ ni̱ꞌ. Jee ñuunꞌ yukuán kúvi Jerusalén jiáá, jee va̱kuun ne̱ súkún nu̱u̱nꞌ nééꞌ Ndiosíꞌ maáníꞌ.

Apoclipsis 4:1

Sáá nkuvi rá tiñu sukuán, jee nuꞌuꞌ Juan nne̱ꞌyá ni̱ꞌ jee niniꞌ ni̱ꞌ ɨɨn yuvéꞌí núne ne̱ súkún. Jee maá nusuyuꞌú ya̱ nteso̱ꞌo ni̱ꞌ xíꞌnañúꞌún ya̱ ni̱ꞌin nkaꞌanꞌ‑a jín ni̱ꞌ kuéntáꞌ kua̱ꞌ tívɨ́ꞌ ɨɨn trompeta, jee nkachiꞌ‑i nu̱u̱nꞌ ni̱ꞌ: ―Tínkaa yaꞌá, jee xinéꞌénꞌ ni̱ꞌ nóꞌo ntáká rá tiñu ya̱ íyó kuvi tiempúꞌ ichinúúnꞌ ka̱ꞌ ―nkachiꞌ‑i.

Apoclipsis 6:8

Saájee nna̱kune̱ꞌyá ni̱ꞌ, jee niniꞌ ni̱ꞌ ɨɨn kitɨ kuáán niyaa. Jee ɨɨn ya̱ yósóꞌ ya̱ta̱ꞌ kitɨ vá naní ya̱ sáꞌá ni̱yɨ. Jee ichi chatáꞌ‑a níkɨ́nꞌ Hades nu̱u̱nꞌ yɨ́ꞌɨ́ ánímaꞌ rá ni̱yɨ. Jee nni̱ꞌi̱nꞌ ráa nísotíñú ráa nu̱u̱nꞌ ɨɨn pedasúꞌ ya̱ kúmíꞌ pedasúꞌ ñɨvɨ ñɨ̱vɨ́, sáva kaꞌniꞌ ráa rá ñɨvɨ jie̱ꞌe̱ꞌ ya̱ saꞌá ráa ya̱ kantáꞌán rá ñɨvɨ, jín jie̱ꞌe̱ꞌ ya̱ saꞌá ráa ya̱ koo ta̱ma̱ꞌ, jín jie̱ꞌe̱ꞌ kue̱ꞌi̱ꞌ xéénꞌ, jín jie̱ꞌe̱ꞌ rá kitɨ xéénꞌ íyó ñɨ̱vɨ́.