Apoclipsis 12:4 - Mixteco del suroeste de Tlaxiaco Oaxaca

⁴ Jee su̱ꞌma̱ꞌ ti̱ꞌ xtákaa ti̱ꞌ ɨɨn ya̱ uníꞌ tantúꞌ rá tiu̱u̱nꞌ íyó súkún, jee nsi̱kéne ti̱ꞌ ráa nu̱u̱nꞌ ñu̱ꞌún. Jee ña̱kui̱ñɨ̱ꞌ ti̱ꞌ ichinúúnꞌ ñaꞌan vá ya̱ sikáku ña se̱ꞌya ña, nétu ti̱ꞌ sáva kajiꞌ ti̱ꞌ nchíkɨ́n vá sáá kaku‑u.

Apoclipsis 12:4 ပူးပေါင်းရင်းမြစ်များ

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Apoclipsis 12:7

Saájee ni̱yo tu̱ꞌun kantáꞌán máá xe̱e̱nꞌ antivɨ́ súkún. Jee najiáꞌáꞌ ííꞌ kúñáꞌnú, ya̱ naní Miguel, jín rá inka najiáꞌáꞌ ííꞌ ya̱ yɨ́ꞌɨ́ xi̱ntíín re̱ꞌ, nka̱ntáꞌán ráa jín ko̱o̱ꞌ mánasɨ́ vá ya̱ naní dragón. Jee ko̱o̱ꞌ mánasɨ́ vá jín rá najiáꞌáꞌ ya̱ yɨ́ꞌɨ́ xi̱ntíín re̱ꞌ nka̱ntáꞌán ráa jín rá najiáꞌáꞌ ííꞌ vá.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 13:2

Jee kitɨ xéénꞌ kákini vá ya̱ niniꞌ ni̱ꞌ yukuán kúnkunuún íyó ti̱ꞌ jín kui̱ñɨ̱ꞌ leopardo, jee rá jie̱ꞌe̱ꞌ ti̱ꞌ íyó‑o kuéntáꞌ jie̱ꞌe̱ꞌ oso, jee yuꞌú ti̱ꞌ íyó‑o kuéntáꞌ yuꞌú nikaꞌa. Jee nu̱u̱nꞌ ti̱ꞌ njia̱ꞌa ko̱o̱ꞌ mánasɨ́ vá fesáꞌ níꞌin‑i sáva kuniso ti̱ꞌ maa, jee njia̱ꞌa ko̱o̱ꞌ mánasɨ́ vá nu̱u̱nꞌ ti̱ꞌ nu̱u̱nꞌ nééꞌ‑e sáva tátúníꞌ ti̱ꞌ jín‑i, jee njia̱ꞌa‑a ya̱ kunisotíñú nasɨ́kuitɨꞌ ti̱ꞌ.

Apoclipsis 13:4

Jee nneñu̱ꞌun ráa ko̱o̱ꞌ mánasɨ́ vá, chi jie̱ꞌe̱ꞌ nika̱ꞌ ya̱ njia̱ꞌa ti̱ꞌ tiñu kúñáꞌnú kuniso kitɨ xéénꞌ kákini vá, jee suni nneñu̱ꞌun ráa kitɨ xéénꞌ kákini vá, jee nkachiꞌ ráa: ―¿Né ɨɨn íyó kuéntáꞌ kitɨ xéénꞌ kákini yaꞌá rúja?, jee, ¿né ɨɨn kuneí kantáꞌán jín ti̱ꞌ rúja? ¡Ntu̱né íyó! ―nkachiꞌ ráa.

Apoclipsis 16:13

Saájee niniꞌ ni̱ꞌ ya̱ nkene u̱ni̱ꞌ ya̱ kíni néꞌí ya̱ íyó kuéntáꞌ saꞌvaꞌ, ne̱ yuꞌú koo mánasɨ́ vá ya̱ kúvi dragón, jín ne̱ yuꞌú kitɨ xéénꞌ kákini vá, jín ne̱ yuꞌú ya̱ uvíꞌ kitɨ xéénꞌ kákini vá ya̱ ya káchítu̱ꞌún re̱ꞌ tu̱ꞌun túꞌún ya̱ kéne yuꞌú xíꞌna kitɨ xéénꞌ kákini.

Apoclipsis 17:18

Jee ñaꞌan ya̱ niniꞌ nú, suviña kúvi ñuunꞌ ya̱ maá kúñáꞌnú ka̱ꞌ tátúníꞌ‑i nu̱u̱nꞌ ntáká rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ ñáꞌnú ya̱ íyó ñɨ̱vɨ́ yaꞌá ―nkachiꞌ najiáꞌáꞌ ííꞌ.

Apoclipsis 20:2

Jee ntɨɨn re̱ꞌ ko̱o̱ꞌ mánasɨ́, ya̱ kúvi ko̱o̱ꞌ ya̱ íyó ne̱ yanaꞌán víꞌí, ya̱ kúvi‑i kui̱ꞌna̱ꞌ kúñáꞌnú ya̱ kúvi Satanás, jee niꞌniꞌ najiáꞌáꞌ ííꞌ vá maa kunuꞌniꞌ‑i ɨɨn mil (1000) kui̱ya̱ꞌ.

Apoclipsis 8:10

Jee najiáꞌáꞌ ííꞌ uníꞌ nti̱vɨ̱ꞌ‑ɨ trompeta‑a. Jee ne̱ antivɨ́ súkún nkene ɨɨn tiu̱u̱nꞌ maa káꞌnú víꞌí nkininkava‑a va̱ji‑i tɨ́ɨn ñuꞌunꞌ itaꞌ maa káyúꞌ‑u, kuéntáꞌ kua̱ꞌ tɨ́ɨn ñuꞌun itɨ sújié. Jee ñe̱te̱ꞌ‑e nu̱u̱nꞌ ɨɨn ya̱ uníꞌ parte rá ntekáꞌnú jín nu̱u̱nꞌ kéne rá nute.

Apoclipsis 8:11

Jee tiu̱u̱nꞌ vá naní‑i Tiu̱u̱nꞌ U̱va̱ꞌ. Chi nkuu̱va̱ꞌ víꞌí rá ni uníꞌ parte rá nute vá nsa̱ꞌá‑a. Jee kue̱ꞌe̱ꞌ víꞌí rá ñɨvɨ ni̱ꞌi̱ꞌ ráa nsa̱ꞌá nute vá, chi nkuu̱va̱ꞌ‑a.

Apoclipsis 8:12

Jee najiáꞌáꞌ ííꞌ kúmíꞌ nti̱vɨ̱ꞌ‑ɨ trompeta‑a. Jee ɨɨn ya̱ uníꞌ parte nka̱niiꞌ, jín suni ɨɨn ya̱ uníꞌ parte yo̱o̱ꞌ, jín suni ɨɨn ya̱ uníꞌ parte rá tiu̱u̱nꞌ nti̱vɨ́ ráa. Jee nnu̱neenꞌ rá parte vá, jee ntu ka̱ꞌ túúnꞌ ñuꞌunꞌ ráa ya̱ uníꞌ parte nuví ya̱ uníꞌ parte yakuááꞌ.

Apoclipsis 8:7

Jee najiáꞌáꞌ ííꞌ xíꞌnañúꞌún nti̱vɨ̱ꞌ‑ɨ trompeta‑a. Saájee nkuun ñɨ́ñɨ́ jín ñuꞌunꞌ iniꞌ ñɨ̱vɨ́, jee sákánuun jín ni̱ñɨ̱ꞌ. Jee nka̱yu̱ꞌ ɨɨn ya̱ uníꞌ parte ñɨ̱vɨ́, jín ya̱ uníꞌ parte rá yutun, jín nɨꞌɨ rá ku̱ꞌu̱ꞌ kuíí.

Apoclipsis 8:8

Jee najiáꞌáꞌ ííꞌ uvíꞌ nti̱vɨ̱ꞌ‑ɨ trompeta‑a. Jee ɨɨn ya̱ íyó kuéntáꞌ ɨɨn yuku máá káꞌnú tɨ́ɨn ñuꞌunꞌ itaꞌ maa káyúꞌ‑u, jee nsi̱kéne maa nkininkava‑a nu̱u̱nꞌ nteñúꞌún. Jee ɨɨn ya̱ uníꞌ parte nteñúꞌún nnuvi maa ni̱ñɨ̱ꞌ nsa̱ꞌá‑a.

Apoclipsis 8:9

Jee ni̱ꞌi̱ꞌ ya̱ uníꞌ parte ntáká nu̱u̱nꞌ rá kitɨ tékúꞌ ya̱ jiáꞌnu nu̱u̱nꞌ nteñúꞌún. Jee suni nnaanꞌ ya̱ uníꞌ parte ntáká rá barkúꞌ.

Apoclipsis 9:10

Jee su̱ꞌma̱ꞌ rátíꞌ íyó‑o kuéntáꞌ íyó su̱ꞌma̱ꞌ ti̱suꞌmaꞌ, chi suni yósóꞌ iñu xi̱ni̱ꞌ su̱ꞌma̱ꞌ rátíꞌ. Jee su̱ꞌma̱ꞌ rátíꞌ íyó fuersáꞌ rátíꞌ sáva xinóꞌo rátíꞌ rá ñɨvɨ u̱ꞌu̱nꞌ yo̱o̱ꞌ.

Apoclipsis 9:19

Chi fesáꞌ xe̱e̱nꞌ níso rá kitɨ vá iniꞌ yuꞌú rátíꞌ jín su̱ꞌma̱ꞌ rátíꞌ, chi su̱ꞌma̱ꞌ rátíꞌ íyó‑o kuéntáꞌ íyó ko̱o̱ꞌ, jee suni kua̱ꞌ íyó xi̱ni̱ꞌ koo íyó xi̱ni̱ꞌ su̱ꞌma̱ꞌ rátíꞌ, jee jiátíñú rátíꞌ xi̱ni̱ꞌ su̱ꞌma̱ꞌ rátíꞌ xtúfíꞌ rátíꞌ rá ñɨvɨ.