Apoclipsis 12:15 - Mixteco del suroeste de Tlaxiaco Oaxaca

¹⁵ Saájee ntavaꞌ ko̱o̱ꞌ vá nute yuꞌú ti̱ꞌ kuéntáꞌ ɨɨn ntekáꞌnú kua̱ꞌa̱nꞌ‑a ya̱ta̱ꞌ nu̱u̱nꞌ kuáꞌánꞌ ñaꞌan vá, sáva teni ña saꞌá‑a.

Apoclipsis 12:15 ပူးပေါင်းရင်းမြစ်များ

Génesis 3:1

Ko̱o̱ꞌ kúvi kitɨ máñáꞌ ka̱ꞌ nsú ka̱ꞌ inka ka̱ꞌ rá kitɨ yúkú ya̱ nsa̱ꞌá I̱toꞌoꞌ‑ó Ndiosíꞌ. Suviti̱ꞌ vá nkachiꞌ nu̱u̱nꞌ ñaꞌan vá: ―¿Á nijia kúvi ya̱ nkachiꞌ Ndiosíꞌ nu̱u̱nꞌ rán ya̱ ntu íyó kajiꞌ niva̱ꞌa rán rá vixíꞌ néni ɨɨn yutun íñɨ́ nu̱u̱nꞌ viiꞌ víꞌí íyó, réja?

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

Apoclipsis 12:16

Soo nchi̱neí nu̱u̱nꞌ ñu̱ꞌún vá ña, chi nine ñuꞌun vá, jee yukuán nki̱vɨ nute káꞌnú ya̱ ntavaꞌ ko̱o̱ꞌ vá yuꞌuꞌ ti̱ꞌ.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 17:15

Jee suni nkachiꞌ‑i nu̱u̱nꞌ ni̱ꞌ: ―Jee rá nute ya̱ niniꞌ nú nu̱u̱nꞌ ña̱kuneeꞌ ñaꞌan sɨ́ɨ́ꞌ iniꞌ vá, yukuán kúvi ñɨvɨ kue̱ꞌe̱ꞌ ñuunꞌ, chi kue̱ꞌe̱ꞌ ñɨvɨ kúvi ráa, jee kúvi ráa kue̱ꞌe̱ꞌ nu̱u̱nꞌ ñɨvɨ, jín rá ñɨvɨ ya̱ káꞌánꞌ ráa sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa.

Apoclipsis 20:2

Jee ntɨɨn re̱ꞌ ko̱o̱ꞌ mánasɨ́, ya̱ kúvi ko̱o̱ꞌ ya̱ íyó ne̱ yanaꞌán víꞌí, ya̱ kúvi‑i kui̱ꞌna̱ꞌ kúñáꞌnú ya̱ kúvi Satanás, jee niꞌniꞌ najiáꞌáꞌ ííꞌ vá maa kunuꞌniꞌ‑i ɨɨn mil (1000) kui̱ya̱ꞌ.