Apoclipsis 12:12 - Mixteco del suroeste de Tlaxiaco Oaxaca

¹² Saáva ránoꞌó ya̱ nééꞌ ne̱ antivɨ́ súkún, na̱ ka̱ꞌ vá kusɨ̱ɨ̱ꞌ iniꞌ rán. Soo na̱ ka̱ꞌ náꞌví ka̱ꞌ ránoꞌó ya̱ nééꞌ iniꞌ ñɨ̱vɨ́ yaꞌá jín nu̱u̱nꞌ nteñúꞌún, chi nkuun máá kui̱ꞌna̱ꞌ kíni nkenta‑a nu̱u̱nꞌ nééꞌ rán, jee kítɨ́ꞌ nasɨ́kuitɨꞌ iniꞌ‑i, chi jíníꞌ‑i ya̱ ntu kue̱ꞌe̱ꞌ ka̱ꞌ tiempúꞌ íyó kuvi xináꞌví‑i ránoꞌó. Nkachiꞌ nusuyuꞌú vá.

Apoclipsis 12:12 ပူးပေါင်းရင်းမြစ်များ

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.

Lucas 2:14

¡Na̱ ka̱ꞌ viiꞌ nasɨ́kuitɨꞌ ka̱ꞌ kúñáꞌnú Ndiosíꞌ ya̱ íyó re̱ꞌ ne̱ antivɨ́, jee nu̱u̱nꞌ ñɨ̱vɨ́ nakuneeꞌ va̱ꞌa rá ñɨvɨ jín Ndiosíꞌ ya̱ íyó ma̱ni̱ꞌ iniꞌ re̱ꞌ néꞌyá re̱ꞌ ráa! Nkachiꞌ rá najiáꞌáꞌ ííꞌ vá.

Hebreos 10:37

Chi káchíꞌ nu̱u̱nꞌ Tutuꞌ Ííꞌ: Yakuꞌ tíꞌínꞌ ni ka̱ꞌ tiempúꞌ kúníꞌ, jee kiji tuku Cristo ya̱ maáréꞌ vá íyó niji. Jee nsáꞌ kukuéé re̱ꞌ jee tiaaꞌ re̱ꞌ.

2 Pedro 3:8

Soo ránoꞌó ñanitáꞌán ya̱ ñúnúunꞌ ni̱ꞌ, koto náánꞌ iniꞌ rán tu̱ꞌun yaꞌá: ya̱ nu̱u̱nꞌ I̱toꞌoꞌ‑ó jee ɨɨn ki̱vɨ̱ꞌ kúvi kuéntáꞌ ɨɨn mil kui̱ya̱ꞌ, jee ɨɨn mil (1000) kui̱ya̱ꞌ kúvi kuéntáꞌ ɨɨn ki̱vɨ̱ꞌ ni.

Apoclipsis 10:6

Jee nsa̱ꞌá náaꞌ‑a nu̱u̱nꞌ tu̱ꞌun kaꞌanꞌ‑a jie̱ꞌe̱ꞌ súví maáréꞌ ya̱ tékúꞌ re̱ꞌ nɨ́ɨ́nkání, jee maáréꞌ ví ya̱ nsa̱ꞌá re̱ꞌ súkún jín kua̱íyó kuitɨꞌ ya̱ íyó nu̱u̱nꞌ‑u, jín ñuꞌun jín kua̱íyó kuitɨꞌ ya̱ íyó nu̱u̱nꞌ‑u, jín nteñúꞌún jín kua̱íyó kuitɨꞌ ya̱ íyó nu̱u̱nꞌ‑u. Jee nkachiꞌ najiáꞌáꞌ ííꞌ vá: ―Ntu ne̱ íyó kukuéé ka̱ꞌ

Apoclipsis 11:10

Jee rá ñɨvɨ nééꞌ iniꞌ ñɨ̱vɨ́ kusɨ̱ɨ̱ꞌ víꞌí iniꞌ ráa jie̱ꞌe̱ꞌ ya̱ níꞌiꞌ ni núvíꞌ rá te̱e vá, jee saꞌá ráa viko, jee sikútaꞌviꞌ ráa ta̱ꞌvi̱ꞌ nu̱u̱nꞌ ɨɨn inka táꞌán ráa, jie̱ꞌe̱ꞌ ya̱ níꞌiꞌ ni núvíꞌ rá te̱e vá ya̱ nkachitu̱ꞌún ráa tu̱ꞌun nkene yuꞌú Ndiosíꞌ, chi nchu̱níní ráa iniꞌ rá ñɨvɨ nééꞌ iniꞌ ñɨ̱vɨ́.

Apoclipsis 11:14

Sukuán nkuvi jee ya̱ njia̱ꞌa tu̱nóꞌó uvíꞌ. Saájee ñamani va̱ji koo tu̱nóꞌó uníꞌ ya̱ náꞌví rá ñɨvɨ.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 13:6

Jee nkaꞌanꞌ niva̱ꞌa ti̱ꞌ si̱kɨ̱ꞌ Ndiosíꞌ, jee ntenu̱u̱nꞌ ti̱ꞌ súví re̱ꞌ jín nu̱u̱nꞌ nééꞌ re̱ꞌ jín maáráa ya̱ nééꞌ ráa antivɨ́ súkún.

Apoclipsis 18:20

Jee nkachiꞌ nusuyuꞌú vá ya̱ káꞌánꞌ‑a ne̱ súkún: Soo kusɨ̱ɨ̱ꞌ iniꞌ ránoꞌó ya̱ nééꞌ antivɨ́ súkún jín ránoꞌó ya̱ níso rán tiñu apóstol nchu̱ichí Cristo, jín ránoꞌó ya̱ nákani rán tu̱ꞌun kéne yuꞌú Ndiosíꞌ, jín ránoꞌó ya̱ kúvi rán rá inka ñɨvɨ ya̱ suni nsa̱ꞌá sɨ́ɨ́n re̱ꞌ kɨꞌɨ rán nu̱u̱nꞌ re̱ꞌ. Kusɨ̱ɨ̱ꞌ iniꞌ rán chi nsa̱náaꞌ Ndiosíꞌ si̱kɨ̱ꞌ ñuunꞌ vá jie̱ꞌe̱ꞌ nsa̱ꞌá kini ráa si̱kɨ̱ꞌ rán, nkachiꞌ nusuyuꞌú vá.

Apoclipsis 8:13

Saájee niniꞌ ni̱ꞌ ɨɨn ta̱su̱nꞌ jíkó‑o nu̱u̱nꞌ ta̱chi̱ꞌ víjin sava súkún jee nteso̱ꞌo ni̱ꞌ ya̱ ne̱ laxín kánajíín ti̱ꞌ jee káchíꞌ ti̱ꞌ: ―¡Na̱ ka̱ꞌ náꞌví náꞌví náꞌví ka̱ꞌ rá ñɨvɨ ya̱ nééꞌ iniꞌ ñɨ̱vɨ́!, chi ya̱ nku̱yatin sa̱néꞌ vá íyó tivɨꞌ u̱ni̱ꞌ ka̱ꞌ rá trompeta kúmániꞌ ya̱ íyó tivɨꞌ u̱ni̱ꞌ ka̱ꞌ rá najiáꞌáꞌ ííꞌ maa ―nkachiꞌ ta̱su̱nꞌ vá.

Apoclipsis 9:12

Jee suꞌva nkuvi jee njia̱ꞌa tu̱nóꞌó xíꞌnañúꞌún, jee na̱ ka̱ꞌ náꞌví ka̱ꞌ rá ñɨvɨ chi íyó u̱vi̱ꞌ ka̱ꞌ rá tu̱nóꞌó íyó kiji.