Apoclipsis 12:10 - Mixteco del suroeste de Tlaxiaco Oaxaca

¹⁰ Saájee nteso̱ꞌo ni̱ꞌ ɨɨn nusuyuꞌú ya̱ ni̱ꞌin káꞌánꞌ‑a ne̱ antivɨ́ súkún, jee káchíꞌ‑i: Ya̱ nkenta ya̱ saꞌá Ndiosíꞌ‑ó ya̱ sikáku re̱ꞌ ñɨvɨ re̱ꞌ nu̱u̱nꞌ kui̱ꞌna̱ꞌ kúñáꞌnú, jín ya̱ stúvi nijinꞌ re̱ꞌ ya̱ níso víꞌí re̱ꞌ fesáꞌ ííꞌ re̱ꞌ, jín ya̱ tátúníꞌ re̱ꞌ nu̱u̱nꞌ nɨꞌɨ, jín ya̱ nísotíñú Cristo ya̱ ñani re̱ꞌ tátúníꞌ‑i. Chi nsi̱kéne re̱ꞌ máá maá kui̱ꞌna̱ꞌ ya̱ xíkóñáꞌán‑a rá ñaniꞌ‑ó jín ku̱ꞌva‑ó ya̱ yɨ́ꞌɨ́ ráa nu̱u̱nꞌ Cristo. Chi nuví niñuꞌ xíkóñáꞌán‑a ráa nu̱u̱nꞌ Ndiosíꞌ‑ó.

Apoclipsis 12:10 ပူးပေါင်းရင်းမြစ်များ

Mateo 26:64

Jee nkachiꞌ Jesús nu̱u̱nꞌ re̱ꞌ: ―Nuꞌuꞌ ví‑i sáni nkachiꞌ kí nú maa, soo káchíꞌ ni̱ꞌ nu̱u̱nꞌ rán ya nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee ne̱ vitan kuniꞌ rán nuꞌuꞌ kuneeꞌ ni̱ꞌ xiín ichi kuáꞌá Ndiosíꞌ ya̱ níso fuersáꞌ ííꞌ nu̱u̱nꞌ nɨꞌɨ, nu̱u̱nꞌ kúñáꞌnú ni̱ꞌ jín re̱ꞌ, jee kuniꞌ rán niji ni̱ꞌ nu̱u̱nꞌ vi̱ko̱ꞌ súkún ―nkachiꞌ Jesús.

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

Mateo 6:10

Na̱ ka̱ꞌ sikíji nú ki̱vɨ̱ꞌ ya̱ tatúníꞌ nú nu̱u̱nꞌ ñɨ̱vɨ́ yaꞌá. Jee saꞌá nú rá tiñu iniꞌ ñɨ̱vɨ́ yaꞌá sáni kuíni nú koo, sánikua̱ꞌ sáꞌá nú antivɨ́ súkún.

Lucas 11:2

Jee nkachiꞌ Jesús nu̱u̱nꞌ ráa: ―Sáá káꞌánꞌ rán jín Ndiosíꞌ, jee suꞌva kachiꞌ rán: Tátáꞌ ránꞌ, [ya̱ nééꞌ antivɨ́ súkún], na̱ ka̱ꞌ kɨñúꞌún ñɨvɨ nu̱u̱nꞌ noꞌó ya̱ ííꞌ kúvi nú. Na̱ ka̱ꞌ sikíji nú ki̱vɨ̱ꞌ ya̱ tatúníꞌ nú nu̱u̱nꞌ rá ñɨvɨ ñɨ̱vɨ́ yaꞌá. [Saꞌá nú rá tiñu iniꞌ ñɨ̱vɨ́ yaꞌá sáni kuíni nú koo sánikua̱ꞌ sáꞌá nú antivɨ́ súkún.]

Lucas 22:31

’Simón, Simón chi, Satanás jíkánꞌ re̱ꞌ nu̱u̱nꞌ Ndiosíꞌ ya̱ saꞌá kini re̱ꞌ ránó kototúníꞌ re̱ꞌ ránó, kuéntáꞌ kua̱ꞌ kísɨ‑ó trigúꞌ sáá náskuíjin maa.

1 Corintios 5:4

Sáá nútútú rán jee ñúꞌúnꞌ iniꞌ ánímaꞌ ni̱ꞌ ránoꞌó kuéntáꞌ íyó ni̱ꞌ jín rán, jee fuersáꞌ níꞌin ííꞌ I̱toꞌoꞌ‑ó Jesús íyó‑o jín ránoꞌó, jee nu̱u̱nꞌ súví I̱toꞌoꞌ‑ó Jesús

2 Corintios 12:9

Soo nkachiꞌ re̱ꞌ nu̱u̱nꞌ ni̱ꞌ: “Íyó nñátin nu̱u̱nꞌ nú ya̱ ma̱ni̱ꞌ iniꞌ ni̱ꞌ néꞌyá ni̱ꞌ noꞌó, ya̱ chíneí chítuvi ni̱ꞌ noꞌó, chi fuersáꞌ ííꞌ ni̱ꞌ síjínu tiñu ni̱ꞌ iniꞌ ñɨvɨ ya̱ táyáꞌ iniꞌ‑i ne̱ tu̱vi nijinꞌ nijia”, nkachiꞌ I̱toꞌoꞌ‑ó. Saáva kúsɨ́ɨꞌ iniꞌ ni̱ꞌ kaꞌanꞌ téyɨ́ɨ́ ni̱ꞌ jie̱ꞌe̱ꞌ táyáꞌ iniꞌ maáníꞌ, sáva sátíñú fuersáꞌ ííꞌ Cristo iniꞌ ni̱ꞌ.

Tito 2:3

Jee suni sukuán xinéꞌénꞌ nú rá ñaꞌan ñáꞌnú, ya̱ kaka na̱a̱ꞌ ráña, ya̱ kɨtíñú ráña nu̱u̱nꞌ Ndiosíꞌ, jín ya̱ nkákuíyuꞌú ráña, jín ya̱ nsú máá tiñu jíꞌi sáꞌá ráña, jín ya̱ xinéꞌénꞌ ráña ya̱ váꞌa,

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

Apoclipsis 11:15

Saájee najiáꞌáꞌ ííꞌ uxáꞌ nti̱vɨ̱ꞌ‑ɨ trompeta‑a, jee nkaꞌanꞌ ni̱ꞌin rá nusuyuꞌú ne̱ antivɨ́ súkún, jee káchíꞌ ráa: ―Ntáká nación íyó ñɨ̱vɨ́ ya̱ tátúníꞌ rá ñɨvɨ ya nna̱kɨ̱ꞌɨ ráa naꞌá máá I̱toꞌoꞌ‑ó Ndiosíꞌ jín Cristo re̱ꞌ, jee maáréꞌ ví ya̱ tátúníꞌ re̱ꞌ nu̱u̱nꞌ ráa nɨ́ɨ́nkání ―káchíꞌ ráa.

Apoclipsis 2:26

’Ñɨvɨ ya̱ kuneí ráa si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jín ya̱ sikúnkuvi na̱a̱ꞌ va̱ꞌa ráa tiñu ni̱ꞌ sáni kuíni ni̱ꞌ ne̱ nu̱u̱nꞌ nɨ́ꞌɨ, saájee saꞌá ni̱ꞌ ya̱ kúñáꞌnú rá ñɨvɨ vá jee tátúníꞌ ráa nu̱u̱nꞌ rá nación.

Apoclipsis 7:10

Saájee kánajíín ni̱ꞌin ráa, jee káchíꞌ ráa: Métúꞌún Ndiosíꞌ‑ó jín Lanchi Lúlí vá kúvi ya̱ síkáku‑u yó nu̱u̱nꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee Ndiosíꞌ ví maáréꞌ ya̱ nééꞌ re̱ꞌ teyuꞌ nu̱u̱nꞌ tátúníꞌ re̱ꞌ.