Apoclipsis 12:1 - Mixteco del suroeste de Tlaxiaco Oaxaca

¹ Saájee ntu̱ví ɨɨn seña a̱nasɨ́ ne̱ antivɨ́ súkún: ɨɨn ñaꞌan yɨ́sukunꞌ ña nka̱niiꞌ kuéntáꞌ ñúꞌún ña saꞌma, jee nééꞌ yo̱o̱ꞌ chi̱ji jie̱ꞌe̱ꞌ ña, jee ñúꞌún xi̱ni̱ꞌ ña ɨɨn corona u̱xu̱ꞌ u̱vi̱ꞌ (12) tiu̱u̱nꞌ.

Apoclipsis 12:1 ပူးပေါင်းရင်းမြစ်များ

Mateo 12:38

Saájee sava rá te̱e fariseo, jín rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, nkachiꞌ ráa nu̱u̱nꞌ Jesús: ―Mestrúꞌ, kuíni ráníꞌ ya̱ saꞌá nú ɨɨn seña a̱nasɨ́ kune̱ꞌyá ránꞌ.

Mateo 24:30

Saájee nuꞌuꞌ ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ jee tu̱vi seña nuꞌuꞌ ne̱ súkún, saájee kunaꞌyuꞌ nɨꞌɨ kuitɨꞌ rá ñɨvɨ ñuunꞌ íyó ñɨ̱vɨ́ yaꞌá, jee kuniꞌ ráa nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee niji ni̱ꞌ nu̱u̱nꞌ vi̱ko̱ꞌ súkún jín kue̱ꞌe̱ꞌ nasɨ́kuitɨꞌ fuersáꞌ ííꞌ níꞌin níso ni̱ꞌ, jín ya̱ viiꞌ nasɨ́kuitɨꞌ kúñáꞌnú ni̱ꞌ ya̱ va̱ne̱ꞌ tu̱u̱nꞌ kujianu̱te̱ꞌ nuva ni̱ꞌ.

Marcos 13:25

jee ku̱te̱ꞌ rá tiu̱u̱nꞌ ne̱ súkún. Jee kajiaꞌ rá fuersáꞌ súkún ya̱ tɨ́ɨn nɨꞌɨ ya̱ íyó súkún.

Lucas 21:11

Jee koo rá ñutáan xéénꞌ nasɨ́kuitɨꞌ, jee kéꞌín nu̱u̱nꞌ kutámá jín kue̱ꞌi̱ꞌ yaꞌá yukuán. Jee koo rá tiñu a̱nasɨ́ xéénꞌ manéátúꞌún jín rá seña mánasɨ́ ne̱ antivɨ́.

Lucas 21:25

’Saájee koo seña nu̱u̱nꞌ nka̱niiꞌ jín nu̱u̱nꞌ yo̱o̱ꞌ jín suni rá tiu̱u̱nꞌ. Jee iniꞌ ñɨ̱vɨ́ yaꞌá koo nasɨ́kuitɨꞌ tu̱nkuíꞌyáꞌ iniꞌ rá ñɨvɨ nta̱ká nación, jee sa̱ꞌvi iniꞌ ráa ya̱ kuyu̱ꞌví ráa ya̱ nɨꞌɨn jiaku nasɨ́kuitɨꞌ nteñúꞌún jín ya̱ ji̱so̱ꞌ nasɨ́kuitɨꞌ nute sikéne‑e vá.

Juan 3:29

Chi te̱e tánáꞌá ví ya̱ íyó re̱ꞌ jín ñaꞌan tánáꞌá jín re̱ꞌ. Soo te̱e ya̱ ma̱ni̱ꞌ jín te̱e tánáꞌá vá jee íñɨ́ re̱ꞌ jín te̱e tánáꞌá vá jee tésóꞌo re̱ꞌ rá tu̱ꞌun káꞌánꞌ‑a. Jee kúsɨ́ɨꞌ nasɨ́kuitɨꞌ iniꞌ re̱ꞌ tésóꞌo re̱ꞌ ya̱ káchíꞌ te̱e tánáꞌá vá. Saájee suni sukuán chítú ya̱ kúsɨ́ɨꞌ iniꞌ ni̱ꞌ.

Hechos 2:19

Jee saꞌá ni̱ꞌ rá a̱nasɨ́ kuvi súkún nu̱u̱nꞌ kúvi súkún ya̱ ti̱vɨ́ xíniꞌ rá ñɨvɨ. Jee saꞌá ni̱ꞌ rá seña a̱nasɨ́ chi̱ji nu̱u̱nꞌ kúvi nu̱u̱nꞌ ñɨ̱vɨ́ ya̱ kuniꞌ ráa ya̱ kúñáꞌnú ni̱ꞌ: chi koo ni̱ñɨ̱ꞌ, jee koo ñuꞌunꞌ, jín vi̱ko̱ꞌ ñu̱ꞌmáꞌ.

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

Romanos 3:22

Chi Ndiosíꞌ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa Jesús ya̱ kúvi Cristo. Sáꞌá Ndiosíꞌ sukuán jín ntáká ráa ya̱ kúneí iniꞌ ráa Cristo chi ntu sɨ́ɨ́n sáꞌá re̱ꞌ jín ɨɨn inka ráa.

2 Corintios 11:2

Chi ñúꞌún kuíñɨ́ iniꞌ ni̱ꞌ néꞌyá ni̱ꞌ ránoꞌó, sáni kuíñɨ́ iniꞌ maá Ndiosíꞌ néꞌyá re̱ꞌ ránoꞌó. Chi nsa̱ꞌá ni̱ꞌ kuéntáꞌ te̱e jíka na̱ꞌvi̱ꞌ, chi njia̱ꞌayuꞌú ni̱ꞌ ku̱ꞌva ni̱ꞌ ránoꞌó nu̱u̱nꞌ métúꞌún Cristo, kuéntáꞌ kúvi re̱ꞌ yɨɨ́ rán, ku̱ꞌva ni̱ꞌ ránoꞌó nu̱u̱nꞌ re̱ꞌ kuéntáꞌ jiáꞌa ráa ɨɨn ñaꞌan núún íyó ninuꞌun nu̱u̱nꞌ yɨɨ́ ña.

Gálatas 3:27

Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo.

Gálatas 4:26

Soo ñuunꞌ Jerusalén íyó súkún, ñuunꞌ íñɨ́ núne ví‑i kuéntáꞌ ñasɨ́ꞌɨ́ Abraham ya̱ ntu kúvi ña musúꞌ ya̱ ntu kéꞌen ñɨvɨ. Jee kúvi‑ó se̱ꞌya ñuunꞌ vá, kuéntáꞌ náánꞌ‑ó kúvi‑i.

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.

Efesios 5:32

Jee tu̱ꞌun kúñáꞌnú nasɨ́kuitɨꞌ ka̱ꞌ kúvi tu̱ꞌun nyɨse̱ꞌí vá, chi káꞌánꞌ ni̱ꞌ tu̱ꞌun yaꞌá jie̱ꞌe̱ꞌ ɨɨn ni kúvi Cristo jín maáórán ya̱ kúneí iniꞌ‑ó re̱ꞌ.

Apoclipsis 1:20

Vitan jee stúvi ni̱ꞌ ntáká rá tu̱ꞌun ñúyuꞌuꞌ iniꞌ ni̱ꞌ, ná kúníꞌ kachiꞌ jie̱ꞌe̱ꞌ ni uxáꞌ rá tiu̱u̱nꞌ ya̱ niniꞌ nú ya̱ ínaꞌá ni̱ꞌ ichi naꞌá kuáꞌá ni̱ꞌ, jín jie̱ꞌe̱ꞌ ni uxáꞌ rá kantilerúꞌ oro: ni uxáꞌ rá tiu̱u̱nꞌ vá kúvi‑i ni uxáꞌ rá kúñáꞌnú ya̱ néen kuéntáꞌ ráa ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ni uxáꞌ rá kantilerúꞌ vá kúvi‑i ni uxáꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ.

Apoclipsis 11:19

Saájee nine veñu̱ꞌun Ndiosíꞌ ya̱ íyó antivɨ́ súkún nu̱u̱nꞌ nééꞌ re̱ꞌ. Jee iniꞌ veñu̱ꞌun re̱ꞌ túvi ya̱tu̱nꞌ nu̱u̱nꞌ ñúꞌún tratúꞌ ya̱ nchi̱sóyuꞌú re̱ꞌ. Jee jiánu̱te̱ꞌ sáꞌá tajia, jee nɨ́ꞌɨn xá jiáku kéꞌín nusuyuꞌú, jee káni tajia, jee táan, jee kúun víꞌí ñɨ́ñɨ́.

Apoclipsis 12:3

Jee kuíre tukuni ntu̱ví inka ka̱ꞌ seña ne̱ antivɨ́ súkún: ɨɨn ko̱o̱ꞌ kuéꞌé káꞌnú mánasɨ́ naní dragón. Jee u̱xa̱ꞌ xi̱ni̱ꞌ ti̱ꞌ, jee u̱ji̱ꞌ nikɨ ti̱ꞌ. Jee u̱xa̱ꞌ corona jee ɨɨn corona ñúꞌún ta xi̱ni̱ꞌ ti̱ꞌ.

Apoclipsis 15:1

Saájee niniꞌ ni̱ꞌ inka ka̱ꞌ seña ne̱ antivɨ́ súkún, ya̱ mánasɨ́ nijia ya̱ tívɨ́ xíniꞌ ni̱ꞌ. Chi íñɨ́ u̱xa̱ꞌ najiáꞌáꞌ ííꞌ Ndiosíꞌ, ya̱ va̱ji ráa jín ni uxáꞌ tu̱nóꞌó ya̱ ku̱ꞌva ráa kunoꞌo rá ñɨvɨ. Jee tu̱nóꞌó nu̱u̱nꞌ nɨ́ꞌɨ kúvi‑i chi sáá nɨꞌɨ rá tu̱nóꞌó yukuán jee stu̱ꞌúꞌ Ndiosíꞌ rá tu̱nóꞌó xéénꞌ jie̱ꞌe̱ꞌ kítɨ́ꞌ iniꞌ re̱ꞌ jie̱ꞌe̱ꞌ rá ñɨvɨ kua̱chi.

Apoclipsis 21:14

Jee nu̱u̱nꞌ nsamaꞌ ti̱yu̱ꞌ yuꞌú ñuunꞌ vá, jee jie̱ꞌe̱ꞌ nu̱u̱nꞌ nsamaꞌ vá yɨ́ꞌɨ́ u̱xu̱ꞌ u̱vi̱ꞌ (12) yu̱u̱ꞌ máá náꞌnú víꞌí yósóꞌ táꞌán. Jee nu̱u̱nꞌ yu̱u̱ꞌ náꞌnú vá nééꞌ súví rá ni uxúꞌ u̱vi̱ꞌ (12) rá apóstol nchu̱ichí maáréꞌ ya̱ kúvi re̱ꞌ Lanchi Lúlí Ndiosíꞌ.

Apoclipsis 21:23

Jee ñuunꞌ vá ntu̱ví jíniñúꞌún‑u ya̱ kujianu̱te̱ꞌ nka̱niiꞌ ni yo̱o̱ꞌ maa. Chi máá nuva Ndiosíꞌ túúnꞌ nu̱u̱nꞌ‑u. Jee maáréꞌ ya̱ kúvi re̱ꞌ Lanchi Lúlí, suvire̱ꞌ kúvi ñuꞌunꞌ ya̱ túúnꞌ yukuán.