Apoclipsis 11:8 - Mixteco del suroeste de Tlaxiaco Oaxaca

⁸ Jee rá ni̱yɨ ráa kava iniꞌ ichi ñuunꞌ káꞌnú vá, ya̱ káchíꞌ rá ñɨvɨ ya̱ ñuunꞌ vá kúvi kuéntáꞌ rá ñuunꞌ Sodoma jín Egipto, chi nu̱u̱nꞌ ñuunꞌ yukuán ñaꞌniꞌ rá ñɨvɨ I̱toꞌoꞌ ni núvíꞌ ráa jee nni̱ntakaa re̱ꞌ nu̱u̱nꞌ kurúsiꞌ.

Apoclipsis 11:8 ပူးပေါင်းရင်းမြစ်များ

Génesis 13:13

Jee rá ñɨvɨ Sodoma nkuvi ráa ñɨvɨ kánéꞌén, jee sáꞌá nasɨ́kuitɨꞌ ráa kua̱chi nu̱u̱nꞌ I̱toꞌoꞌ‑ó.

Génesis 19:24

jee nsa̱ꞌá Ndiosíꞌ ya̱ kuun yu̱u̱ꞌ sufríꞌ káyúꞌ‑u jín ñuꞌunꞌ itaꞌ ne̱ súkún ne̱ rá ñuunꞌ Sodoma jín Gomorra,

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Hechos 9:4

I̱ña̱jée nna̱niso re̱ꞌ nu̱u̱nꞌ ñuꞌun jee nteso̱ꞌo re̱ꞌ ɨɨn ta̱chi̱ꞌ yuꞌú ya̱ nkachiꞌ nu̱u̱nꞌ re̱ꞌ: ―¡Saulo! ¡Saulo! ¿Na̱ kuvi chi jíto u̱ꞌvi̱ꞌ nú nuꞌuꞌ?

Hebreos 13:12

Jee suni sukuán nnoꞌo Jesús ne̱ yuñúúnꞌ jee ni̱ꞌi̱ꞌ re̱ꞌ ñatɨ ni̱ñɨ̱ꞌ re̱ꞌ, sáva jín ni̱ñɨ̱ꞌ maáréꞌ sasɨ́ɨ́n re̱ꞌ ñɨvɨ nu̱u̱nꞌ kua̱chi ráa sáva kuvi ráa ñɨvɨ Ndiosíꞌ.

Hebreos 6:6

Jee retú kusɨ́ɨ́n ráa xinóo ráa Tu̱ꞌun Ndiosíꞌ, jee ni nsáꞌ kúvi ka̱ꞌ naxiníji tuku‑ó ráa nakani iniꞌ ráa sáva kunikɨnꞌ ráa Ndiosíꞌ. Chi ya̱ sukuán jee kuéntáꞌ maáráa nákaꞌniꞌ tuku ráa Se̱ꞌya Ndiosíꞌ nu̱u̱nꞌ kurúsiꞌ. Jee jiáꞌa ráa tu̱nkánuun re̱ꞌ nu̱chitú.

2 Pedro 2:6

Jee nsi̱jíta Ndiosíꞌ rá ñuunꞌ Sodoma jín Gomorra nxi̱nááꞌ re̱ꞌ ráa chi nte̱ñuꞌunꞌ re̱ꞌ ráa ne̱ nkuvi ráa ya̱a̱ꞌ. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa.

Judas 1:7

Jee suni sukuán nnoꞌo rá ñuunꞌ Sodoma jín Gomorra jín rá ñuunꞌ káá ni̱kótíyu rá ñuunꞌ yukuán. Chi rá ñɨvɨ rá ñuunꞌ yukuán, nsa̱ꞌá téní ráa jee nki̱vɨ ráa ñujiínꞌ xeꞌne. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa nu̱u̱nꞌ ñuꞌúnꞌ xéénꞌ nɨ́ɨ́nkání.

Apoclipsis 11:13

Jee maa hora yukuán nta̱an víꞌí, jee nta̱nɨ̱ꞌ ɨɨn ya̱ ujíꞌ pedasúꞌ ñuunꞌ vá, nsa̱ꞌá ñutáan vá. Jee u̱xa̱ꞌ mil (7000) rá ñɨvɨ ni̱ꞌi̱ꞌ. Jee sava ka̱ꞌ rá ñɨvɨ ya̱ nkino̱o tékúꞌ nyu̱ꞌví ráa, jee nna̱kuetúꞌún ráa Ndiosíꞌ ya̱ kúñáꞌnú re̱ꞌ nééꞌ re̱ꞌ antivɨ́ súkún.

Apoclipsis 11:9

Saájee rá ñɨvɨ va̱ji nu̱u̱nꞌ kéꞌín ñuunꞌ, jín kéꞌín nu̱u̱nꞌ rá tataꞌ, jín rá ñɨvɨ ya̱ káꞌánꞌ sɨ́ɨ́n sɨ́ɨ́n nu̱u̱nꞌ tu̱ꞌun nkaku ráa, jín rá ñɨvɨ kéꞌín nación, kune̱ꞌyá ráa rá ni̱yɨ rává ne̱ u̱ni̱ꞌ ki̱vɨ̱ꞌ sava, jee nsáꞌ ku̱ꞌvayuꞌú ráa ya̱ kɨ̱se̱ꞌí rá ñɨvɨ rá ni̱yɨ rává.

Apoclipsis 14:20

Jee ne̱ yuñúúnꞌ xinóꞌo re̱ꞌ rá ñɨvɨ vá, jee katɨ ni̱ñɨ̱ꞌ ráa kaka‑a kɨ̱ꞌɨ̱nꞌ‑ɨ, kuéntáꞌ kua̱ꞌ jíka nu̱xi uva sáá jíꞌni maa jee kéne nu̱xi yukuán. Jee ni̱ñɨ̱ꞌ ráa vá kaa kenta‑a ne̱ nu̱u̱nꞌ nééꞌ yoꞌo ñúꞌún yuꞌú kitɨ, jee kaka ni̱ñɨ̱ꞌ vá ne̱ u̱ni̱ꞌ sientúꞌ (300) kilómetro.

Apoclipsis 14:8

Saájee inka ka̱ꞌ najiáꞌáꞌ ííꞌ ya̱ uvíꞌ, níkɨ́nꞌ maa, káchíꞌ‑i: ―¡Ya nnaanꞌ! ¡Ya nnaanꞌ!, ñuunꞌ káꞌnú ya̱ kúvi Babilonia ñáꞌnú, chi nxi̱tá ráa rá ñɨvɨ ntáká nación xinóo rává Ndiosíꞌ jee kuneñu̱ꞌun rává inka ka̱ꞌ, kuéntáꞌ jísóꞌ ni̱ñɨ̱ꞌ ráa nsa̱ꞌá téní ráa nsi̱jíta ráa xi̱ni̱ꞌ rá ñɨvɨ ntáká nación, kuéntáꞌ njia̱ꞌa ráa nixiꞌ vinúꞌ niꞌi rává ne̱ ni̱ni rává ―nkachiꞌ‑i.

Apoclipsis 16:19

Jee ñuunꞌ ñáꞌnú ya̱ kúvi Jerusalén nku̱sɨ́ɨ́n‑ɨ ne̱ u̱ni̱ꞌ pedasúꞌ. Jee rá ñuunꞌ íyó ñɨ̱vɨ́ nta̱nɨ̱ꞌ ráa. Jee nna̱ku̱ꞌun iniꞌ Ndiosíꞌ ñuunꞌ ñáꞌnú Babilonia sáva ku̱ꞌva re̱ꞌ ntántúníꞌ tu̱nóꞌó xéénꞌ kunoꞌo ráa jie̱ꞌe̱ꞌ kítɨ́ꞌ víꞌí iniꞌ re̱ꞌ, ya̱ kúvi kuéntáꞌ ku̱ꞌva re̱ꞌ nixiꞌ xe̱e̱nꞌ koꞌo ráa.

Apoclipsis 17:1

Saájee ɨɨn rá ni uxáꞌ najiáꞌáꞌ ííꞌ ya̱ ínaꞌá rá ni uxáꞌ ko̱ꞌo̱ꞌ vá nkenta‑a nu̱u̱nꞌ nuꞌuꞌ, Juan, jee nkachiꞌ‑i nu̱u̱nꞌ ni̱ꞌ: ―Neꞌenꞌ, jee stúvi ni̱ꞌ na̱ja teꞌneꞌ kua̱chi kunoꞌo máá ñaꞌan sɨ̱ɨ̱ꞌ iniꞌ ya̱ xíkó ña maáña ya̱ nééꞌ ña nu̱u̱nꞌ íyó víꞌí rá nute.

Apoclipsis 17:18

Jee ñaꞌan ya̱ niniꞌ nú, suviña kúvi ñuunꞌ ya̱ maá kúñáꞌnú ka̱ꞌ tátúníꞌ‑i nu̱u̱nꞌ ntáká rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ ñáꞌnú ya̱ íyó ñɨ̱vɨ́ yaꞌá ―nkachiꞌ najiáꞌáꞌ ííꞌ.

Apoclipsis 17:5

Jee te̱e̱nꞌ ña níso rá tu̱ꞌun: Tu̱ꞌun yuꞌuꞌ Babilonia ya̱ ñáꞌnú ka̱ꞌ, nánáꞌ nu̱u̱nꞌ ntáká rá tiñu sɨ́ɨ́ꞌ iniꞌ jín nu̱u̱nꞌ rá tiñu néꞌí iniꞌ ñɨ̱vɨ́ yaꞌá. Káchíꞌ tu̱ꞌun vá.

Apoclipsis 18:10

Jee kuiñɨ íká ráa chi kuyu̱ꞌví ráa rá tu̱nóꞌó kunoꞌo víꞌí rá ñɨvɨ ñuunꞌ vá, jee kachiꞌ ráa: ¡Na̱ ka̱ꞌ náꞌví náꞌví ka̱ꞌ ñuunꞌ káꞌnú!, ya̱ kúvi Babilonia ya̱ nkuvi ñuunꞌ ya̱ níyo nasɨ́kuitɨꞌ fesáꞌ nékúvi, chi métúꞌún hora ni nkenta kuna̱a̱ꞌ kua̱chi nú.

Apoclipsis 18:18

Jee sáá néꞌyá ráa ya̱ kéne ñu̱ꞌma̱ꞌ ya̱ káyúꞌ ñuunꞌ vá, jee kanajíín ráa, jee kachiꞌ ráa: “¿Né ɨɨn ñuunꞌ vá kúñáꞌnú kuéntáꞌ ñuunꞌ yaꞌá rúja? ¡Ni ntu̱ví!”, kachiꞌ ráa.

Apoclipsis 18:2

Jee ni̱ꞌin nka̱najíín re̱ꞌ jee nkachiꞌ re̱ꞌ: ¡Ya nnaanꞌ! ¡Ya nnaanꞌ!, ñuunꞌ káꞌnú ya̱ kúvi Babilonia ñáꞌnú, jee nkenta kuvi‑i nu̱u̱nꞌ nééꞌ rá kui̱ꞌna̱ꞌ ntu íyó ninuꞌun, jín nu̱u̱nꞌ yɨ́ꞌɨ́ ntáká nu̱u̱nꞌ rá ta̱chi̱ꞌ kákini, jín nu̱u̱nꞌ yɨ́ꞌɨ́ ntáká nu̱u̱nꞌ rá kitɨ kákini íyó chi̱yo̱ꞌ ya̱ ntu íyó ninuꞌun, [jín nu̱u̱nꞌ yɨ́ꞌɨ́ ntáká nu̱u̱nꞌ rá kitɨ kákini] íyó néꞌí.

Apoclipsis 18:21

Saájee ɨɨn najiáꞌáꞌ ííꞌ ya̱ níso nasɨ́kuitɨꞌ re̱ꞌ fesáꞌ ííꞌ nna̱neꞌen‑e ɨɨn yu̱u̱ꞌ mánasɨ́ ya̱ íyó kuéntáꞌ yu̱u̱ꞌ yo̱sóꞌ molínúꞌ, jee nsi̱kéne‑e vá nu̱u̱nꞌ nteñúꞌún, jee nkachiꞌ‑i: Suni suꞌva xe̱e̱nꞌ kinaanꞌ ñuunꞌ Babilonia, ya̱ kúvi ñuunꞌ kúñáꞌnú ka̱ꞌ. Jee ni nsáꞌ kuniꞌ‑ó ka̱ꞌ maa.

Apoclipsis 18:24

Chi níso rá ñɨvɨ ñuunꞌ nú kua̱chi ni̱yɨ si̱kɨ̱ꞌ ráa, jie̱ꞌe̱ꞌ ñaꞌniꞌ ráa rá ñɨvɨ ya̱ nna̱kani ráa tu̱ꞌun nkene yuꞌú Ndiosíꞌ, jín rá ñɨvɨ ya̱ nsa̱ꞌá sɨ́ɨ́n re̱ꞌ kɨꞌɨ ráa nu̱u̱nꞌ re̱ꞌ, jín ntáká ka̱ꞌ rá ñɨvɨ ya̱ ñaꞌniꞌ ráa né ni ví nkuvi iniꞌ ñɨ̱vɨ́, nkachiꞌ najiáꞌáꞌ ííꞌ vá.