Apoclipsis 11:6 - Mixteco del suroeste de Tlaxiaco Oaxaca

⁶ Jee níso ni núvíꞌ ráa fesáꞌ ííꞌ ya̱ kuvi kasɨꞌ ráa súkún ya̱ ni nsáꞌ ku̱u̱n ka̱ꞌ sa̱vi̱ꞌ ntáká rá ki̱vɨ̱ꞌ ya̱ kachitu̱ꞌún ráa tu̱ꞌun kene yuꞌú máá maá Ndiosíꞌ. Jee suni níso ráa fesáꞌ ííꞌ ya̱ kuvi saꞌá ráa ya̱ nuvi ntáká rá nute ni̱ñɨ̱ꞌ. Jín suni kuvi saꞌá ráa ya̱ kunoꞌo ñɨvɨ iniꞌ ñɨ̱vɨ́ nta̱ká nu̱u̱nꞌ rá tu̱nóꞌó, ntáká íchí na̱ja kua̱ꞌ kuíni iniꞌ maáráa.

Apoclipsis 11:6 ပူးပေါင်းရင်းမြစ်များ

Lucas 4:25

Jee káchíꞌ ni̱ꞌ ya̱ íyó nijia ya̱ kue̱ꞌe̱ꞌ víꞌí rá ñaꞌan nkino̱o náꞌví nu̱u̱nꞌ ñuunꞌ Israel, tiempúꞌ ntekuꞌ Elías, sáá nna̱kani‑i tu̱ꞌun njíaꞌa Ndiosíꞌ nu̱u̱nꞌ‑u. Jee tiempúꞌ yukuán, jee íchíni ntu nkúun sa̱vi̱ꞌ u̱ni̱ꞌ kui̱ya̱ꞌ i̱ñu̱ꞌ yo̱o̱ꞌ, jee nkuvi ta̱ma̱ꞌ xéénꞌ víꞌí kua̱íyó kuitɨꞌ nu̱u̱nꞌ ñu̱ꞌún.

Apoclipsis 11:3

Jee ku̱ꞌva ni̱ꞌ tiñu kuniso ni uvíꞌ te̱e ni̱ꞌ sáva naku̱ꞌva ráa ya̱ naáꞌ jie̱ꞌe̱ꞌ tu̱ꞌun ni̱ꞌ. Jee ɨɨn mil u̱vi̱ꞌ sientúꞌ u̱ni̱xiko (1,260) ki̱vɨ̱ꞌ kachitu̱ꞌún ráa tu̱ꞌun kene yuꞌú ni̱ꞌ. Jee kuꞌun ráa saꞌma nayɨ́ ya̱ stúvi‑i ya̱ kukúeká iniꞌ ráa jie̱ꞌe̱ꞌ kua̱chi sáꞌá rá ñɨvɨ ―nkachiꞌ Ndiosíꞌ.

Apoclipsis 16:3

Jee ya̱ uvíꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ nteñúꞌún, jee nnuvi nute vá ni̱ñɨ̱ꞌ kuéntáꞌ íyó ni̱ñɨ̱ꞌ ni̱yɨ. Jee ni̱ꞌi̱ꞌ kua̱íyó rá tékúꞌ ñúꞌún nu̱u̱nꞌ nute vá.

Apoclipsis 16:4

Jee ya̱ uníꞌ najiáꞌáꞌ ííꞌ nsi̱kúténuun‑u tu̱nóꞌó ñúꞌún iniꞌ ko̱ꞌo̱ꞌ‑o nu̱u̱nꞌ rá ntekáꞌnú, jín nu̱u̱nꞌ kéne rá nute, jee nnuvi rá nute vá ni̱ñɨ̱ꞌ.

Apoclipsis 8:8

Jee najiáꞌáꞌ ííꞌ uvíꞌ nti̱vɨ̱ꞌ‑ɨ trompeta‑a. Jee ɨɨn ya̱ íyó kuéntáꞌ ɨɨn yuku máá káꞌnú tɨ́ɨn ñuꞌunꞌ itaꞌ maa káyúꞌ‑u, jee nsi̱kéne maa nkininkava‑a nu̱u̱nꞌ nteñúꞌún. Jee ɨɨn ya̱ uníꞌ parte nteñúꞌún nnuvi maa ni̱ñɨ̱ꞌ nsa̱ꞌá‑a.